Covid patients sa India, sa kotse na namamatay

ni Mary Gutierrez Almirañez | May 3, 2021

Nagpadala ng pandemic aid ang iba’t ibang bansa sa India upang matulungan ang healthcare system nito laban sa lumalaganap na COVID-19.

Kabilang ang United States, Russia at Britain sa mga nag-donate ng oxygen generators, face masks at mga bakuna. Nagpadala rin ang United Kingdom ng 495 oxygen concentrators, 200 ventilators at 1,000 oxygen ventilators. Ang France nama’y nagdagdag din ng 8 oxygen generator plants at 28 ventilators na donasyon sa India.

Sa huling tala, umabot na sa 19,919,715 ang kumpirmadong kaso ng COVID-19 sa India, kung saan 16,281,738 ang mga gumaling. Mahigit sampung araw na ring magkakasunod na pumapalo sa halos 300,000 ang nagpopositibo sa naturang virus.

Samantala, 218,945 naman ang iniulat na mga pumanaw sa India at dulot ng kakulangan sa libingan ay isinasagawa na nila ang mass cremation, kung saan magkakasamang sinusunog ang katawan ng mga namatay sa COVID-19.

"People are sometimes dying in front of the hospitals. They have no more oxygen. Sometimes they are dying in their cars,” paglalarawan pa ni Germany Ambassador to India Walter J. Lindner.

Sa ngayon ay tinatayang 147,727,054 na ang mga nabakuhan sa India kontra COVID-19 at karamihan sa Indian nationals ay desperado nang mabakunahan upang hindi mahawa.

73 Pinoy sa India na positibo sa COVID-19, bawal umuwi

ni Ronalyn Seminiano Reonico | May 2, 2021

Pauuwiin na ang mga Pinoy sa India na nais bumalik sa Pilipinas kapag muli nang binuksan ang mga commercial flights at kapag inalis na ang mga ipinatupad na travel ban, ayon sa ambassador sa New Delhi ngayong Linggo.

Una nang ipinagbawal ang pagdating sa bansa ng mga manggagaling sa India dahil sa paglobo ng kaso ng COVID-19 doon. Sa teleradyo interview kay Ambassador Ramon Bagatsing, Jr., aniya ay 73 na ang mga Pilipinong nagpositibo sa COVID-19 sa India.

Aniya, “Ang report na sa amin is 73… it is all over India. India is very, very huge… 73 po ang naka-record sa amin but most of them… sa aking balita, wala pa namang ganu’n kaseryoso maliban lang sa dalawang nasawi.” Ayon din kay Bagatsing, dahil sa mga ipinatupad na travel ban at walang direct flights mula sa India papuntang Pilipinas, hindi pa mapapauwi ang mga Pilipino.

Aniya, “No matter how much we want to come up with the repatriation flight, it’s extremely difficult. Logistically difficult dahil wala ngang flights na papapasukin. At ngayon, nag-order ang gobyerno natin na bawal ang India, we have to follow that. Bagama’t Filipino citizen ito, we have to follow that.” Hindi rin naman daw ganu’n karami ang mga Pinoy sa India na nais nang umuwi sa Pilipinas.

Saad ni Bagatsing, “Hindi pa naman ganu’n karami. Although, isang Pilipinong gustong umuwi, kinakailangang tulungan natin. But on the logistic side, we need at least 150 passengers to make it viable. "Sabi ni (Foreign Affairs) Secretary (Teodoro) Locsin, habang 'di pa puwede 'yan, siguro 'pag June or middle of the month, 'pag medyo okay na. But otherwise, we wait until the commercial flights to resume and then we can do that."

Samantala, noong Sabado, nakapagtala ang India ng highest record na mahigit sa 400,000 kaso ng COVID-19 sa isang araw lang. Sa kabuuang bilang, umabot na sa mahigit 19.5 million cases ang naitala sa India at higit 211,000 ang mga pumanaw.

2 staff, 16 pasyente, patay sa nasunog na ospital

ni Mary Gutierrez Almirañez | May 1, 2021

Labing walo ang patay sa India nang masunog ang isang COVID-19 hospital sa Western Indian state of Gujarat nitong Biyernes.

Ayon sa ulat, nagsimula ang apoy sa intensive care ward ng Welfare Hospital Bharuch kung nasaan ang mga pasyenteng may COVID-19.

Kabilang sa mga nasawi ang 2 medical staff at ang 16 na pasyente.

Paliwanag naman ni Bharuch Police Superintendent R.V. Chudasama, "Preliminary investigation shows the fire was caused because of a short circuit."

Sa ngayon ay world record ang 401,993 na nagpositibo sa India sa loob lamang ng isang araw, kaya umabot na sa mahigit 19.1 million ang mga naitalang kaso ng COVID-19. Tinatayang 211,853 naman ang mga pumanaw.