5 Benepisyo ng pagbibisikleta

ni Mharose Almirañez | June 16, 2022

Bisikleta ang naging alternatibong paraan ng transportasyon noong ipinagbawal ang pagpasada ng mga pampublikong sasakyan sa ilalim ng enhanced community quarantine (ECQ) dahil sa paglaganap ng COVID-19 sa bansa.

Ayon pa kay Department of Health (DOH) Undersecretary Ma. Rosario Vergeire, “Hindi lamang alternatibong paraan ng transportasyon ang bisikleta, ang palagiang pagbibisikleta ay ehersisyo rin na makakatulong upang tumaas ang ating immune system, na lalo tayong inihahanda sa paglaban sa COVID-19 virus.”

Bilang karagdagang impormasyon, narito ang iba’t ibang benepisyo na maaari nating makuha sa pagbibisikleta:

1. NAKAKATULONG PARA MAGING PHYSICALLY HEALTHY. Ang pagbibisikleta ay mainam upang mabawasan ang risk sa cardio-vascular disease at iba pang karamdaman. Nakabubuti ito sa ating puso, baga at daloy ng dugo. Nakakapayat o nakakabawas din ito ng timbang dahil sa nasusunog na calories. Napatitibay din nito ang ibabang bahagi ng ating katawan, tulad ng quads, glutes, hamstrings at calves. Gaya ng nabanggit, ang pagbibisikleta ay katumbas ng pag-e-ehersisyo, kaya malaki ang tsansang ma-achieve ang iyong pinapangarap na chest, butt, waist and muscles.

2. NAKAKAAYOS NG MENTAL HEALTH. Maaari mong maging sandalan ang iyong bisikleta sa tuwing ikaw ay nababagabag. Ipadyak mo lang ang iyong mga paa at hayaan ang manibela’t pedal na mag-guide sa ‘yong lumilipad na isip. Matapos ang pagmumuni-muni sa mahabang biyahe, hindi mo namamalayang nagiging fresh na ang iyong utak at nahanap mo na rin ang sagot sa ‘yong agam-agam.

3. NADE-DEVELOP ANG SOCIALIZATION SKILLS. Ito ‘yung bonding na maituturing sa tuwing may kasama kang magbisikleta. Puwede kayong mag-rides sa highway, bundok, zigzag road, at kung saan-saang lupalop ng bansa. Puwede ka ring sumali sa marathon.

4. ECO-FRIENDLY. Kumbaga, walang usok na lalabas mula sa tambutso kaya makakabawas ka sa mga contributor ng air pollution. Menos gastos na rin dahil hindi mo na kailangang magpagasolina sa iyong bisikleta.

5. TIMESAVER. ‘Di hamak na mas mabilis ang biyahe gamit ang bisikleta kung ikukumpara sa mga sasakyang may apat na gulong. May sarili ring linya ang mga nagbibisikleta sa highway kaya sobrang tipid talaga sa oras dahil sa napaka-smooth na takbo.

So, beshie, kung hindi ka pa marunong magpatakbo ng bisikleta ay simulan mo na itong pag-aralan ngayon!

Iba’t ibang dahilan ng pagiging makalimutin

ni Jersy L. Sanchez - @Life & Style| June 13, 2022

Madalas nating ginagawang biro na ang pagiging makalimutin ay signs of aging. Well, kahit medyo true naman ito, alam n’yo ba na marami pang dahilan kaya nagkakaroon ng short-term memory loss?

Yes, mga besh! At take note, hindi ito biro-biro lang dahil maraming seryosong dahilan kaya ito nararanasan ng ilan, at may mga causes din na kailangang aksiyunan.

Kaya naman, narito ang ang ilang dahilan ng short-term memory loss at ang mga dapat gawin upang labanan ito:

1. HEAD INJURY. Ayon sa mga eksperto, ang memory loss, mapa-short-term o long-term man ay pangunahing sintomas ng concussion. Ang concussion ay isang uri ng brain injury na maaaring resulta ng anumang malakas o immediate impact sa ulo, tulad ng car accident, sports injury o pagkakabagsak. Samantala, bagama’t nawawala rin ang short-term memory loss pagkalipas ng ilang buwan, walang paraan para mapabilis ang pagbalik ng alaala. Gayunman, ‘pag nakaranas ng warning signs tulad ng tuloy-tuloy na memory loss, pagkawala ng malay, confusion, hirap sa paglakad o unusual eye movement, mabuting kumonsulta agad sa doktor. Habang unti-unting bumabalik ang iyong alaala, inirerekomendang gumamit ng “brain tactics” tulad ng pagsusulat o paglalagay ng mga bagay sa isang lugar. Makakatulong umano ang consistency upang mas madaling makaalala ang utak.

