Na-realize raw na kailangan si Lord, Heart… SP CHIZ, UMAMING NA-MILD STROKE

ni Julie Bonifacio @Winner | Feb. 9, 2025

Photo: Chiz Escudero - Instagram

Umamin na si Senador Francis “Chiz” Escudero sa tunay na dahilan ng pagkakasakit niya last year.

Sa Vision Casting 2025 ng Jesus is Lord Church Worldwide na ginanap sa SM Mall of Asia Arena (MOA) kahapon ay dumalo si Sen. Chiz bilang special guest.

During his speech, nagpasalamat si Sen. Chiz sa Panginoon dahil sa naranasan niyang kagalingan pagkatapos niyang magkaroon ng mild stroke. Doon daw niya na-realize na kailangan niya ang Diyos.

Matatandaan na nabalitang nagkaroon ng serious health condition si Sen. Chiz last year. Pero nilinaw ng misis ni Sen. Chiz, ang aktres na si Heart Evangelista, na hindi true ang lumabas sa socmed na isinugod sa ospital ang kanyang mister.

May isang vlogger daw ang nagkalat na isang male senator from Sorsogon ang naospital dahil siya’y na-stroke, inatake sa puso at nagka-aneurysm.

Agad na napagbuntungan ng mga netizens na si Sen. Chiz ang tinutukoy nu’ng vlogger.

Pero nu’ng umapir si Heart sa Fast Talk with Boy Abunda (FTWBA) noong July last year, inamin ng fashion icon na nagkaroon ng ‘episode’ si Sen. Chiz.

“He had an episode,” sambit ni Heart Evangelista kay Kuya Boy. 

Aniya pa, “It was a scary episode but it was a wake-up call for all of us that health is wealth. And now, he’s doing very well. Everything is (perfect).” 

So, there.

---

Fans, galing pa raw sa malalayo, na-sad

SHOW NI SARAH, NA-CANCEL

May malungkot na balita si Pop Superstar Sarah Geronimo sa kanyang mga fans na ipinost niya sa X (dating Twitter) recently.

Na-cancel kasi ang Enigma Music City Festival sa hindi malamang kadahilanan, na originally ay naka-schedule last Saturday, February 8, at the Bridgetowne Open Grounds in Pasig City.

Si Sarah ang major artist na kasali sa event.

Post ni Sarah, “Hello Popsters! 

“Kamusta kayo? I’m sad that Enigma Music City won’t be happening. Excited pa naman ako to share this night of music with all of you.

“I know many of you made plans, traveled, and went out of your way to be there, and for that, I’m grateful. 

“I can’t wait for the day we get to share the stage again, and I’m so excited to bring you new music. Until then, please take care, and I’ll see you soon!”

Natuwa naman ang Popsters sa kabila ng cancellation ng performance ng kanilang idolo. Ito’y dahil sa medyo matagal na pananahimik niya sa socmed (social media).

Hindi man nila nakikita si Sarah sa TV, ‘yung makabasa lang sila ng mensahe from Sarah

sa socmed means a lot to them:

“Been waiting for this. You didn’t disappoint me. Thank you, Sars. ‘Yung simpleng kumusta mo pa lang, eh, sapat na. We can’t wait to see you perform again! We love you!”

“Lahat meet mo na lang daw ‘yung mga nag-book ng flight from abroad at du’n sa malayong lugar ng Pilipinas, ‘yung pamasahe nila and effort ng pagpapaalam just to see you. Nakakalungkot, if puwede lang naman. Hehehe!”

May nag-wish naman na fans ni Sarah na sana ay makagawa siya ulit ng pelikula at album/solo concert. 

Sey ng ibang netizens: “Miss you, accla (Sarah). Gawa ka na ng movie, please?”

“Music pa po ata inuuna n’ya.”

‘Yun na!

After pagpiyestahan sa pagsasayaw sa gay bar… MARK, SPOTTED NA MAY KASAMANG RICH BUSINESSMAN SA CASINO

ni Julie Bonifacio @Winner | Feb. 8, 2025

Photo: Mark Herras IG - Circulated, iTrend FB

Pagkatapos pagpiyestahan si Mark Herras dahil sa kanyang pagsasayaw sa gay bar — na inamin naman ng aktor at proud pa ngang sinabi na wala siyang nakikitang masama dahil ang importante ay naipambubuhay niya ito sa kanyang pamilya — may bago na namang kontrobersiyang ibinabato ngayon sa Kapuso actor.

