Hinay-hinay, ‘di pa keri i-privatize ang PhilHealth!

ni Imee Marcos - @Buking | September 7, 2020

Top to bottom! ‘Yan ang dapat gawing paglilinis sa PhilHealth na nabahiran na ng korupsiyon, agree?

Hay naku, mga frennie, nakakapikon talaga kapag pinag-uusapan ang PhilHealth, ewan ko ba! Eh, lustayin ba naman ng ganun-ganon lang ang pera sa kabang-bayan, bilyones pa, sino ba naman ang hindi maiimbyerna? Nakakalokah!

Pero, mga friendship, ang “Imee Solusyon” natin d’yan ay kailangang, isa-isahin ang problema kung saan ba talaga nanggaling o nagsimula ang korupsiyon sa mga opisina sa loob ng PhilHealth. At nakikita nga natin, mga besh, na dapat linisin ang accounting, auditing, legal lalo na ang I-T. Inot-inot ‘ika nga sa aming mga Ilocano!

Aba, puwede namang i-outsource ang I-T o kaya hingi tayo ng tulong sa I-T ng SSS, biruin n’yo ha, milyun-milyon ang members ng SSS, pero nagkaaberya ba sila o me malawakan bang korupsiyon? ‘Di ba, wala? Bongga!

May lumulutang namang rekomendasyon, mga besh, mula sa Kongreso na i-privatize na ang PhilHealth. I think naman, mga besh, hindi pa dapat, dahil medyo radikal pa ‘yan. Bakit kamo? Eh, magkakaisyu riyan sa public funds kasi pera ng gobyerno ‘yan at hindi puwedeng ilagay sa kamay ng pribado.

Ganito kasi ‘yan, mga frennie, kapag na-privatize na ‘yan, eh, medyo scary kasi maoobliga itong kumita, ibig sabihin ay posibleng maging sanhi ito ng pagtaas ng premium contribution sa PhilHealth. Eh, di ba nga kung ilang beses nang papalit-palit ang heads, wala ring nangyari, pagkatapos, biglang magpapalit-palit din ng korporasyon? Naku, eh, di lalong wala tayong nahita! Juskoday!

Hindi lang ‘yan mga besh, posible ring babagal ang pagbabayad sa mga ospital kapag naisapribado ‘yan, eh, ‘susmaryano, another problem na naman ‘yan, ‘di ba? Santisima! Kaya hirit natin sa ating mga kasamahan sa gobyerno, hinay-hinay lang dahil maaayos din ang lahat. Ganern!

Sa isang banda, nakakatuwa naman na may napili na si Pangulong Rodrigo Duterte na bagong PhilHealth President na si Dante Gierran. Wish natin, sana oks na siya at malinis niya ang korupsiyon dyan, na dekada na ring namayagpag! Mga seestra, magtulungan tayo dahil tayong lahat din naman ang makikinabang kapag naisaayos ang aberya sa ahensiyang ‘yan. Plis lang, keri natin ‘yan!

Meralco, kinarma sa pang-aabuso sa mga konsiyumer sa gitna ng pandemya

ni Imee Marcos - @Buking | September 4, 2020

Karma! ‘Yan ang nangyari sa Meralco, matapos itong mang-abuso ng mga konsiyumer sa gitna ng krisis dulot ng COVID-19 pandemic.

Bakit kamo, mga besh? Eh, pagmultahin ba naman sila ng Energy Regulatory Commission ng P19-M dahil sa bill shock. Trulala na mananagot na ang Meralco sa panunuba sa mga konsiyumer!

Nakakapikon naman talaga, biruin n’yo, hirap na hirap na ang ating mga kababayan, maraming nawalan ng trabaho dahil maraming kumpanya ang nagsara, wala nang makain, nagawa pa nitong buwitreng ‘yan na triplehin ang singil sa kuryente gayung nasa kasagsagan tayo ng pandemya! ‘Kalokah!

