Join sa 110 K concertgoers… VICE, GARY V., APL.DE.AP, ICE, ETC., NANOOD NG SB19 CONCERT

ni Julie Bonifacio @Winner | June 3, 2025

Photo: SB19 at Gary V - IG

Until now ay top trending pa rin sa social media ang matagumpay na 2-night concert ng SB19, ang Simula at Wakas (SAW) World Tour Kickoff na ginanap sa Philippine Arena last weekend.

Ang daming may hangover pa sa ganda ng concert at hindi maka-move on. Parang ninanamnam pa ng mga A’TIN loyal fans ng SB19 ang very successful at bonggacious na pagtatanghal ng grupo.

Maging ang direktor ng concert na si Paolo Valenciano ay hindi pa nakakabawi ng energy after ng 2-night concert.

Ipinost ni Direk Paolo sa X (dating Twitter) ang ginamit niyang production ID during the show.

Caption ni Direk Paolo: “Time to sleep… Goodnight, A’TIN! I won’t be moving on from this anytime soon. Blue heart.”

Sobrang na-appreciate naman ng A’TIN ang ginawang effort ni Direk Paolo sa

SAW concert.

Sey ng mga netizens: “Direeek, congrats! Grabe, ang ganda ng concert, I just want to thank you also for making an effort na maganda ang LED screen and camerawork like kung sino kumakanta and nagsasalita, sila ‘yung focus. Good job po! Ang gagaling ng team behind with

your leadership! (Crying face, pleading face & folded hands emoji).”

“Congrats, Direk and to the entire team!! The 2-day con is one for the books! Thank you for a memorable time! Definitely worth the time, effort and travel for this A’TIN who traveled all the way from the US for this! Much love to you guys! (fire emoji) Now on to some much deserved rest!”

O, bongga ang A’TIN, ‘di ba? Umuwi pa sila ng Pilipinas para manood ng SAW.

Actually, may nakatabi rin kami sa concert na nanggaling naman daw sila sa Dubai at umuwi ng bansa para manood ng concert ng SB19.

Tarush!

---

OVERWHELMED naman ang SB19 members sa ipinakitang suporta sa kanila ng A’TIN. Nagpasalamat ang dalawang SB19 members na sina Stell Alejo at Josh Cullen sa kanilang fans sa X (dating Twitter) right after ng second night ng Simula at Wakas (SAW).

Ipinost ni Josh ang poster ng SAW sa X at heto ang kanyang caption: “Salamat sa bawat isa. Hindi ko ‘to makakalimutan.”

Pagkatapos ay sinundan pa ito ni Josh ng another post, “‘Yung mga asawa ko, alam n’yo na.”

Todo-patol agad siyempre ang A’TIN sa post ni Josh.

“Waaaah! Nahuli akong sumigaw ng ‘I love you, Josh!’ ng hubby ko. Hahaha! Tapos, tinawag mo pa kami na mga asawa mo! (grinning face with smiling eyes, laughing face, smiling face with hearts, star-struck face emoji). Congratulations! World-class performance at sobrang guwapo n’yong lima! My A’TIN heart is full. Blue heart.”

“Hunnybunch, nakauwi na me. Galing mo so much. Uwi ka na, nagluto ako noodles.”

Pinasalamatan din ni Stell ang A’TIN sa socmed (social media).

Post ni Stell, “MARAMING SALAMAT SA INYONG LAHAT. PINUNO N’YO ANG PUSO KO. HANGGANG SA UULITIN, A’TIN. WE LOVE YOU.”

Hindi lang ang A’TIN ang pinasalamatan ni Stell kundi pati ang direktor ng concert nila na si Paolo Valenciano.

Comment ni Stell sa post ni Direk Paolo sa X, “LABYU DIREK! (face blowing a kiss).”

Samantala, spotted sa second night ng SAW concert ang ilang celebrities gaya nina Apl.de.Ap, Gary Valenciano, Vice Ganda, TJ Monterde, KZ Tandingan, Ice Seguerra, Liza Diño, Maki, AC Bonifacio at jowa niya na si Harvey Bautista, John Prats, Maymay Entrata, Diwata at marami pang iba.

110 thou ang nanood… SB19, UNANG PINOY ARTIST NA NAKAPUNO NG PHIL. ARENA NG 2 GABI

ni Julie Bonifacio @Winner | June 2, 2025

Photo: SB19 / IG

Grabe, pero ang SB19 na marahil ang mayroong record na sa loob ng 2 gabi ay solid na solid ang concert performance.

Sa mga nag-trending at nag-viral na mga video snippets na kuha sa kanilang kick-off show para sa kanilang Simula at Wakas (SAW) world tour, hindi maitatangging ang SB19 na nga ang pinakamatagumpay at pinakasikat na boy group sa bansa and yes, still making huge name sa global scene.

