COVID cases, tuloy sa paglobo… ‘Pinas, matutulad sa India — Duque

ni Ronalyn Seminiano Reonico | April 30, 2021

Posibleng matulad ang Pilipinas sa India na patuloy ang paglobo ng kaso ng COVID-19 araw-araw kung hindi susunod ang mga Pilipino sa mga ipinatutupad na health protocols at kung hindi mapaiigting ang pandemic response ng pamahalaan, ayon kay Department of Health (DOH) Secretary Francisco Duque III.

Saad ni Duque sa panayam ng ANC ‘Headstart’, “Kapag hindi tayo sumunod doon sa ating minimum public health standards [and] if we do not intensify our COVID-19 pandemic response, like what has happened in India and also in some other countries where the second or third waves are being experienced, that is a big possibility.”

Maaari rin umanong makakuha ng leksiyon o matuto ang mga Pilipino sa sitwasyon ng India at iba pang bansa.

Aniya pa, “This is a lesson we all have to learn from what’s happening in other countries, we cannot dig our heads into the sand and make it appear that we’re doing okay all the time. There’s always ways of doing things better. It’s very dynamic, every day you have to read, every day you have to watch out for what’s happening, what are the best practices, what are the practices that are worth avoiding or making sure we avoid such measures that don’t work.”

Ayon din kay Duque, kailangan ng pagkakaisa ng publiko at pamahalaan upang malabanan ang COVID-19 pandemic.

Saad pa ni Duque, “At the end of the day, we just have to work together and the whole world is in a crisis. Everybody is really reeling from this pandemic. But we must stand in solidarity with each other in this fight against the pandemic. The war against COVID is really on the shoulders of every person so it cannot just be the work of the national government, local government, private sector, etcetera.”

Samantala, ngayong araw ay nakapagtala ang bansa ng 8,748 karagdagang kaso ng COVID-19 at ang kabuuang bilang sa buong bansa ay umabot na sa 1,037,460 cases.

India, niyanig ng 6.0-magnitude na lindol

ni Lolet Abania | April 28, 2021

Niyanig ng 6.0-magnitude na lindol ang Assam sa hilagang-silangang bahagi ng India ngayong Miyerkules nang umaga.

Naitala ang malakas na lindol bilang isang relatively shallow depth o may katamtaman ang lalim na 29 kilometers (18 miles) ng 0221 GMT, ayon sa US Geological Survey.

Nasa hilaga ng Dhekiajuli, bayan ng isang tea-growing district sa hilagang bahagi ng Assam ang sentro ng pagyanig. Ilang mga gusali ang napinsala subalit wala pang naitalang nasawi o nasaktan matapos ang lindol.

Ayon sa mga residente ng state capital na Guwahati, tinatayang 150 kilometers (95 miles) sa bahaging timog, matinding niyanig ang mga gusali na nag-iwan ng mga cracks sa mga pader nito, habang marami pang aftershocks ang kanilang naramdaman.

Mga namatay sa COVID-19, sinusunog na lang sa kalye

ni Lolet Abania | April 28, 2021

Sarado ang opisina ng Philippine Embassy sa New Delhi nang hanggang Mayo 17 para sumunod sa ipinatutupad na local lockdown sanhi ng patuloy na pagtaas ng COVID-19 cases sa India, base sa anunsiyo ng embahada.

Ayon kay Philippine Ambassador in New Delhi Ramon Bagatsing Jr., ngayong linggo lamang, dalawang Pilipino na nasa India ang namatay dahil sa COVID-19, kung saan nakapagtala ng average cases na 200,000 araw-araw ang infected ng virus sa nasabing lugar.

Gayunman, nagpalabas na ang pamahalaan ng travel ban sa India nang hanggang May 14. “We have closed the embassy 10 days ago because may order ng lockdown ang Indian government lalo na dito sa New Delhi . . . We will extend the lockdown up to May 17,” ani Bagatsing sa isang virtual interview ngayong Miyerkules.

Binanggit naman ni Bagatsing na nitong Hunyo 2020, umabot na sa 1,319 Pinoy ang naninirahan sa India kung saan 10 porsiyento nito ay mga migrant workers habang 80 porsiyento ay mga housewives.

Hinimok naman niya ang Filipino community doon na manatili na lamang sa bahay upang manatili rin silang ligtas. “I think in 1 or 2 weeks’ time they’ll go back to par again before this spike of about 200,000 cases per day,” ayon sa ambassador.

Matatandaang ang kalusugan ng isa sa mga Pinoy na namatay sa COVID-19 sa India ay mabilis umanong nag-deteriorate, ayon sa malapit na kaibigan nito na si Victoria Singh, miyembro rin ng naturang community at 28 taon nang residente sa India. Sinabi ni Singh na ang kanyang kaibigan ay nagpositibo sa test sa coronavirus noong Abril 23 at pumanaw ito hatinggabi ng Abril 26.

“Sabi niya, kung puwedeng magpadala ng pagkain kasi po nag-iisa lang siya. Pinadadalhan po namin ng pagkain. May issue din po siya ng high-blood kaya hindi ko rin po alam ang nangyari last moment kasi lockdown din po dito sa amin, wala kaming magawa,” saad ni Singh. Gayunman, ang Filipino community sa India ay nakikipag-ugnayan sa embahada sa pamamagitan ng telepono, ayon pa kay Singh.

“Filipino authorities in India are doing everything they can to bring their remains back to the Philippines,” ani Bagatsing. Subalit, sinabi ni Singh na may pagkakataon na ang bangkay ng mga pasyenteng namatay sa COVID-19 ay kini-cremate lamang sa mga kalye.

“May line ‘yan para malaman sino ang next iki-cremate,” ani Singh. “It’s very worse in India. Government, they’re trying to control but it’s still spreading, increasing and lots of people are dying. There are no available beds, no oxygen,” dagdag niya.