May timbang na 328 at 337 kgs... “World's Heaviest Twins” na wrestlers at performers, kilalanin

ni Jenny Rose Albason @Gulat Ka 'No?! | August 27, 2023

Sapat ang kinakain pero patuloy pa rin sa pagtaba?

Ang aking ibabahaging kuwento ay tungkol sa kambal na kahit anong pagpapapayat ang gawin ay mas lalo silang lumalaki.

Ang aking tinutukoy ay sina Billy Leon at Benny Loyd McCrary.

Si Billy ay may timbang na 337 kgs. habang si Benny naman ay 328 kgs. na naging dahilan kung bakit sila tinaguriang "World’s Heaviest Twins".

Ang kambal ay ipinanganak na premature noong Disyembre 7, 1946 na may timbang na 2.2 kgs.

Gayunman, nagsimula silang mas lumaki sa edad na 4.

Sa kabila ng kanilang hindi pangkaraniwang timbang, maniniwala ba kayong hindi ito dahil sa labis na pagkain? Ito ay matapos silang magkaroon ng rubella na sumisira ng pituitary glands, ang bahagi ng utak na kumokontrol sa paglaki.

Ang kanilang magulang ay gumawa ng paraan upang maresolba ang problema ng kambal sa pamamagitan ng pagbili ng sakahan, umaasa na ang pagdagdag ng physical activity ay makakatulong upang mabawasan ang timbang ng kanilang mga anak.

Nagpatuloy sila sa pagtatrabaho sa bukid ng kanilang ama, gamit ang mga mini bike para matapos ang kanilang mga gawain.

Bagama’t tutol ang mga magulang nina Billy at Benny sa kanilang mga ginagawa, nagpasya ang kambal na sulitin ang kanilang sitwasyon sa pamamagitan ng pagiging performers.

Nagsimulang makatanggap sina Billy at Benny ng iba’t ibang alok sa show business, at sa loob ng ilang linggo ay nagsagawa sila ng night club act sa isang casino sa Las Vegas.

Noong taong 1970, itinampok sa Guinness Book of Records ang kambal na nagtulak sa kanila sa international fame.

Ginawa ng kambal ang kanilang mga professional wrestling debut, at makalipas ang 5 taon ay nagpahinga sila dahil si Billy ay nagkaroon ng severe case ng pneumonia.

Noong Hulyo 1979, sa edad na 32, si Billy ay namatay matapos na magtamo ng mga injuries sa botched stunt sa Niagara Falls, Canada.

Kasunod ng pagkamatay ni Billy, sinubukan ni Benny na ipagpatuloy ang pakikipag-wrestling, kasama ang kanyang partner na si Andre the Giant.

Kalaunan ay nawala ang cartilage sa tuhod ni Benny at siya ay namatay dahil sa heart failure noong 2001, sa edad na 54.

Sina Benny at Billy ay inilibing nang magkatabi sa Crab Creek Baptist Church Cemetery malapit sa Hendersonville.

Ang kanilang 13-ft-wide na lapida, na nagtatampok ng mga motorsiklo ng Honda, at may nakasulat na “The World’s Largest Twins”.

Nakakatuwa ang kanilang bonding, hindi naging hadlang ang kanilang timbang sa mga gusto nilang gawin sa kanilang buhay.

Kahit hindi pangkaraniwan ang kanilang timbang ay nagagawa pa rin nilang magmotor, makipag-wrestling at mag-perform sa harap ng maraming tao.

Kaya mga ka-BULGAR, anuman ang ating hitsura, timbang, o kondisyon sa buhay ay ipagpatuloy pa rin nating gawin kung ano ang makakapagpasaya sa atin. Magsilbi sanang inspirasyon sina Billy at Benny sa ating lahat.

Pasok sa Guinness... 53 yrs. old, 36 hours nag-swing

ni Mabel G. Vieron @Gulat Ka 'No?! | August 22, 2023

Engganyung-engganyo ang kabataan ngayon sa playground lalo na sa swing, ang ilan nga ay nagwawala at umiiyak ‘pag ‘di sila napagbibigyang maglaro.

Pero, kung patagalan naman sa swimg ang pag-uusapan, ibahiin natin si Richard Scott, 53- anyos, na kasalukuyang nakatira sa U.K, dahil nagtagal lang naman siya ng 36 hours and 32 minutes na nagpaduyan-duyan.

Nagsimula siya noong Mayo 14, 2022 alas 6:10 ng umaga, sa Loch Leven’s Larder playground at natapos siya ng Mayo 15 ng gabi.

Upang hindi makasama sa kanyang kalusugan ang record breaking attempt, pinahintulutan siya ng Guinness na magkaroon ng 5 minutes break sa kada isang oras ng pag-upo sa swing. Inipon lamang ni Scott ang kanyang breaktime upang umidlip sa loob ng 12 minutes.

Ayon ka kanya, malaki ang naitulong ng kanyang pag-idlip kaya nakatagal siya ng 36 hours sa swing.

