Nu’ng wala ang business, meron… CHRISTOPHER, MAY NEGOSYO PERO WALA NG PERA

ni Julie Bonifacio @Winner | Feb. 2, 2025

Photo: Christopher Roxas - IG

Proud and loud si Christopher Roxas sa pagpapakita sa pangalawang branch ng That’s Diner sa Brick Road sa Sta. Lucia Mall sa Cainta.  

Ang unang branch ng That’s Diner ay matatagpuan sa San Pedro, Laguna. Taga-roon daw kasi ang mga relatives ni Christopher.  

Sa inorganisa na get-together with the entertainment media sa That’s Diner Sta. Lucia ng misis ni Christopher na si Gladys Reyes, tinanong namin siya kung dream ba niya na maging tulad ng sikat na si Chef Gordon Ramsay.  

Sagot ni Chef Christopher, “Hindi naman. Hahaha! Well, uh, ano ba ang dream mo? To provide, ‘yun na lang. To provide for my family.”  

Out of necessity to provide for his family, kaya pinasok ni Christopher ang pagiging

chef.  

“Uh, wala naman talaga akong ibang gagawin sa buhay ko and to be honest, mas nauna naman talaga akong mag-OFW bago ako nag-aral.  

“So, mas nauna akong magluto sa ibang bansa. Nu’ng umuwi ako, na-figure-out ko, at least, hindi ko naman nakita na magtutuluy-tuloy ako sa showbiz. Ang na-ano ko, at least, may papers ako, makapasok ako sa hotel. Parang, dapat magsasabay pa kami ni Donita (Rose) noon, eh,” pahayag ni Christopher.  

In fairness kay Christopher, legit na legit siya bilang chef kaysa sa ibang celebrities na nag-aral maging chef pero hindi naman talaga nakakapagluto.  

“Uh, nakapagluto ako sa France. Nakapagluto ako sa Japan. Nag-Amerika ako. I mean, yeah (legit chef siya), I think so.  

“Mas nauna akong maging kusinero talaga. So ako, nag-duty ako. Alam ko ‘yung buhay ng kusinero sa loob. So, nagtrabaho ako, literal na kusinero,” kuwento niya.  

May tita raw kasi siya sa Japan na may pag-aari na club. Nagtrabaho raw si Christopher sa kusina ng club.  

Aniya, “Tapos sa France, nu’ng nagpunta ako doon, nagsimula ako as dishwasher. Tapos, nag-grill ako. Until nangyari ‘yung (Bagyong) Ondoy.  

“Tumawag ako kay Ninang Cory (Vidanes). Sabi ko, ‘Ninang, mag-aartista na lang po ako. Hindi worth it ‘yung kita sa ibang bansa. Malayo ka sa family.’  

“So from there, nag-start ulit ako na magtayo ng maliliit na kainan. I remember kami ni Wowie (de Guzman), naggawa pa kami, eh. So, ayun.  

“Tapos nagkaroon na ng Stella, ‘yung dito naming restaurant, pre-pandemic. Dito rin ‘yun sa Sta. Lucia Mall. Then, inabot ng pandemya, nag-stop.  

“Ang nangyari, ‘yung mga karne ko doon, kailangan kong ibenta. Doon nagawa ‘yung That’s Entertainment. 

“So, ginawa ko, ‘yung mga karne namin, pinroduksiyon ko, minarinade ko. Tapos, ibinenta namin online.  

“So, umokey naman s’ya. Gumanda. ‘Til nagbukas na tayo. S’yempre, hindi mo naman kayang tapatan ‘yung mga high roller. Eh, ang trabaho naman talaga, magbukas ng kainan, restaurant.  

“Ang strength ko talaga sa pagluluto, hindi talaga Filipino kundi Mediterranean, Italian, European, mga ganyan, Western. Kaya siguro, ‘yung experience ko, eh, malaki-laki rin.”  

Kabisadung-kabisado ni Christopher ang pasikut-sikot sa loob ng kitchen.  

Sabi niya, “Ngayon po, uh, tine-train ako, may commissary kami. Tine-train nila ako for management naman. Kasi, kusina, alam ko na ‘yan.  

“Last year, sumali kami sa Philippine Culinary Cup. Nag-bronze kami, ‘yung team namin.”  

Sa commissary daw nila sila kumukuha ng stocks hindi lang para sa resto nila kundi pati na rin sa iba pang food business.  

“Yes, kumbaga, ginawa ko talaga ang commissary for That’s Diner. Pero may ibang kliyente rin po kami, may ibang restaurants kami na mina-manage. Tapos, may sinu-supply-an ako.  

“Our commissary is Grateful Galley. ‘Yan ang pangalan ng kumpanya ko. So, under Grateful Galley, meron akong mga units.  

