Israel, sinisiguro ang tagumpay vs Hamas at Hezbollah bago ang US election

ni Angela Fernando @World News | Oct. 19, 2024

Photo: Israeli army via AFP / Handout

Sinisiguro ng Israel na magbibigay sila ng pinakamatinding pinsala sa Hamas sa Gaza at Hezbollah sa Lebanon, at sinasamantala rin ang pagkakataong magtatag ng mga de facto buffer zones bilang hakbang upang bumuo ng hindi mapapalitang reyalidad bago ang halalan sa United States (US) at ang pagdating ng mauupong pangulo sa Enero, ayon sa walong sources na nakapanayam ng international news agency na Reuters.

Matatandaang naging malaking tagumpay para sa Israel ang pagkasawi ng lider ng Hamas na si Yahya Sinwar, ngunit tinitingnan din ng mga namumunong Israeli ang mga planong magdadala sa kanila sa tiyak na tagumpay na lampas pa sa kayang abutin ng militar ng bansa.

Samantala, plano ng nasabing bansa na paigtingin ang operasyong militar laban sa Hezbollah at Hamas, at matiyak na hindi muling makakapag-organisa ang kanilang mga kalaban, pati na ang pangunahing tagasuporta nito, ang Iran, at hindi na makapagbabanta sa mga mamamayang Israeli.

Resolusyon kontra okupasyon ng Israel sa Palestine, oks sa UNGA

ni Eli San Miguel @World News | Sep. 20, 2024

Inaprubahan ng United Nations General Assembly (UNGA) ang isang non-binding resolution noong Miyerkules, na hinihimok ang Israel na wakasan ang okupasyon nito sa teritoryo ng Palestine sa loob ng 12 buwan.

Naipasa ito ng 124 boto para sa pagpabor, 14 sa 'di pagpabor, at 43 abstensyon sa isang espesyal na sesyon na nakatutok sa mga aksyon ng Israel sa East Jerusalem at iba pang mga okupadong lugar. Iminungkahi ito ng State of Palestine at sinusuportahan ng mahigit 20 bansa.

Hinihiling ng resolusyon na sumunod ang Israel sa international law at sa mga desisyon ng International Court of Justice upang tapusin ang kanilang okupasyon sa loob ng isang taon..

Sa bagong resolusyon, nakasaad na, "[The UNGA] demands that Israel brings to an end without delay its unlawful presence in the Occupied Palestinian Territory, which constitutes a wrongful act of a continuing character entailing its international responsibility and do so no later than 12 months from the adoption of the present resolution."

Libu-libong Israeli, nagprotesta para sa tigil-putukan

ni Eli San Miguel @World News | September 2, 2024

Libu-libong galit at nagdadalamhating mga Israeli ang nagprotesta sa mga kalsada nitong Linggo ng gabi matapos matagpuang patay ang anim pang mga bihag sa Gaza.

Nananawagan sila kay Prime Minister Benjamin Netanyahu na makipagkasundo para sa tigil-putukan sa Hamas upang maiuwi ang mga natitirang bihag. Nagtipon ang libu-libong tao sa labas ng opisina ni Netanyahu sa Jerusalem.

Sa Tel Aviv, nagmartsa ang mga kamag-anak ng mga bihag kasama ang mga simbolikong kabaong. Iniulat na tatlo sa anim na patay na bihag, kabilang ang isang Israeli-American, ang nakatakda sanang palayain sa isang panukalang tigil-putukan na tinalakay noong Hulyo, na nagdulot ng higit pang galit at pagkabigo sa mga nagpoprotesta.