Paglabas sa PBB, inaabangan na… GF, PROUD SA PAG-AMIN NI KLARISSE

ni Julie Bonifacio @Winner | Apr. 4, 2025

Christrina Rey FB - Klarisse sa PBB - FB, YT

Pagkatapos umamin ni Klarisse de Guzman sa kanyang gender preference sa loob ng Bahay ni Kuya at banggitin ang pangalan ng kanyang partner for 4 years, nag-viral agad ang personality ng dyowa ng singer sa social media.

Base sa binanggit ni Klarisse sa loob ng Bahay ni Kuya, ang name ng partner niya ay Trina.

Sa X (dating Twitter), lumantad si Trina at nag-viral ang kanyang post, and she carries the account name of Christrina B. Rey.

Feeling proud siyempre si Trina sa pag-announce ni Klarisse tungkol sa relasyon nila.

Post ni Trina, “I AM PROUD OF YOU @Klarissedguzman! I’m always here, always! I’ll wait you here sa outside world. Love Wins (love & LGBTQ A+ flag emoji).”

Binati naman si Trina ng mga netizens sa socmed (social media):

“Ang suwerte n’yo sa isa’t isa. We love Ate Klang. All the love in this world, deserve n’yo.”

“Sending our love and support to both of you.”

“Damang-dama ko s’ya, unang pasok pa lang sa bahay ni Kuya, love wins mahal kita, kabaro (smiley & heart emoji).”

Marami rin ang pumuri sa ganda ni Trina sa socmed.

After a few hours, muling nag-post si Trina sa X.

Sabi niya, “Baliko man o tuwid, ‘yan ang mundo at walang mali sa ‘yo.

“Sa mga hindi raw nakatulog nang maayos nu’ng nakaraan, sana po mahimbing ang sleep n’yo last night (laughing emoji).”

“Sana po ay patuloy n’yong yakapin at mas mahalin ang nag-iisang KLARISSE DE GUZMAN! Keep on shining Our Soul Diva (star emoji).”

Awww…

---

Naiintriga na ang mga netizens sa maaaring pangmalakasang salpukan nina Coco Martin at Jake Cuenca sa FPJ’s Batang Quiapo (BQ) matapos humamig ng apat na milyong views sa loob ng 24 oras ang inilabas na special plug tampok ang kanilang mga karakter.

Isa na namang makapigil-hiningang komprontasyon ang nagbabadya dahil mauuwi sa maaksiyong engkuwentro ang ilegal na transaksiyon kung saan magkasosyo sa negosyo sina Tanggol (Coco) at Cong. Miguelito (Jake). 

Wala namang kamalay-malay si Miguelito na si Tanggol ang nagplano ng lahat para pagkaisahan siya para makuha ang milyun-milyong halaga ng pera.

Sa kabila ng namumuong tensiyon sa pagitan nina Tanggol at Miguelito, mukhang mas magiging kumplikado pa pala ang kanilang relasyon. Nabunyag na kasi ang masalimuot na nakaraan ni Tindeng (Charo Santos), ang lola ni Tanggol, sa kamay ng pamilya ni Miguelito dahil ang lolo pala nito ang nang-abuso kay Tindeng noon kaya ito nabuntis kay Marites (Cherry Pie Picache).

Matapos ang pasabog na rebelasyon na ito, sunud-sunod naman ang mga posts ng mga netizens ng kani-kanilang mga hula kung bakit maaaring magkamag-anak ang ilan sa mga karakter.

Magiging magkasangga kaya o magkalaban sina Tanggol at Miguelito? Magkadugo nga ba sila o may mga lihim pa na mabubunyag tungkol sa kanilang nakaraan?

Huwag palampasin ang maaaksiyong kaganapan sa BQ na hango sa orihinal na kuwento ng Regal Films, gabi-gabi ng 8 PM sa Kapamilya Channel, A2Z, TV5, iWantTFC, at Kapamilya Online Live.

Kinasuhan ng acts of lasciviousness ni Rita… ARCHIE, PUWEDE NANG ARESTUHIN

ni Julie Bonifacio @Winner | Apr. 3, 2025

Naglabas na ng warrant of arrest ang Bacoor City Municipal Trial Court para sa komedyanteng si Archie Alemania.

Any moment ay puwedeng arestuhin si Archie ng mga awtoridad ng Bacoor City.

Ang arrest warrant kay Archie ay may kinalaman sa kasong acts of lasciviousness na isinampa ng Kapuso star na si Rita Daniela sa korte.

Maaaring magpiyansa si Archie ng halagang P36,000 para sa kanyang pansamantalang paglaya.

Ayon sa Bacoor City Municipal Trial Court, “After a careful evaluation of the information, the resolution, investigation data form, the complaint affidavit of the complaining witness, and other pertinent documents, the court finds probable cause to hold the accused for trial. Considering that the accused is at large, let a warrant of arrest be issued against him.”