“Meron akong for events and catering. Meron kaming That’s Diner for franchising.  

“Kaya ko naisip ‘yung pangalang Grateful Galley kasi nu’ng time na binuo ko siya, may mga taong naniwala sa ‘kin.  

“(Like) Si Ryan Agoncillo. Pinahiram ako ng pera n’yan, pangtayo ng restaurant. Kaya I will always be grateful sa kanya. So, ‘yung may mga taong ganu’n.  

“S’yempre, pandemya, eh, meron kasi akong mentor na zinero ko ang bangko ko. Bumili ako ng lupa. Eh, biglang nangyari ‘yung sa commissary, binaha, so, wala akong pera.  

“But ‘yun, may mga tumulong sa ‘kin. Kaya ‘yun, naitayo ko ‘yung company.  

“‘Yung catering namin, nagke-cater kami sa Congress. Regular po ‘yun. May canteen po tayo ru’n. Ang pangalan, Manay Nena. Meron na po akong staff doon. Pero nagluluto rin po ako roon. Pumupunta kami roon. May mga kusinero na rin kami roon.”  

Maganda raw ang istorya ng pagbi-business nila sa Congress.  

“Dati, nu’ng wala akong negosyo, marami akong pera. Nu’ng nag-negosyo ako, wala na

akong pera. Hahaha. Joke!”  

Si Gladys daw, member ng board nila at in-charge sa marketing.  

Nabayaran naman niya si Ryan?  

“Hindi pa. Ayaw niyang tanggapin, eh. Hehe. Hindi, si Ry, iba ‘yun. Iba s’ya,” diin pa ni Christopher Roxas.

Paawa epek daw sa aktor… SANYA, NAKIPAGSAGUTAN SA MGA NETIZENS DAHIL KAY DAVID

ni Julie Bonifacio @Winner | Feb. 1, 2025

Photo: Sanya at David - Instagram

Tila ginagawan ng isyu si Sanya Lopez sa hiwalayan ng kanyang kapatid na si Jak Roberto at ng ex-girlfriend nito na si Barbie Forteza.

Pero mukhang unbothered naman si Sanya sa kanila. Gaya na lang ng post ni Sanya sa X (dating Twitter) kahapon bilang sagot sa netizen na nag-post ng deleted comment ng Kapuso actress. 

Heto ang post sa X ng netizen para kay Sanya, “Bakit nag-delete ka after mo mag-reply @sanya_lopez sa comment na isaksak mo si @davidlicauco sa baga mo? Ano motive mo sa reply? paawa epek kay @davidlicauco para maging knight in shining armor na ipagtanggol ka sa bashers sa Instagram (IG) gaya ng ginawa kay Kisen @babyspecc wa (walang) epek.”

Kalakip ng post na ‘yan ang dalawang pictures mula sa IG account ni Sanya. 

Una, picture ni Sanya. At ‘yung isa ay ang comment-section ng IG post ni Sanya, kung saan sinasabi ng netizen na may idinelete raw ang kapatid ni Jak.

Karugtong na post pa ng netizen sa unang naka-post sa itaas, “ (....wa epek) Ba stories at posts mo na makonek sa HK posts at stories gaya ng sunset with you? sa interview mo sabi mo malalaman sa movie kung partners kayo ni @davidlicauco nahiya ka pang sabihin. 

“At dahil daming fans na ayaw na partners kayo, ‘wag na lang panoorin movie. wait na lang sa free access na mapapalabas ‘yan kesa gumastos para du’n malaman kung partners kayo, ‘di ba @sanya_lopez. Next time, ‘wag ka na mag-delete at tag mo pa si @davidlicauco para may silbi naman, feeling damsel in distress ka.” 

Ini-repost ni Sanya ang mga posts na ‘yan nu’ng basher niya sa X.

Caption ni Sanya, “Oh my dear. I’m not the one who deleted it. Sayang minsan lang ako sumagot dinilete pa n’ya HAHA (laughing emoji), pang-2nd ka. Sad nga, eh, wala s’yang face parang ikaw rin kapag nagco-comment. Next time, sana ‘yung may mukha n’yo talaga na. Para paniwalaan din ‘di ba. 

“Oh ito, ‘wag mong delete pinag-effortan kita now ah. ‘Di na ko sasagot kahit kanino next time. Gusto ko ‘yung iniisip mong talo ako. Para masaya ka, bhie.”

Natuwa naman ang mga followers ni Sanya sa ginawa niyang ‘pagpatol’ sa basher:

“Sabi sa inyo, eh. ‘Wag n’yong inaano ang tahimik at mabait, ‘yan tuloy but Yazzzz slayyyy bhiii HAHAHA go SANYAAAAA (laughing emoji).”

