top of page
WINNER - MICHELLE, ATRAS NA SA PAG-JOIN SA MISS GRAND INTERNATIONAL ALL STARS 2026_IG _mic
Search

by Jeff Tumbado @News | October 14, 2026



Joy Belmonte - QC Gov

Photo: Joy Belmonte - QC Gov / File



Tuluyang binuwag ni Quezon City Mayor Joy Belmonte ang Task Force Disiplina nitong Martes, Oktubre 13, kasunod ng pamamaril ng isang tauhan nito na ikinasawi ng tatlong binatilyo sa Batasan Hills.


Inatasang bumalik sa Department of Public Order and Safety (DPOS) ang lahat ng miyembro at ipinagbawal na ang kanilang pagpapatrulya sa ilalim ng task force.


Sasailalim din sila sa background check, neuropsychological examination, drug test at pagsusumite ng NBI at PNP clearances.


Nilinaw ng lokal na pamahalaan na walang baril na iniisyu sa task force. Inatasan din ang Quezon City Police District (QCPD) na paigtingin ang kampanya laban sa ilegal na armas.

 
 

ni Eli San Miguel - Trainee @News | November 11, 2023




Opisyal nang pinangalanan ng pamahalaan ng Quezon City bilang Sen. Miriam Defensor-Santiago Avenue ang BIR at Agham roads ngayong Sabado, bilang pagpupugay sa mga ambag ng yumaong senador sa bansa.


Dumalo sa seremonya ng pagbabago ng pangalan sina VP Sara Duterte, Mayor Joy Belmonte, Rep. Arjo Atayde, kasama ang balo ni Sen. Santiago na si Narciso Santiago, at kapatid na si Linnea Evangelista.


Nagmumula ang Sen. Miriam Defensor-Santiago Avenue sa North Avenue, na dumadaan sa Quezon Avenue, patungo sa East Avenue.


Sa seremonya, pinuri ni VP Duterte si Santiago bilang isa sa mga "most distinguished and admired" na lider ng bansa.


"This is a tribute to her incredible achievements and a reminder of her unwavering dedication and love of country," pahayag ni VP Duterte.


Unang nahalal si Santiago bilang senador noong 1995 at bumalik sa Senado noong 2004 at 2010 kung kailan nagsilbi siya bilang chair ng Foreign Relations Committee at Constitutional Amendments Committee sa panahon ng kanyang termino.

 
 

ni Jeff Tumbado | February 1, 2022



Pinalakas pa ng pamahalaang lokal ng Quezon City ang bakunahan laban sa COVID-19 bilang paghahanda na rin sa pagsisimula na maturukan ang mas nakababatang populasyon o ang mga edad 5 hanggang 11.


Ito ay makaraang umabot na ng 140 ang vaccination sites na itinakda ng Quezon City LGU sa anim na distrito na araw-araw ang operasyon.


Ayon kay Quezon City Mayor Joy Belmonte, tinatayang 2.8 milyon ang mga eligible na residente ng Quezon City ang target pang mabakunahan laban sa COVID-19.


Hindi pa aniya kasama sa nasabing bilang ang mga manggagawa sa lungsod ngunit sa ibang lugar nakatira.


“We are expanding and intensifying our vaccination program to accommodate the city’s eligible population, estimated at 2.8 million residents, including 5-11 year old children. This figure does not include the thousands of non-resident workers who also get their shots in the city,” ang pahayag ni Belmonte, na muling kandidato sa ikalawang termino.


Kabilang sa vaccination areas sa Quezon City ay ang health centers, malls, schools, community venues, mga simbahan at iba pang special venues tulad ng Smart Araneta Coliseum at Quezon Memorial Circle.


May mga bakunahan din sa loob ng subdivision, pribadong lugar-trabaho, government agencies, care homes, at ibang institusyon. Mayroon ding home vaccinations para sa mga bedridden at drive-thru jabs sa ilang mall parking lots.


Para sa mga interesadong indibidwal o pamilya, maaaring tingnan ang schedule at lugar ng bakunahan sa opisyal na Facebook page ng Quezon City government.


Maaari ring magparehistro sa QC VaxEasy Portal www.qceservices.quezoncity.gov.ph/qcvaxeasy, sa mga barangay pero may limitadong slots para sa mga walk-in sa mall vaccination sites.

 
 
RECOMMENDED
bottom of page