Bago pa nabugbog ni Jam si Jellie… KEANNA, PROUD NA “DYOMBAG QUEEN”

ni Julie Bonifacio @Winner | Feb. 20, 2025

Photo: Keanna Reeves - IG

Hindi pinalampas ni Keanna Reeves ang very successful comeback ni Arnell Ignacio sa concert scene via Timeless…Music & Laughter (TM&L) sa Century Park Hotel last Saturday, February 15.

Knows sa showbiz na close friends sina OWWA Administrator Arnell at Keanna.

After the concert, nakatsikahan namin si Keanna kasama ang Kapuso artist na si Scott Lomboy. Kinumusta namin kay Keanna ang isa pa niyang beshie sa showbiz na si BB Gandanghari na dating si Rustom Padilla.

Hindi pa raw sila nagkita ni BB since bumalik ng Pilipinas ang kapatid ni Sen. Robin Padilla. If ever magkita raw sila ni BB, umaatikabong tsikahan daw ang mangyayari.

Natanong din namin si Keanna sa nangyayari sa showbiz sa pagkakasangkot ng ilang female celebrities na na-scam sa beauty products company.

“Ay, ‘yung mga na-scam? Oo nga, ‘no. Sabi nila ‘yung mga nai-scam, matatalino. Tapos ako, binansagan ninyong b*bo. Pero never ko na-experience ma-scam kasi segurista ako, eh. Kasi mukha akong pera, eh. Ang tatalino ng mga taong ‘to, bakit nai-scam sila?” emote ni Keanna.

Another hot issue sa showbiz ngayon ay ang pandyodyombag ng ex ni Karla Estrada na si Jam Ignacio sa fiancee nitong si DJ Jellie Aw.

“Bago pa mangyari ‘yun, ako muna. Unahin ko muna dyombagin. Siguro ano, ‘di naman natin makokontrol ang temper natin, ‘di ba? Lalo na ‘pag selos. Hindi naman natin sila ma-judge kung bakit nila nagawa ‘yun. Ano lang siguro, suwerte-suwertehan lang, may taong nanakit at merong hindi. Hindi naman mananakit ‘yan ‘pag nanliligaw pa. Doon mo lang malalaman ‘yan ‘pag kayo na,” diin ni Keanna.

Una raw siyang naging biktima ng pananakit, kaya siya lumayas sa kanyang ex-husband.  

“Bugbog girl din ako. Ako ang pioneer d’yan kaya alam kong hindi biro ‘yan,” dagdag pa ni Keanna Reeves.

---

More pa? No more na! 

AKTOR-PULITIKO, DATI RAW CALLBOY SA ERMITA BAGO NAGING HOSTO SA JAPAN

BLIND ITEM:

PINAGPIYESTAHAN ang post sa X (dating Twitter) kahapon tungkol sa apat na  aktor na hindi na namin papangalanan dahil below the belt ang mga isyung ikinakabit sa kanila. 

Ayon sa post, “(Actor-politician na ex ng aktres-politician), mabaho ang hininga, talac (sabi) ng kaeksena! - (Tsinitong aktor) nagtatago sa Japan??? - At si actor-politician is an OG hosto! Japan-Japan sagot sa kahirapan! - (Magaling na aktor) napakasarap ng kili-kili!!!”

Kani-kanyang hanash ang mga netizens sa mga aktor na nabanggit sa comment section. Unahin na natin ang actor-politician.

Sey ng mga netizens: “At before pa naging hosto si ___, callboy ‘yan before d’yan sa Ermita.

“Una pa sa mga double na sinehan ng T___ nu’ng araw, parang Alta ng Cubao nu’ng 90s… ‘yung tumatabi sa mga beki at nag-aalok ng movie ni Brillante Mendoza (joking emoji).”

“Dedma du’n sa rest… focus ako sa kilikili ni ____ (magaling na aktor) at V line (lower torso). Hahaha!”

Then, ang tsinitong aktor naman ang binanatan, “______ IS CONSIDERED A FUGITIVE NOW. ‘KAKALOKA!”

