Dating child actor na anak ni Nino… ALONZO, AYAW PANG BUMALIK SA SHOWBIZ

ni Julie Bonifacio @Winner | Jan. 27, 2025

Photo: Alonzo Muhlach

Suportado ng dating child star na si Alonzo Muhlach ang kanyang nakatatandang kapatid na si Sandro Muhlach sa kinakaharap na laban nito on sexual harassment case against sa dalawang GMA-7 contractuals.

Kasama si Alonzo at ang ama nila ni Sandro na si Niño Muhlach sa paglulunsad ng Courage Movement ng mga biktima ng pang-aabuso at pananamantala sa concert ni Gerald Santos na Courage sa Skydome last Friday.

After the concert ay nakausap namin ang nagbibinata nang si Alonzo.

Pahayag ni Alonzo, “Siyempre, I’ll always be on my brother’s side. I’m gonna support him no matter what and for sure he’ll get justice.”

Of course, nalungkot at nasaktan si Alonzo sa nangyari sa kanyang kuya.

“Galit na galit po ako kasi out of all people, sa kapatid ko pa talaga magagawa ‘yun. And I really wanted justice to be served,” diin ni Alonzo.

That night ay na-inform kami ni Alonzo na tumigil na siya sa pag-aartista at magko-concentrate na lang daw muna sa kanyang pag-aaral.

“Yes po and I’m doing sports. I’m in Grade 9 right now, La Salle Greenhills po. 

“Tatapusin ko po ang college, then saka po, if ever, babalik po ako sa pag-arte,” lahad niya.

Personal choice raw ni Alonzo ang pagtigil sa pag-aartista at hindi dahil sa nangyari kay Sandro.

“Uh, personal choice po. S’yempre as a kid pa lang nag-start na ang career ko in acting. So now, gusto ko lang po ng time for myself,” paliwanag niya.

Hindi naman daw siya ma-bully sa school dahil sa sinapit ni Sandro sa showbiz.

“Hindi po and uh, if that ever happens, uhm, siyempre, ire-report ko ‘yun. That’s not appropriate,” sabi pa ni Alonzo Muhlach.

---

Marami na ang nakalimot na ang award-winning na international film director-writer-producer na si Direk Nijel de Mesa ay unang nakilala sa teatro.

Isa sa mga unang obra niya na nagbigay sa kanya ng pagkilala ay ang kanyang dula na Subtext, na nanalo ng 1st Prize sa Don Carlos Palanca Awards for Literature.

Kalaunan, ito ay naging isang full-length movie at ngayo’y isang nakakakilig na musical na. 

Ang kuwento ay umiikot sa mga pagsubok sa pakikipagrelasyon at komunikasyon. Kasama sa mga naunang cast noon ang mga bantog at kilalang artista na tulad nina Victor Neri, Soliman Cruz, Lou Veloso, Herlene Bautista, Paolo Contis, Ciara Sotto, Boboy Garovillo at Nova Villa. 

Ngunit sa kasalukuyang bersiyon na ito na isang musical ay tiyak na magugustuhan ng mga magkasintahan at pati na rin ang mga single ngayong buwan ng pag-ibig (sa Pebrero). 

Ang Ayoko Na, Talo, Ewan Ko, Meron Din Kaya, Ayoko Na Hindi Ikaw ay ilan lamang sa mga bagong orihinal na kanta na isinulat mismo ni Direk Nijel de Mesa para sa dula, at ang mga musical arrangements ay ginawa ni Jopper Ril. 

Ang musical na ito ay dapat abangan ng ating mga kababayan abroad.

Ang premiere cast ng musical version na ito ay kinabibilangan nina Shane Santos, Cherry Morena, Ced Recalde, Karl Tiuseco, Gaye Angeles, at Jiro Custodio mula sa NET25’s Star Kada. 

Produced ng “One Acts Theater” division ng NDMstudios ang studio run na ito. 

