Kahit bloated pa… KRIS, BALIK-HOSTING NA SA MARCH

ni Nitz Miralles @Bida | February 16, 2026

Photo: Kris Aquino / Instagram

Kris Wisdom pala ang title ng podcast ni Kris Aquino na ayon sa kanya, hopefully, in five (5) weeks ay airing na. So, by March, mapapanood at maririnig na natin uli si Kris at siguradong marami itong ise-share.

Ngayon pa lang, active na si Kris sa pagsagot sa tanong ng mga fans. 

Sa nag-comment na, “We are glad you’re keeping up healthier and better!” sagot niya, “Marami kayong ‘di alam sa pinagdadaanan ko. By choice I try to only share what can inspire and not the hardships because all of you have enough on your plate, there’s no need to add to your burdens.”

Sa nag-comment naman ng “Your will to live is remarkable,” sagot ni Kris, “Wouldn’t you want to live when you have sons who love you and need you and are just so caring and really make you feel so appreciated.”

Sa nag-comment pa ng “Given everything you’re going through physically and emotionally, what now defines strength for you at 55?” sagot ni Kris, “My willingness to continue trying all possible treatments considering that I sometimes have had unexpected reactions that frightened all of us. Medicine that people have never had an allergic reaction to—I am really ‘different’… it doesn’t mean I am not scared, it just means I am not giving up and that’s what matters.”

Tungkol sa reaksiyon sa gamot, nabasa namin ang post ni Kris sa isa sa mga doctors niya na si Dr. Ging Zamora. Kabilang si Doc Ging sa mga present sa birthday salubong para kay Kris.

Aniya, “I love you but I am so bloated from the only steroid I am not allergic to. I found a place to walk safely, but of course knowing me you and my nurses need to stay alert so that I don’t stumble.”

Marami na nga ang excited na mapanood muli ang ‘Queen of Talk’ na si Kris Aquino.

---

Piktyur na magki-kiss, viral…

BF DAW NI FRANKIE, GUWAPO AT RICH ANG ANGKAN

KINAKANTIYAWAN ng mga supporters ni Frankie Pangilinan at ng Pangilinan family ang mga bashers nina Sharon Cuneta at Frankie. 

Nadamay si Kakie (palayaw ni Frankie) sa isyu ng mom niya at dahil pati siya ay binabanatan at paulit-ulit na ginagamit ang minsang nasabi niya na ayaw na niya ng Ferdinand Marcos na presidente ng bansa, comment ng maka-Frankie, hindi pa raw naka-move on ang mga bashers nito at ng kanyang pamilya, eh, may bago nang isyu. 

May bagong boyfriend na raw ito. Nasa Instagram (IG) Story ni Frankie ang photo nila ng guy na hindi pinangalanan, na tila magki-kiss, kaya kinilig ang mga netizens. 

May nakakakilala sa guy at nakikita na sila ni Frankie sa mga events, pero walang makapagbanggit ng pangalan nito.

Ang sabi lang ng mga nakakakilala sa guy, yayamanin ito at galing sa pamilya ng Santa Maria, Laurel at Rufino na mayayaman nga. Present daw ito sa Christmas party ng mga Pangilinan at ipinakilala ni Frankie sa kanyang mga relatives.

Guwapo raw ang guy, pinsan ni Denise Laurel, rich at fit. 

Magka-level daw si Frankie at ang sinasabing boyfriend nito. Ang payo ng mga kakilala, huwag nang pakawalan ang guy at vice-versa.

Kaya sabi ng mga supporters ng mga Pangilinan sa mga bashers, tigilan na nila ang pamba-bash at tulungan silang diskubrehin ang pangalan ng boyfriend ni Frankie. Mas maganda raw kung may ibang info silang mai-share.

---

BARBIE AT ENCHONG, MAGKASAMANG SINALUBONG ANG V-DAY

LOADED ang schedule ni Barbie Forteza kahit wala siyang Valentine's date. Sa ipinost na reels sa Instagram (IG) na may caption na: “Valentine’s weekend well spent,” ipinakita kung paano siya nag-celebrate nang mag-isa.

Nanood siya ng sine, nagkape sa favorite coffee shop niya, at nag-dinner sa favorite Italian restaurant. Ipinakita ni Barbie na kahit solo, puwede pa ring maging masaya sa

Araw ng mga Puso at natuwa sa kanya ang mga kaibigan.

Kabilang sa mga nag-comment si Director Irene Villamor at humirit na gumawa raw sila ng pelikula ni Barbie, na sinagot ng aktres ng, “Hala direk! Game na game ako, please!”

