Ex-BF na si Dominic, may Sue na… BEA, UMAMING MAY IDINE-DATE NA RIN

ni Julie Bonifacio @Winner | Dec. 11, 2024

Photo: Bea Alonzo - Instagram

Before the year ends, may bago na namang product endorsement ang aktres na si Bea Alonzo. And this time, Bea is now the endorser ng My Diamond, na isang kilalang jewelry store na makikita sa malalaking malls nationwide. 

Last Thursday, isang malaking welcome event and launch ang ibinigay ng My Diamond kay Bea sa kanilang store sa SM Aura.

After that, nabigyan kami ng chance ng mga may-ari ng My Diamond na makausap si Bea.

“Unforgettable jewelry that I have? I remember my first diamond earrings ko na medyo na malaki na binili ng Mama ko nu’ng I think after ng One More Chance (movie niya with John Lloyd Cruz),” bungad ni Bea.

Gusto raw siyang bigyan ng mama niya ng gift na puwede nitong balikan ang alaalang dala nito. And then, we asked Bea na kung meron ba siyang dream wedding ring.

Tugon niya, “Hindi ko alam, depende siguro. Parang ayoko nang pag-usapan ‘yung mga ganyan. Hahaha!”

We told Bea na pasasaan ba’t ikakasal din siya dahil hindi na siya bumabata.

“Well, hindi naman marriage ‘yung laging end game ng lahat. We have different paths, different destinies and fate. 

“Of course, it would be nice. But hindi ‘yun ang end goal (ko). If it happens I would be happy. But, it doesn’t mean that I would give myself up if it doesn’t  happen or I would feel like a failure if it doesn’t happen ‘coz I feel like on my own, I’m happy,” sey ni Bea.

So, romance is out of the question now?

“Hindi naman,” diin ni Bea. 

Aniya, “Hindi ko naman sinasabi na close talk na ako, ‘yung kino-close ko ‘yung doors ko. But right now honestly, I’m enjoying being single. 

“I mean, ang dami kong nakikilalang bagong tao. So, but yeah, I’m still enjoying my own company.”

May pumutok na news kamakailan regarding a photo of Bea kasama ang isang guy na napagkamalang new dyowa niya. 

Sagot niya, “Oo nga. But he’s a good friend of mine. But we’re not dating.”

But she’s dating naman some suitors? 

“Uh, may mga nagpaparamdam. Siyempre, I’m single. But yeah, I’m not dating anybody exclusively,” pahayag ni Bea Alonzo.

Kaya na-in love kay Anthony… MARIS, 'DI NA RAW KINAYA ANG UGALI NI RICO, HINIWALAYAN

ni Julie Bonifacio @Winner | Dec. 10, 2024

Photo: Rico Blanco at Maris Racal - Instagram

Nananatiling quiet ang singer na si Rico Blanco sa controversy na kinasasangkutan ng ex-girlfriend niyang si Maris Racal. 

Para sa mga netizens, tama ang ginawa ni Rico na hindi mag-react anything about Maris.

Pero may mga naririnig kaming tsika na umaayon sa desisyon ni Maris sa pakikipaghiwalay kay Rico, hindi raw kasi maganda ang ugali ng dating member ng Rivermaya.

May pagka-istrikto at walang konsiderasyon daw sa feeling ng iba itong si Rico. Baka na-turn-off na rin daw si Maris, kaya nakuha ni Anthony Jennings ang atensiyon ng aktres.

Tsika ng aming source, “Alam mo ‘yang si Rico, nakasama ko s’ya dati. There was a time may nagpapapiktyur na fan sa kanya. Nagkataon na nandu’n ako at nahilingan na ako ang kumuha ng piktyur. Kung anu-anong anggulo ang gusto n’ya at hinihila pa ang mga braso ko. After that, deadma na siya at kahit thank you, walang sinabi sa ‘kin.”

Ganern?

---

Ang punumpuno ng aksiyon na thriller na Topakk na ginawa ng Nathan Studios, Fusee at Strawdogs ay patuloy na gumagawa ng mga alon sa internasyonal at lokal. 

Mula sa Cannes hanggang sa world premiere nito sa Locarno Film Festival, opisyal na ngayong entry ang pelikula sa 2024 Metro Manila Film Festival (MMFF) na magsisimula sa December 25.

Sa direksiyon ni Richard V. Somes, ang Topakk ay nakasentro sa isang dating special forces operative na nakikipaglaban sa PTSD (post-traumatic stress disorder) na ang landas ay nagsalubong sa magkapatid na lalaki at babae na parehong tumatakas mula sa mga puwersang kriminal. 

Ang Topakk ay magiging career-defining turn para sa mga bida ng pelikula na sina Arjo Atayde and Julia Montes. Ang pagganap ni Arjo ay nakabihag ng mga mahilig sa pelikula sa Cannes, Locarno, at Austin sa Texas kung saan siya personal na humarap sa mga screening para kumatawan sa pelikula.

Si Julia ay humakbang sa isang magaspang, punumpuno ng aksiyon na papel na hindi katulad ng anumang nagawa niya noon, na nakakuha ng pagkilala sa kanyang versatility at emosyonal na lalim.

