Journalists, walang alam sa pag-atake sa Gaza - AP

ni Angela Fernando - Trainee @News | November 11, 2023

Mariing itinanggi ng malalaking international media ang paratang na alam ng mga Gaza photographers ang nangyaring pag-atake ng Hamas nu'ng Oktubre 7.

Inilabas sa malalaking news outlets ang ginawa nilang pagtanggi sa mga alegasyon matapos magsimula ang kontrobersiya sa isang online post ng HonestReporting, isang organisasyong binibigyang pansin ang mga balitang hindi naka-ayon sa Israel.

Ayon sa HonestReporting, ang bilis ng mga Palestinian photojournalist sa nangyaring pag-atake ay kahina-hinala na siya namang pinaniwalaan ng pamahalaan ng Israel.

Sa isang post sa 'X' ng opisina ni Prime Minister Benjamin Netanyahu, sinabing kasabwat ang mga journalists ng Gaza sa nangyaring pag-atake.

Ayon sa post sa X ng dating Israeli ambassador na si Danny Danon, "Israel's internal security agency announced that they will eliminate all participants of the October 7 massacre. The 'photojournalists' who took part in recording the assault will be added to that list."

Agad namang itinanggi ng Western media ang artikulong naglalaman ng mga bintang ng HonestReporting at sinabing walang kinalaman ang Associated Press sa nangyaring pag-atake.

Israel, pinalibutan ang Gaza, mga lagusan binomba

ni Angela Fernando - Trainee @News | November 8, 2023

Pinaligiran ng Israel ang Gaza, isa sa pinakamalaking lungsod ng teritoryo at lugar ng Hamas, saad ng Israel matapos magbigay ang kabilang panig ng pahayag na nagsasabing malaking pinsala ang dinala ng kanilang militanteng grupo sa Israel.

Ayon sa punong tagapagsalita ng Israel na si Rear Admiral Daniel Hagari, binobomba nila ang mga lagusang ginawa ng Hamas na umaabot sa 100km sa ilalim ng Gaza.

Ito ay matapos gamitin ang mga lagusan para gamitin sa mga ambush na agad namang tinapatan ng mga tangke ng Israel.

Samantala, nakatuon ang mga operasyon ng Israel sa bahaging norte ng Gaza, naging biktima rin ng kanilang mga pag-atake ang bahaging timog ng lungsod.

Ayon sa ilang opisyal sa kalusugan ng mga palestino, umaabot sa 23 katao ang namatay sa magkasunod na panghimpapawid na atake ng Israel nu'ng Martes sa mga lungsod ng Khan Younis at Rafah.

Tigil-putukan, oks sa Israel

ni Angela Fernando - Trainee @News | November 7, 2023

Handa si Israeli Prime Minister Benjamin Netanyahu na ikonsidera ang pagkakaroon ng saglit na tigil-putukan para bigyang daan ang mga tulong na dumadating at mabilisang paglabas ng mga tao sa bansa.

Sa isang panayam sa US, kinumpirma ni Netanhayu na walang ganap na tigil-putukan dahil mababalewala ang layunin ng kanyang bansa laban sa Hamas.

Aniya, pinahihintulutan ng Israel ang panandaliang tigil-putukan sa gitna ng mga pag-atake upang kanilang makumpirma ang kalagayan ng mga kalakal at mga bihag na lalabas ng bansa.

Ito ay matapos ang kanilang pagbasura sa panawagang tigil-putukan ng U.S. Secretary ng State Antony Blinken kamakailan.

Saad ni Netanyahu, hindi nila babawasan ang kanilang operasyon maliban kung magkaroon sila ng kasunduan tungkol sa paglaya ng mga bihag