Matagumpay na napasakamay ni Scott ang titulong kanyang pinaghirapan dahil na-beat niya lang naman ang previous record holder na si Quinn Levy na tumagal ng 34 hours sa kanyang swing marathon.

Mapapanood ang 36 hours marathon ni Scott sa Facebook page ng Rotary Club of Kinross and District.

Pagbabahagi ni Scott, bata pa lang umano siya ay pangarap na niyang mag-swing marathon. Bukod dito, malaking karangalan para sa kanya ang mabasa ang sariling pangalan sa Guinness Book of World Records.

Grabe, mga ka-BULGAR, biruin mo ‘yun, ‘di naging hadlang ang kanyang edad sa gusto niyang gawin, hindi kaya biro ang 36 hours and 32 minutes na magpaduyan-duyan, kalahating oras ka pa nga lang ay mangangayaw ka na dahil sa pagkahilo. Pagbati para kay Scott!

Buwan-buwan na lang nahihirapan… Alamin: Mga simpleng paraan para maiwasan ang dysmenorrhea

ni Mabel G. Vieron @Gulat Ka 'No?! | August 21, 2023

Natural na sa kababaihan ang pagkakaroon menstrual cramps buwan-buwan.

Kadalasan, sinasamahan pa ito ng pananakit ng balakang, at iba pang sintomas ng dysmenorrhea gaya ng:

• Pananakit ng ulo

• Pagiging moody

• Pagsusuka

• Diarrhea

• Pananakit ng katawan

• Kawalan ng gana gumawa ng usual activities

• Pagiging emotional

• Pagiging tender ng dibdib

• Bloating o ang pakiramdam na matigas at malaki ang tiyan kumpara sa normal nitong laki.

Walang babaeng hindi nakakaranas ng menstrual pain tuwing may dalaw. Mayroon nga lang iba na hindi gaanong matindi ang sakit na nararanasan kapag may menstruation.

Para hindi gaano tumatagal ang menstrual cramps, maaaring uminom ng gamot sa dysmenorrhea upang maibsan ang pananakit ng puson. Nakakatulong sa pag-inom ng gamot sa sakit ng puson ang pagkakaroon ng ovulation calendar o ang talaan ng mga araw sa iyong menstrual cycle.

Sa ganitong paraan, madaling tukuyin kung anong araw dapat uminom ng gamot bago pa man magsimula ang dysmenorrhea.

Hindi lamang sa pag-inom ng gamot nama-manage ang sakit na dala ng dysmenorrhea tuwing may buwanang dalaw. Narito pa ang ilan sa mga paraan para mas maging maayos ang pakiramdam tuwing may menstruation at makapagpatuloy sa araw-araw na routine sa kabila nito:

1. MAGKAROON NG LOW-FAT DIET. Makakatulong ito na maiwasan ang sobrang sakit na sanhi ng dysmenorrhea. Marami ring benepisyo ang pagsasama ng herbs sa meal plan. Ilan sa mga ito ang ginger, cinnamon, at chamomile. Nakaka-relax ito ng muscles at nakapagbibigay ng relief mula pananakit ng katawan. Maigi rin na idagdag ang mga pagkaing ito para mabawasan ang menstrual pain:

• Mga prutas gaya ng papaya, avocado, o saging;

• Brown rice

• Chicken o fish

• Cucumber

• Dairy products

• Watermelon

• Green leafy vegetables

Inirerekomenda rin ang pag-inom ng maraming tubig para manatiling hydrated dahil sa dami ng fluids na inilalabas ng katawan kapag may regla. Nakakatulong din ito para umayos ang daloy ng dugo sa katawan.

2. MAG-EXERCISE. Hindi lamang tuwing dadating ang buwanang dalaw dapat mag-ehersisyo. Gawin itong normal na bahagi ng iyong lifestyle nang sa gayon, kapag may menstruation, magiging mas magaan ang pakiramdam.

3. GUMAMIT NG WARM COMPRESS. Nakakaginhawa para sa masakit na puson ang paggamit ng warm compress. Nare-relax ang muscles at gumaganda ang daloy ng dugo sa katawan. Puwede rin itong ipatong sa balakang para makadagdag-ginhawa mula sa pananakit ng puson.

4. MAGPAHINGA. Nakakapanghina ang sakit na dala ng dysmenorrhea. Hangga’t maaari, iwasan ang labis na physical at social activities sa tuwing may buwanang dalaw nang sa gayon ay makapahinga ang katawan mula sa nangyayari sa loob nito.

Kung hindi nawawala ang menstrual cramps at sakit na dala nito sa pamamagitan ng mga nabanggit na tips, huwag mag-atubiling kumonsulta sa doktor para matukoy kung ano ang angkop na hakbang na dapat isagawa. Ipagbigay-alam sa healthcare provider ang mga sintomas na nararanasan maging ang mga hakbang na isinagawa para magkaroon ng relief para ma-assess nito kung saan ba nanggagaling ang problema.

Okie?