We heard as early as September ay nag-immerse na si Julia bilang paghahanda  sa kanyang karakter sa Topakk.

Ang pang-internasyonal na pamagat ng pelikula ay Triggered na tumulong sa pagpapalawak ng apela nito sa isang pandaigdigang madla, kung saan nakatanggap ito ng papuri para sa natatanging diskarte nito sa aksiyon at sikolohikal na drama.

Naging matindi ang reaksiyon ng mga manonood sa mga international screening, marami rin ang pumupuri sa hilaw na intensity at malalakas na performance ng pelikula.

Ang cinematographer na si Louie Quirino ay naghahatid ng mga kapansin-pansing visual na nagpapataas sa tensiyon at drama ng pelikula, na kinumpleto ng evocative score ni Jose Antonio Buencamino.

Ang Topakk ay idinirek ni Richard Somes at ipinrodyus ng Nathan Studios along with Fusee, Strawdogs Studio Production and Toronto-based post sound house Theo & Atlas Productions. 

After kumalat ang halikan nila ni Elisse… JOSHUA, NATAKOT DAW KAY MCCOY, DE-BODYGUARD NA

ni Julie Bonifacio @Winner | Dec. 9, 2024

Photo: Joshua Garcia at McCoy De Leon - IG

Nasilip namin sa Instagram (IG) ni Elisse Joson ang awrahan niya sa ginanap na Star Magic Christmas party.

In fairness, umaapaw ang ganda at kaseksihan ng partner ni McCoy de Leon. Ang galing ng nag-makeup at nag-style ng buhok ni Elisse na nagpatingkad pa lalo ng kanyang sex appeal. Napaka-seksi rin ni Elisse sa kanyang emerald green spaghetti-strapped gown. 

No wonder maa-attract talaga kahit sinong lalaki kay Elisse that night, maging si Joshua Garcia pa ‘yan, ‘no? 

May dahilan din naman talaga si McCoy na maaligaga sa mga lalaking na-attract sa hitsura ni Elisse that night. 

Sa IG post ni Elisse ng kanyang look para sa Star Magic Christmas party ay may mga netizens ang nag-comment ukol sa isyung iniuugnay kay Elisse.

Sey ng isang netizen, “Speak up kayo agad 3 na magkasama, if fake news po,” na ang tinutukoy ay sina Elisse, McCoy at Joshua.

May nagtanong din kay Elisse regarding wedding plans nila ni McCoy. 

Tanong nito, “Kailan ang kasal n’yo ni McCoy?”

Naku, baka maunahan pa si McCoy De Leon ng iba kay Elisse Joson, ha!

‘Di nga ba’t may cheating issue rin na kumalat na diumano ay nahuling nagki-kiss sina Elisse at Joshua sa naturang party nang malasing na ang mga ito at nalaman ‘yun ni McCoy kaya galit na galit daw ito?

At true nga ba na kaya de-bodyguards na ngayon si Joshua ay dahil may konek ‘yun sa galit sa kanya ni McCoy? 

Hmmm… after Maris Racal-Anthony Jennings scandal, may bago na naman? 

---

Ilang beses nakunan…

HEART, AMINADONG SUKO NANG MAGBUNTIS

Hindi na mabubuntis si Heart Evangelista. ‘Yan ang revelation ni Heart sa kanyang programa na Heart World (HW) at sa kanyang YouTube (YT) channel na A.T.M (Adventure. Taste. Moments) kahapon. 

Twice nakunan ng twins si Heart. Pagkatapos ng second twin niya na namatay, na-traumatize raw siya kaya nag-decide na ayaw na raw niyang magka-baby for a long time. 

Aniya, “It took time for me to recover. And then when I finally wanted to get pregnant again, uh, I couldn’t get pregnant anymore. And then, I did the test. Nalaman ko that there’s nothing wrong with me and in  fairness, there’s nothing wrong with Chiz.”

“Congratulations,” biro ni Heart.

Pagpapatuloy niya, “But, uh, basically my body is… even if I’m in my ‘30s, parang ‘yung production ng eggs ko, para na akong nasa late ‘40s. So, konti na lang ‘yung natitirang eggs sa ‘kin. 

“So, naka-harvest kami ng four eggs and only two are good.

“Got a surrogate mother and she was pregnant. And she was carrying my baby girl. And then, after not very long, nawala ‘yung baby girl.

“And then, ‘yun ‘yung medyo masakit kasi parang incision ko, boy and girl ‘yun, eh. Last girl ko na ‘yun.

“And then finally, just a few months ago, we decided to take a chance to try the boy, my last remaining embryo. And nabuo s’ya!

“Parang meron na s’yang heartbeat and then after one week, ‘yun. Hindi rin s’ya nag-ano. So, that one was very hard for me because uhm, parang for me, it’s my last try.”

Pero sinabi ni Heart na blessing ang mga bata sa kanya. Alam na raw ni Lord na ganito ang mangyayari sa kanya, kaya biniyayaan na siya ng dalawang anak. And she’s referring to Chiz’ children na sina Joaquin at Ma. Cecilia.