Ang kasong acts of lasciviousness ay maaaring i-penalize under Article 336 of the Revised Penal Code with imprisonment ranging from six months and 1 day to 6 years depende sa pangyayari.

Matatandaan na naghain ng reklamo si Rita kontra kay Archie dahil sa diumano’y sapilitang paghalik at paghawak ng komedyante sa katawan ng aktres.

Inakusahan din ni Rita si Archie sa ‘di magagandang sinabi ng komedyante nang paulit-ulit sa thanksgiving party ng Widow’s War (WW) last September.

Pero bago lumabas ang warrant of arrest, nakapag-file na si Archie ng kanyang counter-affidavit against Rita’s complaints last December.

---

ANOTHER Kapuso star ang mukhang mai-involve sa isa na namang court case. Ang tinutukoy namin ay ang dating Starstruck Ultimate Survivor na si Mark Herras.

Usap-usapan na sa socmed ang plano ng singer/businessman na si Jojo Mendrez na ihabla sa korte si Mark.

Sa kanyang Facebook (FB) page nu'ng April 2 ay inihayag ni Jojo ang kanyang paghahain ng kaso laban kay Mark.

Paglalahad ni Jojo, “Bukas, April 3, 2025, sa ganap na 10:00 ng umaga, kami po ay opisyal na maghahabla ng kaso sa Quezon City Hall of Justice - Prosecutor’s Office. Ito po ay gagawin ko hindi para magpasikat, o gumawa lang ng pag-uusapan. Ito po ay para sa aking kapanatagan ng loob at para sa pagsasabi lang ng katotohanan.”

At the same time, may panawagan si Jojo sa publiko tungkol sa latest ganap sa kanila ni Mark.

“I'm calling the public na sana maging responsable po tayo sa ating mga pagkomento sa inyong mga nababasa o napapanood sa social media regarding Me, Mark Herras and Rainier Castillo.  

“Mali ang nasa isip po ng nakararami. Hindi po ako pinalaki ng mga magulang ko para sirain ang kanilang mabuting pagpapalaki sa akin at hindi po ako gagawa ng mga bagay na wawasak sa pangalan ko bilang isang businessman, at sisira din sa pinaghirapan kong konting pangalan sa music industry,” mensahe ni Jojo.

Madasaling tao raw siya at may takot sa Panginoon. Marami na ring natulungan, nadamayan at ginawan ng mabuti si Jojo na hindi niya isinapubliko.

“Pero ‘di ako nag-expect ng kanilang magiging utang na loob sa ‘kin. Hinihiling ko na sana, ‘wag kayong magpadala sa mga balitang naglalabasan na nakakasira at nakakasakit sa ‘kin. Maraming salamat po sa lahat ng nagmamahal, sumusuporta sa ‘kin at nagpapalakas ng loob ko sa aking pinagdadaanan ngayon,” sabi pa niya.

Samantala, nauna nang pumiyok si Mark nu’ng lumabas sa socmed ang balitang kakasuhan siya ni Jojo dahil diumano sa natanggap nitong pananakot at pagbabanta mula sa aktor na susunugin nito ang bahay niya.

Ang mensaheng ito ay ibinahagi ni MJ Marfori sa kanyang Instagram (IG) Story.

Pahayag ni Mark, “Okay lang naman ‘yan & pasabi na lang po na mas marami d’yan na ‘di hamak na mas sikat sa ‘kin, kasi ako naman hindi na talaga, Hahaha! gagawa na lang ng issue ‘yung halatang ka*****n pa.

“Unang-una, ‘di ko ugali manakot ng tao kahit gawan ako ng issue or what, ‘di ko ugali

‘yan. I’d rather give my time & energy sa pamilya o kaya naman sa mga work/raket.

“Sorry, I’m the wrong guy para isama n’yo or gawan n’yo ng issue kasi ‘di ko kayo papatulan, Hahaha! at isa sa mga kasabihan nga, eh ‘Always be the better person,’ so yeah salamat.

“Enjoy whatever you guys are doing marami akong ginagawa personal/work related, this will be the last time na sasagot ako sa issue, LOL (laugh out loud). Thank you!”

So, confirmed ang sinabi ni Jojo sa amin na nakita niya na puno na ang schedule ni Mark Herras nu’ng masilip ng Revival King ang calendar ng aktor.

Ang daming memories… PIOLO AT KIM, APEKTADO NA GIGIBAIN NA ANG GUSALI NG ABS-CBN

ni Julie Bonifacio @Winner | Apr. 2, 2025

Piolo Pascual at Kim Chiu - IG

Ngayon pa lang ay ramdam na ng mga Kapamilya stars ang lungkot sa nalalapit na paggiba sa old main building ng ABS-CBN.