Mababasa rin ang comment ni Enchong Dee na well-deserved ang ginawa ni Barbie at lumabas na magkasama silang sinalubong ang Valentine’s Day.

May ginagawang project for Netflix ang dalawa, kaya magiging madalas ang kanilang pagkikita at alam na ng mga fans ni Barbie Forteza na magiging mabuti silang magkaibigan.

BP, nag-172/112… KRIS, ISINUGOD NA NAMAN SA OSPITAL

ni Beth Gelena @Bulgary | September 5, 2025

Photo: Kris Aquino - IG

Ang daming nabahala nang bigla na namang isinugod si Kris Aquino sa ospital dahil sa pagtaas ng kanyang blood pressure.

Agad kumalat ang death hoax o fake death news tungkol sa kanya na itinanggi ng malalapit niyang kaibigan.

Kinumpirma ng dating tabloid editor na si Dindo Balares na buhay at nakikipag-usap pa ang kaibigan niyang si Kris matapos ang insidente. 

Nagulantang kasi ang marami matapos kumalat ang tsismis na pumanaw na raw si Kris.

Sa Facebook (FB) post ni Kuya Dindo, ikinuwento niya ang kabang naramdaman nang makatanggap ng tawag mula sa press at isang kamag-anak na nagtatanong kung totoo raw ba ang balitang sumakabilang-buhay na si Kris.

Ayon kay Balares, “Si Kris Aquino raw, dead na. Paanong ‘di nenerbiyusin, ilang araw kaming ‘di nagkontakan ni Krisy after ng successful surgical procedure sa kanyang blood clots.”

Agad daw siyang nagtanong sa isang caretaker ni Kris at nakahinga nang maluwag nang marinig na natutulog lamang ito. Kinagabihan, nagkausap din daw sila ni Kris mismo sa messaging app kung saan nilinaw ng TV host-actress na buhay na buhay siya, kahit pa dumaan sa panibagong health scare.

Kuwento ni Kris sa kanya, “Noong umabot ng 172/112 ang BP (blood pressure) ko, I told Alvin to call St. Luke’s for an ambulance.”

Ipinakita rin niya ang resulta mula sa kanyang BP monitor at inaming bumaba rin ang kanyang white blood cell count.

Sa kabila nito, pinanatili ni Kris ang pagiging matatag at nagbigay pa ng lakas ng loob sa kanyang kaibigang si Balares.

“I don’t want you to worry, Kuya Dindo. Kaya pa,” dagdag niya.

Positibo ring ibinalita ni Kris na, “They checked if I had more blood clots. The good news—the blood clot that required the surgery, thank you for the prayers, has shrunk significantly.”

Dahil dito, kahit may pangamba, nagpatuloy pa rin sa masayang pag-uusap ang dalawa. Para kay Dindo Balares, kahanga-hanga ang tapang at positivity ni Kris Aquino sa kabila ng kanyang pinagdaraanan.

---

Mag-ama, first time nagsama sa event…

BARON, INILANTAD NA IN PUBLIC ANG ANAK NILA NI NADIA

AGAW-PANSIN si Baron Geisler at ang anak niya kay Nadia Montenegro na si Maria Sophia Asistio sa ginanap na Preview Ball. Unang beses kasing nagkasama sa public event ang mag-ama.

Wika ng aktor, “For me this is not only celebrating our artists but also a family time.”

Excited namang pahayag ni Sophia, “I feel very blessed to have this opportunity with him and this is also my first red carpet and it is with him so it is very special.” 

Pabonggahan ang mga celebrities na um-attend sa event. Mga sopistikadong kasuotan na may kani-kanyang symbolic styles ang nag-stand-out nu’ng gabing iyon.

Nangunguna si Anne Curtis na very confident sa kanyang beauty. Ibinahagi niya ang sikreto kung paano mapanatiling glowing and youthful ang sarili kahit na siya ay 40 years old na.

Aniya, “Being happy in life.”

Ang former Miss Universe na si Pia Wurtzbach-Jauncey ay nakaka-inspire rin ang outfit na inspired by the delicate wings of a mariposa, embodying sophistication.

Isa pang Miss Universe Philippines alumna na si Michelle Dee ay agaw-pansin sa kasuotang barong kung saan pinatunayan niya na ang Filipino classic dress ay puwedeng gawing modern at eco-conscious.

Sina Francine Diaz at Seth Fedelin naman ay sabay na dumating kung saan ang suot nila ay all-black na ensemble, highlight ng kanilang youthful elegance.

Hindi naman nagpakabog ang grand winners ng PBB Celebrity Collab Edition na sina Brent Manalo at Mika Salamanca habang rumarampa sa kanilang timeless sophistication as a duo, exuding chemistry and poise.