2. AGING. Halos 11% ng adults na nasa edad 45 ay nakakaranas ng subjective cognitive decline, kung saan kabilang na rito ang memory loss. Pagtuntong ng edad 60, 40% naman ng mga nasa age group na ito ang nakakaranas ng memory loss. Ayon sa mga eksperto, habang tumatanda ang isang tao, lumiliit ang ilang area ng utak, kaya nababawasan ang effectiveness ng komunikasyon sa pagitan ng mga regions ng utak, gayundin, bumabagal ang blood flow papunta rito. Dahil dito, nagkakaroon ng age-related memory impairment, kung saan nahihirapang mag-multitask o mas madaling makalimot ang isang tao, ngunit hindi ito nakakaapekto sa pang-araw-araw na pamumuhay. Inirerekomenda ng mga eksperto na manatiling mentally active sa pamamagitan ng pagbabasa, pagsusulat at iba pang hobbies. Gayundin, maaaring gumamit ng listahan o routine para mas madaling maalala ang mga bagay. Mahalaga rin umanong regular na mag-ehersisyo at magkaroon ng sapat na tulog, gayundin ang pagkonsumo ng mga pagkaing nakatutulong sa healthy brain function.

3. DRINKING TOO MUCH. Ang pagba-blackout matapos uminom nang maraming alak ay nakakasira sa kakayahan ng utak na ilipat ang memories mula sa short-term papunta sa long-term. ‘Pag nangyari ito, kadalasang walang maalala ang isang tao matapos magising mula sa blackout.

Sey ng experts, normal na nangyayari ang blackout kung nasa .16 o higit pa ang blood-alcohol content ng isang tao. Upang maiwasan ito, inirerekomendang i-evaluate ang sarili kung gaano kalakas uminom o maglasing, at saka gumawa ng plano kung paano babawasan ito.

4. LACK OF SLEEP. Ang memories ay “nalalagay” sa utak ‘pag nasa non-rapid eye movement stage ng pagtulog. Kaya upang magkaroon ng healthy functioning memory, kailangang nasa “deep sleep” stage, na nagaganap sa loob ng mga unang oras ng pagtulog.

Habang natutulog, ina-activate rin ng utak ang glympathic system, na naglilinis ng utak upang mapanatiling gumagana ang central nervous system kapag tayo ay gising. Sey ng experts, kapag hindi nagawa ng glympathic system ang ‘trabaho’ nito, magiging less-effective ang utak pagdating sa pag-alala. Dahil dito, inirerekomenda ang 7 hanggang 9 oras ng tulog, at para ma-achieve ito, mabuting magkaroon ng sleep hygiene routine para mas mabilis makatulog.

5. DEPRESYON. Ang mga taong nakararanas ng depresyon ay mayroon ding memory problems. Dahil ayon sa mga eksperto, ang depresyon ay may kaugnayan sa kahirapang mag-recall ng information, gayundin sa pag-alala dahil nababago nito ang brain chemistry at electrical signaling sa ating utak. Dahil dito, inirerekomenda na aksiyunan ito sa pamamagitan ng pagkonsulta sa doktor tungkol sa mga depression symptoms, gayundin ang pagsailalim sa mga treatment tulad ng talk-therapy at medications.

Ayon sa mga eksperto, nagkakaroon ng memory improvements ang mga taong sumailaim sa treatment dahil sa depresyon, habang ang iba naman ay may permanent impairments.

6. PTSD. Ang post-traumatic stress disorder o PTSD ay isang mental health disorder kung saan ang taong nakararanas nito ay nagkakaroon ng anxiety o flashbacks matapos maka-experience ng trauma. Ayon sa mga eksperto, ang mga taong may PTSD ay may intense memories ng naturang traumatic event. Gayunman, ang PTSD ay may kaugnayan sa reduced cognitive function at trouble with short term memory. Dahil dito, inirerekomenda ang talk-therapy at exposure therapy.

7. MALNUTRITION. Knows n’yo ba na ang mga pagkaing kinokonsumo natin, gayundin ang mga ‘di natin kinakain ay may epekto sa ating utak at memory function? Yes, besh! Karamihan sa mga research tungkol sa malnutrition at memory loss ay nakapokus sa mga taong may dementia. Gayunman, ayon sa pag-aaral, ang pagiging malnourished ay nagpapataas ng risk ng memory loss, gayundin, nagpapalala ng pre-existing memory loss. Dahil dito, madalas na inirerekomenda sa mga pasyenteng may short-term memory loss ang dalawang key nutrients — Vitamin B1 (thiamine) at Vitamin B12 (folate). Gayundin ang Mediterranean diet, kung saan kailangang maraming seafood, lean meat at plant-based whole foods tulad ng nuts na magandang source ng B vitamins.

For sure, halos lahat tayo ay may experience sa short-term memory loss.

Ang pagkakaroon ng healthy lifestyle ay makakatulong upang mapanatiling healthy ang ating utak, tulad ng tamang pagkain at tulog.

Gayundin, inirerekomendang i-challenge ang cognition sa pamamagitan ng pag-aaral ng bagong skills, games at hobbies.

Kung isa ka sa mga nababahala sa iyong nararanasang short-term memory loss, ‘wag kang magdalawang-isip na kumonsulta sa doktor para sa kaukulang aksiyon at hakbang.

Gets mo?

