Isa sa mga fave leading lady ni FPJ… EX-MAYOR MAITA NA MISIS NI EX-GOV. ER, PUMANAW NA SA EDAD NA 55 DAHIL SA CANCER

ni Julie Bonifacio @Winner | Nov. 4, 2024

Photo: Larawan ni dating Pagsanjan Mayor Girlie Maita Javier-Ejercito - FB

Pumanaw na ang dating mayor ng Pagsanjan, Laguna na si Girlie Javier Ejercito na kilala rin bilang Maita Sanchez sa showbiz at misis ni former Laguna Governor ER Ejercito.

Si ER mismo ang nag-announce sa pagkamatay ni Maita sa kanyang Facebook (FB) page.

Mensahe ni ER (as is), “My lovely and beautiful wife, our dearly beloved Mayora Girlie “Maita” Javier-Ejercito (April 2, 1969 - November 3, 2024) of pagsanjan, laguna just passed away today november 3, 2024 at 12:01 AM due to endometrial cancer at the Saint Luke’s Medical Center SLMC QC - she was 55 and we have 6 children: Eric, Jet, Jerico, Jhulia, Diego And Gabriela. 

“Heartfelt thanks for all your love and prayers (praying emoji).

“Wake and daily 7 PM holy mass will start tonight november 3 to 9 at our home, the Don Porong Ejercito 1912 ancestral mansion in Pagsanjan, Laguna (cross emoji).

“Mayora Maita was an outstanding multi-awarded local chief executive (2010 - 2019) who brought life, joy and integrity into the significant programs and projects of Pagsanjan, which is now recognized as the tourist capital of Laguna (medal and trophy emoji), una sa lahat.

“Mayora Maita was overwhelmingly elected and served as Mayor (2010 - 2019) and Vice Mayor (2019 - 2022) of Pagsanjan, Laguna and was also elected as LMP president of the League of Municipalities if the Philippines (Laguna chapter) (2010 - 2016).

“Mayora Maita a.k.a. “Maita sanchez” was also one of the favorite actress/leading lady of the king of philippine movies, our ninong, Fernando Poe, Jr. (kahit konting Pagtingin part 2 (1995), Hagedorn (1996), Pagbabalik Ng Probinsyano (1998), Ang Dalubhasa (2000) and

Batas Ng Lansangan (2002). Her last movie was Shake, Rattle and Roll Extreme (2023).

“Our family is requesting prayers and mass offerings for the repose of her soul (praying and flower emoji).

“Eternal rest grant unto her, Lord, and let perpetual light shine upon her. May her soul and the souls of all the faithful departed through the mercy of God. Rest in peace, Amen.”

Nagpaabot ng kanilang mensahe sa comment section ng FB post ni ER ang mga celebrity friends nila gaya nina Bacoor City Representative Lani Mercado, Liz Alindogan, Direk Manny Valera, Direk Louie Ignacio, atbp..

Our condolences from BULGAR.

---

Number, ipinost sa socmed…

DARREN, BINIBIKTIMA NG POSER-SCAMMER, NAGPASAKLOLO SA FANS

Darren Espanto - Instagram

NANAWAGAN ang singer na si Darren Espanto sa kanyang mga followers sa X (dating Twitter) na tulungan siya sa isang poser na nagke-claim na handler siya ng It’s Showtime (IS) host. 

Ang ikinairita pa ni Darren ay ang pangungulit sa kanya ng poser by calling him on the phone.

Post ni Darren, “Hi, guys. Kung trip n’yo mang-trip ngayong gabi, please spam call or spam text naman po itong number na ‘to, posing as our Star Magic handlers and keeps calling my phone. Beware of posers. Thank you!”

Sa dulo ng panawagan ni Darren ay inilagay niya ang cell number ng poser na nangungulit sa kanya.

Sinuportahan naman si Darren ng kanyang mga followers. 

“Done, Darren!”

“Online s’ya sa Viber. Hahaha!”

“Hahaha! Nag-iba s’ya ng name.”

“Nagpalit na s’ya ng photo. Pero Joy ang nakalagay na name n’ya.”

“Ayaw naman sumagot, tine-text ko, ayaw ding sumagot. Minura ko lang naman nang malutong.”

Ang ilan naman ay nagtataka kung bakit nakakalusot pa ang ganitong gawain gayung may SIM registration na raw. 

Comment ng mga netizens…

“Akala ko ba, kaya may SIM registration, eh, para mas maging safe na ngayon. By the looks of it, madami pa rin talagang malalakas ang loob para mang-scam and etc. Please have the number check with NTC kung kanino naka-register ‘yang number na ‘yan at nang mapahuli rin.”

“Walang aksiyon. Marami nang nagreklamo about sa ganyan pero until now, ni isa, wala pang nahuli.”

“So sad to hear this, posers are everywhere! Mga walang magawa sa buhay kaya nanggugulo na lang, hay! Beware always.”

Tamah.

