Halos 11 hours na tumakbo... 92-anyos na lola, ‘di nagpakabog sa marathon

ni Jenny Rose Albason @Gulat Ka 'No?! | August 6, 2023

Malamang sa malamang ay magulat ka rin kung paano nagawa ng 92-years-old na sumali sa isang marathon.

Mapapasana all ka na lang talaga, dahil biruin mo ‘yun hindi naging hadlang ang kanyang edad sa mga gusto niyang gawin.

Curious na ba kayo kung sino ang aking tinutukoy? Siya lang naman si Mathea Allansmith, ang itinanghal na pinakamatandang babae na nakatapos ng marathon na ginanap sa U.S.

Lumaban siya noong Disyembre 11, 2022, at itinakbo lamang niya ng 10 hours, 48 minutes and 54 seconds ang 42.1 km. Grabe, ‘di ba? Kahit siguro ang mga bagets ay bibilib sa kanya.

Si Allansmith, ay 93-anyos na ngayon at nananatiling maganda sa pamamagitan ng pagtakbo ng anim na araw sa isang linggo, umulan man o umaraw ay wala umanong nakakapigil sa kanya.

Ayon sa kanya, “The Honolulu Marathon is my favorite marathon partly because they don’t close the gate at a certain time which allows even the slowest runners to finish the race.”

Dagdag pa niya, “running in cities around the world has allowed me to really get a feel for different places and people,”

Lingid sa ating kaalaman siya rin ay isang retired doctor na ngayon ay naninirahan sa Koloa, Hawaii.

Sa araw ng kanyang world record, ginulat siya ng kanyang anim na anak sa pamamagitan ng pagsusuot ng pare-parehong t-shirt na nagsasaad ng tagumpay ng kanilang ina. Labis ang kanyang kagalakan, at ngayon ay plano niya pa ring ipagpatuloy ang kanyang pagtakbo.

Maraming humanga sa kanyang kakayahan at dahil dito mukhang marami ring mga senior citizen dito sa ‘Pinas ang ‘di magpapatalo. Looking forward na ako sa mga nagnanais magpakitang gilas.

Nawa’y maging tulay ito upang ‘di panghinaan ng loob ang ating mga mahal na ka-BULGAR na ipagpatuloy ang kanilang nais.

Pigil-hininga challenge... Lalaki, 24 minutes sa ilalim ng tubig

ni Jenny Rose Albason @Gulat Ka 'No?! | August 5, 2023

Aakalain n’yo bang may tao palang kayang magpigil ng hininga nang matagal sa ilalim ng tubig?

Well, kung tayo ay kaya lamang tumagal nang ilang segundo o minuto, ibahin natin si Budimir Šobat na nakapag-record ng pinakamatagal na paghinga sa ilalim ng tubig sa Sisak, Croatia, na may oras na 24 minutes and 37.36 seconds.

Imposible man para sa karamihan, ngunit para kay Budimir ay bunga ito ng kanyang dedikasyon sa pagsasanay na halos ilang taon din.

At kung titingnan ang ebolusyon ng record mula 13 min 42.5 sec noong 1959 hanggang sa kasalukuyang record ni Budimir, malinaw nating makikita kung gaano pinaghihirapan ng mga tao na mapahusay ang kanilang mga technique.

Para ma-achieve ang kanyang record, nakadapang posisyon si Budimir sa swimming pool kung saan ang kanyang mukha ay nasa ilalim ng tubig, at mayroong isang team na nakagabay sa paligid niya.

Gumamit muna si Budimir ng scuba diving gear para makakuha ng oxygen bago siya pumosisyon sa tubig saka ito inalis at ipinikit ang kanyang mga mata para mag-concentrate sa pagpigil ng hininga.

Matapos niyang makamit ang kanyang record, napatunayan niya umano na lahat ng bagay ay imposible basta’t ikaw ay malakas at may dedikasyon.

Ang kanyang inspirasyon para makamit ang kanyang tagumpay ay ang kanyang anak na si Saša, na may autism.

