5 patay sa sunog sa pagawaan ng COVID-19 vaccine sa India

ni Ronalyn Seminiano Reonico | January 23, 2021

Patay ang limang katao matapos masunog ang pinakamalaking COVID-19 vaccine manufacturing hub sa buong mundo sa India noong Huwebes.

Ayon sa ulat, natagpuan ng mga rescue workers ang katawan ng limang katao sa ilalim ng construction building ng Serum Institute of India (SII) matapos ideklarang under control ang sunog.

Kinumpirma rin ni City Mayor Murlidhar Mohol ang bilang ng mga nasawi. Aniya, "Five people have died."

Ang naturang hub ay gumagawa ng Covishield COVID-19 vaccine na dinebelop ng AstraZeneca at Oxford University.

Pahayag ng SII, "It is not going to affect the production of the COVID-19 vaccine.”

Nagpahayag naman ng pakikiramay sa pamilya ng mga nasawi ang CEO ng SII na si Adar Poonawalla.

Aniya, "We are deeply saddened and offer our deepest condolences to the family members of the departed.”

Samantala, inaalam pa ng awtoridad ang sanhi ng insidente.

Bangkay, binitbit para makapag-withdraw sa bangko

ni Lolet Abania | January 8, 2021

Binitbit ng isang Indian farm laborer ang bangkay ng kanyang kapitbahay patungo sa bangko upang makakuha ng pera na gagamitin sa pagpapa-cremate rito, ayon sa ulat ng awtoridad sa Patna, India.

Kinilala ang namatay na si Mahesh Yadav, 55-anyos, residente sa isang village sa eastern state ng Bihar. Nasawi si Yadav noong Martes matapos ang pakikipaglaban sa matagal nang sakit. Wala umano siyang kaanak na naulila.

Ayon sa ilang opisyal ng Agence France Presse, natagpuan ng mga kapitbahay ang bangkay ni Yadav ilang oras pa lamang siyang namatay. Naghalughog ang mga villagers sa bahay ni Yadav para makakuha ng pera na pambayad sa pagpapalibing sa kanya subalit wala silang nakita.

Gayunman, nakita nila ang passbook ni Yadav kung saan may laman itong $1,600 sa kanyang bank account. Agad na sumugod sa bangko ang mga kapitbahay dala-dala ang passbook at ang bangkay ni Yadav.

Iginiit ng mga ito na hindi sila aalis ng bangko hanggang walang ibinibigay na pera ang branch manager, ayon kay Amrendar Kumar, isang local police officer.

"Villagers demanded the bank to give them money from his account for the cremation or else they would not cremate him," sabi ni Amrendar Kumar. "It put pressure on the bank, which finally released some money following the intervention of the local police station," dagdag ng police officer.

Ayon sa branch manager ng bangko na si Sanjeev Kumar, nagdulot ng matinding takot sa kanila ang insidente. "It was the first such case," sabi ni Sanjeev Kumar. "After over an hour, I gave them money ($135) and they finally left the bank with his body for the cremation ground," sabi pa ng bank manager.

Sinabi ng isa sa mga kapitbahay ni Yadav na si Shakuntala Devi, wala silang alam na pag-aaring lupa ang namatay. Aniya, hindi rin nakatanggap ng suporta mula sa gobyerno si Yadav.

"There was no-one to look after him although he had been ailing for months. We used to provide him cooked food and other things," sabi ni Devi.

1 patay, 400 katao sa India, apektado ng hindi pa malamang sakit

ni Thea Janica Teh | December 8, 2020

Isa ang patay at 400 katao ang isinugod sa ospital sa southern India matapos mahilo, mahimatay at mag-seizure dahil sa hindi pa malamang sakit, ayon sa opisyal ng senior health department nitong Lunes.

Ayon sa mga awtoridad ng southern state ng Andhra Pradesh, 200 katao na ang na-discharge sa ospital nitong weekend dahil sa COVID-19. Ngunit, sa outbreak na ito, hindi pa matukoy kung anong sakit ang dumapo sa mga ito.

Kaya naman, magpapadala na ang federal health ministry ng India ng tatlong teams ng medical experts upang maimbestigahan ang outbreak na nakaapekto rin sa halos 300 bata. Aniya, "The children reportedly suffered from dizziness, fainting spells, headache and vomiting."

Nabahala rin ang state health department matapos pumanaw ang 45-anyos na lalaking taga-Geeta Prasadini na unang nakaranas ng mga nabanggit na sintomas. "We have taken the patients' blood samples for serological investigation and bacterial investigation to rule out any type of meningitis," dagdag ng health department.

Sa ngayon ay iniimbestigahan na rin ang water supply sa halos 20 lugar sa loob ng lungsod ng Eluru kung saan unang nakapagtala ng kaso. Samantala, kinikilala rin ang Andhra Paradesh na isa sa pinakanaapektuhang bansa ng COVID-19. Sa katunayan, sumunod ito sa US sa 9.68 milyon kumpirmadong kaso ng virus.