“Walang tapon, lahat sila magagaling. Sing and dance, hosting, nagpapatawa, nagpapaiyak, lahat nakaka-relate sa mga kuwentong buhay nila, mataas ang fashion sense, bongga ang production, lahat ng kinanta at sinayaw nila ay hindi ninyo panghihinayangang bayaran nang mahal. Grabe, as in grabe,” ang nagkakaisang sigaw ng mga Ka-A’TIN at mga Ka-MahaLima sa socmed (social media).

Lahat nga raw ay nagkaroon ng moment sa stage. Walang sapawan kahit pa nga nakalalamang sa kasikatan sina Pablo at Stell. Iba ang hatak ni Ken, iba ang aura ni Josh, at may something kay Justin na mamahalin mo. 

Bawat isa ay nag-complement sa success ng concert na first time ngang nangyari sa Philippine Arena na halos umabot ng lampas 55K (thousand) ang mga tao bawat gabi.

No wonder, nataranta ang NLEX management pati ang MMDA dahil sa traffic ng mga sasakyan at mga tao na papunta at palabas ng Phil. Arena sa naturang area sa Bulacan.

At ‘yan ang totoo, walang padding sa ticket sales, walang exaggeration sa husay ng performances at walang nagreklamong palpak ang production dahil tunay namang pang-world-class at kering-keri na ihilera sa mga pinakamagagaling sa buong mundo.

No one can really argue with success. HUGE success!

---

MAY naiintriga sa Facebook (FB) post ni Javi Benitez hinggil sa recent development ng iskandalo sa pamilya nila.

Although wala namang binanggit na kung ano ang dating aktor sa demanda ng ina laban sa kanyang tatay na si Cong. Albee Benitez, nagpahayag ng pagkalungkot ang binata.

Sabi raw ng kapatid niyang si Bettina, umaasa pa rin sila na may mabuting kahahantungan ang mga pangyayari.

Nagpapasalamat nga sila sa mga simpleng pahayag ng suporta ng mga ‘tunay na nakakaalam ng istorya’ dahil hindi na raw kailangan pang i-post o makisawsaw pa.

Hinimok din niyang mag-move on na ang lahat at pagtuunan ng pansin ang mga mas malalalang problema ng bayan.

Sa huli ay sinabi pa sa post ni Javi na sana raw ay makahanap sila ng kapatid niya ng ‘tamang pag-ibig, ‘yung hindi nasusukat sa status, sa pera, o panlabas na imahe.... kundi sa respeto, lambing at tunay na partnership sa buhay.’

Hirit pa nito sa post na sa huli ay hindi raw views, likes o pera ang sukatan ng tao kundi ang puso.

Samantala, tahimik pa rin ang kampo ni Ivana Alawi na hindi kinumpirma ng aming source kung nasa USA pa rin ba o nakabalik na?

Wala ring nagsasalita sa mga nadawit na sina Daisy Reyes at Andrea del Rosario na diumano’y parehong may anak courtesy of Cong. Albee.

---

CONGRATULATIONS kay Krishnah Gravidez dahil sa katatapos na Miss World 2025 contest ay nabigyan siya ng titulo bilang Miss World Asia and Oceania.

Bunsod nga ito ng kanyang pagpasok sa Top 8 (mula sa Top 40, naging Top 20 at Top 8 nga), kung saan nakatapat niya ang eventual Miss World winner from Thailand bilang sila ang taga-Asia.

Sa format kasi ng kontes, mula Top 40 ay kumuha ng Top 10 candidates from each continent namely: Americas and Caribbean, Africa, Europe and Asia & Oceania. Then sa Top 20 ay na-reduce ang bawat continental delegates sa Top 5, hanggang sa piliin na lang ang Top 2 pagdating sa Final 8.

Bongga ang pinagdaanan ni Krishnah dahil magaganda, magagaling at mahuhusay ang mga kinabog nila ni Miss Thailand sa grupo nila gaya nina Misses India, Australia at Lebanon. 

Nu’ng sila na nga ni Thailand ang nagkudaan sa Q&A sa Top 2 ng kanilang kontinente, mapapa-wow ka na lang talaga sa tikas ni Krishnah. In fact, mas bet namin ‘yung sagot niya na napangiti pa nga si Julia Morley, ang owner at president ng Miss World organization.

Base sa aming pagkakaalam, ‘yung runner-up ni Miss Thailand na si Opal Suchata Chuangsri, ay 'matic continental winner na.

First runner-up si Miss Ethiopia Hasset Dereje Admassu (for Africa); 2nd runner-up si Miss Poland Maja Kladja (for Europe) at 3rd runner-up Miss si Martinique Aurelie Joachim (for Americas and Caribbean).

Kaya naman bongga at tunay na nakaka-proud si Krishnah dahil may sarili siyang title. 

Tama ba, mga Ka-Bulgar?

Congratulations!

