iKON, balik-'Pinas sa Abril

ni Eli San Miguel - Trainee @Entertainment | March 10, 2024

Bibisita ang South Korean idol group na iKON sa Pilipinas para sa isang solo concert sa Abril 2024.

Sa social media, ibinahagi ng concert promoter na CDM Entertainment ang isang clip ng K-pop group na nag-aanyaya sa mga Pinoy iKONICs na manood ng kanilang "Limited Tour - Get Back," sa Abril 7 sa Smart Araneta Coliseum.

Huling bumisita ang iKON sa bansa noong Agosto ng nakaraang taon para sa kanilang "Take Off in Manila" concert.

Binubuo ang grupo ng anim na miyembro na sina Jay, Bobby, Ju-ne, Song, DK, at Chan. Nag-debut sila noong 2015 sa kanta na "My Type," at sila ay kilala sa kanilang mga kanta na "Love Scenario" at "Killing Me."

K-POP BOY GROUP, TREASURE, BALIK ‘PINAS

ni Rensel Sabando @Entertainment | February 22, 2024

Babalik na sa Maynila ang K-pop boy group na Treasure para sa kanilang 2024 TREASURE’s Relay Tour Reboot concert.

Sa kanilang opisyal na Instagram account, inihayag ng 10-member Korean boy group ang kanilang nalalapit na Asian tour sa Manila sa SM Mall of Asia Arena sa Pasay sa darating na May 4.

Ini-repost ang post noong February 20, Miyerkules, ng local concert organizer na Live Nation Philippines, na magsisilbing local promoter nila.

Kasabay ng kanilang Manila leg, dadalhin din ng TREASURE ang kanilang Relay Tour sa iba't ibang lungsod tulad ng Hong Kong at Bangkok sa Mayo. Bibisita rin sila sa Kuala Lumpur at Jakarta sa Hunyo 2024.

Ang mga karagdagang detalye kabilang ang mga presyo ng ticket, petsa ng pagbebenta, set plan, at mga benepisyo ng fan ay hindi pa iniaanunsiyo.

Itinatampok ng TREASURE's Relay Tour ang pangalawang full-length album na Reboot ng grupo, na inilabas nila noong Agosto noong nakaraang taon.

Ayon sa Pink Villa, ipinaliwanag ng YG Entertainment na ang paparating na Asian Tour ay binalak para sorpresahin ang mga fans na sumuporta at nagpakita ng pagmamahal sa grupo sa kanilang huling full studio album.

Idinagdag din ng entertainment agency na ang mga miyembro ay nagsusumikap na ibigay ang kanilang makakaya sa kanilang pagtatanghal sa Asian tour na ito.

PARK HYUNGSIK, ENJOY SA 'PINAS, AYAW NANG BUMALIK NG KOREA

ni Rensel Sabando - Trainee @Entertainment | February 13, 2024

Magkahalong saya, kaba at excitement ang nararamdaman ng K-superstar na si Park Hyung Sik nu'ng siya’y ma-interview para sa darating niyang Asia Tour Fan Meet na tinaguriang “SIKcret Time in Manila” sa February 17, 7 pm sa Smart Araneta Coliseum.

Ayon kay Hyungsik, “I have prepared a lot to have a great time with my fans. So, I hope you guys can expect to have a great time with me,” sagot niya sa kamakailang virtual group chat with his fans.

Matagal na mula nang huli siyang bumisita sa Pilipinas kaya umaasa ang aktor na maraming mga fans niya ang pupunta sa nasabing fan meet.

Last 2019 pa nang bumisita ang aktor sa Pilipinas kaya excited din ang mga fans sa kanyang pagbisita muli sa bansa.

Bagama't dati na niyang nakilala ang kanyang mga tapat na Pinoy followers, na sinusubaybayan ang mga pinakabagong pangyayari sa kanyang karera sa pamamagitan ng social media at sumusuporta sa kanyang trabaho, "Sobrang kaba ang nararamdaman ko ngayon," ibinahagi niya, na nagnanais na mag-scuba dive sa bansa kung bibigyan ng anumang pagkakataon dahil isa ang Pilipinas sa magagandang lugar para sa mga aktibidad katulad ng scuba diving.

Dagdag ni Hyung sik, “The memory I have of the Philippines is that the fans are very passionate. The food was really nice. The weather was perfect as well. I actually got the feeling that I would not like to go back to Korea. So, I’ve had good memories of the Philippines.”.

Sa ngayon, ang kanyang 16-episode na drama na pinamagatang "Doctor Slump" ay streaming na sa Netflix, pati ang sikat nilang cameo ni Park Bo Young sa “Strong Girl Nam-Soon.”

Sa seryeng Doctor Slump na still ongoing, gumaganap si Park bilang isang napakatalinong doktor na nagkataon na muling nakipagkita sa kanyang karibal sa paaralan na ngayon ay isa na ring magaling na doktor. Parehong humaharap sa "pinakamasamang pagbagsak ng buhay" at nakahanap ng "kaaliwan sa isa't isa.

Kasalukuyang hawak ng palabas ang No. 1 na puwesto para sa nangungunang Top 10 na mga palabas sa TV sa Netflix sa 11 bansa, kabilang ang Pilipinas.