Patuloy daw na lalaban sa sakit… DOKTOR NA BF NI KRIS, KASAMA SA BAGONG SHOW

ni Erlinda Rapadas @Teka Nga | Oct. 22, 2024

Photo: Kris Aquino - IG

Positibo ang pananaw ni Kris Aquino sa kanyang kalagayan ngayon dahil idineklara ng kanyang mga doktor na cancer-free siya. 

Ang kanyang autoimmune disease na lang ang tinututukan ng mga doktor, dahil may panganib pa rin ito sa kanyang kalusugan. Maaaring tamaan siya ng aneurysm at pneumonia, kaya’t lahat ng pag-iingat ay ginagawa ni Kris ngayon upang malabanan ang kanyang mga health issues. 

Buo ang loob ni Kris at patuloy na lalaban dahil magbabalik-telebisyon siya ngayong taon. Kakaiba raw ang konsepto ng show na gagawin ni Kris. Makakasama niya sa kanyang journey ang kanyang mga anak na sina Joshua at Bimby at ang mga doktor na tumutulong sa kanyang paggaling. 

Maging ang ilang kaibigan na kasama niya sa bawat yugto ng kanyang buhay ay magkakaroon ng partisipasyon sa kanyang show, ganoon din ang BF niyang si Doc Michael Padlan. 

Kaugnay nito, nilinaw ni Kris na kung sakaling gumaling siya sa kanyang sakit at magpapakasal, isang simple at hindi garden wedding ang gusto niya, at kasama siyempre ang mga mahal niya sa buhay.

---

PAHINGA raw muna sa pulitika si Herbert Bautista, ayon sa isang taong malapit sa dating Quezon City mayor. Ito ang sagot sa tanong ng marami kung bakit kahit sa partylist ay hindi tumakbo si Bistek. 

Kung tutuusin, asset si HB ng anumang partylist na kanyang sasamahan. Kilala na siya sa buong Pilipinas at malawak ang kanyang karanasan bilang public servant, base na rin sa kanyang track record. 

Nagsimula siya bilang konsehal ng Kyusi, naging vice-mayor ng ilang termino, at kalaunan ay nahalal bilang mayor ng Quezon City. 

Marami ang nanghihinayang kay Bistek dahil hindi siya nakalusot bilang senador noong 2022 elections. Deserve naman niya ang higher position kung tutuusin. 

Hindi na pagdududahan ang kanyang talino at kakayahan sa pamamalakad sa anumang posisyon na kanyang mapapanalunan. 

Ang isang malaking weakness lang ni Herbert ay ang sobra niyang pagtitiwala sa mga taong nangako sa kanya ng suporta, pero lihim pala siyang inilaglag at siniraan. 

Pero hindi madaling sumuko si Bistek, alam niya na darating ang tamang panahon para sa kanya. Babawi at babangon siyang muli. 

Sabi nga, “You cannot put a good man down.” Babalik at babalik siya sa political arena. 

Sa ngayon, ine-enjoy muna niya ang stress-free life.

---

Criza Taa, pang-camera lang…

HARVEY, MAY NON-SHOWBIZ GF NA

BINATANG-BINATA na si Harvey Bautista, ang bunsong anak ni Herbert Bautista kay Tates Gana.

Isa si Harvey sa mga bida ng pelikulang Friendly Fire (FF) na idinirek ni Mikhail Red. Ito ay produced ng Black Cat Productions at palabas sa Oct. 23.

Kasama ni Harvey sa movie sina Loisa Andalio, Coleen Garcia Crawford, Yves Flores, Bob Jbeili at John Lucas.

Ang laki ng iginaling ni Harvey sa pag-arte, sineseryoso niya ang bawat role na kanyang ginagampanan, mapa-telebisyon man o pelikula. 

He’s a heartthrob in the making, at konting pagdyi-gym lang ang kanyang kailangan upang gumanda ang built ng kanyang katawan.

Kung ang ama niyang si Bistek ay nakilala bilang komedyante, si Harvey ay mukhang lilinya sa seryosong pagganap. Unti-unti na rin niyang naaalis ang pagiging tahimik at mahiyain. Sanay na siyang humarap sa kanyang mga fans. 

Well, balitang may non-showbiz girl ngayon na nagsisilbing inspirasyon ni Harvey kaya pang-camera lang ang love team nila ni Criza Taa. 

Mabigyan lang ng magagandang projects, tiyak na magle-level-up pa ang pagiging aktor ni Harvey. Markado ang kanyang naging role sa FF na showing na bukas, Oct. 23, at tiyak na marami sa kabataang GenZ ang makaka-relate sa pelikula.