Kinahuhumalingan ng online shoppers… “Budol Queen” Daniella Roi, kilalanin

ni Mabel G. Vieron @Feature Article | October 01, 2023

Sa patuloy na pag-usbong ng social media sa mundo, ang mga influencer ay isa sa humuhubog ng mga pag-uugali at kagustuhan ng mga tao. Kamakailan, pumatok sa social media si Daniella Roi o mas kilala bilang “Budol Queen” sa Filipino slang.

Gamay ni Daniella Roi ang art of online influence, na nakaakit sa kanyang mga manonood sa Instagram at TikTok sa paraan ng kanyang panghihikayat. Halina't alamin natin ang mundo ng dynamic influencer at tuklasin natin kung bakit siya ang tinaguriang reigning queen of online influence.

Si Daniella Roi ay isang Filipino social media influencer na nambubudol sa mga tao na maglabas ng pera sa kanilang mga wallet gamit ang kanyang nakakatawa at mapanghikayat na mga shopping video. Nakuha niya ang moniker na "Budol Queen" dahil sa kanyang kamangha-manghang kakayahan na kumbinsihin ang kanyang mga followers na bumili ng mga produkto, kahit na hindi nila ito kailangan.

Umani si Daniella ng magnetic presence na may mahigit 200,000+ na followers sa TikTok @daniellaroi, 100,000+ sa Instagram @daniella.roi, at 60,000+ sa Facebook. Sa pagdami ng kanyang followers, sabik nilang inaabangan ang kanyang mga bagong recommendation, review, at insight. Madalas siyang nagbabahagi ng mga video kung saan nag-aalok siya ng mga tip sa paghahanap ng mga online bargain at nagbibigay ng mga honest review ng mga produkto.

Nakilala si Roi sa kanyang pagiging matapat, relatability, at sa kanyang sense of humor.

Ang likas na talento ni Daniella Roi na makapanghikayat ay naging susi sa kanyang tagumpay. Kung mapapanuod mo ang kanyang mga video sa kanyang Instagram feed, hindi mo lang siya mapapanood bilang isang influencer na nagpo-promote ng mga products.

Bagkus, para ka na ring nakikipag-ugnayan sa isang storyteller na gumagawa ng koneksyon sa kanyang mga manunuod.

Ang isa sa mga factor na nakatulong sa tagumpay ni Roi bilang isang influencer ay ang kanyang kakayahan sa pagbuo ng personal connection sa kanyang followers. Madalas siyang nagbabahagi ng mga kuwento tungkol sa kanyang buhay at kanyang mga karanasan sa online shopping, ito rin ang nagiging way upang iparamdam niya sa kanyang followers na parang kilala na siya ng mga ito. Dahil dito, mas nagtiwala ang mga tao sa kanyang nirerekomendang produkto.

Aware si Daniella kung gaano kahalaga ang pagtitiwala sa mundo ng online influence.

Naglalaan siya ng oras upang makipag-ugnayan sa kanyang followers, pagbabahagi ng mga personal niyang mga karanasan at kanyang mga nalalaman sa mga produktong kanyang ini-endorse. Dahil sa kanyang pagiging matapat, nakagawa siya ng isang trust bond, at sinisigurado niya na ang tingin sa kanya ng kanyang followers ay isang kaibigan na nagbibigay ng mga rekomendasyon.

Ang impluwensya ni Roi ay sumasaklaw sa iba't ibang interes, maging ang kanyang mga cute na pusa na sina Pixie at Charlie, ay nagbigay din ng inspirasyon sa kanyang followers na mag-invest mula sa scratching posts hanggang sa interactive toys, at sa kanyang mga culinary adventures, kung saan nakumbinsi niya ang mga ito na mag-explore sa mga bagong restaurant at mga kitchen gadget.

Bukod pa rito, ginagamit ni Roi ang kanyang tech-savvy persona upang gabayan ang kanyang mga followers sa pagpili ng swak na telebisyon o cellphone. Lalo na’t kung sila ay mga first-time purchaser, upang masigurado na ito ay isang best deals. Higit pa r’yan, ipinakilala rin niya ang mga makabagong kagamitan sa pag-e-ehersisyo tulad ng mga walk pad, at pagpo-promote ng fitness habang nagtatrabaho o nanonood ng TV.

