Alagang PhilHealth: Na-confine nang wala pang 24 Oras? Covered ka ng PhilHealth!

by Info @Brand Zone | October 26, 2026

• 

Kung na-admit na hindi umabot sa 24 oras dahil:

• Kailangang ilipat sa ibang ospital para doon ipagpatuloy ang kanyang kailangang gamutan.

• Ang pasyente ay namatay habang ginagamot sa loob ng ospital.

Hindi kasama sa benepisyong ito ang pasyente na:

1. Hindi na-admit bilang inpatient. Iba pa ito sa Outpatient Emergency Care Benefit Package para sa Emergency Care at hindi rin kailangan ng 24 oras.

2. Kung ang pag-admit ay hindi kinakailangan para sa gamutan (Non-admissible ang case).

3. Ang pasyente ay Dead on Arrival o hindi na nabigyan ng anumang serbisyong medikal bago ideklarang patay.

4. Na-admit nang wala pang 24 oras at ang pasyente ay:

> Gumaling (improved)

> Bumuti (recovered)

> Kusang umuwi sa kabila ng payo ng doktor (Discharge o Home Against Medical Advice)

> Umalis nang walang pahintulot (absconded)

PAALALA:

 Maaaring gamitin ang Outpatient Emergency Care Benefit Package para sa Emergency Room (ER) services

---

The public is reminded to only transact through official PhilHealth channels:

·         Local Health Insurance Offices (LHIOs)

·         PhilHealth Member Portal (https://memberinquiry.philhealth.gov.ph/member/)

·         eGovPH Application (e.gov.ph)

To report suspicious messages, contact the PhilHealth Action Center through any of the following official channels:

·         Email: actioncenter@philhealth.gov.ph

·         Facebook: @PhilHealthOfficial

·         Landline: (02) 8662-2588

·         Smart Hotlines: 0998-857-2957 | 0968-865-4670

·         Globe Hotlines: 0917-127-5987 | 0917-110-9812

Mga pag-aaral, nagpapakitang mas mababa ang panganib ng smoke-free products kaysa sigarilyo — PHILTHRA

ni Chit Luna @News | October 20, 2026

Photo: NCUP

Iginiit nang Philippine Tobacco Harm Reduction Advocates (PHILTHRA) na dapat kilalanin sa mga patakaran at pagbubuwis ang pagkakaiba ng panganib sa kalusugan ng karaniwang sigarilyo at mga smoke-free nicotine product.

Sa ginanap na 2nd National Summit on Nicotine and Harm Reduction sa Pasay City, sinabi ng grupo na ipinapakita ng mga siyentipikong pag-aaral na mas mababa ang panganib ng mga produktong tulad ng e-cigarettes, heated tobacco products at nicotine pouches kumpara sa karaniwang sigarilyo, lalo na para sa mga adult smoker na tuluyang lilipat mula sa paninigarilyo.

Ayon sa PHILTHRA, hindi dapat awtomatikong ipataw ang parehong antas ng buwis sa mga smoke-free alternative at combustible cigarettes, dahil magkakaiba ang panganib na kaugnay ng paggamit ng mga ito.

Inilahad ng grupo ang mga resulta ng meta-analysis at scoping review na isinagawa ng CAPS and Partners Inc. tungkol sa mga epekto ng combustible cigarettes at vaping products.

Sa isang meta-analysis na sumaklaw sa humigit-kumulang 300 peer-reviewed studies, natuklasang hindi bababa sa 90 porsiyentong mas mababa ang harmful at potentially harmful constituents sa vape aerosol kumpara sa usok ng sigarilyo.

Lumabas din sa pagsusuri na hindi bababa sa 85 hanggang 95 porsiyentong mas mababa ang toxic potency ng vape aerosol.

Sa isa pang pagsusuri ng 20 pag-aaral, naitala ang hanggang 97 porsiyentong pagbaba sa biomarkers sa mga gumagamit ng alternative vape delivery systems. Gayunman, apat sa mga pag-aaral ang walang nakitang pagbuti.

Inilahad din ng PHILTHRA ang resulta ng sarili nitong scoping review na sumaklaw sa 670 pag-aaral sa nakalipas na tatlong buwan.

Ayon sa grupo, dalawang pangunahing konklusyon ang paulit-ulit na lumitaw sa mga pag-aaral: hindi ganap na ligtas ang non-combustible nicotine products, ngunit mas mababa ang panganib ng mga ito kumpara sa karaniwang sigarilyo.

Plano ng PHILTHRA na gawing meta-analysis ang naturang scoping review.

