Singer, need ng datung, nag-show sa YouTube… MADIR AT UTOL NI GENEVA, NAGKA-COVID

Julie Bonifacio - @Winner | April 12, 2021

Tinamaan din ng COVID ang ina ng Your Face Sounds Familiar celebrity contestant na si Geneva Cruz.

Humiling ng panalangin si Geneva on her Instagram account para sa paggaling ng kanyang ina na si Mrs. Marilyn Cruz.

"My family and I are asking all of you to pray for our dear mama, she caught the virus a week ago and needs all the Prayer Warriors of the world to help pray for her. She has hypertension and diabetes that’s why she’s been hit a bit hard," lahad ni Geneva sa caption ng kanyang IG post last Saturday.

Pinasalamatan ni Geneva ang sister niyang si Vanessa na siyang nag-aalaga sa kanilang ina, gayundin ang mga nagpaabot ng tulong sa kanila.

"I’m grateful to my Sis Vanessa for being our hero, personally taking care of mama despite already having a family of her own. We love and appreciate you, Peks. Thanks to those who sent their love, help, and support.”

Sa hiwalay na IG post ni Vanessa na may account name na @nesscruzcarretas, ikinuwento niya ang pinagdaraanan ng kanilang Mommy Marilyn.

Binanggit ni Vanessa sa caption ng IG post niya last April 10 at in-update niya kahapon na kaka-recover lang din niya from COVID-19.

Aniya, "Now, 3 more people in our home are COVID positive. Two asymptomatic and one with symptoms, my Mama, Marilyn, Lynne Bunso. We are 10 people in the household.

"My Mama is on her 7th day since onset of symptoms kaya mas hirap siya today. I know the feeling kasi pinagdaanan ko rin ‘yun when I had COVID. Nagtaka ako kasi naging worse ang symptoms ko. Apparently, 5th-7th day pala ang pinakamahirap kasi peak ng infection but it gets a little better after the 7th day. Hopefully, ganu’n din sa kanya.

"Kaya lang, she has hypertension and borderline diabetes and senior citizen na. So I can imagine it’s way harder for her. My mama's oxygen saturation is low, hindi siya makakain and vomits when eating and drinking medicine. Marami pa naman siyang maintenance meds kaya lang hindi n’ya mainom kasi nasusuka siya.

"Thank God though kasi wala na siyang diarrhea since yesterday and she now has oxygen and IV fluids. I've given her IV antibiotics and plasil this evening."

Ipinost ni Vanessa sa IG account niya ang piktyur ng ina nu'ng pinalitan niya ang IV fluids nito.

At sa last part ng caption ni Vanessa, sinabi niya na nasa Perpetual Hospital na sila ng kanyang ina.

Sa sumunod na IG post ni Geneva, inanunsiyo niya ang gagawing live performance sa kanyang Facebook page at 10 AM to raise funds for her mom. But sad to say, naudlot ito kahapon nang umaga dahil nagkaroon ng aberya sa internet connection.

So, she decided na i-record na lang ang kanyang performance at ipapalabas sa kanyang YouTube channel.

Feeling super-sikat, natauhan na malalaos din… VICE, NAWALA ANG YABANG NANG MASAPAWAN NG ALDUB

Julie Bonifacio - @Winner | April 11, 2021

Ini-reveal ng kilalang King of Comedy Bars na si Andrew "Mamu" de Real ng The Library ang naging karanasan niya kay Vice Ganda noong nagsisimula pa lang ito sa kanya bilang comedy bar host.

Ang The Library ang isa sa mga naunang comedy bars na naitayo sa bansa. Dito nagsimula ang halos lahat ng sikat na komedyante sa TV at pelikula ngayon kabilang na sina Ai Ai delas Alas, Allan K, Arnell Ignacio, Teri Onor, Pooh at Vice Ganda.

Mismong si Mamu Andrew daw ang nag-train sa kanila bilang comedy bar hosts. Dumadaan sa workshop lahat ng kinukuha niyang comedy bar hosts para sa The Library, including Vice Ganda.

