Buhay isla sa ‘Pinas, tampok sa bagong MV ni Hyolyn

ni Eli San Miguel @K-Buzz | August 13, 2024

Screenshot from video: Hyolyn

Ipinakita ni Hyolyn ang kanyang island girl energy sa kanyang pinakabagong music video. Sa kanyang bagong single na “Wait,” itinampok ng K-Pop star ang magagandang tanawin ng isang isla sa Pilipinas habang sumasayaw sa talon at sa dalampasigan.

Nagkaroon din si Hyolyn ng mga eksena sa jeepney, kubo, tricycle, boxing gym, at sari-sari store. Sa oras ng pagsusulat nito, ang music video ay mayroon nang 1.4 million views, 40,000 likes, at 2,600 comments na pumupuri kay Hyolyn para sa pagpapakita ng kagandahan ng Pilipinas.

Unang naglabas ng teaser si Hyolyn para sa kanyang music video sa pamamagitan ng isang sexy photoshoot sa isang sari-sari store, na dinumog ng nakakatuwang mga comments, partikular na mula sa mga Pinoy fans.

Si Hyolyn ay dating miyembro ng K-Pop girl group na Sistar at ng subunit nito na Sistar19 hanggang sa kanilang disbandment noong 2017. Itinatag niya ang record label na Brid3 at opisyal na nagsimula ng trabaho sa label noong 2018.

Chanyeol ng EXO, magso-solo na

ni Angela Fernando @K-Buzz | July 30, 2024

Photo: Chanyeol / EXO

Magde-debut bilang solo artist ang miyembro ng sikat na K-pop boy group na si Park Chanyeol. Ayon sa ulat ng ‘www.news1.kr’ na ibinahagi ng Soompi, kinumpirma ng management ng K-Pop star na SM Entertainment na magaganap ang debut ni Chanyeol bilang solo artist sa darating na Agosto para sa kanyang unang solo album.

Magsisimula rin ang Korean idol na mag-tour sa Setyembre 6 at 7 para sa kanyang "City-scape" sa Blue Square Mastercard Hall sa Seoul pagkatapos mailabas ng kanyang nasabing album.

Matatandaang ipinahayag ni Chanyeol ang kagustuhang gumawa ng kanyang solo album nu'ng Disyembre 2023 upang makapaghatid sa mga fans ng mga awiting tatatak at matatandaan ng mga ito.

2NE1, magsasama-sama muli sa isang concert sa Oktubre

ni Eli San Miguel @Overseas News | July 22, 2024

Inanunsiyo ng YG Entertainment founder na si Yang Hyun-suk na magbabalik ang K-Pop girl group na 2NE1 sa music scene sa pamamagitan ng pagdaraos ng isang concert.

Agad na dinumog ng mga fans ang announcement post sa Facebook, na ngayo'y may higit sa 700,000 reactions matapos lamang ang labing-tatlong oras. Ipinost ng YG Entertainment ang isang larawan ng 2NE1 sa Facebook at isinulat na, “WELCOME BACK, 2NE1.”

Ipinost din ni Sandara Park ang parehong larawan sa Instagram na may caption na: “What’s up We’re 2NE1. WELCOME BACK, #BLACKJACKS #2NE1 #투애니원 #YG #WELCOME_BACK.” Hindi mapigilan ng mga fans ang kanilang excitement dahil isa itong napakagandang balita para sa grupong binubuo nina Sandara Park, CL, Park Bom, at Minzy, na pitong taon nang disbanded.

Noong Hunyo 27, matatandaang inanunsiyo ni Yang Hyun-suk sa YouTube ang plano para sa 2NE1 matapos ang kanyang pagpupulong kasama ang apat na miyembro. “Today, I have some very exciting news. The first girl group YG announced. The first successful YG girl group was 2NE1,” aniya.

“The members of 2NE1 informed me that they'd like to hold a concert commemorating their 15th anniversary. So we caught up and happily discussed, making it all happen within this year,” dagdag pa niya. Inihayag naman ni Yang Hyun-suk na ang concert ng 2NE1 sa Seoul ay gaganapin sa pagsisimula ng Oktubre.