Suportado raw ng mga taga-showbiz… VICE VS. SARA SA PAGKA-PANGULO SA 2028

ni Julie Bonifacio @Winner | January 20, 2026

Photo: Vice Ganda at VP Sara Duterte - FB

Inuurot si Vice Ganda ng mga netizens na tumakbo sa 2028. This time, bilang presidente ng Pilipinas.

In fact, may ibinigay na rin na pangalan ng partidong pangungunahan ni Vice sa 2028 presidential elections, pati na ang mga makakasama niya na senador at vice-president.

‘Gandang Buhay, Gandang Party’ ang pangalan na iminungkahi para sa partido ni Vice. 

May mga celebrities din ang nag-react sa itinutulak na Vice Ganda for President 2028 movement sa social media.

Una na ang award-winning director na si Lav Diaz na aprub sa Vice Ganda for President. Para kay Direk Lav, it’s about time na tumakbo na raw si Vice bilang presidente.

Paliwanag ni Lav, “Seryoso ‘yun, ha? Seryoso, kasi napaka-bleep ng future ‘pag ‘di natin mawasak ang wall na ‘yun, ‘yung Sara Duterte wall which is coming. The nightmare is coming. So it’s only two years away, so we need to act.

“Gamitin natin ang pop culture to destroy that. Sino ba ang pinaka-icon sa pop culture ngayon? Vice Ganda.

“At maganda rin ang pananaw ni Vice. Gamitin natin ‘yan. Oo, kasi ‘yun na ang labanan. Methodologizing. Ganu’n ang populous leaders.

“Ang mga Duterte, they used that. The ignorance of masses, ginagamit nila. Walang prejudice sa masses. Mahal natin ang masa. Kailangan lang natin silang i-educate. So part of educating them is to put Vice Ganda there, in the forefront.”

Sa interbyu ni Direk Lav, nag-react ang singer-actress na si Agot Isidro sa X (dating Twitter).

Post ni Agot, “Lav Diaz says, ‘Vice Ganda for President’. Yeah, I’m (100 percent emoji) down for that.”

‘Yun na!

---

LIZA, IN-UNFOLLOW NA SINA ENRIQUE AT JEFFREY SA IG

BINULABOG ni Liza Soberano ang social media sa pag-unfollow niya sa kanyang mga ex-boyfriends na sina Enrique Gil at Jeffrey Oh.

Halu-halo ang reaksiyon ng mga netizens sa latest move ni Liza. May mga nag-agree sa desisyon niya.

Sey ng mga netizens:

“Starting on a clean slate, go Liza.”

“Two exes deleted na sa life n’ya.”

“Buti naman, natauhan na.”

At siyempre, meron ding hindi pabor:

“Desperate, papansin.”

“So ‘pag nag-unfollow, desperate at nagpapapansin?”

“Eventually, mag-unfollow naman talaga si Liza, so paanong desperate at papansin?”

“So sina Nadine at Kath na nag-unfollow ng ex nila, desperate at papansin din?”

May nag-comment naman na pa-victim lang daw si Liza.

“Your girl has a victim complex, LMAO (laughing my ass off).”

“Victim naman talaga si Liza ng abuse, so pinagsasabi mo r’yan?”

“Unang nag-unfollow yata si guy, kasabay ng pag-delete ng pics nila together.”

Grabe kayo kay Liza Soberano, ha?

Kaya raw umalis ng ‘Pinas… RABIYA, UMAMING NAGGAGAMOT DAHIL SA DEPRESSION

ni Julie Bonifacio @Winner | January 18, 2026

Photo: IG @rabiyamateo

Ibinunyag ni Rabiya Mateo ang pinagdaanang depresyon at anxious distress nu’ng nagdaang taon. 

Inamin niya na hindi naging maganda ang kondisyon niya noong 2025. Sunud-sunod ang post niya sa Facebook (FB) kahapon.

“2025, I was diagnosed with depression and anxious distress. I had several rounds of medication,” panimula ni Rabiya.

Ipinost din niya ang kanyang medical certificate na nagpapatunay na nagkaroon siya ng major depressive disorder with anxious distress.

Pagpapatuloy niya sa caption, “I left the country for 3 months, so I won’t get triggered by people who have no idea what I’ve been going through.

“Everyday was a struggle to survive. I almost deactivated everything and disappeared to have a quiet and peaceful life. I fought hard and am still fighting up until now.

“When I saw what happened to Emman and saw how painful it was for Kuya Kim Atienza and his family, I made a promise to myself to never give up because I don’t want my Mama to experience the same thing.

“You don’t know how little kindness means to a depressed person like me and how your words can push me to do something else.”

Sa sumunod na FB post, sinabi ni Rabiya na ayaw na sana niyang isapubliko ang kanyang pinagdaanang depresyon.

“I planned to keep my depression to myself. Years of battling it every day. Years of trying to keep myself together,” pag-amin niya.

Dito rin niya inilahad ang dahilan ng kanyang depresyon at anxious distress.

Sigaw niya, “Bullying needs to stop now. It causes harm more than you ever know!”

True!

