Reklamo sa gobyerno, puwedeng text na lang

ni Thea Janica Teh | November 25, 2020

Maaari nang i-text ng mga concerned citizens ang kanilang hinaing at suhestiyon sa pamahalaan nang libre, ayon sa Malacañang ngayong Miyerkules.

Sa inilabas na pahayag ni Presidential Spokesperson Harry Roque, sinabi nito na idinagdag ng Office of the President ang text service platform na 8888 Citizen’s Complaint Center (8888 CCC) upang malaman ang hinaharap na problema ng mga simpleng mamamayan.

Aniya, “Citizens can now simply text 8888 from both Globe and Smart and their affiliate telcos and raise their concerns, complaints and grievances on graft and corrupt practices by government officials and employees and slow and inefficient delivery of government services and requests for government assistance, free of charge.”

Dagdag pa nito, one text away na lamang ang pagsumbong sa mga korap, tamad at walang kakayahang maging opisyal sa gobyerno.

Roque: PhilHealth, buwagin, palitan na!

ni Twincle Esquierdo | September 4, 2020

Nagpasalamat ang Malacañang sa alok ng House Panel na dagdag- kapangyarihan kay Pangulong Rodrigo Roa Duterte upang matugunan ang problema sa Philhealth.

Gayunman, pag-aaralan muna ng Palasyo ang mga detalye tungkol sa dagdag na kapangyarihan para sa pangulo, ayon kay Presidential Spokesman Harry Roque.

Sa isang panayam, sinabi ni Roque, “We welcome the willingness of the House of Representatives to give such emergency powers to the president, pero hindi po ako makapagkomento kasi hindi ko pa nakikita kung ano talaga iyong rekomendasyon ng Mababang Kapulungan.”

“Pag-aaralan po natin kung kinakailangan talaga iyang emergency powers na iyan. Sa ngayon po, tayo naman po ay may sapat na kapangyarihan bilang isang commander-in-chief ang ating presidente.”

Isang joint congressional committee ang nagrekomenda na bigyan ng emergency powers si Pangulong Duterte para maisaayos ang nangyayaring katiwalian sa Philhealth.

Maaalalang nagsumite si House Committee on Public Accounts Chairman Mike Defensor ng “Emergency Powers Act” tungkol sa issue ng Philhealth at nabanggit din ni Roque na talagang desidido ang Kongreso para matulungan ang pangulo ngunit pinag-aaralan pa nila ang nilalaman ng proposisyon na ito.

Aniya pa, “Beyond theory, the president has the powers that he needs to address the problems of the situation pero nagpapasalamat kami sa suporta na ipinapakita ng mga supporters at kaalyado ni Presidente.”

Ayon kay Roque, kung siya umano ang masusunod ay mas mainam na buwagin na ang Philhealth at palitan ng National Health Service base sa orihinal na Universal Health Care Law Bill. Kung mabubuwag ito ay madaling maaalis sa posisyon ang mga kurakot.

Hinihintay pa umano ng pangulo ang resulta ng isinasagawang imbestigasyon ng task force sa mga alegasyong nangyari sa Philhealth.

“The President will respect the findings of his own task force because it is composed of individuals not only with the required qualification to determine culpability but also the powers precisely to determine this kind of culpability, dahil kasama po diyan ang Ombudsman at saka Civil Service Commission,” sinabi ni Roque.

VP Leni: Diskarte ng gobyerno sa COVID-19, nakakaalarma na

ni Twincle Esquierdo | August 30, 2020

Tinawag na “bothering” ni VICE President Leni Robredo ang national government dahil tila kampante ito sa pagtugon sa COVID-19 pandemic.

Sa kanyang weekly radio show binanggit niya ang reaksiyon ni Presidential spokesperson Harry Roque na mariing hindi sumang-ayon sa kanyang sa kanyang public address kung saan pinintasan niya ang gobyerno dahil sa tila wala itong ginagawa sa pagtugon sa COVID-19 sa buong bansa.

Saad niya, “Pero iyong nakaka-bother dito, Ka Ely, halimbawa iyong reaksyon ni Secretary Roque doon sa ating public address, parang kuntento na kasi—alam mo iyong pamahalaan parang kuntento na sa ginagawa, Iyon iyong mas nakakapag-alala na galit sila kapag sinabihan silang kulang iyong response. At kapag sinabihan mong kulang iyong response, sasabihin nila parang sinisiraan sila,”

“Iyong sa akin lang, kapag ganitong krisis, lalo na kapag buhay at kalusugan ng tao iyong

nakataya, mas mabuti talaga, Ka Ely, iyong pag-respond natin maagap. Ang pag-respond natin hindi nakukuntento. Kasi kapag kuntento na tayo, kahit iyong numero hindi nagsasabing maayos, iyon iyong mahirap. Kasi hindi na tayo nag-i-improve, eh. Kasi pakiramdam natin napakahusay na natin,”

Noong Hulyo nagpadala ng listahan si Vice President Robredo kung papaano masusugpo ang COVID-19 pandemic. Dahil ayon kay Roque tinatanggap ng palasyo ang anumang rekomendasyon ngunit ayon ky Bise Presidente ay walang nagbago at ang lahat ng kanyang panukala ay naipatupad na.