Parang ‘di naman kami makapaniwala sa aktor-pulitiko na ex ng actress-politician dahil in fairness sa kanya, mukhang lagi naman siyang mabango. 

So, there.

Naintriga sa daks na manoy… KEANNA, TYPE NA TYPE SI KELVIN

ni Julie Bonifacio @Winner | Feb. 17, 2025

Photo: Keanna Reeves - IG

Type ni Keanna Reeves na ma-meet personally and much more makasama sa proyekto, if given a chance, si Kelvin Miranda.  

Gusto ni Keanna na makatrabaho ang mas batang aktor ngayon.  

“Like Jak (Roberto)? Oo nga, ‘no, single si Jak. Dati gusto ko si Jak din. Pero parang nagkaedad na rin,” tsika ni Keanna nu’ng makausap namin pagkatapos ng successful concert na Timeless… Music & Laughter (TM&L) last Saturday.  

Sino ang gusto niyang makapareha na mas batang aktor?  

Sagot ni Keanna, “Ang bago ngayon, si Kelvin Miranda, ‘di ba? Kasi ‘di ba may labakara s’ya na dala-dala? Hahaha! ‘Yun kasi ang nag-trending, ‘di ba?”  

Ang tinutukoy ni Keanna ay nu’ng may picture na lumabas si Kelvin kung saan bakat na bakat ang kanyang ‘harapan’.  

Sa ngayon, ayaw na ni Keanna na lumabas sa pelikula na nagpapaseksi.  

“Kasi ang mga tao ngayon, judgmental, eh.  

“Parang tapos ka na sa era na ‘yan, tapos makikita ka ng new generation, ganu’n ka pa rin.  

“Parang, ‘Idol ng nanay ko ‘to, ah.’ Parang ‘Crush ‘to ng tatay ko, ah.’ Parang ganu’n. Ang pangit! Parang respeto mo na lang sa sarili mo ‘yun,” diin ni Keanna.  

Samantala, hindi pa raw sila nagkikita ni BB Gandanghari. Tiyak daw na umaatikabong tsikahan ang magaganap ‘pag nagkita sila.  

“Ano'ng pag-uusapan namin? Kabaklaan! Hahaha! Mga kalalakihan. Ayaw naman namin ng boring na topic, ‘no? Gusto namin, masaya lang palagi,” sey ni Keanna Reeves.  

‘Yun na!

---

MAY mga bago na namang pasabog ang action serye ni Coco Martin na FPJ’s Batang Quiapo (BQ) sa bagong yugto para sa ikatlong taon nito.

Kamakailan lang ay inanunsiyo ang bagong cast members tulad nina Andrea Brillantes, Jake Cuenca, Angel Aquino, Albert Martinez, Chanda Romero, Celia Rodriguez, at marami pang iba.

Para kay Andrea, inamin niya sa isang interbyu na nape-pressure siya sa pagsalang sa isang bigating cast.

“I am feeling a bit pressured, pero I am more grateful than I am pressured. I will use that pressure as motivation to be better kasi iba ang experience dito sa BQ. Matagal ko nang inire-request na gusto kong mag-action.”

Very thankful naman si Jake na muling makatrabaho si Coco matapos nilang magsama sa ilang Kapamilya teleserye noon na tinangkilik ng mga manonood.

Habang proud din ang veteran actresses na sina Chanda at Celia na mapabilang sa napakahalagang serye at excited na rin sila na makaeksena si Coco. 

Mapapanood ang three-part special ng Tatak BQ: The FPJ’s Batang Quiapo 2nd Anniversary Special sa Facebook (FB) pages ng Dreamscape Entertainment at ABS-CBN at sa YouTube (YT) channel ng ABS-CBN Entertainment.

Nag-share ng mga piktyur sa b-day… KRIS, NAGKALAMAN NA ANG PISNGI AT MGA BRASO

ni Julie Bonifacio @Winner | Feb. 16, 2025

Photo: Kris Aquino IG

Nag-share si Kris Aquino sa Instagram (IG) kahapon ng naganap na simpleng selebrasyon ng kanyang kaarawan,

This is her first post pagkatapos manahimik sa socmed (social media) nu’ng bumalik siya ng Pilipinas. Her last IG post ay noong November of last year.  

