Pero iba raw ang kasama sa London… BEA AT PAMILYA, SA SPAIN MAGPA-PASKO

ni Julie Bonifacio @Winner | Dec. 16, 2024

Photo: Bea Alonzo - IG

For a change, sa ibang bansa magse-celebrate ang aktres na si Bea Alonzo kasama ang kanyang pamilya ngayong Pasko at Bagong Taon. 

“Very different,” ani Bea tungkol sa gagawin niyang celebration ngayong Pasko.

Pagri-reveal pa niya, “I’m going to Spain with my family. So, madadala ko na rin ‘yung mga pamangkin ko. First time nilang pupunta sa Spain, my brother and my sister-in-law. 

“But with my mom, kasi nu’ng housewarming pa lang, nandu’n s’ya. But we’re also spending Christmas in Andorra. So, white Christmas. Excited!

“And then, I’ll be going to London with my best friend. Pero iwan ko na ang family ko du’n. It will be different because ‘yun nga, first time naming  magpa-Pasko sa ibang bansa ng pamilya ko.

“Normally, dito (sa ‘Pinas nagpa-Pasko), tapos aalis kami pagkatapos ng Pasko. So, Noche Buena lagi rito. But, uh, first time ‘yung Noche Buena sa ibang bansa. Tapos snow pa, malamig.” 

Nakausap namin si Bea sa launch niya as the new endorser ng sikat na jewelry store na My Diamond sa SM Aura. Tanda pa ni Bea ang first diamond rings niya na malalaki ang bato.

“Medyo malaki na binili ng mama ko (na diamond ring). Binili n’ya nu’ng I think, after ng One More Chance (movie niya with John Lloyd Cruz).

“Kasi it came a big hit and my mom wanted to give me something na talagang very special na ‘pag binalikan ko ‘yung memory noon, ‘pag nakita ko ‘yung jewelry na ‘yun, may memory na bumabalik sa utak. 

“Also recently, I went to uhm, I went to Spain to get my residency card. And then, pagbalik ko, kumuha ako ng necklace na may naka-engrave na ‘primero yo.’”

Ang ibig daw sabihin ng ‘primero yo’ ay ‘Myself first’.

“Lagi akong may ganoon sa jewelry. Kasi ‘yung jewelry, timeless s’ya. So, paulit-ulit mo s’yang naisusuot. And uh, investment pieces talaga,” sabi ni Bea.

Dagdag pa niya, “So, I love fashion. I love collecting bags, collecting shoes and phones. But ‘pag ako tinanong, laging nauuna ‘yung jewelry. If I were to invest in like, special pieces I would always pick to invest in jewelry.”

Siyempre, very happy si Bea bilang bagong endorser ng My Diamond.

“And I am, actually, happy to be representing a brand that promotes sustainability. Because I’m always about sustainability and ‘yun nga,  responsible and ethical sourcing. 

“And, right now, parang nag-dinner ako with the owners and I have seen them as very good people. And masarap magtrabaho sa mga tao behind the brand na alam mong mabubuting tao,” diin ni Bea.

Bago si Bea ay naging endorsers din ng My Diamond sina Anne Curtis at Jinkee Pacquiao.

“Nakita ko nga big names,” bulalas ni Bea. 

Aniya pa, “I’m just really happy that they considered me to be the new endorser. Para ihilera sa list of endorsers na ‘yun, it feels good.”

Hindi naman itinago ni Bea ang kanyang dream jewelry.

Sey niya, “‘Yung isinuot ko doon sa shoot (para sa My Diamond),” sabay tawa. “Ang laki nu’ng ring. I think, parang 5 karats. Dream, so, kailangan ko pang mag-work.”

Anyway,  hindi pa man tapos ang 2024 ay nakalatag na ang mga gagawin ni Bea for next year. Pero bago umalis si Bea ay tatapusin muna niya ang taping para sa Widows’ War (WW) na ipapalabas sa GMA-7 next year.

“But uh, I’m very excited about that. And uh, meron din akong projects next year. So, I have one movie and one series for streaming (HBO).

“Yeah, it will be a busy year. Siyempre, another teleserye with GMA-7 next year. But sabi ko nga, busy is always good,” nakangiting sabi ni Bea.

Marami pa raw aabangan sa WW.

“Malapit na ‘yung mga revelations, kung sino ang pumatay since it’s a mystery-drama. Malapit nang ma-unravel kung sino ‘yung may kagagawan ng lahat ng patayan. So, exciting. Exciting episodes,” tsika pa ni Bea Alonzo.