This time, muling nag-trending si Mark sa social media dahil sa mga kumalat na larawan kung saan spotted silang magkasama ng rich businessman at uprising singer na si Jojo Mendrez sa isang hotel casino nu’ng February 5, bandang 11:30 PM.

Wala namang kakaiba sa larawan at hindi naman sweet sa isa’t isa sina Mark at Jojo, pero may mga netizens pa rin ang nagbigay ng malisya at pinagdududahang baka may ‘something’ ang dalawa. 

Mabuti na lang at agad naglabas ng pahayag at paglilinaw ang AQUEOUS ENTERTAINMENT para matigil na ang isyu. 

Anila sa kanilang inilabas na statement, “The post showing the photos of our artist Jojo Mendrez and Mr. Mark Herras together is purely a malicious content. Jojo and Mark are good friends. Nothing more. Nothing less.”

Samantala, pagdidiin pa ng isang source na malapit sa rich businessman-singer, purely friendly meet-up lang daw ‘yung pagsasama nina Mark at Jojo sa hotel casino.

Gumawa raw kasi si Mark ng video reaction para sa kanta ni Jojo na Somewhere in My Past na unang kinanta at pinasikat ng the late singer-actress na si Julie Vega.

So, ayun naman pala!

Klaro?!

---

Pangatlo na raw, tubig, tumutulo sa bibig…

FRENCHIE, INATAKE NA NAMAN NG BELL’S PALSY

Frenchie Dy - FB

Inatake muli ang singer na si Frenchie Dy ng sakit na Bell’s Palsy sa pangatlong pagkakataon.

Mismong si Frenchie ang nagbalita nito sa kanyang Facebook (FB) account kahapon.

Napansin daw ni Frenchie na nag-iba na ang panlasa niya habang kumakain ng lunch with her husband. At nu’ng uminom na siya ng tubig, naramdaman niya na tumutulo sa side ng bibig niya ang kanyang iniinom.

Pahayag ni Frenchie, “Medyo naiiyak ako kasi pinanghinaan ako ng loob. Pero I know na maraming nagpe-pray for me. Nand’yan ang asawa ko, nand’yan ‘yung mga anak ko, my friends. Lahat ng sumusuporta sa ‘kin, nand’yan, so kaya ko ‘yan. Laban lang.”

Nagpasalamat naman si Frenchie sa medical staff na tumulong sa kanya. At ipinakita niya pa sa video ang mga gamot at vitamins na tine-take niya gaya ng Vitamin B2, steroids atbp. na pangontra sa anumang komplikasyon at pananakit.

Nagpasalamat si Frenchie, siyempre pa sa Diyos at tila gagawin na niyang adbokasiya na maghatid-impormasyon sa publiko tungkol sa sakit na Bell’s Palsy at kung paano makaka-survive. 

Sa kasalukuyan, maaaring bumuti ang mga sintomas ng sakit ni Frenchie sa loob ng ilang linggo at umaabot ng anim na buwan para maka-recover nang tuluyan. Pero meron din daw na habang buhay nararanasan ang mga sintomas ng Bell’s Palsy.

Exception to the rule naman si Frenchie sa mga taong nakaranas at naka-survive sa sakit na ito nang 3 beses. Usually, hanggang isang beses lang daw ito tumatama sa isang tao.

Last December namin huling nakita nang personal at nakapanayam si Frenchie. And that was during the contract signing ng mga artists ng talent management nina Direk Cathy Garcia-Sampana, ang CLNjK Artists Management under the umbrella ng company nila na NICKL Entertainment.

Isa si Frenchie Dy sa mga mentors ng mga talents sa CLNjK.

Piktyur nila, proud na ipinost… SANDARA, BINISITA NI ALDEN SA TAPING

ni Julie Bonifacio @Winner | Feb. 7, 2025

Photo: Sandara at Alden - IG

Kinilig ang mga fans ni Sandara Park sa ipinost niyang picture nila ni Alden Richards sa set ng programa niya sa isang TV network.  

