‘Di pinalampas… MISTER NI SMALL LAUDE, NAGPASAKLOLO SA KORTE LABAN SA KABIT DAW NIYA

ni Julie Bonifacio @Winner | Jan. 18, 2025

Photo: Philip at Small Laude - Instagram

Umabot na sa korte ang isyu sa pagitan ng mister ng kilalang content creator sa YouTube (YT) na si Small Laude na si Philip Laude at ng sinasabing ‘other woman’ nitong si Precious Larra Su.

Last month ay pumutok ang balita ukol sa babaeng iniuugnay ng mga netizens kay Philip na nagngangalang Precious Larra, base na rin sa mga screenshots ng convo na kumalat sa socmed.

Hindi pala pinalampas ng kampo ni Philip ang mga kumalat sa socmed. At kahapon ay nabalitang nag-file si Philip ng petition for writ of habeas data laban kay Mae Larra Sumicad, tunay na pangalan daw ni Precious Larra Su.

Sinilip namin ang Instagram ng misis ni Philip na si Small. May mga comments ang mga netizens na nakapansin sa distansiya ni Small kay Philip. 

May ilang family pictures kasi nila ang naka-post na hindi nakatabi si Small kay Philip which is unusual sa katamisan ng kanilang relasyon na makikita sa mga vlogs ng kilalang YouTuber. 

Pero may isang comment sa latest IG post ni Small ang nakakaintriga.

Comment sa post, “How about your husband’s other kids in Fame Mandaluyong… he has some chinito toddlers there?”

Hala! True kaya ito?

---

Small Laude, nauna pang isama…

ARNELL, INISNAB, WALA PA RING STAR SA WALK OF FAME

Speaking of Small Laude, mabuti pa siya ay may star na sa Walk of Fame sa Eastwood sa Libis, Quezon City. Isinama ang name ni Small sa Walk of Fame last year.

Samantalang ang veteran and multi-awarded host and comedian, at ngayon ay Overseas Workers Welfare Administration (OWWA) administrator na si Arnell Ignacio ay ‘di pa rin nabibigyan ng sarili niyang star sa Walk of Fame.

Almost all of his shows like Chibugan Na!, Kwarta o Kahon, GoBingo, Katok Mga Misis, and K! ay pawang top-rater nu’ng time nila sa television. Bukod dito, he’s also an actor, singer and songwriter.

Hindi puwedeng isnabin ang matagumpay at makulay na karera ni Arnell sa entertainment industry sa loob ng mahigit na apat na dekada.

Nagtataka kami kung bakit tila naisnab si Arnell ng pamunuan ng Walk of Fame.

Nu’ng nabubuhay pa si Master Showman German Moreno, ginaganap ang bonggang event ng Walk of Fame sa buwan ng Disyembre. 

Hanggang sa pumanaw na si Kuya Germs at nag-iba na ang nagha-handle ng Walk of Fame kaya minsan, January, February and March of the following year na nagkakaroon ng pa-event para sa mga bagong celebs na bibigyan ng star sa Walk of Fame.

Dati, mismong si Kuya Germs lang ang nagde-decide kung sinu-sino ang bibigyan ng star sa Walk of Fame. But from 2016 up to now, ang kanyang anak na si Federico Moreno ang umupong presidente and general manager. At nagkaroon na rin ng proseso sa pagpili ng personalities.

Ang German Moreno Walk of Fame Foundation's Selection Committee na ang namimili para sa anim na kategorya - Film, Television, News and Public Affairs, Radio, Music and Theater. At idinagdag na rin ang Social Media bilang 7th category noong 2020.

Sana naman this year ay huwag malampasan ng komite sa pangunguna ni Federico na mabusisi ang achievement na nagawa ni Arnell bilang showbiz personality and as a public servant being a government official na malaki na ang naitulong para sa kapakanan ng ating mga “Bagong Bayani”, ang mga OFWs, for the past couple of years.

Nag-iingay sa X, na-hack daw… KALAT NA: ANGEL, BALIK-GMA-7

ni Julie Bonifacio @Winner | Jan. 17, 2025

Photo: Angel Locson - FB

Naayos na ang problema ni Angel Locsin sa X (dating Twitter) pagkatapos maglabas ng official statement na na-hacked ang kanyang account.