Una na d’yan ang dalawa sa pinakasikat na homegrown artists ng Kapamilya Network na sina Piolo Pascual at Kim Chiu.

Sa ginanap na 38th Star Awards for Television kung saan big winners sina Piolo at Kim ay natanong sila sa napipintong pagkawala ng old main building ng ABS-CBN. Kasama rito ang makasaysayang Dolphy Theater, mga studios, dressing rooms, radio booths, simbahan, atbp..

Ipinagbili ng ABS-CBN sa Ayala Land ang “30,000” square meters mula sa kabuuang 44,027.30 square meters na property ng dating broadcasting network, ayon sa ulat ng ABS-CBN.com noong February 2025.

“Siyempre, masakit. Dito kami lumaki ‘ba,” emosyonal na sabi ni Piolo. 

Naging bahagi si Piolo ng talent management arm ng ABS-CBN na Star Magic noong 1996 o 29 years ago.

Sey naman ni Kim, “Oo, ang daming nangyari rito sa building na ‘to.”

Si Kim ay homegrown artist ng ABS-CBN mula nang manalo siya bilang Big Winner ng Pinoy Big Brother (PBB) Teen Edition 1 noong 2006 o 19 years ago.

Pero paniniyak ni Piolo, “But we carry it in our hearts.”

“Yes,” pagsang-ayon ni Kim kay Piolo. 

Aniya pa, “Nasa puso namin ‘yun and alam namin na nand’yan pa rin ang mga Kapamilya.”

May eksklusibong impormasyon naman ang nakarating sa amin tungkol sa paggiba ng Dolphy Theater at ng simbahan sa old building ng ABS-CBN.

Ayon sa aming informant, may nagaganap daw na pag-uusap between the Ayalas at ang management ng Lopez building tungkol sa paggiba ng buong structures sa compound ng Kapamilya Network na nasa Sgt. Esguerra at Mother Ignacia streets.

Ipinapakiusap daw ng mga taga-ABS sa mga Ayala na huwag isama sa gigibain ang Dolphy Theater at ang simbahan na malapit dito.

Puwede rin kasing magamit ng mga Ayala ang Dolphy Theater at ang simbahan. Puwedeng ipagpatuloy bilang tanghalan ng live show or event ang Dolphy Theater. Puwede ring gawing museum.

At sa mga establishments naman ng Ayala ay very visible ang maliliit na simbahan. With the existing “kapilya” sa compound, ‘di na nila kailangang maglagay pa ng bago.

Well, sana nga ay mapagbigyan ng Ayala ang request ng mga taga-ABS-CBN.

---

NAGPAMALAS ng husay sa pagpe-perform ang very talented all-male group na Magic Voyz sa selebrasyon ng kanilang first anniversary via a hit show sa Viva Cafè last Sunday.

Punumpuno ang Viva Cafè sa anniversary concert ng Magic Voyz. Pero sulit na sulit ng audience ang kanilang panonood dahil sa dami ng performances ng MV, pati na ang bonggang production numbers at outfits ng grupo.

Siyempre, happy and proud ang “nanay-nanayan” at manager ng Magic Voyz na si Lito de Guzman. Malaki rin kasi ang hirap ni Lito sa grupo and seeing them grow as performers at sa kanilang personality, kakaibang feeling ‘yun for Mama Lits.

Ang Magic Voyz ay binubuo nina Jhon Mark Marcia, Mhack Morales, Rave Obado, Jace Ramos, Ian Briones, Johan Shane, Asher Bobis, plus, ang bagong member ng Magic Voyz na si Jorge Guda na ipinakilala sa concert.

“I’m so grateful and happy to be part of an excellent group. I’m looking forward to more shows and events with Magic Voyz. Sobrang worth it lahat ng sacrifices,” sabi ni Jorge.

During the concert, kinanta ng Magic Voyz ang original song nilang Bintana na isinulat ng isa sa mga members ng grupo, si Johan Shane. Kinanta rin nila sa concert ang bago nilang single na malapit na ring i-release, ang Tampo.

Lahat ng awitin ng Magic Voyz ay released under Viva Records and LDG Productions.

Nag-perform din as special guests sina Robb Guinto, Skye Gonzaga, Cebuana Twins, Buraot Queen, Meggan Marie, Miia Bella at si Ayah Alfonso.

After the concert ay nagpaunlak ng interview sa media ang Magic Voyz.

Tsika ng isa, “Hindi ma-explain... may mga nagkasakit, napaos sa kakakanta, pero nakaya naman at naitawid namin.”

“Hindi lang ako ang nagko-compose ngayon,” shared Johan Shane, the group's main songwriter. 

Aniya, “Kasama na rin sina Mhack, Asher, at Mark. Apat na kaming magke-create ng magic para sa Magic Voyz.”