RUFA MAE AT MISTER, INAAYOS NA ANG DIVORCE

ni Julie Bonifacio @Winner | Dec. 15, 2024

Photo: Rufa Mae Quinto - Instagram

Ibinulgar na ng husband ng komedyanang si Rufa Mae Quinto ang tunay na estado ng relasyon nila sa publiko.

Idinaan ng mister ni Rufa Mae na si Trevor Magallanes via social media na nasa proseso ng divorce ang kanilang marriage.

Post ni Trevor, “Hi guys, I felt like I needed to explain myself based on social media and all that.

“I want to make myself clear that Rufa Mae and I are in the process of a divorce.

“You may be aware divorce can be very devastating to the children and also the parents. That being said, my marriage has been a sh*t show and I am sorry for that. 

“All that matters to me at this time is getting through the divorce as best as I can and

spending time with Athena. 

“Happy holidays!”

Ganern!

---

FOR the first time ay nakapasok kami sa loob ng FPJ Studios sa may Fernando Poe, Jr. St. sa Kyusi kahapon kasama ang mga members ng Phil. Movie Press Club (PMPC) carolers at winelcome kami ng pamangkin ni Susan Roces na si Jeffrey Sonora.

Nandu’n din ang kapatid ng yumaong Action King na si Jenny at ang writer na si Eric Ramos. Si Eric ang sumulat ng libro ng buhay ni Fernando Poe, Jr.. 

Incidentally, 20th year ng kamatayan ni FPJ kahapon and supposed to be, ilalabas ang libro ni Da King, pero nagkaroon ng aberya, kaya imu-move nila sa birthday ni FPJ sa

August, 2025 ang pagre-release ng libro.

Tinanong din namin si Sir Jeffrey kung nagkaroon ba ng paggunita sa kamatayan ni FPJ kahapon.

Aniya, “Always naman intimate ‘yung celebration and anniversary. Kaninang umaga, meron kaming mass sa sementeryo. Nandu’n si Sen. Grace (Poe).”

What about si Lovi Poe? 

“Uhm, wala siya sa sementeryo. But I think, nandu’n sila ngayon sa inauguration in Pangasinan. Parang may bubuksan silang park ni FPJ doon,” tugon ni Jeffrey.

So, there.

---

BAGO kami pumunta sa FPJ Studios ni King of Action Fernando Poe, Jr. ay um-attend muna kami sa grand mediacon ng action-packed comedy series ni Titanic Action Star Sen. Ramon “Bong” Revilla, Jr., ang Walang Matigas na Pulis sa Matinik na Misis na magsisimula na sa GMA-7 sa December 22, Sunday.

Todo-promote na si Sen. Bong and the rest of the cast ng kanyang WMNPSMNM sa Cebu.

“Actually, umiikut-ikot din tayo sa mga invitation sa iba’t ibang provinces. Pero ang ipino-promote natin ngayon, tuluy-tuloy. Yesterday, we were in Cebu at napakainit ng pagtanggap sa ‘min sa Cebu,” lahad ni Sen. Bong. 

Dapat din daw ay may motorcade sila sa Metro Manila, kaya lang, natatakot sila dahil sa traffic. 

“Kung papayag ang Metro Manila Filmfest na makasama kami sa parade para makapag-promote kami ng Tolome! Walang Matigas na Pulis sa Matinik na Misis,” sabi ni Sen. Bong. 

Sa Dec. 21, may dance challenge si Sen. Bong sa Facebook page niya na Sen. Ramon “Bong” Revilla, Jr.. ‘Yung kinita raw sa FB page niya na P3 million ay ipamimigay din niya sa kanyang mga followers/fans. 

Sobrang thankful si Sen. Bong sa mga blessings na natanggap niya, especially sa kanyang pamilya. 

Bukod sa pagkakaroon ng abogadong anak na si Inah Revilla-del Rosario, meron na rin siyang doktora ngayon. Pasado bilang doktor ang isa pang anak na babae ni Sen. Bong kay Congw. Lani Mercado na si Loudette. 

And recently, nadagdagan ang apo ni Sen. Bong. Straight from the airport sa Manila pagkagaling sa Cebu ay pumunta siya sa bagong panganak na anak niyang si Gianna.

Lalaki ang bagong apo ni Sen. Bong na kahawig daw niya at sinunod sa pangalan niya na Jose Mari. All in all, walo na ang apo nina Sen. Bong at Congw. Lani.   