Caption ni Sandara sa kanyang post sa X (dating Twitter): “Thank you for visiting us on the set, Alden~!!! (smile and wave emoji). Nice meeting you (blue heart emoji).”

Binisita ni Alden si Sandara sa set na tila ikinabigla ng mga netizens since hindi naman sila friends or even nagkaroon ng project together.  

Wish tuloy ng mga netizens na magsama sina Sandara at Alden sa isang proyekto.

“Ate, what if magkaroon kayo ng project? Hahaha! Parang kahit may work ako, pupunta ako sa premiere n’yo (heart emoji).”

“Baka need namin ng teleserye or movie.”

“Pambansang Krung-Krung at Pambansang Bae ng Pilipinas in one frame (orange emoji). Love it!”  

Kung merong common factor ang dalawa, isa lang ang alam namin — pareho silang kaibigan ni Joross Gamboa.  

Alam na this!

---

Nagpapagawa ng bahay, gustong kumita… 

MARK, TANGGAP NA LAOS NA KAYA NAGSAYAW SA GAY BAR

LEFT and right ang publicity ni Mark Herras sa lahat ng platforms pagkatapos manahimik after a long time dahil sa kawalan ng career.  

Malaki ang nagawang ingay kay Mark ng pagsasayaw niya sa isang gay bar. At ang maganda pa nito, positibo ang naging pagtanggap ng publiko sa ginawa niya dahil imbes na i-look down si Mark, mas marami ang humanga sa aktor.  

Last Tuesday, klaro ang paglalahad ni Mark ng kanyang kuwento behind his pagsasayaw sa bar noong nag-guest siya sa Fast Talk with Boy Abunda (FTWBA).

Pagbabalik-tanaw ni Kuya Boy sa maingay na career ni Mark noon, “Hindi ko malilimutan, nasa kabilang channel ako, I was with ABS-CBN, dumaan ako sa Timog during your time, nasa loob ka, I think in the building, ang daming tao sa labas. Gusto ka lang masilayan, superstar ka, Mark.

“There is a disconnected… dahil gay bar — and there’s nothing wrong about a gay bar, para ho sa ‘kin, ‘yan ay converging zone naming mga LGBT people, walang mali — pero hindi lang mai-connect 'yung kuwentong ‘yun, because here is a guy who used to be one of the hottest guys and then he’s performing in a gay bar.” 

Very honest naman si Mark sa pagsasabi na tanggap niyang hindi habambuhay ay nasa limelight siya at ganu’n talaga ang buhay-artista.

Esplika ni Mark, “Nasa mindset ko, trabaho, trabaho. Kailangan kong magtrabaho. Bakit ko pa iisipin ‘yung iisipin sa ‘kin ng mga tao na baka wala nang career, desperado na ‘yang si Mark. Eh, ‘pag inisip ko ‘yun, paano ‘yung pamilya ko?”

Sa hiwalay na interbyu naman kay Mark ni Nelson Canlas ng 24-Oras, consistent ang aktor sa kanyang depensa kung bakit siya sumasayaw sa gay bar.  

Aniya, “This is what I want. Hindi naman ako naghahangad ng career na sobrang sikat na sikat. Lagi naman akong vocal about it. Gusto kong makapag-provide sa family ko, sa mga anak ko. Lalo na ngayon, magiging dalawa sila. Trabaho.

“Any work na ibato sa ‘kin, iaalok na trabaho sa ‘kin, as long as alam ko na hindi naman ako lugi sa talent fee (TF), at the same time, wala akong tinatapakang tao, sabi nga nila, at legal, I’ll do it. Provider ako, eh. Tatay ako, eh.” 

Kasalukuyang buntis ang misis ni Mark na si Nicole Donesa sa ikalawa nilang anak. Ang panganay nila na si Corky just celebrated his third birthday last month.  

Sa socmed (social media) ni Mark Herras ay makikita na may bagong bahay na siya na ipinapagawa at malapit nang matapos. Napupuno na rin niya ng appliances ang kanilang bahay.