Disbarment vs. Roque, isinampa sa SC

ni Angela Fernando @News | Sep. 24, 2024

Naghain si Atty. Melvin Matibag, dating acting secretary ng Gabinete sa ilalim ng administrasyong Duterte ng kasong disbarment sa Korte Suprema laban kay Harry Roque nitong Martes.

Ayon kay Matibag, isinampa niya ang kaso ng disbarment dahil sa mga post ni Roque sa social media, partikular niyang tinukoy ang deepfake video na ipinost ni Roque, kung saan ipinapakita si Pangulong Ferdinand Marcos Jr. na gumagamit umano ng droga.

Matatandaang ang naturang video ay naging viral nu'ng Hulyo, ngunit binigyang-linaw ng mga otoridad na hindi si Marcos ang taong laman ng nasabing clip.

Roque, isa nang pugante — Kamara

ni Angela Fernando @News | September 16, 2024

Itinuturing ng "fugitive" o takas ang dating presidential spokesperson na si Harry Roque ng kanyang mga dating kasamahan sa Kamara, ayon sa isang mambabatas nitong Lunes.

Matatandaang na-detain na si Roque noon dahil sa kanyang kabiguan na dumalo sa pagdinig ng House Quad Committee, isang komite na binubuo ng apat na panel na nagsisiyasat sa mga isyung may kaugnayan sa administrasyon ni Duterte, sanhi ng aberya sa kanyang schedule.

Nabigong matagpuan ng House Sergeant-at-Arms kasama ang tulong ng Philippine National Police (PNP) si Roque matapos siyang paghahanapin sa loob ng 3-araw upang ihatid ang detention order mula sa Kamara.

Mga pinansyal na dokumento ni Roque, kailangan malaman ng publiko — Rep. Barbers

ni Angela Fernando @News | September 14, 2024

Nanindigan si Surigao del Norte Representative Ace Barbers, ang pinuno ng apat na joint committees ng Kamara na nagsisiyasat sa mga umano’y krimen na kinasasangkutan ng Philippine Offshore Gaming Operators (POGO), na ang subpoena para sa mga dokumentong pinansyal ni dating presidential spokesperson Harry Roque ay nakabatay sa interes ng publiko.

"[The] right to public information that affects the national interest must prevail over right to privacy in an inquiry in aid of legislation," saad niya.

Binigyang-diin din ng mambabatas na nais lamang ng House quad committee na sagutin ni Roque ang mga tanong mula sa mga miyembro nito.