Itinag ni Angel ang kanyang mister at businessman na si Neil Arce at para i-repost din ang kanyang announcement na na-recover na niya ang kanyang account sa X kahapon.

Na-confirm ng mga netizens na si Angel mismo ang nag-post sa X dahil tinawag pa ng aktres si Neil ng “Mahal.” 

Ito ang post ni Angel, “Mahal ko, paki-confirm @neil_arce.”

Sa kabila nito, may nagduda pa rin kung si Angel na talaga ang nag-post ng mensahe sa itaas.

Sey ng mga netizens, “‘Pag na-confirm ‘to ni Neil Arce, tsaka ako maniniwala.”

Pero agad din namang may lumabas sa X na ini-repost ang message ni Angel ng may verified account name ni Neil.

Post ni Neil, “Account recovered!”

Idinudugtong naman ang pag-recover ni Angel ng kanyang social media (socmed) account sa isang blind item na may babalik sa Kapuso na ‘di naispatan sa ABS-CBN Christmas ID for the last two years.

Swak daw ang description kay Angel kaya na-excite ang mga Kapuso fans.

True kaya?

---

NAITANONG namin kay Ice Seguerra kung paano nila inayos ng kanyang partner na si Liza Diño ang billing ng mga artists na tampok sa kanilang Fire & Ice latest production, ang Love, Sessionistas (LS) concert sa The Theater at Solaire on February 8, Saturday.

Kasali sa Sessionistas group sina Juris Fernandez, Sitti, Princess Velasco, Nyoy Volante, Kean Cipriano, Duncan Ramos and siyempre, si Ice.

“Actually, napag-usapan namin ‘yun, pantay-pantay. Nu’ng una, nagdi-discuss kami ni Liza. Kasi siyempre, there’s so many things that you have to consider.

“So, parang sabi ni Liza which is a good decision. ‘Love, talk to the group about them and let them decide kung ano ang mangyayari sa billing,’” paliwanag ni Ice.

Biro naman ni Nyoy, idinaan sa height ang billing nila kaya una si Ice.

Aniya, “Kidding aside, siguro, that’s one thing I love about the group. Siguro, kaya we are good together because walang ego. Kumbaga, we’re all confident sa mga sari-sarili naming talento. 

“Pero ‘pag magkakasama-sama kami, all ego go and left out of the door. Parang ang goal namin is to have fun, do good music and just be happy. It doesn’t matter, really.

“Ito ngang si Juris, nakakatawa. ‘Kahit sino na lang. Bahala na,’ parang aburidung-aburido nu’ng pinag-uusapan ang billing,” sabi ni Ice.

Nagpaalam din sila siyempre sa management ng bawat Sessionista na kasali sa concert. 

Ayon kay Ice, “Meron kaming GC, so, nandu’n kami, ‘yung artists, nandoon ‘yung mga managers nila.

“Ang maganda lang sa amin, the relationship sa amin is sobrang solid. We inform, kumbaga, pag-uusapan namin as a group, they will inform their managers, pero siyempre, nandu’n pa rin out of respect sa management. Pero sa usapan namin, ‘O, game ba tayo dito?’”

And then, tinanong din namin si Ice kung nagpaalam ba sila sa ASAP ng ABS-CBN.

“Actually, nagpaalam ako sa kanila. Siyempre, because you know, we have a small industry and as much as possible, we don’t want to burn bridges.

“Malaki ang respeto namin sa ABS-CBN especially sa ASAP because sila ang nagbuo sa ‘min, eh. And na-excite nga sila for us na parang, ‘Oh, my God! I’m so happy.’ And they’re very, very supportive,” lahad pa ni Ice.

‘Di pa rin nagbabati after maghiwa-hiwalay… KEAN, TODO-TANGGI SA REUNION NILA NG CALLA LILY MEMBERS

ni Julie Bonifacio @Winner | Jan. 15, 2025

Photo: Kean Cipriano - Instagram

Kakaiba ang gagawing selebrasyon ni Kean Cipriano sa kanyang ika-20 taon sa entertainment industry this year. At magki-kick-off ang kanyang celebration as one of the artists sa pre-Valentine show titled Love, Sessionistas on February 8, Saturday, at

The Theatre in Solaire produced by Fire & Ice.

