by Info @Entertainment News | January 31, 2026
Photo: IG / Macaulay Culkin
‘I wanted to sit in a chair next to you’
Nagbigay ng tribute ang ‘Home Alone’ actor na si Macaulay Culkin sa yumaong aktres na si Catherine O’Hara.
Inanunsyo ang pagpanaw ni O’Hara sa edad na 71.
“Mama. I thought we had time. I wanted more. I wanted to sit in a chair next to you. I heard you. But I had so much more to say. l love you. I'll see you later,” mensahe nito sa kapwa Home Alone star.
ni Eli San Miguel @Entertainment | Oct. 2, 2024
Nahaharap ngayon sa kasong sexual misconduct ang global artist na si Sean “Diddy” Combs, isa sa pinakasikat na music executives, producers, at hip-hop performers, matapos sampahan ng 120 katao na diumano'y biktima niya.
Inihayag ng abogadong si Tony Buzbee ngayong Martes na siya ay kumakatawan sa 120 katao na nag-aakusa ng sexual misconduct laban kay Combs. Inaasahan ni Buzbee na ihahain ang mga demanda sa loob ng susunod na buwan.
Iniulat ni Buzbee na binubuo ang mga biktima ng 60 lalaki at 60 babae, kung saan 25 ang mga menor de edad nang maganap ang naturang misconduct. Isang biktima ang nagbunyag na siya ay inabuso sa edad na 9.
Ang mga paratang ay sumasaklaw mula 1991 hanggang sa kasalukuyan. “This type of sexual assault, sexual abuse, sexual exploitation should never happen in the United States or anywhere else. This should have never been allowed to go on for so long. This conduct has created a mass of individuals who are injured, scared and scarred,” ani Buzbee sa isang news conference.
Matapos ilabas ang mga akusasyon sa Texas, sinabi ng abogado ni Sean “Diddy” Combs na si Erica Wolff na, "[Combs] cannot address every meritless allegation in what has become a reckless media circus.
“That said, Mr. Combs emphatically and categorically denies as false and defamatory any claim that he sexually abused anyone, including minors,” pahayag ni Wolff. “He looks forward to proving his innocence and vindicating himself in court, where the truth will be established based on evidence, not speculation,” dagdag pa niya.
Sinabi ni Buzbee na higit sa 3,280 indibidwal ang nakipag-ugnayan sa kanyang firm na nagsasabing naging biktima sila ni Sean “Diddy” Combs. Matapos suriin ang mga alegasyon, pinili ng kanyang firm na kumatawan sa 120 tao, habang ang ibang mga kaso ay patuloy pang sinusuri.
Ayon pa kay Buzbee, naganap ang karamihan sa nasabing pang-aabuso sa mga party sa New York, California at Florida, kung saan ang mga indibidwal ay binigyan ng mga inuming may halong droga.
Si Sean “Diddy” Combs, 54, ay nasa kustodiya ng Metropolitan Detention Center sa Brooklyn mula nang mag-plead ng 'not guilty' noong Setyembre 17 sa mga paratang ng paggamit ng kanyang kapangyarihan at kasikatan upang hikayatin ang mga babaeng biktima na makilahok sa mga 'drugged sexual performance' kasama ang mga lalaking sex workers sa mga kaganapang tinawag na “Freak Offs.”
ni Angela Fernando @Entertainment News | Sep. 29, 2024
Iniulat ng mga United States media na ikinasal na ang kilalang "Pitch Perfect" star na si Rebel Wilson sa kanyang partner na si Ramona Agruma sa Sardinia, Italy.
Ayon sa People.com, binanggit ng kanilang source na nagpakasal sina Rebel at Ramona sa nasabing lugar dahil dito sila nagbakasyon nu'ng una nilang isinapubliko ang kanilang relasyon.
Nilinaw din ng source ng US magazine na ang kasal ay maliit at pribadong seremonya lang kung saan tanging pamilya at malalapit na kaibigan ng dalawa ang dumalo. Matatandaang kinumpirma nina Rebel at Ramona ang kanilang relasyon nu'ng Hunyo 2022.
