Lupang sinasaka ng mga magsasaka, ibigay na sa kanila

ni Imee Marcos - @Imeesolusyon | September 12, 2022

Mag-aanibersaryo na ang Presidential Decree 27 sa Oktubre 21 na nagdedeklara ng paglaya ng mga magsasaka sa pagkakaalipin sa lupang sinasaka, kung saan itinatakda rin na ibibigay na sa mga magsasaka ang pag-aari sa mga lupaing kanilang sinasaka.

Ito ang batas na ipinasa ng aking ama na si dating Pangulong Ferdinand Marcos na tunay na nagmamahal sa ating mga magbubukid.

Pero hanggang ngayon, nganga pa rin ang ating mga magsasaka, hindi pa rin nila maangkin ang kahit kapiraso man lang sa mga lupaing kanilang pinagyayaman at mas nabaon pa sila sa utang.

Dahil na rin sa walang tigil na pagtaas ng presyo ng mga bilihin kabilang na ang mga abono, pestisidyo, gasolina at iba't iba pang farm inputs at pinakamasaklap pa ang pakikipagkompetensya sa mga imported na bigas.

Tila pinagsakluban na ng langit at lupa ang ating mga farmers at ang pinaka-nakakatakot sa lahat, marami sa kanila ayaw nang magsaka, humihinto na. Nakakapangamba 'yan, ha! Gutom ang aabutin nating lahat!

Sa kanilang mga pasakit na pinagdaanan, may IMEEsolusyon. Sisiguraduhin nating i-push na to the max ng Department of Agrarian Reform ang pamamahagi ng mga lupang pansakahan sa mga kuwalipikadong magsasakang puwedeng mag-may-ari ng lupa.

Sa ngayon kasi ang DAR ay may backlog na 621,085 ektaryang agricultural lands na dapat ipamahagi sa ating farmers. Kaya pakiusap sa gobyerno, 'wag nang magpatumpik-tumpik pa, ASAP, plis lang ipamigay na ang mga 'yan, tapusin agad, now na! Ano pa ba naman kasi ang hinihintay, Pasko?

Inihain natin ang Senate Bill No. 849 o ang Emancipation of Tenants Act of 2019 kung saan, palalayain na ang ating farmers sa pagbabayad sa lahat ng utang para makamit na nila ang kanilang lupa.

Dapat lang! Matagal nang nabayaran ng pawis at luha ang kanilang mga utang!

Ayudang P5K sa farmers, 'wag na bitinin ng DA, kundi magugutom tayong lahat!

ni Imee Marcos - @Imeesolusyon | September 7, 2022

Panahon na ng taniman ng palay ngayong Setyembre hanggang Oktubre.

Sumipa na naman ang presyo ng mga abono, tulad ng Urea, kaya maraming magsasaka ang nasa balag ng alanganin kung makakayanan pa bang magtanim.

Eh, kaya naman, asa to the max ang ating mga farmers sa ayudang P5K na ipinangako nitong mga unang bahagi ng taon ng Department of Agriculture.

Pantulong 'yan sa pambili ng napakamahal na abono at iba pang farm inputs.

Pero tila laban-bawi ang mga ngiti ng ating mga magsasaka sa inaasahang ayuda, eh, inabot na lang ng planting season, hanggang ngayon ay bokya pa, bomalabs pa ang ayuda! Ano ba DA?

Katwiran ng DA, nabibitin daw ang P5K na ayuda sa ID system ng mga magsasaka. Hello… weh, 'di nga?

Puwede naman IMEEsolusyon na hingin n'yo ang tulong ng mga municipal agriculturist na may listahan ng mga kooperatiba ng mga magsasakang nasasakupan nila, 'di ba?

Malaking tulong ang ibinibitin ninyong P5K na ayuda sa farmers, sa isang ektaryang kanilang sinasaka, makatitipid sila ng 25% hanggang 30% gastos sa pagbili ng abono.

Eh, kada ektarya, gumagastos ang ating farmers ng P15K hanggang P20K para sa abono, biruin n'yo naman kasi anim hanggang walong bag ng abonong urea ang nagagamit nila, 'di ba ang gastos?

