Queen and King of P-Pop… SARAH AT SB19, MAGKO-COLLAB SA KANTA

ni Julie Bonifacio @Winner | July 19, 2025

Photo: SB19 at Sarah G - IG

Inilabas na ni Sarah Geronimo ang latest project na aabangan ng kanyang mga fans sa kanyang social media accounts kahapon. 

Isang mala-poster ng bagong proyekto ni Sarah na may pamagat na Umaaligid (Sa Dilim May Mga Tinig Na ‘Di Mapakali) ang nakalagay, at may petsang July 30 na malamang ang araw ng release nito.

Caption sa post ni Sarah, “Dilat na ba ang mga mata? Umaaligid 2025.07.30. Mukhang payapa ang loob, hanggang sa kuwento’y magsimulang kumulo.”

Sa comment section, makikita kung ano ang reaksiyon ng mga netizens.

“Eto na ‘yung ‘KING OF PPOP AND QUEEN OF POP IN ONE FRAME’ (red heart).”

“Sana eto na ‘yung collab with SB19, tapos ‘yung vibe nu’ng paligid ng bahay parang same doon sa TikTok nila ni Stell ng Dam (thinking face).”

“Very esbi (SB19) coded ang lyrics (red heart emoji).”

Isang lumang mansiyon ang makikita sa larawan na ipinost sa socmed (social media) ni Sarah. Dito nagbase ang mga fans ni Sarah at ng SB19 na collab nila ang inanunsiyong bagong aabangan sa Pop Princess. 

Sey nila, “Ito yata ‘yung place na tinuturuan ng SB ng sayaw si SG? Sana new song nila ‘to.”

“Ito na ‘yung July 30 collab sa end sa PH Arena concert, ‘di ba? (crying face emoji).”

Maging ang voice coach ng SB19 at dating kontesero sa mga singing contests sa telebisyon na si Brenan Espartinez ay nag-post din sa X (dating Twitter) ng kaparehong picture ng post ni Sarah. At may caption si Brenan na ganito, “LFG (let’s fucking go) fire emojis).”

“Sa mga lyrics na matalinghaga, si Pablo naiisip ko na sumulat.”

May nakita rin kami na same post ng award-winning director na si Nijel de Mesa.

Caption ni Direk Nijel, “Ito na! Congratulations to the beautiful couple!”

Ayon kay Direk Nijel, kanta raw ni Sarah ang Umaaligid sa bagong recording label ng misis ni Matteo Guidicelli.

Ay, bakit kaya bagong label? Hindi ba’t under Viva Records si Sarah?

Abangan daw namin, sabi ni Direk Nijel.

---

NAMAALAM na ang aktor na si Albie Casiño sa kanyang role sa ABS-CBN’s hit action series FPJ’s Batang Quiapo (BQ) sa episode noong Huwebes.

Ginampanan ni Albie ang karakter na si Iñigo, anak ni Chanda Romero bilang si Olivia.

Namatay ang karakter niya dahil sumabog ang bomba during a campaign rally para sa team ni Tanggol (Coco Martin).

Sa naturang episode rin makikita ang emotional breakdown ni Chanda na running mate rin ni Coco sa BQ.

Naghayag ng pasasalamat kay Albie at pagpapaalam sa karakter niya sa BQ ang producer ng show, ang Dreamscape Entertainment, sa kanilang Instagram (IG) account.

Samantala, inaabangan din ng mga netizens kung ano ang mangyayari kay Tanggol (karakter ni Coco Martin) dahil kasama rin ito sa pagsabog. Sa huling episode ay nakitang inaakay siya papuntang ambulansiya at walang malay.

Mamamatay kaya si Coco? Mukhang imposible dahil siya ng bida. Hahahaha!

Sa 5-star luxury hotel kumakain… SARAH AT MATTEO, TODO-ENJOY SA HONEYMOON SA EUROPE

ni Julie Bonifacio @Winner | July 16, 2025

Photo: Matteo at Sarah G - IG

Bakasyon-grande ang mag-asawang Sarah Geronimo at Matteo Guidicelli sa Europe recently. Nasa honeymoon mode pa rin ang mag-asawa after couple of years ng kanilang marriage.

