Bebot na dapat umuwi sa probinsiya at tumulong sa negosyo ng magulang, sure na uunlad kesa sa pag-a-

Maestro Honorio Ong

KATANUNGAN

1. Matagal na ako rito sa Maynila at inabutan ako ng lockdown. Sayang dahil katatapos ko lang mag-training bilang caregiver at nagka-Covid-19 kaya napurnada ang pag-a-apply ko sa abroad.

2. Naisipan kong sumangguni sa inyo para malinawan ako kung ano ang nakatakda sa aking kapalaran? Ano ang nakikita n’yo, makapag-a-abroad ba ako o hindi? Parang nawawalan na ako ng pag-asa.

3. Kung hindi ako makapag-a-abroad, tama ba ang iniisip kong umuwi sa aming probinsiya at tulungan ang nanay ko sa negosyo naming tindahan ng isda sa palengke?

KASAGUTAN

1. Mukhang mas tama ang ikalawang opsiyon mo na umuwi sa inyong probinsiya at tulungan ang iyong mga magulang, sapagkat kapansin-pansin na sa kasalukuyan, wala namang malinaw o malawak na Travel Line (Drawing A. at B. t-t arrow a.) sa kaliwa at kanan mong palad.

2. Tanda na kahit amagin ka kahihintay at halimbawang natapos ang problema sa COVID-19 at bumalik sa normal ang pamumuhay natin, malamang na malabo ka pa ring makaalis patungong abroad dahil wala namang malinaw na Guhit ng Paglalakbay sa kaliwa at kanan mong palad (arrow a). Sa halip, ang malinaw na gumuhit ay ang Business Line (Drawing A. at B. N-N arrow b.), na nangangahulugang mas mainam na umuwi ka na lang sa inyong probinsiya at ituloy ang pagtitinda ng mga isda at iba pang produktong nakukuha sa tubigan.

3. Ayon sa zodiac sign mong Pisces, sa gawain o hanapbuhay na nabanggit, doon ka aasenso at tuluy-tuloy na uunlad. Dagdag pa rito, ang pag-aanalisang hindi ka sa pag-a-abroad uunlad at yayaman kundi sa pagnenegosyo ay madaling kinumpirma ng lagda mong dalawang initial at apilido lang. Ang ganyang mga uri ng pirma, mas madali at madalas na umuunlad at yumayaman sa pamamagitan ng pagnenegosyo at pangangalakal.

MGA DAPAT GAWIN

1. Minsan, hindi naman masamang sumuko sa isang pangarap na alam na alam mong hindi mangyayari at matutupad sa kasalukuyan dahil wala o hindi pa nakamarka ang pangarap mong ito sa guhit ng iyong mga palad.

2. Ayon sa guhit ng iyong palad, Clara, higit na lilinaw ang iyong career at mas magiging maunlad ang iyong buhay, hindi sa pag-a-abroad kundi sa pagnenegosyo sa inyong probinsya, na suwetong-suweto simulan at ipatupad ngayong 2020 hanggang 2021, sa edad mong 32 pataas. Sa ganyang paraan, kahit hindi ka nakapag-abroad, darating ang eksaktong panahon sa nasabing masinop at masikap na pagnenegosyo susuwertehin ka at yayaman (Drawing A. at B. H-H arrow c.) na magsisimulang mangyari sa 2029 sa edad mong 41 pataas.

Bebot na may magagandang guhit sa palad, sure na may masayang love life at matagumpay na career

Maestro Honorio Ong

KATANUNGAN

1. Three years na kami ng boyfriend ko at naisipan kong sumangguni sa inyo upang malaman kung siya na ang makatutuluyan ko?

2. Tapos na ako ng kursong accountancy at nagse-self study muna ako hanggang may Covid-19. Sakaling kukuha ako ng CPA board exam next year, makakapasa kaya ako?

3. Matagal n’yo na kaming tagasubaybay, since elementary pa lang ako, kaya gusto ko ring malaman kung ano ang mangyayari sa future ko at career na napili ko?

KASAGUTAN

1. Iisa lang ang namataang malinaw at makapal na Marriage Line (Drawing A. at B. 1-M arrow a.) sa kaliwa at kanan mong palad. Tanda na kung three years na kayong nagmamahalan ng boyfriend mo at nagkataong Aquarius ang zodiac sign niya habang ikaw naman ay Libra, tiyak ang magaganap – kayo ang magkatutuluyan at magsasama sa pagbuo ng maligaya at panghabambuhay na pamilya.

2. Habang ang tuwid at magandang Fate Line (Drawing A. at B. F-F arrow b.) sa kaliwa at kanan mong palad ang nagsasabing siguradong makakapasa ka sa board exam at magkakaroon ng magandang career, sapagkat ang nasabing Fate Line na tuwid at maganda (arrow b.) ay madali namang nakarating sa Bundok ng Tagumpay (arrow c.). Tanda na sa kursong accountancy, tulad ng iyong inaasahan, magtatagumpay at magkakaroon ka ng maunlad career sa susunod na mga dalawa hanggang tatlong taon.

3. Ang pag-aanalisang makakapasa ka sa CPA board exam ay muli at madali namang kinumpirma ng Effort Line (Drawing A. at B. E-E arrow d.) na nakatuntong sa Bundok ng Katuparan (arrow e.) sa kaliwa at kanan mong palad. Tanda na isang kuha lang ng exam, walang mintis ay makakapasa ka.

DAPAT GAWIN

Ayon sa iyong mga datos, Karen, ang kasalukuyan mo nang boyfriend ang nakatakda mong makatuluyan at ang pag-aasawang nabanggit ay tinatayang magaganap sa 2024. Subalit bago maganap ang nasabing pag-aasawa, makakapasa ka muna sa board exam hanggang sa magkaroon ng matagumpay na career sa isang sangay ng ating pamahalaan, na nakatakda namang mangyari sa 2022 sa edad mong 25 pataas.