Remember, ang tig-800 noon na urea, naging P2,300, tapos latest ngayon ay P2,500 na. Juskoday, saan na huhugot ng pera ang ating farmers?

Saka nga pala, ang dapat mapunta sa mga magsasaka ng bigas ay nasa halos 9 bilyon din mula sa P18.9 bilyon na koleksyon ng gobyerno sa taripa sa bigas noong 2021, maliban sa P10 bilyon na itinakda sa Rice Tariffication Law. Hay, sana ay maibigay lahat 'yan na pantulong sa ating farmers.

Eh, anytime, puwede na i-release ng mga bangko ng gobyerno ang pondo, kayo na lang DA ang cause of delay.

Kapag ibinigay naman ang ayuda, isama n'yo na rin at bigyan 'yung mga farmers na gumanda na ang kabuhayan at nagkanegosyo ng produktong pang value added sa kanilang pananim.

Marami na ang nangangayaw na mga magsasakang magtanim, wah na sila badyet. IMEEsolusyon na i-release na agad ang P5K na ayuda, plis lang! Now na!

Hay naku, DA, 'wag n'yo na 'yan patulugin sa mga bangko para kumita o magka-interest ang cash aid.

Kapag hindi n'yo 'yan minadali ilabas at ipamigay sa farmers, mauuwi 'yan sa kakapusan, lalo na ng mga aning palay, eh, sino rin ba ang magdurusa, tayong lahat rin! Lahat magugutom! Agree?

Asukal mula sa niyog, sagot sa sugar shortage!

ni Imee Marcos - @Imeesolusyon | August 19, 2022

Kaliwa't-kanan na ang pagtataas ng mga presyo ng mga produktong ang sangkap ay asukal. Bagama't merong mga sinasabing shortage, hanggang ngayon ay malakas ang paniwala nating keri natin at sapat pa ang supply ng asukal.

Ramdam natin, na may something fishy, para i-push pa ang pagkokondisyon sa lahat ng mga negosyante, maliit man o malaking negosyante na merong malaking shortage ng asukal.

Sa ganang atin, kung meron mang kakapusan, hindi pa rin katanggap-tanggap na importasyon agad ang solusyon o tatakbuhan natin. Hay naku, kumita na ang ganyang "mind setting", no! Ano 'yan, para i-justify ba ang planong importasyon ng 300,000 metric tons ng asukal na binasura ng aking ading?

Plis naman, 'wag naman sanang sakyan ng marami at samantalahin ang pagkakataon para pagkakitaan ang trending na sinasabing shortage ng asukal no! 'Wag naman ganyan, nasa krisis tayong lahat.

Tayo, eh, naninindigang hindi dapat importasyon ang ipantapal natin sa problema. Kundi, IMEEsolusyon d'yan, check natin ang lahat at iimbentaryo ang natitira nating asukal. Eh, 'di ba, nga, kaka-report lang na itinengga raw sa bodega ang ilang supply ng asukal?

Naku, ha, hoarding na naman?! At kapag sobrang mahal na ng presyo ng asukal ay saka ilalabas? Hello, aba, aba, kubrahan na naman ng kita 'yan, ha?! IMEEsolusyon din na, plis mag-monitor naman nang husto ang Department of Agriculture at Sugar Regulatory Administration para masigurong walang nagaganap na pagtatago ng asukal.

IMEEsolusyon din ang rekomendado ng Philippine Coconut Authority na gumamit ng alternatibong coconut sap sugar o asukal na mula sa niyog sa paghahanda ng pagkain at inumin.

Eh, 'di ba, nga sabi ng PCA mayaman pa ito sa amino acid, lalo na sa glutamic acid na nakatutulong sa pag-normal ng function ng prostate gland at hindi lang 'yan, meron din itong taglay na carbohydrates, Vitamin B at Iron.

Saka, IMEEsolusyon naman din sa pagtaas ng presyo ng mga softdrinks at iba pang matatamis na inumin na ipalit natin 'yung ibinibida ng PCA na coconut water na mayaman sa potassium. Oh, 'di ba? Kaya nga, bago importasyon, tangkilikin muna natin ang sariling atin! Agree?!