Sa Instagram (IG) ay ipinost ni Matteo ang mga ganap nila ng kanyang wifey from the super first-class airplane up to their last dinner sa isang fancy resto sa London. 

May pa-shower room at spa, first time raw nakasakay ni Matteo sa ganitong eroplano.

Pagkatapos ay nag-breakfast ang mag-asawa sa The Ritz, a five-star luxury hotel in London. Feeling namin, dito rin nag-check-in sina Sarah at Matteo.

Pagpasok ng resto ay kinanta pa ni Sarah ang isang linya sa hit song ng SB19, ang Dungka. 

Tinugtog din ang fave song ni Sarah na My Heart Will Go On ni Celine Dion.

Parang halos pareho na ang igsi ng buhok nina Sarah at Megastar Sharon Cuneta. Bagay na bagay naman kay Sarah, na parang hindi rin tumatanda.

Mukhang panay ang ikot around the world nina Sarah at Matteo. Parang nasa honeymoon stage pa rin kahit matagal na silang mag-asawa.

Maybe this is their way na rin na ma-maintain ang sweetness nila. And at the same time, baka they are really trying na rin to make a baby kaya panay ang bakasyon ng

mag-asawa.

Well, support kami d’yan 100%, basta sa happiness nina Sarah at Matteo. 

Ang tagal na rin naman since they got married and up to now ay hindi pa sila nabe-bless ng baby.

---

OVERWHELMED ang new singers ng EBQ Music na sina Joanne at Keisha Luiz na mapasama sa concert na Gerald Santos Gives Back (GSGB) sa Music Museum last Friday.

Pahayag ni Joanne, “Uh, overwhelmed po. Kasi nakasama ko na ‘yung dating Pinoy Pop Superstar champion, si Gerald po. Dati po kasi sumasali lang po ako sa Pinoy Pop Superstar. Ngayon, kasama ko na po s’ya.”

Kinanta ng rock singer na si Joanne sa GSGB concert produced by EBQ Music Productions ang What About Love na pinasikat ng grupong Heart.

“Ever since rock na po talaga ang genre ko. (Nasa) Banda po kasi ako dati. ‘Yung boses ko po kasi, bagay sa rock. Pero nakakakanta rin po ako ng mga Whitney (Houston) and Celine (Dion), si Regine (Velasquez). Pero mostly po, full band ako,” paliwanag ni Joanne.

Maraming natutunan si Joanne sa pakikipag-collab kay Gerald sa concert. 

“Ano po, number one po is discipline, sa group namin. Then, sa bosesan. Saka, tinuturuan din po kami. Saka may mga ibinibigay po s’ya na tips sa amin,” sey pa ni Joanne.

Natutunan din ni Joanne from Gerald kung paano i-conquer ang stage fright.

“Ano po, ‘yung itinuro po n’ya sa ‘kin, just face the wall. And you perform hanggang mawala ‘yung takot mo. Ibuga mo lahat. ‘Yan ang ibinigay n’yang tip sa aming lahat.

“Bilang bagong singer po, ‘yung mga natutunan namin na tips sa kanila, ‘yun po ang ina-apply namin ngayon. Mas nade-develop namin ang sarili namin,” pagre-reveal ni Joanne.

Samantala, natanong si Joanne kung ano ang opinyon niya sa sinabi ni Asia’s Songbird Regine Velasquez na tapos na ang panahon niya at panahon na ng mga bagong singers.

Kontra ni Joanne, “Hindi pa po, eh (naniniwala kung tapos na panahon ni Regine). Kahit kailan po, kahit ano man po, mawawala man, eh, nakatatak na po ang pangalan n’ya.”

After Music Museum, wish ni Joanne na matuloy ang pinlano na concert ng EBQ Music nina Mr. Nick and Evie Quintua at SM Mall of Asia Arena (MOA).

