Aso ni Pres. Biden na si Champ, pumanaw na

ni Ronalyn Seminiano Reonico | June 20, 2021

Pumanaw na ang alagang German Shepherd nina US President Joe Biden at First Lady Jill Biden na si Champ noong Sabado.

Saad ng pamilya Biden sa Twitter, "Our hearts are heavy today as we let you know that our beloved German Shepherd, Champ, passed away peacefully at home.

"He was our constant, cherished companion during the last 13 years and was adored by the entire Biden family."

Anila pa, “In our most joyful moments and in our most grief-stricken days, he was there with us, sensitive to our every unspoken feeling and emotion. “We love our sweet, good boy and will miss him always.”

Pagbabawal sa Chinese apps na TikTok at WeChat, ibinasura ni Biden

ni Ronalyn Seminiano Reonico | June 10, 2021

Ibinasura ni United States President Joe Biden noong Miyerkules ang executive orders ni ex-Pres. Donald Trump na naglalayong i-ban ang Chinese-owned mobile apps na TikTok at WeChat, ayon sa White House.

Naghain umano ng executive order si Trump dahil sa umano’y national security concerns laban sa paggamit ng mga nasabing mobile apps.

Ayon naman sa kampo ni Biden, imbes na ipagbawal ang paggamit ng mga naturang apps, magsasagawa umano ang pamahalaan ng "criteria-based decision framework and rigorous, evidence-based analysis to address the risks" sa mga internet applications ng ibang bansa.

Naghain na rin si Biden ng bagong executive order sa umano’y "ongoing emergency" kaugnay ng "continuing effort of foreign adversaries to steal or otherwise obtain United States persons' data."

Sa bagong order ni Biden, ipinag-utos ang pagkilala sa mga connected software applications na puwedeng magdulot ng kapahamakan sa seguridad ng Amerika at ng mamamayan, kabilang na ang mga applications na pag-aari, kontrolado at pinamamahalaan ng mga taong sumusuporta sa mga banyagang kalaban ng militar o intelligence activities, o mga kabilang sa malisyosong cyber activities, o mga applications na kumokolekta sa sensitive personal data.

Nanawagan din si Biden sa Commerce Department atbp. ahensiya na gumawa ng mga guidelines para maprotektahan ang mga sensitibong personal data.

US, mamimigay sa iba't ibang bansa ng 500 M doses ng Pfizer

ni Ronalyn Seminiano Reonico | June 10, 2021

Bibili ng 500 million doses ng Pfizer COVID-19 vaccine ang United States para ipamigay sa iba’t ibang bansa.

Ngayong linggo nakatakdang ianunsiyo ni US President Joe Biden kung anu-anong mga bansa ang target nilang bigyan ng mga Pfizer COVID-19 vaccine.

Saad pa ni Biden, “We have to end COVID-19 not just at home — which we’re doing — but everywhere.”

Napagdesisyunan ang hakbang na ito matapos makatanggap umano ng pressure ang pamahalaan ng US mula sa iba’t ibang bansa na lalo pang paigtingin ang pagkilos upang masolusyunan ang kakulangan ng suplay ng bakuna sa mahihirap na bansa.

Samantala, una nang inianunsiyo ng White House na target ng pamahalaan na makapagpamahagi ng 80 milyong sobrang doses ng bakuna globally bago matapos ang buwan ng Hunyo.