P46 M lab equipment, natanggap ng ‘Pinas mula sa Japan

ni Lolet Abania | March 28, 2022

Nagkaloob ang Japan International Cooperation Agency (JICA) ng P46 milyon halaga ng laboratory equipment sa Research Institute for Tropical Medicine (RITM) sa layong matulungan ang Pilipinas na makarekober mula sa pandemya ng COVID-19.

Kabilang sa equipment na natanggap ng bansa ay isang pharmaceutical refrigerator, isang automated immunoassay analyzer, at isang deep freezer, kung saan makatutulong ang mga itong mai-boost ang kapasidad ng RITM upang agad ma-detect at magamot ang mga COVID-19 cases.

Nitong Huwebes, Marso 24, nai-turned over ang mga laboratory equipment sa Department of Health (DOH) nina Japan Ambassador to the Philippines Koshikawa Kazuhiko at JICA Philippines Chief Representative Sakamoto Takema.

“The assistance complements our other support to Philippine COVID-19 recovery efforts including the grant finance and technical cooperation for cold chain storage and logistics as well as rapid antigen test kits to be distributed to the [DOH] in the coming weeks,” pahayag ni Sakamoto sa isang emailed statement.

“JICA hopes to make a certain contribution to a resilient healthcare system in the Philippines,” dagdag pa ni Sakamoto.

Una nang nagkaloob ang JICA ng isang JPY50-billion COVID-19 Crisis Response Emergency Support Loan, at isa pang JPY50-billion JICA Post-Disaster Standby Loan Phase 2 sa Pilipinas, na nagkakahalaga ng kabuuang P44 bilyon.

Gayundin, nagbigay ang ahensiya ng laboratory equipment para sa testing, diagnoses, at treatment sa San Lazaro Hospital.

Sa kasalukuyan, mayroon silang tinatayang 60 development cooperation projects sa bansa, na may ilang JPY260-billion na halaga ng mga programa.

Libreng booster shots para sa mga Japanese tourists — DOT

ni Lolet Abania | March 17, 2022

Magbibigay ang gobyerno ng libreng COVID-19 booster shots sa mga Japanese tourists na nagnanais at nasa Pilipinas sa ngayon, ayon sa Department of Tourism (DOT).

Sa isang radio interview ngayong Huwebes, sinabi ni DOT Secretary Bernadette Romulo-Puyat na nabuo ang naturang inisyatibo katuwang sina National Task Force (NTF) Against COVID-19 chief implementer at vaccine czar Secretary Carlito G. Galvez Jr. at NTF deputy chief implementer Vince Dizon.

“We also opened pala to our Japanese tourists. Kasi ngayon pa lang sila nagbo-booster program here in Japan. Together with Sec. Galvez and Sec. Vince Dizon, ang ating mga Japanese tourists, they can come [to the Philippines] and get their booster shots for free,” pahayag ni Puyat.

“They’re very happy about that because zero lang ang quarantine nila if they get their booster shots. So they’re quite happy with our announcement,” dagdag niya.

Ayon kay Puyat, kasalukuyan siyang nasa Japan, ang bansa na isa sa mga top source markets ng Pilipinas bago pa ang pandemya, upang himukin ang mga ito at ipaalam sa kanila na ligtas nang pumunta at mag-travel sa bansa.

Aniya, nakikipagpulong siya sa mga katulad din niyang opisyal doon at sa iba’t ibang tourism organizations sa Japan.

“Talagang importante sa kanila na vaccinated tayo, ‘yung ating mga tourism stakeholders. Nakuwento ko nga na 97% vaccinated na ang ating mga tourism stakeholders and 25% na booster,” sabi ni Puyat.

“Very important sa kanila ‘yung they found out the vaccination rate in the country at continuously bumababa ‘yung ating mga kaso. So they know and important din sa kanila na nu’ng September 2020 pa lamang, we received the World Travel and Tourism Council Safe Travels stamp,” saad ng kalihim.

Ang naturang stamp ay ipinagkakaloob sa mga gobyerno at kumpanya sa buong mundo na in-adopt ang health at hygiene global standardized protocols, at kung saan sinusunod ang mga guidelines na itinakda ng World Health Organization (WHO) at Centers for Disease Control and Prevention (CDC).

Gayundin, layon nitong maibalik ang kumpiyansa ng mga travelers at makatulong sa nalugmok na travel sector na makarekober.

Sa kasalukuyan, ang Pilipinas ay tumatanggap ng business at leisure travelers mula sa 157 visa-free countries simula pa noong Pebrero 10, 2022.

Ang mga fully vaccinated lamang na dayuhang turista mula sa visa-free countries ang pinapayagang makapasok sa bansa. Kailangan din nilang magprisinta ng negative COVID-19 RT-PCR test result na kinuha ng 48-oras bago pa ang kanilang biyahe.

Gayunman, ayon kay Puyat, simula sa Abril 1, muling bubuksan ng Pilipinas ang mga borders sa lahat ng foreign tourists, kabilang na ang galing sa mga visa countries.

Japan nagbigay pa ng P663 M relief assistance para sa mga biktima ng bagyong Odette

ni Jasmin Joy Evangelista | January 15, 2022

Inanunsiyo ng Japan nitong Biyernes na naghanda sila ng $13 million o P663 million sa relief funds upang matulungan ang mga komunidad na naapektuhan ng bagyong Odette noong nakaraang taon.

Sa isang pahayag, sinabi ng Japanese Embassy in Manila na ang emergency grant aid ay makatutulong sa implementasyon ng humanitarian assistance activities sa mga apektadong lugar tulad ng pagkain, tahanan, non-food items, health, at water sanitation, para sa mga survivor ng bagyo.

“Being a friend closer than a brother, Japan is fully committed to supporting the Philippine Government and its people in this time of great need,” ayon pa sa pahayag.

Nauna nang nagpadala ng emergency assistance packs, generators, sleeping mattresses, sleeping pads, at dome tents ang Japanese government sa pamamagitan ng Japan International Cooperation Agency (JICA) para sa mga nasalanta ng bagyo.

Ang total reported deaths bunsod ng bagyong Odette ay umabot na sa 407, ayon sa National Disaster Risk Reduction and Management Council (NDRRMC) noong Lunes.

Halos isang buwan matapos ang pananalasa ng bagyo sa Visayas at Mindanao, mayroon pa ring 60,736 pamilya o 229,424 indibidwal ang nananatili sa 1,207 evacuation centers.