Pagbabaon ng buto ng matamis na prutas...

Ginagawa sa selebrasyon ng Fall Equinox para gumanda ang career

ni Sr. Socrates Magnus II - @Karunungang Lihim| September 27, 2020

Bigyang-daan natin ang ilang impormasyon na maaaring makatulong para gumanda ang ating buhay.

Noong Setyembre 22, naganap ang Fall Equinox kung kailan nagpantay ang haba ng nighttime at daytime.

Bago ito, ang nighttime ay mas mahaba kaysa sa daytime, kumbaga, ang gabi ay mas mahaba kaysa sa araw.

Noon pa man, ipinagdiriwang na ng mga sinaunang tao ang pagdating ng Fall Equinox. Sa salitang pagdiriwang, ibig sabihin ay nagsasaya sila na kakaibang pagsasaya at ito ay maihahalintulad sa fiesta.

Ang bonggang pagsasaya ay umaabot sa susunod na kabilugan ng buwan o full moon.

Ipinagdiriwang ang Fall Equinox kung saan ang nasa isip ay mawala na ang mga pangit na pangyayari na kanilang nararanasan, lumayo ang mga salot sa mundo at magkaroon ng masaganang ani.

Ito ang mga ginagawa sa selebrasyon ng Fall Equinox:

● Nagsusot ng bagong damit o kasuotan.

● Nagbibigay ng masasayang pagbati at masayang kumustahan ang mga tao. Ang masayang pagbati ay “Hi” at “Hello”, gayundin ang “Kumusta ka?”

● Pinatatawad ang mga nagawang kasalanan ng kapwa, as in, nagpapatawaran ang mga tao.

● Nagbibigay ng mga regalo.

● Ang mga may-kaya ay namimigay ng pera o mga ani tulad bigas, mais, trigo at prutas.

● Dinadalaw ang mga kaibigan, kamag-anak at malalapit sa puso na nasa malayo at sila ay may bitbit na regalo.

● Nagsasalu-salo sa labas ng bahay, hardin o bakuran.

● Nag-iinuman ang mga tao, pero hindi naglalasing.

May mga bagay naman na ginagawa para sa sariling kaligayahan:

1. Nagbabaon ng buto sa lupa mula sa matamis na prutas para mas gumanda pa ang career.

2. Inaalis ang mga petals ng bulaklak at ibinabaon din sa lupa para magkaroon ng kasintahan o makapag-asawa na ang mga single.

3. Nagbabaon ng buong prutas na bilog para bumalik ang mahal sa buhay na umalis o naagaw ng iba.

4. Nagbabaon ng kambal na buto sa lupa para magkaroon ng anak.

5. Naghahagis ng mga dinurog na dahon ng mga halamang “evergreen” para magpatuloy ang magandang buhay na tinatamasa.

6. Ang mga halamang evergreen at kahit anong halaman na nananatiling kulay berde ang mga dahon kahit sumapit ang tag-ulan, tag-init, tag-lamig at tagtuyot.

May ilan pang mga puwedeng gawin. Gayunman, sapat na ang mga nasa itaas para makinabang ang tao sa nagaganap ngayon.

Good luck!

Alamin mula kay Señor... Senyales na may balak mag-suicide ang mahal sa buhay

ni Sr. Socrates Magnus II - @Karunungang Lihim| September 20, 2020

Bigyang-daan natin ang ilang mahahalagang kaalaman tungkol sa pagkitil ng sariling buhay o suicide.

Nakaaalarma ang bilang ng mga nagsu-suicide sa buong mundo, lalo na sa ating bansa. Ito ay kinumpirma ng mga awtoridad ng ating pamamahalaan at inaayunan ng mga opisyales ng Simbahan.

On the ground o sa mismong mga pamayanan, ang mga nagsu-suicide ay regular nang balita sa mamamayan.

Bagama’t marami nagtangkang mag-suicide, ang ilan ay tuluyang namatay. Gayundin, may ilang hindi pa aktuwal na nagtatangka, pero may namumuong ideya sa kanilang isipan na sa hirap ng sitwasyon, kamatayan lang ang solusyon.

Ang mga palatandaan na nasa isip ng isang tao ang mag-suicide ay ang mga sumusunod:

1. Kitang-kita na buhay na buhay at masigla, pero minsan ay nasasabi niya na “I wish I hadn’t been born.” Ang tawag dito ay “slip of the tongue.” Kumbaga, parang wala siyang problemang iniinda, pero ang totoo, may dinadala siyang mabigat na suliranin.

2. Siya ay malakas tumawa, pero ang kanyang tawa ay hindi totoo. Ibig sabihin, habang siya ay tumatawa, walang saya ang kanyang mga mata.

3. Malakas kumain na parang hindi nabubusog at maya-maya lang, siya ay kakain nang kakain. Kumbaga, parang buntis na naglilihi sa isang klase ng bagay o pagkain ang gustong kainin.

4. Lakad nang lakad, pero wala namang pinupuntahan kaya balik lang din nang balik.

5. Paulit-ulit ang kuwento at ang bida ay walang iba kundi siya.

Ang mga nasa itaas ay medyo mahirap tukuyin dahil kailangan pang pag-aralan ang natural na personalidad ng tao. Gayunman, halos 100% na magsu-suicide ay ang mga sumusunod:

• Sobrang haba ng Sloping Head Line at umabot na sa gilid ng palad.

