Mga nag-rally sa US Capitol, terorista — Biden

ni Ronalyn Seminiano Reonico | January 8, 2021

Kinondena ni President-elect Joe Biden ang naganap na gulo sa isinagawang kilos-protesta ng daan-daang supporters ni US ex-President Donald Trump sa US Capitol nu'ng Miyerkules.

Pahayag ni Biden, “Yesterday, in my view, was one of the darkest days in the history of our nation.

“They weren’t protesters. They were a riotous mob, insurrectionists, domestic terrorists.”

“I wish we could say we couldn’t see it coming but that isn’t true. We could see it coming.

“The past four years, we’ve had a president who made his contempt for our democracy, our Constitution, the rule of law clear in everything he has done.”

Giit naman ni House Speaker Nancy Pelosi, nararapat nang patalsikin si Trump.

Aniya, “This is an emergency of the highest magnitude.

“By inciting sedition, as he did yesterday, he must be removed from office.

“While it’s only 13 days left, any day can be a horror show for America.

“If the vice-president and the cabinet do not act, the Congress may be prepared to move forward with impeachment.”

Biden, idineklarang president-elect ng US Congress

ni Lolet Abania | January 7, 2021

Pormal na sinertipikahan ng US Congress si Democrat Joe Biden bilang president-elect ilang oras makaraan ang isinagawang kilos-protesta ng daan-daang supporters ni dating Pangulong Donald Trump sa US Capitol na ikinamatay ng isang babae.

Matapos ang certification, naglabas ng statement ang White House mula kay Trump na nangako itong ipatutupad ang "orderly transition" sa Enero 20, 2021 kung saan nakatakdang manumpa bilang pangulo si Biden.

Ipinagpatuloy ng US Congress ang kanilang naantalang trabaho upang ideklara ang pagkapanalo sa Electoral College ni Biden matapos ang marahas na kilos-protesta sa Capitol Hill ngayong Huwebes.

Nang matapos ang debate patungkol sa uupong pangulo ng US na sinimulan noong Miyerkules, ni-reject ng Senate at House of Representatives ang dalawang objections sa lumabas na tally nito at sinertipikahan ang pinal na Electoral College vote ni Biden na nakakuha ng 306 votes laban kay Trump na may 232 votes.

Ayon kay Vice-President Mike Pence, “This shall be deemed a sufficient declaration of the persons elected president and vice-president of the United States." Kasabay na manunungkulan ni Biden si Vice-President-elect Kamala Harris sa Enero 20, 2021.

Mga tagasuporta ni Trump, nag-rally sa US Capitol vs. Biden

ni Ronalyn Seminiano Reonico | January 7, 2021

Nagtipun-tipon at nagsagawa ng kilos-protesta sa US Capitol ang mga tagasuporta ni US President Donald Trump noong Miyerkules kaugnay ng pagkapanalo ni President-elect Joe Biden noong November, 2020 elections.

Nanawagan si Trump sa kanyang mga supporters na panatilihing payapa ang naturang kilos-protesta at aniya, "Please support our capitol police and law enforcement. They are truly on the side of our country. Stay peaceful!"

Samantala, naging bayolente ang pagra-rally ng mga tagasuporta ni Trump matapos sirain ng mga ito ang barricades at nakipag-engkuwentro sa mga pulis kaya napilitang gumamit ng tear gas ang mga ito. Muli namang nag-post si Trump sa Twitter dahil sa insidente at aniya, "I am asking for everyone at the US capitol to remain peaceful. No violence! "Remember, WE are the Party of Law & Order — respect the law and our great men and women in blue."

Pansamantala namang inihinto ng House of Representatives at Senate ang pagsesertipika kay Biden dahil sa naturang gulo.

Samantala, nagpahayag ng pagkadismaya ang mga leaders ng iba’t ibang bansa dahil sa bayolenteng pagpoprotesta ng mga tagasuporta ni Trump.

Pahayag ni Swedish Prime Minister Stefan Lofven, ang insidente ay maituturing na "an attack on democracy". Aniya, "President Trump and many members of Congress bear significant responsibility for what's now taking place. The democratic process of electing a president must be respected."

Panawagan naman ni German Foreign Minister Heiko Maas, dapat tanggapin ng mga tagasuporta ni Trump ang naging resulta ng eleksiyon. Aniya, "Trump and his supporters must accept the decision of American voters at last and stop trampling on democracy."

Saad naman ni Spanish Prime Minister Pedro Sanchez, "I am following with concern the news that are coming from Capitol Hill in Washington. I trust in the strength of America's democracy. "The new presidency of @JoeBiden will overcome this time of tension, uniting the American people."

Maging si Canadian Prime Minister Justin Trudeau ay nabahala rin sa insidente at aniya, "Obviously, we're concerned and we're following the situation minute by minute. "I think the American democratic institutions are strong, and hopefully everything will return to normal shortly."

Maging sina Finnish Prime Minister Sanna Marin, French Foreign Minister Jean-Yves Le Drian, Chairman of EU Leaders Charles Michel, European Commission President Ursula von der Leyen, at Venezuelan Foreign Minister Jorge Arreaza ay nagpahayag din ng kani-kanyang saloobin sa insidente at iisa ang panawagan — ang tanggapin ang resulta ng boto ng mga mamamayan.