---

After maoperahan…

KRIS, NAGPAGUPIT NG BUHOK HABANG NAGPAPAGALING SA OSPITAL

Photo: Jonathan Velasco / IG

Isang positibong senyales ng patuloy na paggaling ni Kris Aquino ang kanyang pagpapagupit ng buhok matapos ang operasyon, kasabay ng pagbuti ng kanyang kalagayan habang nasa loob ng ospital.

Ang hairdresser at makeup artist ni Kris na si Jonathan Velasco ang nagbahagi ng latest na ganap sa TV host-actress sa Instagram (IG) kahapon. 

Naka-post ang video habang ginugupitan niya ng buhok si Kris na nagpapagaling sa ospital.

Caption ni Jonathan, “New hair, same brave spirit. Madam @krisaquino is on the mend! Please continue to keep her in your thoughts and prayers as she gets stronger every day.”

Natuwa ang mga supporters ni Kris dahil sa ipinapakitang positive signs ng kalagayan ng kalusugan ng TV host.

Sey ng mga netizens:

“Keep fighting, Kris and be strong. We’re always here and praying for you (praying & angel emoji).”

“Wow! Happy ako for you, Krissy. Balik ka na uli sa dating Krissy. God will save you.”

“Hoping for your fast and continuous recovery, Ms. Kris (red heart emoji). I will always include you sa prayers ko, for your healing. Bimby and Josh deserve to have more quality time with you.”

---

INILABAS na ang official poster ng inaabangang pelikula ng Cannes Best Director na si Brillante Mendoza, ang Until She Remembers (USR) na produced ni Wilson Tieng ng Solar Films.

Ayon sa caption ng poster reveal ng Solar Films, “Love remains, even when memory fades.”

Ang USR ay isinulat at idinirehe rin ni Brillante Mendoza.

Ito ang kauna-unahang pelikula na pinagtatambalan nina Charo Santos at Barbie Forteza.

Kasama rin sa pelikula sina Boots Anson Roa-Rodrigo, Angel Aquino, Albert Martinez, Eric Quizon, Vince Rillon, Erlinda Villalobos, Carlitos Siguion-Reyna, at Perla Bautista.

Buking sa video ng anak ni Pacquiao… MICHAEL, NAGPATANGOS NG ILONG, PINAGPIPIYESTAHAN

ni Julie Bonifacio @Winner | January 16, 2026

Photo: FB Jinkee Pacquiao

Trending pa rin ang ‘pagbabagong-anyo’ ni Michael Pacquiao sa social media. 

Marami kasi ang nakapansin sa ilong ng anak nina boxing champ Manny Pacquiao at Jinkee Pacquiao. May nakita rin kaming mga komento tungkol sa ilong ni Michael sa isang Instagram (IG) post ng video nila ni Jinkee. 

Sa naturang video, makikita na binuksan ni Jinkee ang birthday gift sa kanya ni Michael na isang Prada red lipstick.

Pero ang napansin sa comment section ay puro tungkol sa ilong ni Michael.

Sey ng mga netizens:

“Wow! Nagpa-ilong si Michael.”

“Ilong talaga.”

“Why does his nose look like that?”

“Nagpatangos ng ilong ang anak n’ya. Okay lang ‘yun, may pera naman. Baka sabihin inggit ako. ‘Di ako inggit.”

Hays!

---

‘Di raw feel maging next Atong Ang…

BONG, TODO-ENJOY SA MGA MANOK-PANABONG

TULUY-TULOY ang pagla-live ni former Senator Ramon ‘Bong’ Revilla, Jr. sa kanyang Facebook (FB) page. Madalas ay nasa farm siya kung saan naroon ang kanyang mga alagang manok na panabong.

Kamakailan, sa isang live appearance niya sa FB mula sa kanyang farm ay ibinida niya ang kanyang mga naglalakihang manok. 

Kasama niya ang misis na si 2nd District Cong. Lani Mercado at ang apo na si Lauren, anak nina Cavite 1st District Cong. Jolo Revilla at Angelica Alita.

Ang mga manok na panabong ang isa sa mga pinagkakaabalahan ni Bong. Nare-relax din daw siya sa tuwing pinapasyalan ang mga ito.

“‘Yan po, oh. Nakakatuwa. Nakakatanggal talaga ng pagod. Nakakatanggal talaga ng stress,” pagmamalaki ni Bong sa kanyang mga panabong.

Kilala ang mga Revilla sa pag-aalaga ng mga panabong na manok. Isa ito sa mga libangan ng kanyang yumaong ama na si Ramon Revilla, Sr..

Katunayan, may sariling cockpit arena sa kanilang bayan sa Cavite ang mga Revilla. Mukhang ipagpapatuloy ni Bong ang naumpisahan ng kanyang ama.

“Ang sabong sa ating bansa ay part of our culture. Pero ‘wag po tayong malulong sa sugal. Basta ‘yung tama lang, aim for the pot ka lang,” pahayag ni Bong.

For sure, kontrolado ni Bong Revilla ang sarili whenever he feels na gusto niyang magsabong. At wala siyang plano na maging next Atong Ang.