Binigyang-diin ng grupo na may tungkulin ang pamahalaan na protektahan ang mga mamimili sa pamamagitan ng pagbibigay ng access sa mga alternatibong may mas mababang panganib.

“The State still has the duty to protect them. And the way to protect them is to give them the less harmful alternative,” ayon sa PHILTHRA.

Kinuwestiyon din ng grupo ang dalawang palagay sa polisiya na iniuugnay nito sa Department of Finance (DOF): na magkakapareho ang panganib ng lahat ng nicotine products at na walang kaugnayan ang antas ng buwis sa paglaganap ng illicit trade.

Ayon sa PHILTHRA, hindi sinusuportahan ng mga umiiral na siyentipikong ebidensya ang pagtrato sa lahat ng nicotine products na para bang magkakapareho ang panganib ng mga ito.

Nanawagan din ang grupo ng risk-based taxation at mas mahigpit na pagpapatupad ng batas laban sa mga ilegal na produktong nikotina.

“It is in the interest of the state to protect the legitimate market,” sinabi ng grupo.

Dagdag nito, kailangang isaalang-alang ng pamahalaan kung paano maaaring makaapekto ang mga patakaran sa buwis sa paglaki o pagliit ng ilegal na merkado.

Samantala, sinabi ng PHILTHRA na humigit-kumulang 90 bansa na ang nagpapahintulot at nagreregula sa pagbebenta ng alternative nicotine delivery products.

Kabilang dito ang Saudi Arabia at United Arab Emirates na nag-alis ng kanilang mga pagbabawal noong 2019. Pinahintulutan din ng Jordan ang regulasyon sa parehong taon, habang nagpatupad ang Bahrain ng technical regulation noong 2021.

Binanggit din ng grupo ang mga pagbabago sa polisiya ng Malaysia, Egypt at Canada bilang mga halimbawa ng paglipat mula sa pagbabawal tungo sa legal at kontroladong pagbebenta.

Ayon sa PHILTHRA, bumaba na rin mula walo tungong apat ang bilang ng mga bansa sa Middle East na nagpapanatili ng pagbabawal sa mga naturang produkto.

“When you ban and you don’t regulate, you don’t protect the consumers,” sinabi ng grupo.

Iginiit ng PHILTHRA na mas makabubuti ang malinaw na regulasyon upang matiyak ang kalidad ng mga produkto at maprotektahan ang mga mamimili laban sa mga hindi sumusunod sa pamantayan.

Ipinaalala rin ng grupo na mayroon nang umiiral na batas sa Pilipinas sa ilalim ng Republic Act 11900, na nagtatakda ng regulasyon sa vaporized nicotine at non-nicotine products at novel tobacco products.

Binanggit din nito ang Sweden, United Kingdom, New Zealand at Canada bilang mga bansang may mga polisiya na kumikilala sa paglipat mula sa paninigarilyo bilang bahagi ng tobacco harm reduction.

Sa pagtatapos ng summit, inilunsad ng mga convenor ang Philippine Harm Reduction Agenda, isang panukalang balangkas ng polisiya na nakabatay sa siyensya at pagkakaiba ng panganib ng mga produktong nikotina.

Isusumite ang naturang agenda sa Kongreso at DOF upang maging batayan sa pagtalakay ng mga susunod na patakaran sa tobacco at nicotine products.

Libreng health insurance sa e-wallet

ni Mylene Alfonso @News | August 7, 2026

Photo: File / Gcash Ginsure

Naglunsad ang isang digital e-wallet ng bagong feature na magpapalawak sa access ng insurance sa milyun-milyong Pilipino. 

Sa pagbili ng load sa GCash app, makatatanggap ng libreng health insurance ang mga prepaid customer.

“Ang inisyatibong ito ng GInsure katuwang ang FPG Insurance, ay sumasalamin sa layunin ng GCash na gawing abot-kamay ang financial protection sa bawat Pilipino,” ayon kay Winsley Bangit, Vice President at Group Head ng New Businesses ng GCash.

Tiniyak naman ni Ren-Ren Reyes, president and CEO ng GCash mobile wallet operator G-Xchange, Inc. na may sapat na pondo para sa mga mag-a-avail ng health insurance.

Sa bawat pagbili ng load, makatatanggap ang user ng P10,000 na accidental death coverage. Maaari itong maipon sa maximum na P30,000 sa pamamagitan ng tatlong magkakahiwalay na load purchases.

Kapag naospital, makakakuha rin ng income assistance na P500 kada araw bilang salary assistance sa loob ng hanggang limang araw. Maaari ring makatanggap ng hanggang P10,000 disablement benefit.