Kredibilidad, kinuwestiyon… IVANA, MAY SARILING SKIN CARE PRODUCTS PERO IBA ANG INE-ENDORSE

ni Julie Bonifacio @Winner | January 26, 2026

Photo: Ivana Alawi - IG

Sinita si Ivana Alawi ng isang netizen bilang endorser ng skin care product. Nagdadabog ang netizen dahil sa kredibilidad ni Ivana bilang endorser.

Ayon sa netizen, may sarili raw skin care products na ibinebenta ang aktres-vlogger, kaya bakit ibang produkto raw ang inaalok ni Ivana?

Sey ng netizen, “Curious tuloy kami, ano’ng nangyari sa business mo, Ivana? Owner ka ng skin product pero ito ang endorsement mo, ibang skin product.”

May nagtanggol naman kay Ivana laban sa nasabing netizen ukol sa sarili niyang beauty products.

Sagot nito, “Nagkaroon ng issue sa factory, or manufacturer or something. Na-Tulfo pa yata ‘yung issue n’ya sa skin care n’ya.”

Samantala, nag-post ng reaksiyon ang isang fan ni Kim Chiu kaugnay ng skin product na ine-endorse ni Ivana.

Sey nito, “Tinanggal na sina Kim at Paulo.”

Ang tinutukoy na Paulo ay ang aktor na si Paulo Avelino.

Komento ng mga fans:

“‘Di tinanggal. ‘Di sila nag-renew para wala nang issue kay Glenda at kay Pau na crush n’ya.”

“Mukha mo! Ano’ng ‘di tinanggal? Mukhang mga pera idol ninyo. Ang sabihin ninyo, hindi ni-renew.”

“Mukhang pera, ‘di ba? Bayarang basher ka n’ya? Kahit ‘di nag-renew ang KimPau, milyonaryo na ang mga ‘yan at ‘di rin naman brilliant ang ine-endorse nila na mas higit pa ang Hyundai.”

---

Pinusuan ng BF, not just once but twice… 

ANDREA, NAGPA-BLONDE, NAGMUKHANG BARBIE

IBINIDA ni Andrea Brillantes ang bagong kulay ng buhok niya sa Instagram (IG) kahapon. 

For the longest time ay kulay itim ang buhok ni Andrea.

Caption ng aktres, “Someone blonde.”

Marami ang nag-react sa bagong kulay ng buhok ni Andrea, kabilang na ang kanyang ina na si Belle Brillantes at rumored boyfriend na cager na si Francisco Juan ‘Pankie’ Capistrano, na nag-post ng dalawang yellow hearts.

Sey ng ina ni Andrea, “Barbie ‘yan?”

Nag-react naman ang mga followers ni Andrea sa comment ni Belle.

“Tita Belle, paano po s’ya ginawa?”

“So pretty po ni Blythe.”

“Ipinagdasal mo po nang malala?”

In fairness, nagmukhang Barbie doll talaga ang aktres sa kanyang new look.

Malamang ay may kinalaman sa role ni Andrea Brillantes sa movie nila ni Enrique Gil na A Secret in Prague ang bagong kulay ng buhok niya.

Super rich na raw bago pa nag-vlog… IVANA, PROUD NA IFINLEX ANG P200 M KOLEKSIYON NG LUXURY BAGS, SHOES AT DAMIT

ni Julie Bonifacio @Winner | January 23, 2026

Photo: YT Ivana Alawi

Ibinalandra ni Ivana Alawi ang kanyang mga mamahaling imported bags sa My Closet Tour vlog niya sa YouTube (YT) channel na in-upload kahapon lang.

Proud daw si Ivana na ipakita ang kanyang closet sa buong mundo.

“Proud ako,” simula ni Ivana. 

Aniya, “Kasi nagbabayad ako ng tax. Saka mahilig ako manood ng closet tour. Ay, ang ganda n’yan. Gagayahin ko ‘yan.”

Nakakamangha ang collection ng mga bags, shoes at mga damit ni Ivana sa kanyang closet. From Hermès to Chanel dresses ang laman nito na kung susumahin ay aabot ng mahigit P200 milyon.

Sa Hermès bags pa lang, meron na siyang 20 pieces – from Himalaya to Birkin. Ang pinakamahal ay ang Himalaya bag niya na ayon sa Google ay naglalaro mula P12M hanggang P14M. 

Binili ni Ivana ang kanyang Himalaya Hermès bag sa Japan na binayaran niya through credit card.

Kabilang si Ivana sa iilang celebrities sa Pilipinas na may-ari ng Himalaya bag ng Hermès. Kaya lang, baka ibenta raw niya ito.

“Parang gusto ko na s’yang (bags) ibenta. ‘Di ko s’ya nagagamit, espesyal s’ya pero ‘di ko kayang gamitin. Once ko lang nagamit tapos natakot ako,” pagtatapat ni Ivana.

Meron din siyang collection ng Chanel bags na kinukuha niya ang lahat ng colors per design. Ganoon daw siya kung mamili ng bags.

Bukod sa mga bags na ipinakita sa vlog niya na nasa loob ng closet, may mga kinuha pa si Ivana na mga nakatagong Chanel bags.

Marami rin siyang branded shoes na hindi pa niya nagamit at naka-display lang sa kanyang cabinet. Mukhang never na rin daw niyang susuotin.

Naha-happy daw kasi siya na tinitingnan lang ang kanyang mga branded shoes. Dati raw kasi, wala siyang sapatos. At nang maging artista na siya, pinayuhan daw siya ng kanyang stylist na mag-collect ng maraming sapatos.