Green flag is waving… Signs na nasa tamang tao ka na

ni Mharose Almirañez | June 12, 2022

Naranasan mo na bang itrato nang tama? ‘Yung tipong, kapag kasama o kausap mo ‘yung taong nagpapasaya sa ‘yo ay napakagaan ng pakiramdam at para bang hindi ka nangangambang matibag ang ginawa mong pader. Kumbaga, bibigyan ka niya ng assurance sa tuwing nagda-doubt ka. ‘Yun bang, nawawala ang lahat ng insecurities mo sa tuwing kino-compliment ka niya. Siya rin ‘yung tipong, hindi nahihiyang maging vocal sa feelings niya towards you.

Sabi nga ng Ben&Ben, “‘Di ka madedehado kung sasagutin mo lang ako… Paninindigan kita...”

Sounds in love na ba? Well, beshie, papunta pa lang tayo sa exciting part.

Alam kong nauumay ka na sa paulit-ulit na trial cards at napakaraming red flags when it comes to dating. Hindi na rin bago ‘yung ghosting issue at may dyowa pala siya. Alam ko rin ‘yung feeling na hindi ka naman waiting shed, pero tila naging tambayan ka muna ng ilan bago sila tuluyang nakarating sa kanilang tahanan. Mapapatanong ka na lang talaga ng, “Nasaan ka na ba?” tulad ni Zack Tabudlo.

Gayunman, bawat tao ay may nakatakdang kapalaran, hindi pa man sila naisisilang. Kaya sa oras na makita mo na ang mga signs na ito, sana ay huwag mo na siyang pakawalan.

1. COMPATIBLE KAYO. Bagama’t may sinasabing “Opposite attracts,” napakalaking bagay pa rin kung compatible kayo, alinman sa Astrology o Numerology. Iba ‘yung impact kapag pareho kayo ng taste sa music, hobby, interest at tila on the same ground kayo pagdating sa napakaraming bagay. Idagdag na rin ‘yung mga bagay na nadi-discover n’yo unexpectedly.

2. CONSISTENT SIYA. Hindi lang ito tungkol sa consistency ng replies and updates niya kundi consistent din siya sa pagpapakilig sa ‘yo. ‘Yung siya na ang mag-a-adjust ng schedule niya para sa ‘yo. ‘Yung ipaparamdam niyang hindi ka istorbo at para bang every day is full of surprises.

3. CURIOUS SA ‘YO. ‘Yun bang napakarami niyang tanong tungkol sa ‘yo at tungkol sa mga taong nakapaligid sa ‘yo. Interesado rin siyang malaman, maging ang future plans mo, to the point na magugulat ka na lang, na-stalk ka na pala niya sa lahat ng social media accounts mo.

4. UNDERSTANDING. ‘Yung kahit pinapakitaan mo na siya ng napakaraming red flags ay hindi pa rin siya nagsasawang unawain ka. Para bang lalo mo siyang nakikila kada araw.

5. HINDI PA-IMPRESS. Ipagpalagay nating langit siya at lupa ka, o kaya naman ay academic achiever siya at very gifted sa lahat ng aspeto— pero hinding-hindi niya ‘yun ipagyayabang sa ‘yo. Hindi niya ipagyayabang na naka-iPhone 13 128 GB siya, habang ikaw ay naka-Cherry Mobile. Hinding-hindi niya pahaharurutin ‘yung sasakyan niya sa inyong date kasi hindi siya pa-impress para lang makuha ang loob mo.

6. HINDI BITTER SA EX. Hindi siya nagkukuwento ng ka-toxic-an o puro negative tungkol sa kanyang past relationships. Hindi rin siya pa-victim o attention seeker para lang i-comfort mo siya at makuha ang iyong simpatya.

7. MAGINOO PERO MEDYO BASTOS. Mabait siya, hindi lang sa ‘yo kundi pati na rin sa waiter, security guard, janitor atbp. Inirerespeto rin niya ang iyong opinyon at paniniwala. Kapag magkasama kayo ay hindi siya panay cellphone, unless pi-picture-an ka niya o manonood kayo ng videos. Bagama’t may pagka-naughty siya ay hindi ka niya pipiliting gawin o pag-usapan ‘yung mga bagay na ayaw mo o ‘di ka komportableng pag-usapan.

8. GINAGASTUSAN KA. Hindi naman sa pagiging materialistic, ngunit sabi nga nila, ang totoong gold ay very expensive, pero good for investment kaya dapat talagang pagkagastusan. Halimbawa, magugulat ka na lang na bumili pala siya ng BULGAR, habang ‘yung iba ay palaging idinadahilan na wala silang mabilhan. Ha-ha-ha!

Mapapakanta ka na lamang talaga ng, “Something I wanted to feeeel!”

Deserve mo ‘yan, beshie!

Sa article na ito ay puro good vibes lang, kaya hindi kita tuturuang mag-play safe at maging allergic sa too good to be true. Instead, imo-motivate kita to enjoy the moment, go with the flow and live your life to the fullest. Bihira lang makatagpo ng ganyang tao, so congratulations for being treated that way. Sana all na lang talaga, ‘di ba?!

#Manifesting, sana hindi ‘to trial card.