Bad mood talaga akes, noong ulanin ng netizens ng reklamo ang Meralco dahil sa tripleng singil sa kuryente. Tandang-tanda natin ang mga panahon na ‘yan na may mga kababayan na tayong namamalimos kasi wa’ na ‘anda, wala pang foods dahil mahigpit na mga community quarantine kontra virus. Eh, pagkatapos, bibirahin naman ng Meralco ng tripleng singil sa kuryente?! Juskoday!

At noong mag-alok naman sila ng pautay-utay na bayad, ke gulo-gulo at hindi maintindihan o nalito ang netizens sa sistema. Nagdudulot tuloy lalo ng tensiyon at init ng ulo ng ating mga kababayang mega-struggle na maka-survive sa krisis dahil sa pandemya!

Hindi natin keribels ang apog ng Meralco sa pagiging ganid, grabe to the max! Kaya heto nga, super tuwa tayo dahil si Manang Agnes Devanadera, ERC chair, eh, ‘to the rescue’ sa ating mga kababayan. Binoljak ang Meralco, multa to the max sila, ha-ha-ha! ‘Ika nga ng mga bata, ‘belattt!’

Well, I can say, leksiyon n’yo ‘yan, Meralco. May kasunod pa ang mga ‘yan, kaya pakaiingat kayo, bantay-sarado na namin kayo, matitindi ang aming pang-monitor sa mga panlalamang sa kapwa na kayo ang tiba-tiba. Kaya ano ngayon, Meralco, ulit pa more?

Inutang ng mga magsasaka, principal, interest at penalty na pinambili ng lupang sakahan...

‘di na sisingilin sa Bayanihan 2, alamin!

ni Imee Marcos - @Buking | September 2, 2020

Kung gusto nating maging maayos pa ang suplay ng pagkain sa bansa, unahin nating siguruhin ang lagay ng ating mga magsasaka lalo na ngayong pandemya!

Alam n’yo naman, mga frennie, nagulo ng pandemya ang suplay ng pagkain sa ating bansa at lalo pang nabaon sa utang ang mga magsasaka dahil na rin sa pagkaantala ng biyahe, delivery at pagbebenta ng mga inani nilang produkto dahil sa lockdown.

Kaya naman, hirit natin para wala masyadong aalahananin ang mga magsasaka, huwag na natin silang pagbayarin sa kanilang mga utang dati sa pag-a-avail ng mga lupang pansakahan. Sila ‘yung tinutukoy natin na mga benepisaryo ng repormang pang-agraryo.

Nakapaloob lahat ng ‘yan sa Bayanihan 2 Bill. Nilinaw natin, na dapat isingit doon ang probisyon para hindi na bayaran ng mga magsasaka ang principal amount, interest at mga penalty sa mga inutang nilang pambili ng lupang sakahan, ayon sa Banking Law at regulasyon ng Bangko Sentral ng Pilipinas.

Kapag hindi na pinagbayad ang mga magsasaka sa kanilang mga loan, puwede na ulit silang makautang sa gobyerno para masigurong mamimintina at mapapalago ang kanilang mga ani ngayong pandemya at dapat silang isyuhan ng Land Bank of the Philippines ng sertipikasyon para maka-avail sa mga lending program ng gobyerno.

Masisiguro ng mga magsasaka na sapat ang suplay ng pagkain sa bansa sa panahon ng pandemya kung tutulungan natin sila. ‘Ika nga, mga kapatid, give and take lang ‘yan. Alagaan mo sila, aalagaan din nila ang mga produktong kanilang itinatanim at tiyak ang mga Pinoy, hindi kakapusin sa pagkain!

Alam n’yo, mga friendship, kaunting kembot na lang, maisasabatas na ang mga tulong natin para sa mga magsasaka. Believe me, mga frennie, what you sow you will reap. Malasakitan natin sila, sila ang magpo-provide at magmamantina ng ating mga kakainin lalo na ngayong ipit tayo sa panahon ng pandemya! Agree?