“Maganda nga itong Sessionistas concert namin kasi maganda s’yang take-off for the year. Yes, for my 20th.

“Definitely, meron akong nilulutong mga kanta. Nag-i-studio work ako, nagre-recording ako ngayon. Nagre-record ako ng mga kantang matagal ko nang nagawa.

“Kumbaga, nasa recording stage ako ngayon. It’s gonna be a busy year dahil marami akong naka-lineup na gagawin,” lahad ni Kean sa mediacon ng Love, Sessionistas.

Usually, ‘pag nag-a-anniversary ang isang artist, nagse-celebrate sila via a concert.

Para kay Kean, “Mahaba pa ang taon. Sa totoo lang, nakaplano na ang taon. Nag-usap na kami ng team ko about it. But, kaya sabi ko, sobra pang maaga ‘yung 2025 para tumalon ako agad doon.  

“Dahil sa dami ng plano, ang gusto ko sana, maging present at ma-enjoy ‘yung mga projects na ginagawa ko at the moment like itong Sessionistas.

“Etong time na ‘to, nakatutok ako sa kanya ngayon. Tapos, may next phase. May tour na ganito. Kumbaga, maraming-maraming inaayos. 

“Ako kasi, trato ko sa kanya (20th anniversary), isang buong taon s’ya. Parang isang buong taon ko s’yang isineselebreyt na 20th year ko, parang ganu’n. 

“And gusto ko s’yang maging celebration na pakiramdam ko talaga is ‘yung nagse-celebrate ako nang walang pressure, ng parang eto kasi, ito dapat ‘yung traditional na ginagawa. Gusto kong ma-enjoy ang taon. ‘Yun ang goal.”

Madiin ang pagkakasagot ni Kean ng “No” sa amin when asked for a possible reunion with his former band, ang Callalily. 

“No, no, no. Wala,” sabi ni Kean.

Mukhang hindi pa rin sila okay ng kanyang former bandmates sa Callalily.

“For me, it’s ano, okay na ‘yun. Maganda na ‘yung nagawa ng banda and I respect that. It’s been a great ride,” lahad ni Kean. 

Pero kasi, may gumagamit pa rin ng pangalan ng banda kahit wala na ang “Calla.”

“Ano naman?” sambit ni Kean. 

Aniya, “It’s uh, they can do their thing and my thing. So, ano lang, ako parang, and it’s my 20th year, so, naka-focus ako on love and respect. Kumbaga, ang gusto ko, tama ang pakiramdam ng lahat.”

Agree naman kami kay Kean pagdating sa bagay na ‘yan. Kesa nga magdala pa siya ng pressure o kabuwisitan sa sarili ‘pag nagka-reunion concert pa sila.

“Oo,” pagsang-ayon niya.  

Sey niya, “Walang point, eh. Walang point na mag-react ako, kaya sabi ko, kung ano ang ginagawa ng mga tao, I wish them well.”

Nag-react din si Kean sa isyu na nakarating sa amin na pinagbawalan niyang kantahin ng former bandmates niya sa Callalily ang hit song ng banda sa isang event na pareho silang performer.

“Sa ‘kin kasi, ang pinaka-take ko d’yan lalo sa banda, ganoon kaespesyal ang banda, eh, ‘di ba? Hindi naman ‘yan isang bagay na tataluhin mo isa-isa ‘pag hindi na magkakasama, ‘di ba?

“Naniniwala ako na lahat ng miyembro ng isang magical na something ay may karapatan para gawin ‘yung naging parte s’ya dati. Kahit sino’ng miyembro doon, walang problema doon. Dahil parte ‘yun ng magic,” esplika ni Kean.

Anyway, makakasama ni Kean sa reunion concert ng Sessionistas sina Ice Seguerra (na siya ring direktor ng concert), Juris, Sitti, Duncan Ramos, Princess Velasco at Nyoy Volante.