Ano ka ngayon, Paulo? IBINULGAR NI VICE: KIM, MAY DYOWA NA

ni Julie Bonifacio @Winner | Dec. 12, 2024

Photo: Kim Chiu - Instagram

Binisto ni Vice Ganda na may dyowa na si Kim Chiu habang nasa stage ang group ng It’s Showtime (IS) hosts sa ginanap na ABS-CBN Christmas Special 2024.

Walang nagawa si Kim nu’ng binukelya siya ni Vice nu’ng dumalaw sa dressing room ni Chinita Princess ang bago niyang dyowa, na nagtangka pa raw mag-disguise para hindi makilala. 

Pambubuking ni Vice kay Kim, “Suspek! Suspek! Ayaw pang ilabas ang dyowa n’ya kasi ipapa-feng shui muna.”

Pagkatapos ay naghabulan on stage sina Kim at Vice. But after maghabulan ay nagdagdag pa ng another information si Vice tungkol sa dyowa raw ni Kim. 

“Pagkatapos, may dumalaw sa dressing room. Naka-cap, nakatakip ang mukha. Akala mo, hindi makikilala, eh, taga-ABS din naman,” hirit pa ni Vice.

Sagad na clue nito, “Nagtago ka pero sa ABS ka nagpunta, eh, taga-ABS ka rin?!”

For sure, your guess is as good as mine kung sino ang sinasabi ni Vice na dyowa ni Kim.

Malamang si Paulo Avelino ang tinutukoy ni Vice, ‘di ba? 

Anyway, mapapanood ang pambibisto ni Vice Ganda kay Kim Chiu sa two-part ABS-CBN Christmas Special 2024 on December 14 and 15, 8:30 PM on Kapamilya Channel, Kapamilya Online Live at sa  A2Z. 

---

Kung ang ibang endorsements, nag-alisan na…

DRA. BELO, NEVER BIBITAWAN SI MARIS

Doc Vicki Belo at Maris Racal - YT Dr. Vicki Belo

Humanga ang mga netizens kay Dra. Vicki Belo sa suportang ibinigay niya kay Maris Racal. 

Despite the controversy na kinasangkutan ni Maris, buo pa rin ang tiwala at pagmamahal ni Dra. Vicki sa Kapamilya star bilang isa sa kanyang Belo endorsers.

Unlike Maris' other endorsements na tinanggal na siya bilang endorser, nananatili pa rin ang aktres bilang Belo baby. Katunayan, nakatayo pa rin ang malalaking billboards ng Belo Q Facial kung saan ang mukha ni Maris ang nakalagay.

Binati rin namin si Dra. Vicki na hindi iniwan sa ere si Maris bilang one of her endorsers and how kind-hearted she is. 

Kung iba lang 'yan, malamang laglag na rin si Maris Racal as endorser sa napakalaking brand gaya ng Belo Medical Group. Pero gaya nga ng sabi ni Dra. Vicki sa amin, Belo Medical Clinic is not just a brand, they’re family.

Sabi ni Dra. Vicki, “People are so mean to her. As Jesus said, 'Let the person with no sin cast the first stone.'”

Oo nga naman.

---

NAGPUNTA nga ba si Mercedes Cabral sa Switzerland pagkatapos mamatay ang karakter niya bilang si Lena sa FPJ’s Batang Quiapo (BQ)?

Sa latest post ni Mercedes sa kanyang IG six days ago ay may video at nakalagay under her account name ang place kung saan naroroon siya which is Verbier, Switzerland.

Anyway, isang video ng pasasalamat at pamamaalam ni Mercedes ang nasilip namin na naka-post sa Instagram ng CCM Film Production ni Coco Martin recently.

Say ni Mercedes sa video, “Nagpapasalamat lang ako sa lahat. Lahat kayo, may parte kung bakit ko nabuo si Lena. Kaya maraming-maraming salamat sa inyong  lahat.”

May madamdaming mensahe naman para kay Mercedes na ipinost ang production team ni Coco. 

Sa caption ng IG post na video ng aktres, nakasaad na: “Nakatatak na ang pangalang Lena sa FPJ’s Batang Quiapo! At ito ay dahil sa iyong napakahusay na pagganap, Mercedes Cabral!

“Tiyak na mami-miss ka ng ating mga Ka-Batang Quiapo at ng buong CCM Film Productions! Hanggang sa muli! Good luck!”

Huwag palampasin ang maaaksiyong kaganapan sa FPJ’s Batang Quiapo na hango sa orihinal na kuwento ng Regal Films, gabi-gabi ng 8 PM sa Kapamilya Channel, A2Z, TV5, iWantTFC, at Kapamilya Online Live sa YouTube channel at Facebook page ng ABS-CBN Entertainment.