Mga bagets, sanaying kumain ng gulay para ‘di maging bansot

ni Imee Marcos @Imeesolusyon | March 22, 2023

Kayo ba ay mahilig sa gulay? Masustansya ba ang mga kinakain n’yo?

Well, kung ako ang inyong tatanungin, mukhang no need to explain, he-he-he! Kaming mga certified Ilocano ay alam na, taga-probinsya at laki sa pagkain ng mga gulay!

Ako ay nababahala sa kaka-report lang na pag-aaral ng World Health Organization (WHO) na tatlo raw sa bawat apat na batang Pinoy na nasa edad 13 hanggang 15 o 74% ang hindi kumakain o kaunti lang kung kumain ng gulay kada araw.

Habang mahigit sa 1/3 o 38% ang umiinom ng carbonated drinks kada araw tulad ng softdrinks, mga juice, kape atbp.

Samantalang, sa hiwalay namang study ng United Nations Children's Fund na ang nasabing poor diet ng mga bata ay tripleng nagiging sanhi ng malnutrisyon, undernutrition, sanhi ng pagiging bansot at micronutrient deficiencies at overweight.

Eh, kung matatandaan n’yo rin sa pag-aaral ng Food and Nutrition Research Institute o FNRI noong 2021, lumilitaw na halos 30% ng mga Pinoy na edad 16 hanggang 19 ay mga lumaking bansot o maliit sa kanilang edad.

Habang 20% ng mga bata na 13 hanggang 15 years old at 19% ng mga batang Pinoy mula 10 hanggang 12 years old ay maliit o pandak.

Sinasabing karamihan sa mga bansot na bata ay mula sa mahihirap na pamilya.

Sa harap nito, IMEEsolusyon natin na simulan sa ating maliliit na anak ang pagpapakain ng gulay.

Gumawa tayo ng paraan o mga teknik para mapakain natin sila ng gulay. Maging halimbawa tayong mga magulang sa pagkain ng gulay, ‘wag natin sila i-spoil!

IMEEsolusyon din na puspusan ang gawing pang-eengganyo ng ating mga guro sa kanilang mga estudyante na masarap kumain ng gulay.

IMEEsolusyon din na gumawa ang media at socmed ng mga ads na hihikayat sa mga bata na kumain ng gulay.

Tanda n’yo ba ang commercial na sikat dati na, “Makulay ang buhay, makulay ang buhay ng may sinabawang gulay!” Ganyan! Gamitin na pati mga TikTok, Instagram, at reels sa Facebook para gumaya ang mga bata sa pagkain ng gulay.

IMEEsolusyon naman sa mga walang makain na gulay dahil mahirap lang sila at walang pambili na turuan sila ng mga LGUs ng backyard farming o pagtatanim sa bakuran o hydroponics para malibre sila sa mga gulay at makakain sila Agree? Gawin na ‘yan, now na!

‘Pinas, magpasaklolo na sa ibang bansa para sa oil spill clean up sa Mindoro

ni Imee Marcos @Imeesolusyon | March 21, 2023

Nababahala ako sa pahayag ng ilang grupo ng environmentalist na aabutin ng deka-dekada bago tuluyang makarekober ang ating mga karagatan mula sa oil spill sa Mindoro at mga karatig-probinsya.

Napakaseryoso ng dagok na nilikha ng naturang oil spill, kung saan marine life ang unang tinamaan nito at alam naman natin na ang domino effect niyan, eh, kakapusan ng isda sa bahaging ‘yan ng ating bansa dahil unti-unti na silang namamatay at nalalason. Juskoday!

Ikalawa, buhay mismo ng ating mga kababayan sa mga probinsyang ‘yan ang nasa peligro. Abah, eh ‘di ba, sa latest report ay nasa 161 na ang nagkakasakit.

Ikatlo, ang mismong kabuhayan ng mga taga-r’yan, ‘di ba nga, pangingisda pa ang pangunahin nilang ikinabubuhay.

Nababanas ako na mismong taga-MARINA o Maritime Industry Authority ang nagsabing

naglayag ang MT Princess Empress na walang permit.

Bukod d’yan, nabuko naman ng Department of Justice (DOJ) na hindi nakadisenyo ang barkong ito bilang oil tanker at luma raw, kaya ambilis nitong lumubog! Que Horror, ano bah!

Wala naman akong ma-say dahil ambilis ng tugon ng ating pamahalaan sa oil spill disaster na ito sa Mindoro. Kaliwa’t kanan ang mga pag-ayuda, mayroon pang cash for work sa fishermen.

Pero sa ganang akin, IMEEsolusyon na paspasan ng mga local government units (LGUs) d’yan na kung kinakailangang pansamantalang palipatin ang ilang mga residenteng sobrang lapit sa mga dalampasigan na may oil slick, abah eh. ilipat na muna sa mga evacuation center para iwas-sakit.

Du’n na muna sa mga evacuation sila bahagian ng mga ayuda. IMEEsolusyon din na bukod sa U.S., Japan at Korea na nag-aalok ng tulong, eh, lumapit na tayo sa iba pang friends nating mga bansa na keri at may high-tech equipment talaga na mabilis na makapaglilinis ng tagas ng langis.

IMEEsolusyon din na panagutin ang may-ari ng barko kapag napatunayang walang permit ang MT Princess Empress nang maglayag at dapat ding magbigay sila ng danyos sa mga naapektuhan.

Panawagan ko sa mga environmentalist na plis, tumulong na rin kung ano’ng kayang maitutulong para maisalba ang ating mga karagatan at dalampasigan sa kontaminasyon ng oil spill!

Inflation ang dapat tutukan, Chacha, ‘wag muna!

ni Imee Marcos @Imeesolusyon | March 15, 2023

Pursigido ang ilan nating mga kapwa mambabatas sa Senado at Kamara na buhayin na ang Charter Change o Chacha. Target daw nila na baguhin ang probisyong may kinalaman sa ating ekonomiya.

Sinisiguro ng mga kasamahan natin sa Senado na ekonomiya lang ang gagalawin at hindi madaraanan ang politikal na probisyon dito. Ganito rin naman ang pangako ng ating solons sa Kongreso.

Pero, sabi nga ng ating Senate President, ni halos kalahati lang ng mga senador ang interesadong baguhin ngayon ang ating Konstitusyon.

Sa ganang akin, bagama’t maganda ang intensyon, hindi napapanahon na itulak ito!

Abah, eh ke dami-daming mga problemang dapat nating unahin ngayon, na dapat matalakay at matutukan sa Senado.

Tulad ng mga problema sa trabaho, inflation, at pagtaas ng presyo ng mga pangunahing bilihin, napaka-urgent talaga ng food shortage, gayundin ang mga isyu sa peace and order.

Hay naku, sandamakmak na naman ang mga patayan na ‘yan at pinakahuli nga itong

ating kaibigan at kaalyadong si Negros Oriental Governor Roel Degamo, ‘di ba?

Para sa akin, unahin natin ang kumakalam na sikmura ng ating mga kababayan! Agree naman ako na baguhin ang ilang mga probisyon sa ekonomiya, IMEEsolusyon natin na ityempo na medyo lumuluwag-luwag na ang sitwasyon ng pamumuhay ng ating mga kababayan.

Agree?!