"Oo, isa 'yan sa pinakamatigas ang ulo. Siya 'yung madalas nasu-suspend. Eh, hate na hate ko kasi 'yung… huwag mong mumurahin ang customer. Huwag below the belt," kuwento ni Mamu sa aming eksklusibong panayam ni Ateng Janiz Navida sa #CelebrityBTS Bulgaran Na kahapon, Saturday.

Dagdag pa niya, "Eh, siya, lumalagpas lagi roon, eh, nake-carried away. Pagkatapos ng set, pagkakuha ng suweldo, memo! May kasamang memo. Hahaha!"

Maski raw siya ay nao-offend sa jokes ni Vice sa comedy bar niya noon.

"Personally, nao-offend ako. Inilalagay ko ang sarili ko ru'n sa lagay ng audience. Hindi ko kaya, hehe! Kaya ang tawag talaga sa kanya dati, hindi 'Meme,' 'Memo!' 'Memo Vice!' Hahaha!

"Bago maging Meme Vice, Memo Vice muna siya. Siya ang may pinakamaraming memo noon," pagbabalik-tanaw ni Mamu.

Pero nagtagal din daw si Vice sa The Library. Ka-batch niya sa Thursday group sina Teri Onor, Wally Bayola, Anton Diva at Pooh.

Si Mamu na rin daw ang nagsabi kay Vice na tumigil na sa pagse-set sa kanyang comedy bar nu'ng mapasama na ito sa It's Showtime.

"Even si Allan K noon, pinatigil ko na. 'Ayoko, Mamu. Gusto ko at least once a week,' sabi ni Allan sa akin. 'Papayagan kita twice a month lang.' Sabi ni Allan, 'Ano'ng reason mo?' 'Kasi, nasa TV ka. Nagmumukha kang mura kapag nakikita ka rito linggu-linggo. Para 'yang stardom and popularity mo, maintain.'"

Ganito rin daw ang sinabi niya kay Vice. Although, inamin ni Mamu na dumating din si Vice sa puntong inayawan na talaga nitong mag-perform sa comedy bar.

"Dumating din siya sa ganyan. Kasi siyempre, siya ang pinakasikat sa kanila. Wala ka namang magagawa, eh. Awatin mo lang. Kasi ako, naaawat ko siya, eh. 'Awat lang, Bakla, awat.'"

Awat sa pag-a-attitude ang tinutukoy ni Mamu kay Vice.

"Awat sa attitude. Bawas nang konti. Nagkaroon ng attitude. Kahit sino naman kasi stardom 'yan, eh, popularity 'yan, eh. Nasisilaw ka. Feeling mo, untouchable ka."

Na-realize rin naman daw ni Vice 'yun na nagkaka-attitude na siya.

"Naramdaman niya 'yun nu'ng time ng AlDub Nation. Doon niya naramdaman na, 'Ay, 'di pala ako forever dito.'"

Nakaramdam daw si Vice ng insecurity nu'ng time na 'yun.

"Oo, naramdaman niya 'yun na 'Puwede pala akong mawala anytime.' Kasi palagi kong itinuturo sa kanila 'yan, eh. Sinasabi ko 'yan sa kanila na okey lang na hawakan niya ang popularity, pero puwede ring mawala. 'Pag dumating ang time na 'yan, dapat ready din kayo."

Anything that goes up must come down, ayon pa kay Mamu.

"Wala namang forever, nasa itaas. So, dapat, kung gaano ka-gradual umangat, ganu'n din gradually ka bumaba. Huwag 'yung palagapak. Ibig sabihin, kapag palagapak ka bumagsak, may mali ka. Masyado kang nagpakamataas."

Hanggang ngayon ay maganda ang samahan nila. Bagama't walang natanggap na any expensive material gift si Mamu kay Vice, nagbibigay naman daw ang TV host ng pampa-raffle sa party ng The Library.

Hoping naman si Mamu na matuloy ang dream project niya na magkasama-sama sa isang big concert sina Vice, Allan K, Jose Manalo, Wally Bayola at Ai Ai at maging ang next generation ng mga stand-up comedians na aabot daw sa 100.