Sinabi ni Budimir na ang pagdadala ng kanyang sarili sa atensyon ng media sa pamamagitan ng kanyang record, ay maaari niya umanong itaas ang kamalayan ng mga tao tungkol sa usaping autism.

Si Budimir ay gumugol ng tatlong taon sa paghahanda ng kanyang sarili para sa record attempt na ito, at nagsasanay ng anim na araw sa isang linggo.

Ang kamangha-mangha pa rito, habang tinapos ni Budimir ang kanyang record-breaking breath hold, hindi man lang siya nagpakita ng pagkahingal.

Pasimple niya lang inangat ang kanyang ulo sa ibabaw ng tubig, at ngumiti sa mga manonood habang pinapalakpakan siya.

Amazing ‘di ba? Pero paalala lang mga ka-BULGAR, ‘wag nating gagayahin ito dahil sadyang delikado. Nangangailangan ito ng matinding pagsasanay at kung maaari ay kumuha tayo ng trainer kung gusto rin nating magawa ang matagal na paghinga sa ilalim ng tubig.

At sadyang nakaka-inspired ang kuwento ni Budimir dahil para sa anak niya palang may autism ang kanyang pagkapanalo, how sweet!!!

Tips kung paano i-handle ang toxic na workmates

ni Mabel G. Vieron @Life & Style | August 3, 2023

Marami sa atin ang namomroblema sa kani-kanyang mga katrabaho na “TOXIC” and yes mga ka-BULGAR, ‘di natin ito maiiwasan. Wala na sigurong tatalo sa stress na dala ng mga taong toxic, am I right? ‘Yun bang maging ang reklamo at issues nila sa buhay ay paulit-ulit at nakakabaliw na.

So, narito ang ilan sa mga tips kung paano natin ito iha-handle upang ‘di natin ma-absorb ang kanilang negative energy.

1. HUWAG MO SILANG SABAYAN. Kapag kasi sinabayan mo ang kanilang init ng ulo at pagka-toxic, aba parang wala ka na ring pinagkaiba sa kanila, para mo na ring pinatunayan na isa ka sa mga toxic. Kaya beshie, sinasabi ko sa iyo huwag na huwag mo silang papatulan.

2. IWASAN MO SILA. Ang gawin mo ay hayaan mo silang magmukhang tanga kakasalita, mabuti na rin ‘yung umiwas ka para ‘di na mas lalo pang lumaki ang gulo. Ignore them, pero kung may kinalaman sa trabaho n’yo be professional pa rin, pero ‘pag ‘di ka kinakausap mag-pretend ka na lamang na ‘di mo sila nakikita.

3. HUWAG KANG MAGPAPAAPEKTO. Positive man ‘yan o negative. Usually, may hidden agenda ‘yan. It's either may hihilingin ‘yan sa iyo o iinsultuhin ka. Dedmahin mo lang kasi kung magpapaapekto ka, ikaw lang din ang kawawa, mental health mo pa rin ang iyong unahin at intindihin, okie?

4. LAWAKAN MO ANG IYONG PANG-UNAWA. Ang katulad niya na bitter ay ‘di na dapat pinapatulan pa, bitter siya sa buhay, trabaho at love life niya, kaya gusto niyang ipasa sa iyo ang mga kamalasan at problema sa buhay niya.

Pagpasensyahan mo na lang siya, besh! Hindi rin naman madaragdagan ang iyong suweldo kung iintindihin at magpapaka-stress ka sa mga sinasabi niyang wa’ naman kuwenta. Hay naku, kaya sinasabi ko sa’yo ‘wag na ‘wag n’yo silang papatulan, sayang ang beauty at skin care natin noh!

Sa mga ‘di pa aware r’yan sa mga toxic na tao, gumising ka! Dahil ‘di oks na malason niya ang iyong kaisipan. Whether you like it or not, you have to live with them, lahat siguro ng trabaho ay ‘di nawawala ang toxic na workmates, pero malay mo baka isang araw, magbago rin sila? Pero ngayon tanggapin mo na lang muna na ganu'n talaga sila.

Okie?!