Identified daw si Ivana ng BIR bilang ‘exemplary in paying her taxes’, ayon sa Google. Honest daw kasi si Ivana Alawi sa pagre-report ng kanyang kinikita sa pagba-vlog.

Sabi pa sa Google, “She was already wealthy before starting her YouTube channel in 2019, inheriting significant assets from her father.”

Ganern???

---

Ninanakaw lang daw ng ilang pulitiko… 

OGIE, URONG-SULONG NA SA PAGBABAYAD NG TAX

NAGSENTIMYENTO si Ogie Alcasid sa nakatakdang pagbayad niya ng tax sa Bureau of Internal Revenue (BIR) sa Lunes. 

Tila nag-alangan si Ogie sa pagbabayad ng buwis matapos ang malaking iskandalo ng korupsiyon sa pamahalaan last year.

Sa kanyang Facebook (FB) page kahapon ay ipinost ng It’s Showtime (IS) host ang kanyang saloobin.

Sabi ni Ogie, “This morning after my prayers and devotion, my accountant alerted me that taxes will be paid again and the deadline is on Monday.

“It can take a toll on us when we see how much we part with the hard work we put out and not know if our contributions are safeguarded.

“Perhaps God wanted me to pray harder for this country. We Filipinos deserve an honest government. Lord, please help the Philippines.”

Naka-relate ang mga netizens sa naramdaman ni Ogie at anila… “So true po, Sir Ogie. Knowing where, rather to whom our taxes really go and are used selfishly is heartbreaking.”

“Ang hirap magbayad ng buwis lalo na kung hindi sigurado kung saan mapupunta ang ibinabayad mo.”

“With all the issues of corruption in our country, we cannot help but doubt where our taxes will go again. Sa mga totoong proyekto ng gobyerno o sa bulsa ng iilang opisyal? Oh, God, please help our country and your people. Amen!”

‘Yun na!

Inglesan daw nang inglesan… ANNE, NAPIKON SA BASHER, BINARA NA ‘WAG MANOOD NG MOVIE NIYA

ni Julie Bonifacio @Winner | January 22, 2026

Photo: FB Anne Curtis

Ipinagtanggol ni Vice Ganda ang kapwa niya host sa It’s Showtime (IS) na si Anne Curtis laban sa isang netizen na nang-bash sa bagong pelikula ng Kapamilya actress.

Ini-repost ni Vice sa X (dating Twitter) ang comment ni Anne sa basher ng movie niya with Jericho Rosales.

Tinarayan ni Anne ang basher na nag-post ng comment na nakakairita raw ang movie nila ni Echo dahil English ang dialogue sa mga eksena.

Sagot ni Anne, “‘Di, ‘wag ka manood.”

Ipinost ito ni Vice sa kanyang account sa X na may caption na: “Ay, may umorder ng pika with free delivery. Wah! Loveetttee.”

Naaliw din ang mga netizens sa reaksiyon ni Anne sa kanyang basher. Anila… “‘Yung mga tao kasi, bash nang bash, akala mo naman talaga sila nagpapakain sa mga artista,”at “Barda era ng Dyosa.” 

“Tama!” comment naman ng direktor na si Mae Cruz Alviar.

Bigla ring nawala ang post ng netizen na namintas sa movie ni Anne with Echo. 

Sey nila, “Wala na ‘yung nag-comment, naglaho na. Context? ‘Kakairita,’ sabi nu’ng nag-comment tungkol sa trailer nu’ng movie ni Anne, dagdag pa, ‘English-English mga dialogue.’”

“Nag-deactivate na raw.”

“‘Wag n’yo na hanapin, nag-apir-disapir na, nasunog, eh.”

Natuwa naman ang mga followers ni Vice Ganda sa pag-repost niya ng reaksiyon ni Anne Curtis laban sa basher nito.

Sey ng isa, “Sister talaga kayo.”

---

OPISYAL nang binuksan ng It’s Showtime (IS) ang ika-sampung season ng longest-running singing competition ng bansa na Tawag ng Tanghalan (TNT), tampok ang The Voice USA (TVUSA) Season 26 champion na si Sofronio Vasquez bilang pinakabagong hurado ng prestihiyosong kompetisyon.

Makakasama ni Sofronio ang Punong Hurado na si Louie Ocampo at TNT Season 4 Grand Champion JM Yosures, na magdadala ng karanasang nakuha niya sa ibang bansa at bagong pananaw sa pinakamatagal na tumatakbong noontime singing contest sa bansa.

Sa bagong season, mga bagong mukha ang masisilayan ng manonood na magmumula sa 18 rehiyon ng bansa. Linggu-linggo, maglalaban ang mga contenders ng bawat rehiyon.

Ang masuwerteng magwawagi ay uusad sa regional finals hanggang sa mabuo ang 18 kinatawan ng bawat rehiyon na maglalaban para sa titulo bilang Season 10 grand champion.

Sa unang araw ng kompetisyon, nanaig ang 19-anyos na si Sidro Quilicol laban kay Vergel De Guzman matapos makuha ang pinakamataas na iskor na 91.3%.

Huwag palampasin ang pinakabagong edisyon ng TNT sa IS, napapanood Lunes hanggang Sabado, alas-12 ng tanghali sa GMA, Kapamilya Channel sa ALLTV2, A2Z, Kapamilya Online Live sa ABS-CBN Entertainment YouTube at Facebook (FB) pages, iWant, at TFC IPTV.

Mapapanood din ang hit online show na Showtime Online U (SOU) sa It’s Showtime YouTube (YT) channel.