Bebot na may nabiyak na Heart Line, aanakan at iiwanan lang ng karelasyon

Maestro Honorio Ong

Katanungan

1. Maiiwasan ba ang nakatakdang kapalaran? Naitanong ko ito dahil sa kakabasa ko sa inyong mga artikulo. Napansin kong biyak ang Heart Line sa aking palad at iniisip kong ito ay may masamang ibig sabihin.

2. Tama ba ako, pangit ba ang interpretasyon kapag nabiyak o naputol ang Heart Line ng isang tao sa guhit ng kanyang palad at kung negatibo ang kahulugan nito, maiiwasan ko ba ang pangit na kahulugang ito?

Kasagutan

1. Tandaang may dalawang pangunahing dahilan kung bakit kailangan malaman ng indibidwal ang kanyang takdang kapalaran. Una, upang kung pangit ang kapalarang ito ay magawa o masubukan niyang iwasan at kung maganda naman ito ay lalo niya pang mapagbuti at mapaghusayan. Ibig sabihin, lalo mo pang mapagbuti o ma-maximize ang magandang kapalarang ito na paparating sa iyong buhay.

2. Pangalawa, dapat alam ng tao kung ano ang sasapitin niyang kapalaran upang kung hindi man niya ito maiiwasan at kung ito ay masamang kapalaran ay kanyang mapaghandaan. Kumbaga, walang iniwan sa pagdating ng malakas na bagyo, lindol o pagsabog ng bulkan at pagdating ng Covid-19 at iba pang biglaang delubyo. Halimbawang isa o dalawang taon pa lang ay alam mo nang darating ang Covid-19, ngayon palang ay makapaghanda ka na ng iba’t ibang uri ng preparasyon upang hindi mo man maiwasan ang virus, dahil maaga pa lang ay nagtayo ka na ng testing facilities at nag-stock ng mga pagkain, gamot at vitamins, sa ganitong paraan, tiyak na mababawasan ang pinsala sa ating bansa ng nasabing virus.

3. Pero nakita mo naman, ang nangyayari ngayon sa pagdating ng Covid-19. Dahil hindi gaanong napaghandaan, nagkakagulo ang bansa dahil sa mabilis na pagbagsak ng ekonomiya sanhi ng lockdown sa iba’t ibang bahagi ng bansa, ganundin sa kapalaran ng tao. Hindi mo ito mapipigilan at kung nagkataong hindi mo alam kung kailan ang eksaktong petsa, pero alam mo namang darating ang negatibo o masamang kapalaran, dapat ngayon pa lang ay pinaghahandaan mo na ito.

4. Tulad ng kapalaran mo, Maybelyn, ang ibig sabihin ng nabiyak na Heart Line (Drawing A. at B. h-h arrow a.) tulad ng nakikita sa kaliwa at kanan mong palad ay may tatlong bagay. Anu-ano ang ibig sabihin ng mga ito?

5. Una, maaaring magkaroon ka ng live-in partner o karelasyon na hindi mo naman makatutuluyan. Pagkatapos mong makipag-live in ay hindi siya ang iyong mapapangasawa at panghabambuhay mong makakasama.

6. Pangalawa, maaaring magkaroon ka ng anak, pero ang ama ng bata ay hindi mo naman makakasama, kumbaga, aanakan ka lang at bigla kang iiwanan.

7. Pangatlo, maaari ring ang ibig sabihin ng nabiyak na Heart Line (h-h arrow a.) ay ang napipintong paghihiwalay ninyong mag-asawa o boyfriend mo kung may boyfriend ka man ngayon. Samakatuwid, tama ang iniisip mo, sa sandaling biyak ang kaliwa at kanang palad (h-h arrow. a.), lalo na’t kinumpirma rin ito ng pangit na lagda, ng zodiac sign na Leo, Aquarius o Pisces at pangit ding Marriage Line (Drawing A. at B. 1-M arrow b.) sa kaliwa at kanan mong palad, ang negatibong pahiwatig ng biyak na Heart Line (arrow a.) ay siguradong magaganap sa panahong inilaan ng kapalaran.

Mga Dapat Gawin

1. Kung may asawa o may boyfriend ka na, wala kang dapat gawin kundi mahalin at pasayahin mong mabuti ang iyong karanasan. Wala kang dapat gawin kundi magpakasawa at magpakaligaya sa piling niya upang kapag nangyari na ang nasabing pagtaya ng nabiyak na Heart Line (arrow a.), kapag nagkahiwalay kayo, walang gaanong panghihinayang na mdarama dahil noong magkasama pa kayo ay ginawa mo na ang pinakamainam at pinakamasarap na sandali ninyong dalawa, kaya kapag siya ay biglang nawala, tanggap at pinaghandaan mo na talaga bago pa naganap ang nasabing negatibong senaryo.

2. Sa pagkakataong ito, pepetsahan natin ngayon kung kailan mangyayari ang itinakdang kapalaran kung saan ayon sa iyong mga datos, ang nasabing nabiyak na Heart Line (h-h arrow a.) sa kaliwa at kanan mong palad ay nakatakdang maganap sa 2021 sa edad mong 35 pataas. Kaya bago pa dumating ang panahong tinuran, ngayon pa lang ay dapat maghanda-handa at magpakatatag ka, kasabay ng preparasyon o mga pagpaplano sa iyong sarili na halimbawang biglang nawala o bigla kang iniwan ng kasalukuyan mong boyfriend, asawa o kinaksama, ano ang mga bagay na gagawin mo upang mapanatili tagumpay at masaya ang iyong buhay?