General at colonel na sangkot, kinasuhan na ng whistleblower… GRETCHEN, TAMEME NA ULI SA MGA NAWAWALANG SABUNGERO

ni Julie Bonifacio @Winner | July 15, 2025

Photo: Gretchen Barretto / Circulated - IG

Tahimik na muli ang kampo ni Gretchen Barretto pagkatapos maglabas ng official statement ang kanyang abogadong si Atty. Alma Mallonga.

Mas gusto raw muna ng kampo ni La Greta na manatiling mahinahon, kaya wala pa o hindi muna nila nais maghain ng reklamo at this point.

“She’s downhearted by all of this,” sabi ni Atty. Mallonga sa panayam ng ANC.

Hindi makakatulong at mahirap na rin daw baguhin ang opinyon ng mga tao kahit daw puro pantasya, imbento, and nonsense ang mga akusasyon laban kay La Greta at ni isang affidavit ay walang naihain laban sa kanya.

Kahapon ay sinampahan na ng reklamo ng whistleblower na si Julie Patidongan alias “Totoy,” sa National Police Commission (Napolcom) ang police officers na kine-claim niya na involved sa kaso ng mga nawawalang sabungero.

Doon ay pinangalanan ni alyas Totoy ang isang aktibong police colonel at isang retiradong police general na umano’y sangkot sa kaso ng mga missing sabungero.

Sey pa niya, ang naturang police general ang nag-udyok umano kay Atong na ipapatay siya.

Pagkatapos magsampa ng reklamo ni alyas Totoy laban sa mga pulis, abangers na ang publiko sa susunod na hakbang na gagawin niya kina Atong Ang at Gretchen Barretto.

---

MAHUHUSAY ang mga baguhang singers mula sa EBQ Music na kasama ni Gerald Santos sa Gives Back (GB) concert niya sa Music Museum last Friday.

Isa na r’yan ang Soulful Balladeer na si Dex del Rosario. Kinanta niya sa concert ang original song ni Basil Valdez na Gaano Kadalas ang Minsan.

“Mas gusto ko po ‘yung more on ballad. Power ballad po talaga ang hilig ko,” saad ni Dex nu’ng makausap namin during the concert.

Mixed emotions daw ang naramdaman ni Dex sa first time niyang pagpe-perform sa MM, pero siyempre, kailangang magapi niya ‘yun.

“Lagi kong sinasabi na ang musika ay pag-ibig. Hindi ko kailangang maging pinakamagaling. Kumbaga, tuwing aapak ako sa stage, gagawin ko ‘yung best ko. As long as kakanta ako, okey po ako,” esplika niya.

Unforgettable experience talaga itong unang pagtapak ni Dex sa stage ng Music Museum dahil nakasama agad niya si Gerald.

Sabi niya, “Parang ano po, may missing piece na nakumpleto nu’ng nakasama ko si Gerald. Kasi nga po, sabi nila, makaapak ka rito, parang okey na, isa ‘yun sa mga nakakataba ng puso.”

Nagwo-work at isang business owner si Dex, pero passion niya ang pagkanta. Music daw ang nagpapasaya sa kanya.

Kuwento ni Dex, “Nag-start po s’ya siguro way back three years ago. Mula po nu’ng namatay ang mga magulang ko.

“Dati gusto ko lang kumanta. Pero nu’ng nawala ang mga magulang ko, parang mas nabigyan ko ng halaga ‘yung musika. Doon po ako humuhugot kapag malungkot ako, doon po ako lumalakas.”

When asked kung ano ang theme song ng buhay niya, sagot niya, “Siguro po ‘yung nagpasikat sa akin na kanta, ‘yung Minsan ay Minahal Ako. Kasi parang eto ‘yung kanta na inaalay ko sa magulang ko. Na kahit wala na po sila, parang nandito pa rin ako, lalaban para sa inyo. Na minsan may alaala na ako ‘yung nagmahal sa inyo.”

Pramis ni Dex, itutuluy-tuloy niya ang kanyang pagkanta para mas lumaki pa ang passion niya sa musika.

Pagbabahagi niya, “Actually, may song po na iniluluto para po sa gagawin naming album. Soon po ‘yan.

“Excited na ako for my first song. Tapos, may concert po kami agad-agad na gagawin.”

Looking forward kami sa album na ‘yan, Dex!