Para ‘di malubog sa utang… Anu-ano ang mga dapat tandaan kung gagamit ng credit card?

ni Mharose Almirañez | August 25, 2022

Swipe rito, swipe ru’n. Ganyan natin tingnan ang ilang credit card holders na tila nuknukan ng yaman at para bang hindi nauubusan ng pera sa kaka-swipe.

Alam kong naa-amaze ka sa kanila, pero beshie, ‘wag mo sila basta idolohin dahil isa rin silang mangungutang kagaya mo. Yes, beshie, tama ang pagkakabasa mo. Sila ‘yung mga taong swipe now, pay later. ‘Yung tipong, installment kung magbayad ng utang, kumbaga sa 5-6 ay hulugan. Kaya bago mo naising mag-apply o mag-open ng credit card account, narito ang ilang bagay na dapat mong tandaan:

1. CARD FEES. Dapat mong alamin ang lahat ng credit card fees tulad ng cash advance fee, finance charges, interest, late fees, foreign transaction fees, at ang annual card fee upang hindi ka magulat sa iyong billing statement pagdating ng bayaran. Ugaliing basahin ang fine print at huwag lamang basta pumirma dahil dito nakasaad ang lahat ng terms and conditions.

2. CREDIT LIMIT. Hindi porke may credit card ka na ay bahala ka nang gumasta. Alamin mo muna ang credit limit ng iyong account upang maiwasan ang mapahiya kapag na-decline ang iyong transaction sa counter o cashier. Maaari kang tumawag sa iyong bangko para mag-request ng credit limit increase. Pero keep in mind, ang credit limit mo at ang amount ng increase ay depende sa credit score mo.

3. CREDIT SCORE. Dito ine-evaluate ng mga credit agency ang bawat paggamit ng service tulad ng credit card, loans, atbp. Tuwing male-late ka sa mga pagbabayad o lumagpas sa limit sa iyong credit card, ito ay nire-report ng bangko sa mga agency at dito magdedepende ang iyong score.

4. REWARDS O POINTS. Alam mo ba na kada swipe ng iyong card ay may katumbas itong points? Ang maiipong points ay maaari mong magamit sa napakaraming bagay tulad ng pag-redeem ng items. Puwede mo rin itong gamitin para pababain ang balanse ng iyong account. Gayunman, may ilang bangko na hindi kino-consider ang rewards o points bilang payments, pero bawas naman sa principal balance.

5. CASH ADVANCE. Yes, beshie. Puwedeng-puwede ka mag-cash advance o mag-withdraw ng cash sa ATM gamit ang iyong credit card. ‘Yun nga lang, mayroon iton cash advance fee na nasa P200 at finance charges na porsyento ng halaga ng iyong kinuha. Mainam na alamin muna ang APR o Annual Percentage Rate ng iyong credit card bago ito gamitin sa pag-cash advance.

6. INSTALLMENTS. Kung hindi man available ang installment sa halaga ng iyong binili tulad ng P4,300 na bilihin, maaaring tumawag sa customer service para mag-request na hatiin sa 3 months ang amount nito. Tandaang sa bawat request nito ay may installment fee na nasa P100 per request. Kahit may fee, at least, hindi mabigat sa bulsa pagdating ng bayaran.

Napakasakit sa ulo na magkaroon ng maraming utang, pero at least ay napakanibangan mo naman muna ang iyong mga binili bago mo binayaran. Spend wisely lamang, beshie. Huwag mong kalimutan ang ilang hidden charges para hindi ka mabigla sa patung-patong na charges pagdating ng iyong billing statement. Okie?

‘Di naman kailangang bongga, besh! Iba’t ibang klase ng pagsuporta sa karelasyon

ni Mharose Almirañez | August 21, 2022

“Go sexy! Go sexy! Go sexy, sexy, Love!” Basketball cheer ni Kathryn Bernardo kay Daniel Padilla sa isang eksena sa pelikula.

