Pinoy skilled workers, kailangan sa Japan — DMW

ni Lolet Abania | Pebrero 9, 2023

Ipinahayag ng Department of Migrant Workers (DMW) na mahigit sa 80 Japanese employers ang nagnanais na mag-hire ng mga Filipino skilled workers.

“The general sentiment among Japanese employers was that Filipino workers brightened up their workplaces and were highly reliable and trainable,” ani DMW Secretary Susan Ople sa isang new release ngayong Huwebes na aniya pa, mas gusto ng mga employers ang maraming Pinoy workers sa kanilang kumpanya.

Ginawa ni Ople ang statement matapos ang ginanap na consultation meeting sa mga Japanese employers na inorganisa ng Migrant Workers Office in Osaka.

Bahagi ang kalihim ng delegasyon ng Pilipinas sa Japan para sa working visit doon ni Pangulong Ferdinand “Bongbong” Marcos Jr.

Ayon pa sa DMW chief, isang Japan desk ang bubuuin sa Office of the Secretary para agad na masubaybayan ang pangangailangan ng mga Japanese employers at Filipino trainees.

“We want to build stronger relations with Japanese employers and the Japanese government so that the Philippines can be the number one source of skilled workers in Japan,” saad ni Ople.

P-BBM, nasa Japan na

ni Lolet Abania | Pebrero 8, 2023

Sinimulan na ni Pangulong Ferdinand Marcos Jr. ang kanyang 5-day official visit sa Japan ngayong Miyerkules, ang unang biyahe nito sa East Asian country simula ng maupo sa puwesto noong Hunyo 2022.

Dumating si P-BBM at kanyang delegasyon sa Japan ng alas-5:35 ng hapon local time, sakay ng flight PR 001.

Nakaiskedyul na makipagkita si Marcos kay Japanese Prime Minister Fumio Kishida at makaharap si Emperor Naruhito. Nasa tinatayang pitong key agreements ang inaasahang malalagdaan sa kanyang pagbisita sa naturang bansa.

Nakapaloob sa mga kasunduan ang tungkol sa humanitarian assistance at disaster relief, infrastructure, agriculture, at digital cooperation. Magkakaroon din ang Pangulo ng mga meetings sa mga Japanese business leaders upang i-promote ang mga trade at investment opportunities sa Pilipinas.

“This administration is keen on working closely with Japan to forge stability and dynamism in our bilateral relations,” ani Marcos sa kanyang pre-departure speech.

Samantala, sa bisperas ng pagbisita ni P-BBM sa naturang bansa, ang Maynila ay nagpa-deport ng dalawa sa apat na Japanese nationals na sina Toshiya Fujita at Kiyoto Imamura, na nai-report na sangkot sa organized robberies sa buong Japan.

Habang ang dalawang iba pa, ang mastermind umano na si Yuki Watanabe at si Kojima Tomonobu, ay nakatakdang pabalikin sa gabi ng Miyerkules.

Pinuri naman ng Japanese Embassy in Manila ang gobyerno ng Pilipinas dahil sa tinatawag na “constructive” response at kooperasyon nito kaugnay sa deportation ng kanilang mga mamamayan.

Ayon naman sa Department of Foreign Affairs (DFA), “The “Luffy” controversy would not affect the President’s trip to Japan, which will conclude on February 12.”

Pinoy workers, puwede na sa Japan, Saudi Arabia at Israel

ni Lolet Abania | June 1, 2022

Nag-anunsiyo ang mga bansang Japan, Saudi Arabia at Israel na nangangailangan sila ngayon ng mga Pilipinong manggagawa para sa iba’t ibang industriya, kung saan ang alok nilang trabaho ay wala umanong placement fee.

Sa ulat, nasa 300 caregivers at 50 nurses ang alok na trabaho sa Japan. Sa Saudi Arabia naman, bukas sila sa pagtanggap ng 850 registered nurses at 50 midwives.

Habang sa Israel, aabot sa hanggang 2,000 home-based caregivers ang kanilang kailangan, na ang sahod ay katumbas sa halagang P77,000 kada buwan.

Gayundin, 60 hotel workers ang hinahanap ng Israel. Batay ang mga alok na trabaho sa programang “government to government” track, kung kaya hindi na kailangan pa ng placement fee. Gayunman, sa bagong tatag na Department of Migrant Workers (DMW) dapat na mag-apply ang mga interesadong manggagawa.

“Directly, they can go to our employment branch para mag-submit po sila ng kanilang mga application. Pero ang unang-unang process po is online application and then the rest of the procedure will follow,” paliwanag ni Career Executive Service Board ng government placement branch Atty. Rosemarie Duquez.

Ayon kay Israel Ambassador Ilan Fluss, nais ng gobyerno ng Israel ang mga Pinoy workers dahil sa taglay nitong likas na kasipagan sa kanilang mga trabaho.

“There is a lot of appreciation for the Filipino workers in Israel and hardworking, very loyal, and as you know caregiver is a very sensitive area in taking care of people,” pahayag ni Fluss. Sa mga nagnanais at interesadong mag-apply, maaari silang bumisita sa www.dmw.gov.ph.