Samantala, ang hilig ni Roi sa make-up at pagmamahal niya sa travel ay ang nagbigay inspirasyon din sa kanyang followers na mag-experiment sa mga bagong produkto at beauty products, gayundin sa kanilang mga out-of-town adventures, na madalas ay may mga exclusive deals na mas pinadali sa kanyang pakikipag-collaborate sa mga travel agency.

Ang status ngayon ni Daniella Roi a.k.a “Budol Queen” ay hindi lamang tungkol sa pagbebenta ng mga produkto; dahil naglalaan din siya ng effort at oras upang mas maging exciting at enjoyable ang pagbili ng isang produkto.

Hinahaluan din niya ang kanyang mga content ng katatawanan, relatability, at dash of surprise, upang mas maging click ito sa kanyang mga followers.

Ang madalas na makikita sa kanyang mga video ay tungkol sa mga unboxing experience, first impression, at candid reaction sa mga item na kanyang nire-review.

Ang kanyang kakaibang diskarte ay nagpapanatili sa kanyang followers na tumutok at mag-abang sa kanyang next "budol" adventures. Dahil dito, siya ay naging isang trusted source pagdating sa mga bago at exciting products.

Habang patuloy na tinatahak ni Daniella Roi ang pagiging "Budol Queen" ang kanyang impluwensya ay nananatiling patok sa kanyang mga tagasubaybay. Ang epekto niya sa mundo ng online shopping at product discovery ay talagang hindi maikakaila.

Ang pinagkaiba niya sa ibang influencer ay hindi lang sa paraan ng kanyang panghihikayat, kundi pati na rin sa commitment, trust at paggawa ng isang exciting na shopping experience.

Sa mundo ng online influence, ‘di natin maiiwasan na tayo ay malinlang, kung kaya’t ang diskarte ni Daniella Roi ang nagsilbi bilang isang paalala na ang pag-impluwensya ay maaaring maging ethical at enjoyable. Ang konsepto ng "budol" ay ginawa niyang isang art form, kung saan lahat sila ay makikinabang sa mga produktong kanilang binili.

Kaya, kung naghahanap ka ng must-have products at bagong kagigiliwan, i-follow si Daniella Roi a.k.a "Budol Queen," at magsimula ng isang adventure of discovery sa mundo ng online shopping. Paalala lang, kapag sinimulan mong panoorin ang kanyang mga video, malamang sa malamang ay ‘di mo mamamalayan na nakapag-check out ka na pala ng mga products ng isa o dalawa (o sampu)!

Bebot, 33 days sa kwarto kasama ang 5,320 makamandag na Scorpions

ni Jenny Rose Albason @Gulat Ka 'No?! | September 27, 2023

Kaya n’yo bang makasama sa kwarto ang isang delikadong hayop?

Well, ibahin n’yo si Kanchana Ketkaew ng Thailand dahil may kasama lang naman siya sa isang kwarto na 5,320 na venomous scorpions sa loob ng 33 days and nights.

Kung iisipin ay tila imposible ito dahil maaari siyang mamatay sa kamandag ng mga ito at masakit kaya masipit ng scorpion ‘no!

Alamin natin kung paano naka-survive si Kanchana mula sa delikadong challenge na ito.

Noong 2009, nagtala ng world record si Kanchana Ketkaew dahil tumira siya sa isang 12-m² na glass room kasama ang 5,320 na venomous scorpions, dahil dito ay tinagurian siyang “Scorpion Queen”.

Ilang scorpions ang nanganak sa loob ng kwarto, habang marami ang namamatay araw-araw.

Upang mapunan ang mga namatay, dalawang batch ng 1,000 na scorpions ang idinagdag para sa record attempt na ito.

Si Kanchana ay 13 beses nang natusok ng scorpion, gayunman, kaunti na lang ang epekto ng kamandag nito sa kanya dahil sa immunity na naipon niya sa loob ng maraming taon.

Kabaligtaran ni Nor Malena Hassan ng Malaysia, na unang nakapagtala ng rekord na ito noong 2001, mabilis siyang naka-recover mula sa anumang sugat na natamo niya. Halos matatapos na ang 30-araw na record attempt ni Nor, nang pitong beses siyang natusok at nawalan ng malay nang isang beses.

Ang record attempt na ito ni Kanchana ay inorganisa ng Ripley's Believe It or Not! Pattaya at naganap sa Royal Garden Plaza shopping mall ng lungsod, kung saan maraming turista at miyembro ng media ang nagtipon upang manood. Nilagyan ng TV, kama, mga libro at refrigerator ang glass room ni Kanchana.