“Loveeet! (love it) Pang face2face ang banatan! That just showed na may chemistry kayong dalawa kasi super affected sila. Well.. Inggit lang ‘yan sila kasi hanggang comment lang s’ya, Hahaha!”

“Tama ‘yan, Danaya. Minsan talaga, need patulan hindi naman sila inaano (laughing emoji).”

Kabog!

---

Napanood na rin namin finally ang musical play version ng Subtext ng award-winning international director-producer-writer na si Direk Nijel de Mesa.

Muli ay napatunayan ni Direk Nijel ang husay niya sa pag-stage not only a theater play but also musical, ha?

Hindi naman kataka-taka dahil napaka-talented din ni Direk Nijel sa paglikha ng kanta.

Ginulat din kami ng mga aktor na kinuha ni Direk Nijel para sa musical play version ng Subtext. Pinabilib kami ng anim na aktor ni Direk Njiel na gumanap sa Subtext, the musical, na may tatlong bahagi.

Ang 6 performers ni Direk Nijel sa Subtext: The Musical (STM) ay sina Cherry Morena and Jiro Custodio; Ced Recalde and Shane Santos; at sina Karl Tiuseco and Gaye Angeles.

After the play ay nakausap namin sina Jiro at Cherry. First time nilang nagkasama sa isang proyekto at ang STM din ang kauna-unahang proyekto ni Cherry.

Ayon kay Cherry, “Ang masasabi ko lang, eh, it is very exciting and amazing feeling na nakasama kami. Thankful kami kay Direk Nijel de Mesa for giving us the chance to play the Subtext.”

First time rin daw nilang umarte sa isang play at musical.

“Although, before po, eh, nagpe-play na rin po ako. ‘Yun po ang naging training ground ko way back sa show ni Kuya Germs (German Moreno) sa Walang Tulugan.

“But this time, kakaiba po s’ya and I’m really very thankful kay Direk Nijel de Mesa sa pagtitiwala n’ya sa ‘kin,” pahayag ni Jiro.

Nakapag-train si Jiro ng voice lesson sa Star Magic (workshop) dati, pero hindi na nasundan.

Eto naman ang takeaway nina Jiro at Cherry sa kanilang roles sa STM.

“More understanding sa bawat isa. Kasi, katulad ng sabi sa play, ang smartphone noon, eh, mahirap maintindihan ang text.  

“So, siguro, kung meron kang hindi naiintindihan, mas dapat siguro itanong mo muna. Kailangan, magkaintindihan muna kayo kesa ia-assume agad na, ‘Baka ganito ang ibig n’yang sabihin?’ ‘Baka nagbibiro siya o hindi? ‘Yung mga pakaba-kaba na ‘yan, napag-uusapan iyon kahit na wala pang emoticons sa mga text nu’ng araw,” sabi nina Jiro at Cherry.

May chance pa kayo na mapanood ang STM bukas, February 1, at 8 PM sa Sikat Studios Main Hall at 305 Tomas Morato, Quezon City.

Regine, dawit din sa gulo… MOIRA, IN-UNFOLLOW NINA SAM, YENG, ERIK AT TJ

ni Julie Bonifacio @Winner | Jan. 31, 2025

Photo: Moira, Sam, Yeng, Erik at TJ - Instagram

Nabasa namin ang isang post sa X (dating Twitter) tungkol kay Moira Dela Torre na in-unfollow ng mga kasamahan niya sa talent management na Cornerstone.

Habang binabasa namin ang thread ng post, ang daming inire-reveal ng mga netizens tungkol kay Moira at sa kanyang former management.

Sabi sa post sa X, “Did Sam Milby, Yeng Constantino, Erik Santos, TJ Monterde, and others unfollow Moira Dela Torre?”

Oks lang din naman sa ibang mga netizens na i-unfollow nina Sam, Yeng, TJ at Erik si Moira dahil hindi rin naman daw pina-follow ng Tadhana singer ang apat na nabanggit.  

Sey ng mga netizens…“I think there’s a valid reason why they unfollowed her. Dekada na ‘yan sina Sam, Erik, at Yeng — never naman silang nagkaroon ng kaaway sa industry. So I think, may reason talaga ‘yan.”  

“Isang dekada na rin si Moira, ia-unfollow talaga nila kasi ‘yung traydor na RM ni M tsaka mapanirang former handler niyang Team Jason na suki ng spakol, eh, close ng mga ‘yan at nakaka-bond.”  

“Nope, they unfollowed her simply because close nila ‘yung mga handlers and road managers na naninira kay M sa company.”  

