by Info @News | November 5, 2025
Photo: Circulated
PATAY SA HELICOPTER CRASH
Kinumpirma ng Armed Forces of the Philippines (AFP) Eastern Mindanao Command na anim ang nasawi, na pinaniniwalaang piloto at crew members, sa pagbagsak ng super huey helicopter sa Agusan Del Sur nitong Martes, Nobyembre 4.
Nagsasagawa ng humanitarian operations ang naturang helicopter para sa mga nasalanta ng Bagyong #TinoPH nang bumagsak.
ni Lolet Abania | October 14, 2021
Tatlong crew member ang nasugatan matapos na ang Royal Australian Navy MH-60R Seahawk helicopter ay bumagsak habang transiting o papadaan sa silangang bahagi ng Luzon nitong Miyerkules ng gabi, batay sa report ngayong Huwebes ng Armed Forces of the Philippines (AFP).
Ayon kay AFP spokesperson Col. Ramon Zagala, ang tatlong sakay na crew members ay ligtas na narekober ng Royal Australian Navy ship na HMAS Brisbane, kung saan naroon malapit sa lugar.
Sinabi ni Zagala na ang MH60R Seahawk ay nag-o-operate mula sa HMAS Brisbane, na naiulat na may regional presence deployment sa Royal Australian Navy HMAS Warramunga.
“The AFP is still coordinating with its Australian counterparts on the matter and has expressed readiness to provide assistance,” ani Zagala. Base sa reports mula sa Royal Australian Navy, maraming ships ang nagsasagawa ng tinatawag na “a number of navy-to-navy engagements with partner nations” sa Southeast at Northeast Asia.
Sa inilabas na press statement mula sa Australian Department of Defense, ayon sa kanila ang mga crew members ay ligtas na at agad namang nakatanggap ng first aid sa natamo nilang minor injuries.
Ang HMAS Brisbane at HMAS Warramunga ay nagsasagawa na ng pagsisiyasat sa lugar sa anumang debris para alamin at madetermina ang naging dahilan ng insidente.
Ayon kay Rear Admiral Mark Hammond ng Australian Fleet command, bilang pag-iingat aniya, “We have temporarily paused flying operations of the MH-60R Seahawk fleet.”
ni Lolet Abania | September 1, 2021
Nagsagawa na ng search-and-rescue operations matapos na isang US Navy helicopter ang bumagsak sa karagatan na sakop ng baybayin ng California, USA, ayon sa US Pacific Fleet nitong Martes.
Isa sa crew member ang nakaligtas at batay sa statement ng naturang fleet, “Search and rescue operations are ongoing with multiple Coast Guard and Navy air and surface assets.”
Sa post sa Twitter ng US Pacific Fleet, “The MH-60S helicopter took off from the USS Abraham Lincoln during ‘routine flight operations’ about 60 nautical miles off the coast of San Diego at 4:30 p.m. (2330 GMT).”
Hindi naman binanggit ng navy kung ilan ang naging sakay ng naturang helicopter, habang wala nang ibinigay na iba pang detalye hinggil sa insidente.