Alden, pang-movie lang… KATHRYN, SI DOMINIC ANG LAGING KASAMA

ni Julie Bonifacio @Winner | Nov. 3, 2024

Photo: Kathryn Bernardo at Dominic Roque - Instagram

Mukhang waley talagang pag-asa si Alden Richards kay Kathryn Bernardo dahil ultimo sa nakaraang Halloween celebration ay iba ang kasama ni Kathryn sa piktyur na nag-viral sa socmed (social media).

Instead of Alden na leading man ni Kathryn sa movie nila under Direk Cathy Garcia-Sampana ang kasama niya sa piktyur, ang ex-boyfriend ni Bea Alonzo na si Dominic Roque ang ka-party ng ex-GF naman ni Daniel Padilla.

Naka-motorcycle driver jacket si Dominic sa piktyur. Si Kathryn naman ay naka-color green na wig. Nakapatong ang isang braso ni Kathryn sa balikat ni Dominic habang may hawak na babasaging baso na may laman na either tubig o ‘di kaya ay white wine.

Caption sa picture nina Kathryn at Dominic na lumabas sa X (dating Twitter), “Happy Halloween with Kathryn Bernardo and Dominic Roque #halloween2024.”

Mixed ang naging reaction ng mga netizens sa piktyur nina Kathryn at Dominic:

“Nako, paps @aldenrichards02!”

“BAL_W! Anong paki ni Alden sa landian n’yang dalawang ‘yan (vomiting emoji).”

May pabor naman kay Dominic for Kathryn.

“For me, wala namang malisya. They are good friends since then pa talaga. And if ever, if ever, ha! Wala namang masama.”

“Bagay sila, sobrang tander (matanda) nga lang ni Dominic.”

“Grabe sa sobrang tander. He's only 34 tapos 28 naman si Mikay.”

Naniniwala naman ang ibang mga netizens na sina Kathryn at Dominic na. 

Si Dominic na nga kaya ang dahilan kaya happy na si Kathryn gaya ng sinabi niya kay Boy Abunda sa Fast Talk with Boy Abunda?

Sey pa ng ibang mga fans:

“I think parang feeling ko, sila ang tunay na nagde-date kasi laging magkasama ‘pag walang work at parehong single. Well, kung si Dom ang pipiliin ni Kath, eh, wala na tayong magagawang mga KathDens (Kathryn at Alden fans).”

“OMG! confirmed.”

Sabeeee

---

MAY hawig kay Heart Evangelista ang baguhang artista ng AQ Prime na si Bianca Tan. 

Nakausap namin si Bianca during an intimate tsikahan recently.

Pahayag ni Bianca, “Mayroon naman pong nakapagsabi pero nakakahiya po, mas maganda po si Ms. Heart.”

Naha-happy naman daw siya kapag sinasabihan siya na hawig kay Heart.

Idolo rin kasi ni Bianca si Heart, kaya wish niya na umalagwa rin ang kanyang career sa showbiz like Heart at pati na sa fashion industry na sobrang in-demand din ng misis ni Sen. Chiz Escudero. 

Keri naman ni Bianca na maging next Heart Evangelista. Bukod sa may hawig siya kay Heart, may kaya rin ang pamilya ni Bianca. Naging modelo rin si Bianca bago pasukin ang showbiz, nakapag-ramp modeling and product shoot na raw siya. 

But unlike Heart na ‘di nakapagtapos sa kolehiyo, Bianca is a graduate from Enderun Colleges with degree in business major Operational Management. Pumasok siya sa showbiz when she heard na may audition ang AQ Prime para sa pelikula nila na Believe It Or Not (BION). Pumasa siya sa audition at napasama sa pelikula. And now, pumirma na siya ng kontrata sa AQ Prime to be their exclusive artist for two years. Isang “queen bully” ang role ni Bianca. 

In real life kaya ay isang bully din si Bianca?

“Sa totoong buhay po, ‘di ko naman po masasabing nakapag-bully na ako, pero I’m also human, so meron din po akong mga downside, like ‘pag minsan, like mataray, mga ganu’n po,” tugon niya.

Pangarap ni Bianca na maka-partner on screen ang favorite male star na sina Paulo Avelino at Dingdong Dantes. 

Samantala, sa ngayon ay walang love life si Bianca. Focused daw muna siya sa kanyang career sa showbiz. 

Actually, three years ago na nu’ng nakipaghiwalay siya sa kanyang last boyfriend.

Anyway, kasalukuyang nag-iikot at ipinapalabas ang BION sa mga eskuwelahan nationwide. Mula sa direksiyon ni Errol Ropero at sa producer na si Atty. Aldwin Alegre ng AFA Entertainment at A and Q Film Productions, Inc., tampok din sa pelikula sina Potchi Angeles, Jhassy Busran, Shira Tweg, Dwayne Garcia, Daffne Louise, Niño Vergara, Jared Miguel, Duna Duncan, Niño Vergara, Christian Villanueva, Christa Jocson, Artan Akthar at marami pang iba.

Proud na proud sa seksing GF… RAYVER, IPAPA-FRAME ANG MGA CALENDAR SHOTS NI JULIE ANNE

ni Julie Bonifacio @Winner | Nov. 2, 2024

Photo: Julie Anne San Jose - Rayver Cruz / IG

Never na-imagine ni Asia’s Limitless Star Julie Anne San Jose na magiging endorser siya ng world’s best-selling gin (liquor) maker na Ginebra San Miguel at magiging Calendar Girl 2025.