Thru her IG post, nagpasalamat si Kris sa lahat ng nagbigay ng panahon para batiin siya on her birthday last February 14.  

Ipinost ni Kris ang larawan nila ng kanyang mga anak na sina Josh at Bimby, pati na ang mga Care Bears stuffed toys na regalo sa kanya ng mga ito, plus ang mga bulaklak na ipinadala ng mga kaibigan ni Kris.  

Sey ni Kris, “I want to thank all my friends for taking time to greet me last night (asalto) and my friends from OC, who flew in. But above all, I thank you for being with me, Kuya Josh, and Bimb during my journey towards recovery.”  

Nag-post din ng kanilang mga pagbati ang celebrity friends ni Kris sa comment section ng kanyang IG post.  

From Marian Rivera, “Happy birthday, Ninang (kiss and heart emoji).”  

“Happy, happy birthday and wishing you a healthy and happy year ahead (red heart emoji),” pagbati ni Bianca Gonzalez.  

“Happy birthday, Kris! (cake emoji) Happy Valentine’s too! (heart emoji),” mula naman kay Eric Quizon.  

Compared sa kanyang previous posts, tila nagkalaman na nang konti ang pisngi at mga braso ni Kris sa photos na ipinost niya sa IG with her children.  

Harinawang magtuluy-tuloy na ang pagbuti ng katawan ni Kris Aquino.

---

MATAGUMPAY na idinaos ang three-day Barako Fest 2025 sa Lipa City, Batangas, kung saan punong-abala ang Mentorque producer na si Bryan Diamante.  

Ang three-day event ay co-presented ng Construction Workers Solidarity (CWS) Talino at Puso at 107 Angkas Sangga Partylist na si Mr. George Royeca ang first nominee.  

Meron ding partners, platinum sponsors, gold sponsors, at silver sponsors mula sa private sector.  

Kaya naman lalong bumilib sa galing ni Bryan ang nagbabalik na gobernador ng Batangas at ang Star for All Seasons na si Vilma Santos-Recto.  

At the same time, naniniwala si Ate Vi na may kaakibat na teamwork kaya mahusay na nairaos ang Barako Fest this year.  

Talumpati ni Ate Vi during the mediacon ng Barako Fest 2025, “Teamwork, that is the magic word, teamwork. Kahit anong galing mo, Bryan, ‘pag ‘di ka nasamahan ng iba na magagaling din, ‘di tayo magiging matagumpay.  

“We will continue to work as a team, and we will continue to work as a family here in the province of Batangas.  

“Barako Fest, this is our third year. We’re very proud of this Barako Fest, kasi ito ho ngayon ang inilalatag namin dito sa Lipa kasama na po ang iba’t ibang bayan ng ating lalawigan.  

“Marami ho kaming puwedeng ipagmalaki sa Barako Fest. Lahat po ng mga kaya naming ipagmalaki sa Batangas ay lalabas at lalabas habang naggo-grow, habang tumatagal pa ang aming Barako Fest.  

“Ngayon po ay naka-focus tayo dito sa Lipa. There’ll come a time, iikot na natin ito sa buong lalawigan ng Batangas…  

“Ang Barako Fest po ay pinag-isipan para ito ho ay mabigyan ng pagkakataon ‘yung masasabi nating micro and at the same time, ‘yung talagang pinakamalaki na po nating mga entrepreneurs.”  

Sa Angkeys To Win, limang motorsiklo ang ipinamigay sa Barako Fest. May tatlong pa-kotse — brand new Toyota Vios — sa Last To Take Hands Off Challenge. At nandiyan ang inspired sa Squid Game na Barako Game: Battle for P1 million.  

Noong last day, February 15, nag-perform sina Vice Ganda, Joshua Garcia, TJ Monterde, KZ Tandingan, Alex Gonzaga, Jessy Mendiola, JC Santos, Jerome Ponce, Hev Abi, Ron Angeles, Good Boyz, Eleven11, Eclipse, at Mike Swift.