“Sus, kapag sila nag-unfollow, may something wrong sa tao or ‘may valid reason’ kuno. Pero for sure, ‘pag si Moira gumawa niyan, ‘attitude’ agad. HAHAHAHAHA! TIGILAN N’YO NGA PAGIGING SELECTIVE AT MISOGYNIST.”  

Pati si Asia’s Songbird Regine Velasquez ay nadawit sa isyu ni Moira at ng kanyang former co-talents sa CS.  

Sey ng isa, “Kaya ba nag-hang-out sa bahay ni Songbird recently? Char.”  

May nagtsika rin sa X na may kinalaman sa pag-unfollow nila kay Moira ang bago nitong boyfriend.  

Sabi ng netizen, “BFF niya si Sam, ‘di ba? Wait, ang problema ata, ‘yung bagong BF ni Moira. Bad influence raw, manipulative.”  

“Manager, producer, director, PA, all-in-one. Para sa kanya lahat mapunta ang (frugal emoji). ‘Kakahiya, groomsman pa sa kasal nila ni Jason at ex-BF ng best friend ni Moira. Kasama pa sa honeymoon nila noon (laughing emoji).”  

“Sino ba ‘yang bagong BF niya, pinagdidiskitahan n’yo (face with raised eyebrow emoji)?”  

May isyu rin ang mga netizens na may kinalaman daw sa pag-unfollow nina Sam et al (and others) at sa pag-alis ni Moira sa CS.  

“That happened when CS removed her dahil ‘attitude’ kuno s’ya when she just asked and demanded something for her career when they neglected her. At ‘yang mga artists na ‘yan, close sa bosses, two-faced na RM n’ya at cheater enabler niyang handler na maka-Jason (covering mouth emoji).”

“Nag-ask and demand lang si Moira sa CS about their plans for her career, tapos tinawag nang ‘attitude,’ kaya tinanggal." 

Pero may nagsasabi rin tungkol sa ugaling hindi raw maganda ni Moira.

“Kaya iniwan ng josawa (asawa), kasi maldita. ‘Wag kayong mahumaling sa boses n’yang mala-anghel, sa loob ang kulo.”  

“One word: TRAYDOR (laughing emoji). Watch how Moira and her fans will twist the narrative and say ‘hindi siya ang problematic’ when even her closest friends, some of the kindest people in the industry, unfriend her.”  

Hula ng isa, “Baka s’ya mismo ang nag-remove sa pag-follow sa kanya ng mga co-artists n’ya, kasi possible ‘yun.”  

Well, bukas ang aming pahina para sa paglilinaw ng mga taong sangkot na inaakusahan ng kung anu-ano ng mga netizens.

---

ANG ganda ng pasok ng 2025 kay Andrea Brillantes. Bukod sa pasok na siya sa Batang Quiapo, may mga bago at malalaking product endorsements din si Andrea this year.

And for sure, nakaplano na rin si Andrea ng gagawin niyang engrandeng travel abroad.  Every year, naglalaan talaga si Andrea ng panahon na makapag-travel nang solo.

Sey ni Andrea sa isang interbyu, “Mahirap, nakakapagod, at nakakatakot. But I do it scared. I do it alone and scared. And I have fun while being scared.

“Ang favorite discovery ko, ‘pag magso-solo travel kayo, guys, ‘wag ‘pag pa-winter, ‘wag autumn or fall or winter, mabigat ang bagahe ninyo. Mag-solo travel kayo, summer. 

“Bakit summer? Ang bitbit n’yo lang, sando, shorts. Magaan, manipis. Sunday dresses. ‘Pag meron kayong guy friends, ‘yun ang the best, pabuhatin ninyo sila. Baka may jowa ka, good for you. 

“Sa jowa mo pabuhatin ‘yung maleta mo. O kaya, ‘pag all girls kayo, magtulong-tulungan kayo. Magsalit-salitan na lang kayo.”

Well, talagang level-up na ang career ni Andrea sa telebisyon. Pagkatapos ng dalawang solo lead serye, heto’t baka siya pa ang gawing leading lady ni Coco Martin sa Batang Quiapo (BQ). 

Kabilang sa mga papasok na artista sa aksiyon-serye sina Andrea, Albert Martinez, Jake Cuenca, Angel Aquino, Chanda Romero, Shamaine Buencamino, Juan Rodrigo, Dante Rivero, Michael De Mesa, at Celia Rodriguez, kasama sina Paolo Paraiso, Albie Casiño, Gillian Vicencio, Alhdrin John at Diana Opilac.

Anyway, huwag  palampasin ang maaaksiyong kaganapan sa FPJ’s Batang Quiapo na hango sa orihinal na kuwento ng Regal Films, gabi-gabi, 8 PM sa Kapamilya Channel, A2Z, TV5, iWantTFC, at Kapamilya Online Live.