Huwag palampasin ang kanilang natitirang performances sa Pebrero 1, 8, at 15, 2025, alas-7 ng gabi sa Sikat Studios Main Hall sa 305 Tomas Morato, Quezon City.

Tuloy ang laban sa korte… SANDRO, ‘DI MAGPAPAAREGLO SA NANG-RAPE RAW SA KANYA

ni Julie Bonifacio @Winner | Jan. 26, 2025

Photo: Sandro Muhlach - Instagram

Inilunsad sa konsiyerto ni Gerald Santos na may pamagat na Courage ang itinayo nilang advocacy group, ang Courage Movement na para sa mga biktima ng sexual harassment sa lahat ng larangan ng buhay. 

Pinangunahan ni Gerald ang paglulunsad ng Courage Movement bilang biktima rin ng sexual harassment sa showbiz.

Nagpadagdag pa sa emosyon ng audience sa launch ng Courage Movement during the concert ang surprise appearance ng dalawa pang celebrities na naging biktima ng sexual harassment na sina Sandro Muhlach at Enzo Almario, former member ng Sugarpop and claims na na-rape siya ng manager nila at the age of 12.

After the concert, nakausap namin si Sandro tungkol sa latest update ng kasong isinampa niya laban sa mga diumano’y nag-take advantage sa kanya sexually at sa paglulunsad ng Courage Movement.

“Very supportive,” diin ni Sandro sa partisipasyon niya sa Courage Movement. 

Aniya, “Kasi para naman ‘to sa lahat ng biktima. Hindi lang naman para sa ‘min ‘to. Para sa lahat ‘to.

“So, kung may mga gustong to speak for themselves sa mga nangyari sa kanila, nandito lang ang Courage Movement and PAVE (Promoting Awareness and Victors Empowerment) Philippines para sa kanila.”

Ongoing na raw ang case na isinampa nila kaya as much as he wanted to say a lot ay ‘di puwede because of court’s restriction.

Pero sinabi niya na wala raw nagri-reach out sa kanya para sa out-of-court settlement for the case.

“So, tuloy din ang laban. At saka never ako rin magpapa-settle ng kahit ano. So, lahat, dadaanin namin sa tamang proseso,” mariing sabi ni Sandro.

Ang isa sa mga good news na nalaman namin from Sandro ay ang pagtigil ng bullying sa kanya sa socmed (social media).

“Yes, nag-stop naman na. Pero ano, nag-start lang ‘yung bullying sa mga kamag-anak nila. So, ‘yun lang. Pero wala na. Tumigil na rin naman sila,” lahad ni Sandro.

Wala raw siyang balak idemanda pa ang mga nambu-bully sa kanya, sa ngayon.

“Basta ang focus ko, ‘yung mismong kaso ko lang. Wala na munang, ayoko munang mag-ano, sobrang nakakapagod. Nakaka-stress. I don’t even wanna talk about it,” pahayag ni Sandro.

Samantala, successful ang konsiyerto ni Gerald. Star-studded na maituturing with the likes of Erik Santos, Sheryn Regis and Aicelle Santos-Sambrano as his special guests.

Ini-launch din ni Gerald sa kanyang Courage concert ang kanyang bagong kanta, ang Hubad. 

Naging special din ang concert ni Gerald that night sa Skydome dahil sa presensiya ng kanyang US military girlfriend.

Tsika ni Gerald sa concert, kagagaling lang daw nila from Boracay for a vacation.

Again, our congratulations to Gerald and to his manager na si Rommel Ramilo na siya ring nagdirek ng concert.

Nag-bake ng cookies, naka-panty at panyo lang pantakip sa boobs… RHIAN, BINASTOS NG NETIZENS, TINAWAG PANG CHEAP AT MAYSAKIT SA PAG-IISIP

ni Julie Bonifacio @Winner | Jan. 25, 2025

Photo: Rhian Ramos - IG

Umani ng batikos si Rhian Ramos sa pagpo-post ng mga larawan niya na naka-black underwear habang nagbe-bake ng kanyang business na cookies.  