• Sobrang haba ng Slanting Head Line at umabot na sa bandang ibaba ng gilid ng palad.

• Sobrang haba ng Heart Line na umabot sa gilid ng palad sa pagitan ng bahagi ng palad sa ibaba ng hintuturo at itaas ng hinlalaki.

• Sobrang haba ng malalambot na daliri.

Mahirap hadlangan ang pagsu-suicide, pero kung makikita ang mga palatandaan, ang kailangan ay bigyang-saya at kung magagawa ito, masasabi o maihahayag niya ang lahat ng kanyang saloobin.

Kaya maganda kung maikukuwento niya ang kanyang naging buhay, kasalukuyang buhay at ang posibleng kanyang kinabukasan. Gayundin, ang kausap o pagkukuwentuhan ay dapat na nakatitig sa pagitan ng kanyang mga mata.

Kaya pang maalis ang kaisipan na suicide ang solusyon sa kanyang buhay kung pagtitiyagaan ng malapit sa kanya na magkaroon ng mahabang kuwentuhan. Kung puwede ay halos buong araw o pa-morningan ang kuwentuhan.

Mahirap paniwalaan ang nasa itaas, pero ang mga ito ay subok na at epektibo.

Good luck!

Alamin: panahon kung kailan nanalasa ang epidemyang pumatay sa milyun-milyong tao

ni Sr. Socrates Magnus II - @Karunungang Lihim| September 2, 2020

Bigyang-daan natin ang pagpapatuloy sa pagtalakay ng mga bagay na kailangang gawin ng tao, may COVID-19 pandemic man o wala.

Paulit-ulit lang ang kasaysayan at sabi nga, “history repeats itself.” Makikitang tuwing ang mga tao ay naaalipin, nagpapadala ng salot si God. Ito ang makikita sa kuwento ng dakilang propeta na si Moses at ang hari ng Ehipto na ayaw palayain ang mga kababayan ni Moses.

Sinabi ni Moses, kung patuloy n’yong gagawing alipin ang mga tao ni God, padadalahan kayo ng salot. Hindi naniwala ang hari kaya ang nangyari, ang buong Ehipto ay dinalaw ng salot.

Sa panahon ng Dark Ages ay ganundin. Ang mga tao ay alipin ng Simbahan at monarkiya kung saan nawala ang dignidad ng tao at masasabing hindi na siya tunay na tao. Sila ay mga bulag at tagasunod ng Simbahan at hari kung saan sila rin ang may-ari ng malalaking lupain at negosyo.

Ang humihiling ng kalayaan ay pinarurusahan at ang ayaw nang maging alipin ay lalong inaapi. Walang magawa ang mga tao kundi mabuhay nang alipin kahit ayaw nila.

Sa ganitong sitwasyon, dumating sa mundo ang isang salot na kung tawagin ay “Black Death”. Ito ay isang epidemya na umatake sa Europe at Asia. Una itong dumating sa Europe noong October, 1347 nang ang labing-dalawang barko mula sa Black Sea ay umangkla sa Sicilian Port of Messina.

Masayang sinalubong ng tao ang mga barko, pero ang kanilang saya ay napalitan ng sobrang takot. Halos lahat ng sailor ay patay at ang mga nakita nilang buhay pa ay grabe ang sakit, dumadaing at nagmamakaawa dahil ang buong katawan nila ay punumpuno ng bukol na parang pigsa na malalaki at maliliit.

Lumalabas sa parang pigsa ang mga nana o pus na umaagos na may kahalong dugo. Iniutos ng mga awtoridad na alisin sa pier ang mga barko, pero huli na dahil sa sumunod na mga taon, ang Black Death ay pumatay ng mahigit 20 milyong tao sa Europe at katumbas ito ng 1/3 ng populasyon sa nasabing kontinente.

Ang totoo, hindi pa man dumadaong sa Sicilian Port ang mga barko, nakaririnig na ng mga balita na tungkol sa “Great Pestilence” na nakamamatay at nananalansa sa ruta ng trading o ruta ng komersyo sa Near East and Far East at nakapaminsala na sa China, India, Persia, Syria at Egypt.

Ang Great Pestilence na ito ay ang Black Death.

Ang Europe ay hindi nakahanda sa ganitong salot, wala silang kakayahan kahit na ang mga bansa rito ang sinasabing pinakamayaman. Ang mga taga-Europe na akala nilang nabubuhay sa kalinisan ay hindi pa nakakikita ng ganito kaduming karamdaman.

Sa una, may kaunting pamamaga na pamumula sa balat, singit at kilikili na lumalaki ng halos kasing-laki ng pangkaraniwang mansanas. Ang iba ay kasing-lalaki ng itlog.

Ang iba ay marami na makikita sa iisang tao, sa iba naman ay kaunti lang pero hindi umaabot sa sampu.

Kumikintab ito at tulad ng pigsa na kapag nahinog ay kusang lumalabas ang pus o mga nana. Natakot din ang mga doktor dahil marami sa hanay nila ang nabiktima ng epidemya.

Tulad ng nararanasan natin sa COVID-19 pandemic, maraming mga doktor at nurses ang mga tinamaan ng sakit at namatay.

Itutuloy