Si Julie Anne ang 34th Calendar Girl sa ika-190 anibersaryo ng Ginebra San Miguel.

Pahayag ni Julie Anne, “Uh, parang ‘di ko siya lubos-maisip or ma-imagine. I mean, like before. 

“But, you know, I’m really happy. I’m speechless right now. Nao-overwhelmed ako today. You know, it’s a big day for me. 

“It’s a big day for everybody and siguro it’s a surprise para po sa inyong lahat. Actually, para sa sarili ko rin. Uh, yeah. Sobrang surreal ng moment na ‘to.”

Naganap ang grand reveal for Julie Anne as GSM’s new Calendar Girl with Obra Maestra as the theme for the 2025 calendars sa Manila Diamond Hotel last Wednesday, October 30.

Julie Anne San Jose / Ginebra Calendar Girl

Ayon sa GSMI Marketing Manager na si Ron Molina, napili nila si Julie Anne dahil sa dedication sa kanyang craft and resilience in the industry na katulad din ng GSM 190-year legacy of excellence.

Nagkaroon naman kami ng chance na makausap si Julie Anne pagkatapos ng bonggang pa-grand reveal sa kanya as GSM’s new Calendar Girl. We asked Julie Anne kung ano ang reaksiyon ng kanyang boyfriend na si Rayver Cruz sa pagiging GSM Calendar Girl niya. 

“Uh, sinabi ko po muna sa kanya na magiging Calendar Girl ako ng Ginebra. Sobrang na-excite po s’ya para po sa ‘kin.

“Sobrang proud na proud po s’ya and palagi po n’yang sinasabi sa ‘kin, ‘Kaya mo ‘yan because it’s something new. Para makita ng ibang tao na, wow, may different side pala si Julie.’

“So, sobrang happy po s’ya para sa ‘kin. Wala po s’ya ngayon dito pero talagang, you know, abut-abot dito ‘yung support n’ya,” sey ni Julie Anne.

Hindi pa raw nakikita ni Rayver ang kabuuan ng different sexy layouts ng calendar ni Julie Anne. 

“Actually, ‘pag nagpapakita po ako ng behind-the-scenes sa kanya, ‘Wow! Grabe! Nakaka-excite ‘yung magiging outcome ng layout.’

“Hindi ko po alam kung nakita na n’ya. (But) For sure, nakita na po n’ya online. ‘Di ko pa po kasi siya nakakausap.

“Humingi po s’ya ng ano, kasi gusto raw po n’ya ipaskil ‘yung malalaking poster po. Ipapa-frame po n’ya, humingi po s’ya ng mga kopya,” pagre-reveal ni Julie Anne. 

For sure, tatanungin ni Julie Anne si Rayver kung alin sa anim na iba’t ibang layouts ng calendar niya ang pinakanagustuhan ng boyfriend niya.

Anyway, some of the past GSM Calendar Girls na nainterbyu namin ay nagkuwento kung paano sila naghanda bago sila sumabak sa pictorial ng GSM calendar.

Ani naman ni Julie Anne, “Well, ako po, as much as I can po talaga, I really do cardio. 

“I do cardio when I can. Pero siguro rin po, sa tulong ng busy schedule. Siguro, nakatulong din po ‘yun para ma-maintain ‘yung weight ko. Kasi hindi po ako tumataba.” 

Nabawasan naman daw ang timbang ni Julie Anne.

Sey niya, “Kasi, usually po, ‘pag may production numbers po kasi kami na ginagawa sa All Out Sundays, like I always dance, I always do different stuffs, most of the time, kaya siguro nakatulong na rin ‘yung load ng trabaho para ma-maintain ‘yung figure.

“Uhm, as much as possible po, itina-try ko na matulog nang maaga. Optional ‘yang eight hours sleep. And then, I drink lots of water. I eat a lot of vegetables and fruits.”

Many are wondering kung ang pag-pose niya nang sexy sa GSM calendar ang hudyat ng pag-join niya sa bandwagon ng mga celebrities na may sexy image.

“Para po kasi sa ‘kin, ‘yung pagiging seksi, ‘di lang nakikita sa katawan or sa physical aspect. 

“Ang pagiging sexy ay nakikita sa karakter ng isang tao. Uhm, kung paano dalhin ang kanyang sarili, kung paano n’ya i-voice-out ang opinion n’ya, kung paano s’ya nakapagbigay-inspirasyon sa ibang tao sa pamamagitan ng craft, sa pamamagitan ng, uhm, sa kung ano ang kaya niyang gawin,” mariing sabi ni Julie Anne.

Since it’s inception in 1988, may beauty queens, models, TV and movie actresses na ang GSM Calendar Girl.

Ilan sa kanila ay sina former Miss Universe Pia Wurtzbach (2019), Anne Curtis (2011), Yassi Pressman (2023) at Marian Rivera (2009 and 2014).

Last year’s GSM Calendar Girl ay si Heaven Peralejo.