Mayor Leni, humahabol kay VP Sara sa 2028 presidential survey — OCTA Research

ni Lester Bautista @News | April 17, 2026

Lumiit ang gap?

Bagama't nangunguna pa rin si Vice President Sara Duterte sa 2028 presidential preferences survey, lumiliit na umano ang agwat nila ni Naga City Mayor Leni Robredo, ayon kay OCTA Research founder Prof. Ranjit Rye.

"Leading pa rin si VP Sara Duterte sa preference, she has 33% of the preference for 2028... and si Leni 21%," ani Rye sa isang panayam.

Dagdag nito, malaki umano ang itinaas na bilang ni Robredo sa unang quarter ng 2026 batay sa kanilang pag-aaral na hindi umano commissioned.

"Itong aming pag-aaral sa first quarter of 2026 hindi po siya commissioned. So, naglalabas kami slowly ng aming na-oobserbahan. Malaki po 'yung itinaas ng numbers ni Mayor Leni this first quarter," anito.

Ayon pa kay Rye, preliminary lamang ang resulta at hindi ito predictive at posibleng mabago quarter by quarter.

Marcos, Robredo nagkita sa Sorsogon

ni Eli San Miguel @News | Oct. 17, 2024

Photo: Si Pangulong Bongbong Marcos at FVP Leni Robredo sa Sorsogon - MPC Pool

Nagkita at nagkamayan sina Pangulong Ferdinand Marcos Jr. at dating Bise Presidente Leni Robredo, na magkaribal sa halalan noong 2022, sa inagurasyon ng Sorsogon Sports Arena ngayong Huwebes.

Nagkrus ang kanilang landas sa entrada bago tumuloy ang Pangulo sa seremonya. Sa isang maikling video, makikitang binati ni Marcos si dating Senador Bam Aquino at pagkatapos ay si Robredo.

Ayon kay Senate President Francis Escudero, inimbitahan sina Robredo at Aquino upang salubungin ang Pangulo bilang kinatawan ng Bicol.

Si Robredo ay tatakbo bilang alkalde ng Lungsod ng Naga sa 2025, habang si Aquino ay muling tatakbo para sa Senado sa 2025 midterm elections. Sa kanyang talumpati, muling iginiit ni Marcos ang kanyang panawagan para sa pagkakaisa, na siya ring tema ng kanyang kampanya noong 2022.

Leni Robredo, Jessica Sojo, Ging Reyes, pinarangalan sa Fil-Am awards

ni Angela Fernando - Trainee @News | October 29, 2023

Idinaos ang taunang pagkilala sa The Outstanding Filipino Awards bilang paggunita sa buwan ng Kasaysayan ng mga Filipino-American sa Los Angeles kamakailan.

Sa okasyon, nagsama-sama ang mga sikat na personalidad at isa sa naparangalan ay ang former Vice President Leni Robredo.

Ayon sa dating VP, meron silang kolektibong responsibilidad na unahin ang kapakanan ng mga kababayang Pilipino na patuloy na nangangalaga sa kapakanan ng iba at ng bayan.

Ilan pa sa mga pinarangalan ay sina Jessica Soho at si Ging Reyes.

Sa pahayag ni Soho, nagpaalala siya sa mga Fil-Am na patuloy lang dapat sa paniniwala sa kapangyarihan ng kwento upang makapagbigay liwanag, inspirasyon, at pag-asa sa iba.