Ipinost ni Rhian ang kanyang mga larawan sa Instagram (IG) at ikinuwento ang obsession niya sa cookies.  

Caption ni Rhian: “5 years ago, my obsession for the perfect chocolate chip cookie began. For the first time ever, I’ve decided to make them available to the public.”  

Naka-post din sa GMA Integrated News account sa X (dating Twitter) ang apat na larawan ni Rhian kung saan binash ng mga netizens ang aktres.  

Caption ng GMA IN: “SHE’S SERVING (cookie and fire emoji).” 

“Rhian Ramos just launched her new cookie business, ‘Bas Bakes,’ after perfecting her own recipe.  

“Rhian also reshared her trending photos from 2021, wherein she baked cookies dressed in a bikini bottom and scarf used as a top.”  

Na-cheap-an ang mga netizens sa ad campaign ni Rhian para sa kanyang bagong negosyo.  

“Kailangan naka-panty ‘pag gumagawa ng cookie, ganern ba? Dyusko po, Marimar!”  

“Yeah, serving KA-CHEAP-AN!”  

“That’s so cheap with a sick mentality. I think she and the team behind it should immediately seek proper counseling (praying emoji).”  

Nabigyan din ng double meaning ng mga netizens ang pagbenta ni Rhian ng kanyang cookies.  

“Asssoooowwss, ‘yung cookies parang ‘di naman fresh, parang ‘yung…”  

“Is she selling her body or cookies?”  

“Pabili ng cookie mo, Miss!”  

“Masarap panigurado ang cookie n’ya. Hmmm…”  

Ang iba naman ay nag-react sa hygiene ni Rhian habang nagluluto ng cookies niya.  

Sey nila, “Don’t see baking here, just posing. I’m not going to buy her cookies for food hygiene reasons if that’s how she bakes—hair down, accessories, etc.”  

“If you are a baker, 1st you should know the proper hygiene when you are in the kitchen and wearing proper dress. Put a hair net and not like we see in the photos. Paano kung may buhok na mapapunta sa food? What if hair on the private parts kaya? Especially kung for business pa pala ‘yung food mo.”  

Wonder kung ano naman ang reaksiyon ng boyfriend ni Rhian na si Sam Versoza na tumatakbo pa naman for a public position sa nalalapit na halalan sa comments ng mga netizens, especially this one: “Flat chest, flat butt. Ang lungkot siguro ng BF nito.”  

“Tapos, magtataka pa kayo bakit mataas teenage pregnancy dito sa bansa.”  

‘Yun na!

---

BLIND ITEM:

Kalat na ang modus ng isang Pinoy na nagke-claim na concert producer sa Amerika.  

Ang initials ng pangalan ng raketerong wannabe producer sa Amerika ay T.M.  

Markado na siya sa Filipino community sa Los Angeles, USA dahil sa ‘di pagbabayad ng utang sa mga kababayan natin doon.  

Ang modus kasi ni T.M. ay makikipag-close sa mga artista na nagso-show sa US. At ‘pag nasa Pilipinas naman si T.M., panay ang pa-picture niya sa mga local celebrities dito.  

Tapos, pagbalik ni T.M. sa US, may-I-claim to fame na agad siya na friend niya ang celebrity na kasama niya sa picture.  

Madalas din ay nag-a-apply siyang PA (production assistant) sa mga Pinoy artists na nagso-show sa US. Kaya naman ang mga Pinoy sa US, mabilis na napapabilib niya at madali niyang nauutangan ng pera.  

Wala namang masamang mangutang basta nagbabayad.  

Pero itong si T.M., ginawa nang bisyo ang pangungutang sa mga kababayan natin sa US.  

Galit na galit na ang mga nautangan ni T.M. sa kahihintay kung kailan siya magbabayad.

Ang siste, milyun-milyong piso ang utang ni T.M. sa mga Pinoy na inutangan niya.  

Kapag ‘di pa rin nagbayad si T.M., ‘di na kami magtataka kung biglang hulihin na lang siya ng mga awtoridad.