Araw-araw ding pinapakain ni Kancha ang mga scorpion ng pinaghalong hilaw na itlog at giniling na baboy. Pinapahintulutan lamang siyang umalis para sa 15 minutong toilet break kada walong oras.

Ang 33-araw na stunt ay puno umano ng ups and downs para kay Kanchana, at naiulat na umiyak ito nang isang beses. Pagkalipas ng ilang buwan, noong Abril 2009, lumabas si Kanchana sa isang talent show na Lo Show dei Record upang makamit ang isa pang record na may kaugnayan din sa scorpion, ang “longest time to hold a scorpion in the mouth”. Nakapagtala si Kanchana ng record na may oras na 2 minutes and 3 seconds, na walang nakatalo sa loob ng apat na taon hanggang sa basagin ito ni Steve Ceriotto ng USA na may oras na 17 minutes and 17 seconds.

Imagine, ang scorpion ay isa sa mga delikadong hayop sa buong mundo pero nakaya itong makasama ni Kanchana sa kwarto sa loob ng isang buwan. Nakakamangha ang katapangan ni Kanchana dahil kung tayo nga ay takot na sa ipis, sa scorpion pa kaya?

Reminder lang mga ka-BULGAR, ‘wag natin basta-bastang gagayahin ang attempt na ito dahil sadyang napakadelikado at kinakailangan ito ng tulong ng isang propesyonal, okie??

97 yrs. old na lolo, pinakamatandang motorcycle racer sa buong mundo

ni Mabel G. Vieron @Gulat Ka 'No?! | September 26, 2023

Hindi lang mga kalalakihan ngayon ang nahuhumaling sa motorsiklo, dahil maski ang mga kababaihan ay gustung-gusto na rin ito.

Gayunman, wala pa ring tatalo kay Leslie Harris, na kasalukuyang nakatira sa New Zealand. Confuse na rin ba kayo kung ano ang special na mayroon siya? Maniwala man kayo o hindi, si Harris ay sumabak sa Pukekohe 43rd Classic Motorcycle Festival sa Auckland, New Zealand. At siya ang pinakamatandang sumali sa kompetisyong iyon.

Nagpakitang gilas siya kasama ang kanyang panganay na anak na si Rod, 64, at ang kanyang 21-anyos na apo na si Olivia. Ginawa ito sa regularity race, kung saan ang layunin ay maisagawa ang pare-parehong lap times.

Imagine, sa edad na 97 ay yakang-yaka pa rin ni Harris na magpakitang gilas sa maraming tao?

Yes, mga ka-Bulgar, 97 yrs. old na siya noong sumabak siya sa racing. Kung kaya’t matagumpay niyang nakuha ang titulong “Oldest competitive motorcycle racer” sa Guinness World Record.

Dati nang nananalo si Harris sa mga ganitong kompetisyon ngunit, noong 2020 Classic Festival, sa kasamaang palad ay nasugatan niya ang kanyang sarili at hindi niya nagawang makipagkompetensya. Habang naka-mount ang kanyang motorsiklo para sa isang qualifying race, nadulas ito sa roller starters, na nagresulta sa pagkahulog niya at nabali ang kanyang anim na tadyang.

Masuwerteng naka-recover si Harris. Kaya naman, ang 2023 festival sa Pukekohe Park Raceway ay isang dagdag na espesyal na edition para sa kanya, dahil matagal na umano siyang ‘di nakakapag-racing.

Ang gamit niyang motorsiklo ay ang BSA Bantam 175cc, na maaaring umabot sa bilis na hanggang 80 mph (130km/h), hindi pa rin makapaniwala ang iba sa husay at galing na ipinakita niya, dahil biruin mo ‘yun nag-4th place pa siya? Samantalang ang kanyang apo na si Olivia, ay nasa ika-21, habang ang kanyang anak na si Rod ay 8th place.

Nagbabalak pa rin si Harris na makasali sa iba pang mga kompetisyon ngayong taon, at sabik niya ring hinihintay ang 44th Classic Festival, na gaganapin sa Pebrero 2024 sa Manfeild Circuit Chris Amon, Feilding.

Grabe, hindi ba? Biruin mo ‘yun, hindi naging hadlang ang kanyang edad para ipagpatuloy ang kanyang passion. Kaya sa ating mga beloved grandma and grandpa r’yan, ilabas n’yo na ang inyong natatagong talento, malay n’yo kayo na ang susunod na parangalan ng Guinness.