Renjun ng NCT, ikinalat ang number ng ‘fan’ na inakalang obsessed, biglang-bawi, nag-sorry

ni Angela Fernando @News | June 23, 2024

Photo: Renjun / IG

Nagkamali ng pagkalat ang miyembro ng K-pop boy group na NCT na si Renjun ng isang numero ng tagasuporta matapos niyang akalaing “sasaeng” ito o obsessed fan.

Maraming ‘NCTzen’ o tagasuporta ng Korean singer ang agad na inatake ang nasabing fan matapos kumalat ang numero nito online na nagdulot ng malaking epekto sa nasabing indibidwal.

Mabilis naman ang Korean idol sa paghingi ng tawad at personal na ipinost sa kanyang Instagram ang apology letter kamakailan.

“I apologize to the person who was negatively affected by my reckless behavior yesterday. I have always wanted to bring positive energy through music and performances, but I think I made a poor decision due to a lapse in judgment,” panimula ni Renjun.

“I sincerely apologize to the individual who was hurt and negatively impacted by my actions. Due to my reckless behavior, the victim is suffering right now. Please kindly stop contacting the victim,” dagdag pa nito.

Nagpaabot din ito ng kanyang pagsisisi sa ginawang pagkakamali at muling humingi ng tawad sa nasaktan sa kanyang ginawa.

Matatandaang humingi na rin ng tawad ang management ng K-pop artist na SM Entertainment sa social media platform na ‘Bubble’ kamakailan dahil sa hindi maingat na desisyon na nagawa ng kanilang talent.

'Captain Von Trapp' ng The Sound of Music, pumanaw na sa edad na 91

ni Ronalyn Seminiano Reonico | February 6, 2021

Pumanaw na noong Biyernes ang Canadian actor na si Christopher Plummer na mas kilala sa kanyang pagganap bilang si Captain von Trapp sa blockbuster 1965 musical na "The Sound of Music".

Ayon sa kanyang manager na si Lou Pitt, “Chris was an extraordinary man who deeply loved and respected his profession with great old fashion manners, self-deprecating humor and the music of words.

"He was a National Treasure who deeply relished his Canadian roots. Through his art and humanity, he touched all of our hearts and his legendary life will endure for all generations to come."

Ayon naman sa asawa ni Plummer na si Elaine Taylor, head injury ang ikinamatay nito sa kanilang bahay sa Connecticut.

Si Plummer ay binansagang “Triple Crown of Acting” matapos magwagi ng Oscar, Emmy, at Tony awards sa iba’t ibang ginampanang karakter sa larangan ng film, television at theater.

Noong 1954 ay nagsimula ang career ni Plummer sa theater kung saan lumalabas na rin siya sa ilang televised plays.

Noong 1959, na-nominate si Plummer para sa Tony Awards dahil sa kanyang pagganap bilang si Satan sa “J.B.” na adaptation ng Biblical story.

Sa kaparehong taon ay na-nominate si Plummer sa Emmy Awards sa TV play na “Little Moon of Alban.”

Noong 2011 naman, napanalunan ni Plummer ang Oscar Awards sa kanyang pagganap sa “The Beginners” kung saan siya ang itinanghal na oldest winner sa edad na 82.

Kabilang din sa mga palabas kung saan tumatak ang pangalan ni Plummer sa industriya ay ang “Waterloo,” “The Man Who Would Be King,” at “The Last Station.”

Hollywood actress na si Cicely Tyson, pumanaw na sa edad 96

ni Ronalyn Seminiano Reonico | January 29, 2021

Pumanaw na ang Hollywood actress na si Cicely Tyson sa edad na 96 noong Huwebes nang hapon.

Pahayag ng manager ni Tyson na si Larry Thompson, “With heavy heart, the family of Miss Cicely Tyson announces her peaceful transition this afternoon. At this time, please allow the family their privacy.”

Walang binanggit na dahilan ng pagkamatay ni Tyson na nakilala sa kanyang pagganap bilang “strong black woman.”

Na-nominate siya para sa Best Actress sa Academy Awards dahil sa pagganap niya bilang si Rebecca Morgan sa 1972 film na "Sounder.” Nagwagi si Tyson ng dalawang Emmy awards dahil sa “The Autobiography of Miss Jane Pittman" (1974) at "The Trip to Bountiful" (1985).