Napakasarap nga namang ma-in love, lalo na kung suportado n’yong mag-partner ang isa’t isa. ‘Yun bang, ikaw ang No. 1 supporter niya, habang siya naman ang top fan sa sarili n’yong fandom. Maliban sa moral support, anu-ano pa nga bang suporta ang puwede mong ibigay sa iyong karelasyon? Well, beshie, narito ang ilan:

1. ORAS. Hindi excuse ang salitang “busy” sa mga taong nagmamahalan, sapagkat gagawa’t gagawa sila ng paraan para makapaglaan ng oras sa kanilang karelasyon. Halimbawa, kapag pakiramdam mong feeling tired siya ay ikaw na ang mag-adjust ng schedule mo para mapuntahan at i-comfort siya. Ayaw mo naman siguro na makitang nagpapa-comfort siya sa iba, ‘di ba? Huwag mong hayaang masayang ang oras niya sa kahihintay sa ‘yo, sapagkat hinding-hindi mo maibabalik ang oras, once na ma-realize mo ang halaga niya.

2. PAGKUKUSA. Sakaling makita mong may pinagdaraanang financial crisis ang iyong karelasyon, ikaw na ang magkusang tumulong sa kanya. Siyempre, nahihiya lang siyang magsabi sa ‘yo. Ibang usapan na rin kasi pagdating sa pera. Maliban sa tulong-pinansyal ay puwede mo rin siyang tulungang magbitbit ng mga dala niyang grocery. Puwede mo rin siyang damayan sa iba’t ibang trip niya sa buhay. Tandaan, ang pagkukusa ay hindi dapat naghihintay ng kahit ano’ng kapalit dahil kusang-loob ‘yang ginagawa at ibinibigay.

3. PAKIKINIG. “Bakit nga ba napaka-unfair ng mundo?” Huwag kang magtaka kung madalas mo ‘yang marinig sa kanya dahil sa ‘yo lang siya komportableng magsabi ng mga hinaing niya sa buhay. Kung galit siya sa boss niya, makinig ka lang. Kailangan niya lang naman ng taong makikinig sa kanya. ‘Yung mapagbabalingan ng bad trip niya. Hayaan mong humupa ang galit niya hanggang sa tuluyan siyang kumalma. Huwag na huwag mong sasabayan ang init ng ulo niya. Huwag mo ring problemahin ang pagpapayo sa kanya dahil sapat na ang presensya mo para mapakalma siya kalaunan.

4. APPRECIATION. I-appreciate mo siya, hindi lamang sa magagandang bagay kundi maging ang kanyang mga kapintasan. Suportahan mo pa rin siya kahit topakin siya o gaanuman siya kabaliw. Love him/her even at his/her worst. Hindi naman kailangang um-effort nang bongang-bonga para masabing na-a-appreciate mo siya. Small gesture is enough.

5. SUPORTA MULA SA PAMILYA. Napakasarap sa feeling kung legal at tanggap ang inyong relasyon both sides. ‘Yung tipong, hindi n’yo kailangang itago o ilihim ang inyong relasyon. Siyempre, hindi mawawala ‘yung may masasabi’t masasabi sila, pero given na ‘yun. Ang mahalaga ay may makuha kayong basbas at suporta mula sa mga magulang ng inyong karelasyon. Mahalin mo rin sila at itrato na parang mga magulang, sapagkat kung hindi dahil sa kanila ay hindi mo makikilala ang taong nagpapasaya sa iyo ngayon.

Siyempre, applicable lamang ang mga nabanggit kung ikaw ay “dating to marry”.

Ito ‘yung stage kung saan hindi mo binibilang ‘yung dami ng efforts niya o kung gaano kalaki ang mga nagastos niya sa iyo. ‘Yung mas pipiliin mo ang peace of mind kaysa gumawa ng kung anu-anong issues para pareho kayong mag-overthink. Tungkol ito sa mature couple na mayroong healthy relationship na layuning magkaroon ng strong foundation ang kanilang relasyon.

Okie?

