Shiloh, ayaw gamitin ang apelyido ni Brad Pitt

ni Angela Fernando @Entertainment News | June 5, 2024

Nahihirapan at emosyonal ang Oscar-winning actor na si Brad Pitt na tanggapin ang balitang hindi gusto ng kanyang anak na si Shiloh na gamitin ang kanyang apelyido, ayon sa isang source na malapit sa aktor.

Matatandaang naghain nu'ng nakaraang linggo, Mayo 27, sa mismong araw ng kanyang kaarawan, ang anak nina Brad at Angelina Jolie na si Shiloh ng request kung saan gusto niyang alisin ang apelyido ng ama mula sa kanyang pangalan.

“He’s aware and upset that Shiloh dropped his last name. He’s never felt more joy than when she was born. He always wanted a daughter," saad ng source. "The reminders that he’s lost his children, is of course not easy for Brad. He loves his children and misses them. It’s very sad," dagdag pa nito.

May isang source pa ang nagsabing ang dalagita ay humihirit ng bagong legal na pangalan, na "Shiloh Jolie" sa halip na "Shiloh Jolie-Pitt."

Isa si Shiloh sa tatlong biological na anak nina Brad at Angelina, kabilang ang 15-anyos na kambal na sina Vivienne at Knox. Nagkaroon din ang dalawa ng tatlong adopted kids na sina Maddox, Pax, at si Zahara.

Kourtney Kardashian, nabuntis matapos ang 5 failed IVF

ni Angela Fernando @News | May 30, 2024

Ibinunyag ng reality star na si Kourtney Kardashian na nakaranas siya ng limang failed In Vitro Fertilization (IVF) cycles bago natural na nagdalantao sa asawang si Travis Barker na drummer ng Blink-182.

Ang IVF ay ang pagsasama ng egg ng babae at sperm ng lalaki sa isang laboratory dish.

Ibinahagi ng reality star ang kanyang kuwento sa Instagram habang sinasagot ang mga tanong mula sa mga taga-suporta. Sinabi rin niyang naniniwala siya sa plano ng Diyos para sa buhay niya.

Sey ni Kourtney, "I stopped after a year of trying [five failed IVF cycles, three retrievals]. My body relaxed, and I believed in God's plan for my life. Lots of prayers for whatever was meant to be for us.”

Kinumpirma niya rin sa IG na nabuo ang anak nila ng Blink-182 drummer nu'ng Valentine's Day taong 2023 matapos nilang tumigil sumubok ng IVF.

Gavin MacLeod ng ‘Love Boat’ pumanaw na sa edad na 90

ni Ronalyn Seminiano Reonico | May 30, 2021

Pumanaw na ang Hollywood actor na si Gavin MacLeod na mas nakilala sa kanyang pagganap bilang Captain Stubing ng 1970s-80s sitcom na “The Love Boat” noong Sabado sa edad na 90.

Kinumpirma ng pamangkin ni MacLeod na si Mark See sa showbiz publication na “Variety” ang pagpanaw ng aktor ngunit hindi binanggit ang dahilan nito.

Nagkaroon din ng supporting roles si MacLeod sa "Kelly's Heroes" (1970) kasama sina Clint Eastwood at Telly Savalas, at "Operation Petticoat" (1959) kasama sina Cary Grant at Tony Curtis.

Samantala, maging ang aktor na si Edward Asner na nakasama ni MacLeod sa “Maty Tyler Moore Show” ay nagpahayag din ng kalungkutan sa pagkamatay nito.

Aniya, “My heart is broken. Gavin was my brother, my partner in crime (and food) and my comic conspirator. “I will see you in a bit Gavin. Tell the gang I will see them in a bit.”