Nabanggit na raw niya ito kay Pops Fernandez at willing ang singer na mag-produce ng tinawag ni Mamu na The Biggest Comedy Show on Earth na gaganapin sa The Big Dome. Nagkaroon lang ng pandemic kaya hindi pa nila maituloy ngayon.

Nasabi na rin daw ni Mamu kina Allan at Ai Ai ang tungkol sa big show na ito at sagot daw ni Allan K. sa kanya, "Laban ako."

Maging ang Comedy Concert Queen ay game rin daw. Si Vice na lang ang hindi pa nasasabihan pero si Pops na raw ang bahalang kumausap sa It's Showtime host.

Feeling ni Mamu, papayag naman daw si Vice.

"Oo, papayag 'yun. Hindi naman sila magka-clash, eh. Nandiyan 'yung mga flag bearers (sina Ai Ai, Allan at Vice), pero nand'yan na 'yung mga Negi, Chad Kinis, Philip Lazaro, John Lapus, lahat ng komedyante. May mga drag queens din."

Kapag nagkataon, this is the first time na mapapanood sa isang stage sina Vice at Allan na alam nating magkatapat ang noontime show. Although, nagkasama na rin ang dalawa sa maliliit na shows sa The Library at Music Museum noon.

Sigurado si Mamu na walang tensiyong mabubuo once malaman na ni Vice ang kanyang dream concept.

"Lahat naman sila, galing sa live entertainment, eh. Magugustuhan nila ang script. Kapag inilatag mo naman 'yung script at saka 'yung concept, magugustuhan naman nila 'yan," say pa niya.

Wala ring nakikitang problema si Mamu sa talent fee nila.

"Kasi, gagawin nila ito dahil gusto nilang gawin," paniniyak pa ni Mamu Andrew de Real.

'Di nakatiis, todo-babala sa madlang pipol… VICE: KAHIT NABAKUNAHAN NA, PUWEDE PA RING MAGKA-COVID

AT MAKAHAWA

Julie Bonifacio - @Winner | April 10, 2021

Nagbigay ng mahalagang impormasyon ang It's Showtime host na si Vice Ganda sa kanyang Twitter account ukol sa pagtuturok ng COVID vaccines sa mga Pinoy.

May mga sitsit kasi at kumukuwestiyon sa effectiveness ng mga vaccines na ginagamit ng pamahalaan sa ating mga kababayan.

At the same time, may mga negatibong balita na ring kumalat tungkol sa mga insidente pagkatapos mabakunahan.

Bukod sa mahalagang impormasyon na ipinost ni Vice sa kanyang Twitter account, nagbigay din siya ng paalala sa publiko.

"IMPORTANT FACT. Kahit nabakunahan ka na ay posible ka pa ring magka-COVID-19 at makahawa. Ang tanging magagawa lang nito ay 'di ka magkaroon ng malalang komplikasyon. KAYA 'WAG MAGPAKAKAMPANTE. You still need to wear your mask, mag-social distancing at maghugas ng kamay," tweet ni Vice.

Sinang-ayunan ng mga netizens ang tweet ni Vice.

"True! I have a friend with complete vaccine from Pfizer nu'ng January. Galing abroad, umuwi siya ng 'Pinas nitong March. Positive siya ngayon, kakakuha lang ng swab result kanina kasi babalik na dapat sa abroad bukas. Ihahatid ko dapat sa airport."

"Agree! Got my first dose dito sa California and still wearing my mask, social distancing & constantly washing my hands! I'm praying for you, Philippines! Be safe! God bless!"

May nag-comment din sa tweet ni Vice na mabuti at nag-post siya ng ganyang mensahe.

"Good you shared this. Feeling ko nga, kaya tumaas ang COVID cases, simula nu'ng dumating ang vaccines kasi akala ng mga tao, eh, immune ka na, but noooo."

Nakakabilib din talaga ang local artist na aktibo sa paglalabas ng kanilang mga saloobin sa mga nangyayari sa ating bansa using their different social media platforms.

Very relevant pa rin sila kahit na isa sa pinaka-affected sa pandemya at paulit-ulit na pagdedeklara ng lockdown sa bansa ang entertainment industry.