Bukod sa less-hassle sa biyahe… Iba’t ibang advantage ng work from home setup

ni Mharose Almirañez | August 18, 2022

Kamakailan lamang nang magbalik-opisina ang mga empleyado matapos ang halos dalawang taong work from home setup dahil sa COVID-19 pandemic. Kasabay nito ay unti-unti na ring nagbubukas ang ekonomiya at maging ang face-to-face classes ay magsisimula na rin.

Ang tanong, ready ka na bang gumising nang maaga, makipagbardagulan sa mga pasahero at humiling na sana’y humarurot ang sasakyan, huwag ka lamang ma-late sa trabaho? Kumusta naman ang budget mo para sa food and transportation? Plantsado na ba ang OOTD mo?

Aminin man natin o hindi, napakalaki talaga ng advantage kapag naka-work from home, katulad na lamang ng mga sumusunod:

1. TIPID SA ORAS. ‘Yung tipong, puwede kang gumising kahit sa mismong oras ng iyong shift. Kumbaga, puwede kang magtrabaho kahit nakapantulog ka pa at walang ligo, hilamos o sipilyo.

2. TIPID SA PAMASAHE. Hindi mo na kailangang bumiyahe at mag-budget para sa pamasahe dahil nasa bahay ka lang. Siyempre, hindi mo na rin kakailanganing gumising nang maaga para hindi abutan ng rush hour sa kalsada at maiwasan ang pakikipag-siksikan sa ibang pasahero.

3. TIPID SA PAGKAIN. Tutal, naka-WFH ka naman, kung ano ‘yung pagkaing nakahain sa inyong hapag ay ‘yun na rin ang kakainin mo. Hindi ka matutuksong bumili ng kung anu-anong pagkain tuwing break time o mabubudol ng katrabaho mong mahilig magpa-deliver.

4. TIPID SA DAMIT. Hindi ka na mai-stress kung ano ang iyong outfit of the day, sapagkat puwede kang magtrabaho kahit nakapambahay lamang. Hindi ka mako-conscious sa gusut-gusot at paulit-ulit na suot dahil hindi ka naman nila makikita at maaamoy.

5. MAS MABILIS MATATAPOS ANG TRABAHO. Puwede kang mag-advance sa iyong workload upang mas marami kang time makipag-bonding sa family members. Puwede ka ring gumawa ng gawaing-bahay at magpahinga matapos ang iyong trabaho.

6. PUWEDENG MAGPALIPAT-LIPAT NG BAHAY. ‘Yung wala kang ikokonsiderang lugar sa iyong paglilipat-bahay. Puwede kang lumipat sa CALABARZON o CAMANAVA area kahit nasa kabilang sulok ng mapa ang iyong workplace. Tulad ng nabanggit, kahit lumipat ka ng bahay ay hindi mo poproblemahin ang araw-araw na expenses, lalo na ‘yung oras na igugugol mo sana sa pagko-commute, sapagkat naka-work from home ka naman.

7. PUWEDENG ISABAY ANG BUSINESS O PART TIME JOB. Siyempre, hindi puwedeng iisa lang ang iyong source of income. Dapat ay may naiisip ka na ring alternative way para lumago ang iyong pera. Kung naka-WFH ka, mas may time ka para asikasuhin ang pagnenegosyo o puwede ka ring humanap ng ibang pagkakakitaan. Siguraduhin mo lang na hindi masasagasaan ang iyong current job.

Siyempre, kung may advantages ay mayroon ding disadvantages, tulad na lamang ng pagtaas ng inyong electric at internet bill, gayundin ang power interruption, pagiging petiks mo sa trabaho at ang pagiging outdated sa latest tsika sa inyong opisina.

Nakakalungkot lang isipin na may ilang employer na porke naka-WFH ka ay magpa-follow up na sila nang magpa-follow up sa iyong task, magre-request o magdadagdag ng trabaho kahit tapos na ang iyong office hours. Ang mas masaklap pa ay may mga kumpanyang nag-cost cutting at nagbawas ng pasahod sa kanilang empleyado habang naka-work from home.

So, beshie, ano’ng mas bet mo, WFH o office setup?