Pati sina John Lloyd at Daniel… DONNY, LAGLAG SA MOVIE NINA BELLE, PIOLO AT JOSHUA

ni Nitz Miralles @Bida | May 31, 2025

Photo: Donny Pangilinan - IG

Hindi naman siguro magtatampo ang DonBelle fans nina Donny Pangilinan at Belle Mariano kung hindi sila ang magkasama sa upcoming movie ng Star Cinema.

Sina Joshua Garcia at Piolo Pascual ang nabanggit na kabilang sa cast ng sinasabing bigating family drama.

Positive ang nababasa naming comments, excited ang mga fans sa first time na pagsasama-sama ng tatlo sa movie na hindi pa ina-announce ang title. 

May mga nagtanong lang kung bakit wala sa cast si Donny at sigurado namang may paliwanag dito ang Star Cinema.

May nagtanong din kung bakit wala sa cast si John Lloyd Cruz at si Daniel Padilla na unang nabalitang kasama sa cast. Kaya lang, balita pa lang ang sa dalawang aktor, ito na ang totoo.

May nagtanong nga kay Piolo kung totoong magkaka-movie silang tatlo? 

“Yes,” ang sagot nito at ini-like pa ang post ng nagtanong. Ibig sabihin, kumpirmado na ito.

Sa sagot na ito ni Piolo, mas marami ang excited at gusto nga ng mga fans, simulan na ang shooting para matapos agad ang pelikula at mapanood na nila. May mga nag-suggest naman na sana pang-2025 Metro Manila Film Festival (MMFF) para mas masaya.

---

Magkasama na sa ibang bansa…

SIKAT NA AKTRES, NAPIPILITAN LANG DAW SA BF NA RICH BUSINESSMAN

BLIND ITEM: 

BAGO pa lang ang relasyon ng sikat at magaling na aktres sa isang non-showbiz guy from a rich family, iniintriga na agad. Ang sabi, hindi raw talaga feel ng aktres ang guy at parang pinalalabas na napipilitan lang siyang pakisamahan ito.

Depensa ng mga kaibigan ng aktres, kahit kailan, hindi ito naging fake pagdating sa kanyang pakikipagrelasyon. Para saan daw ang pakikipagplastikan nito sa nali-link sa kanyang rich businessman ngayon dahil kung pera lang ang pag-uusapan, hindi man kasingyaman ng guy, mapera rin ang aktres at masasabing kabilang siya sa mga milyonarya sa showbiz ngayon.

Saka, paano masasabing napipilitan lang ang aktres na maging nice sa guy kung pumapayag siyang samahan siya sa mga lakad niya sa ibang bansa? 

Hindi na rin itinatago ng aktres kung anuman ang relasyon nila ng rich businessman dahil sa isang business event ng pamilya ng guy, present ang aktres hindi lang bilang guest. Kasama na rin siguro roon ang suporta sa boyfriend at sa pamilya nito.

Tama ang mga kaibigan ng aktres at ng BF nito, bakit hindi sila hayaang maging masaya sa nagsisimula pa lang nilang relasyon? Baka ang businessman na ang right guy for the actress at ang aktres naman ang tamang babae para sa businessman.

---

NAKAKATUWA ang mga BarDa fans nina Barbie Forteza at David Licauco dahil nag-tweet lang si Barbie ng “Huy! Nasaan may mochi cheesecake?” agad siyang itinuro sa kanyang ka-love team.

May mga comments na, “Tanong mo kay David,” na sinundan ng “Hello, Barbs! Na kay David.” 

May comment pa na “Sa Rockwell, Barbie,” kung saan nakatira si David. 

May humirit pa ng “@davidlicauco cravings ni baby mo, bigay mo na.” 

May nagtanong naman kay David kung may mochi cheesecake sa Sóbra Cafe niya.

In fairness, may mga matino namang sumagot sa tanong ni Barbie at itinuro siya sa mga restaurants na meron ng kanyang hinahanap. Hopefully, by now, nakahanap na si Barbie ng mochi cheesecake at hindi na-hopia ang cravings niya.

Speaking of Barbie, may mga nagre-react sa teaser ng Beauty Empire (BE) sa eksena nila ni Kyline Alcantara dahil hindi raw pang-drama ang eksena at tila may halong comedy. Kasi naman, may pagka-campy ang treatment sa teaser at pati na siguro sa series. Mas maganda kung panonoorin muna bago mang-bash.

May mga nagtatanong pa kung ang karakter ba nina Barbie at Kyline ay peg sina Rosmar Tan at Glenda dela Cruz na parehong owner ng kani-kanyang skincare products?

Si Rosmar ang CEO ng Rosmar International at si Glenda naman sa Brilliant Group of Companies.

Kung tama ang hinala ng mga netizens, sina Barbie at Kyline sina Rosmar at Glenda. Na-curious tuloy kaming malaman kung friends ba sina Glenda at Rosmar in real life?