VisMin Cup, Pro League na, unang planong amateur

ni Gerard Peter - @Sports | February 19, 2021

Hindi na mahihirapan pang matupad ang pangarap ng mga lokal at homegrown basketball players mula sa Visayas at Mindanao sa pagpasok ng bagong professional league sa bansa – ang VisMin Super Cup. Nagsimulang pinlano ang amateur league sa Visayas at Mindanao noong isang taon, ngunit dahil sa matinding pinsala ng Covid-19 ay naisalin sa pagiging ligang propesyunal dahil sa tulong ng Games and Amusement Board (GAB).

“It was supposed to be an amateur league, pero dahil sa inabot ng Covid-19, and many players, referees and officials ang walang hanapbuhay, we make a gamble to put it into pro. Worth it naman ang pagiging pro under GAB,” pahayag ni league COO Rocky Chan, kahapon ng umaga sa weekly TOPS: Usapang Sports webcast. “This league is made to discover new talents and generate jobs to all, most specially in the south, and at the same time promote sports tourism in the region. We’re not here to compete against other pro or basketball leagues. Ang daming players pero limited lang ang nakakalaro. This will also add to another platform na may mapaglaruan at may trabaho sa lahat,” dagdag ni Chan sa programang hatid ng Philippine Sports Commission (PSC), GAB at Philippine Amusement and Gaming Corp. (PAGCOR)

Ilalagay sa magkahiwalay na bubble format ang tig-anim na koponan sa Visayas at Mindanao, kung saan sisimulan ang mga laro sa Abril 9 sa “The Big Dome” ng municipality ng Alcantara, Cebu na lalahukan ng ARQ Builders Lapu-Lapu Heroes, MJAS Zenith-Talisay City Aquastars, Kiboy’s Computer Solutions-Manaue City Megabytes, XUR Homes Realty-Eastern Samar, Danao City at isa pang koponan.

Pagpipilian sa pagitan ng Zamboanga City na may team na Valientes at Zamboanga del Norte at ang dalawang teams na Roxas Vanguards at Sindangan kung sino ang magiging host ng Mindanao leg, na may koponan din mula Pagadian Explorers at dalawa pang teams.

Ayon kay league Ambassador at ex-PBA player at legend Don-Don Hontiveros na patuloy na susunod sa ginawang Joint Administrative Order (JAO) ng GAB, health department at PSC mula sa kautusan ng IATF-EID ang kanilang liga para panatilihing ligtas ang bubble type set up. “We’re still following and implementing the JAO order. Make sure that we are abiding the health and safety protocols of the IATF for the security of all the players, staff, and officials,” saad ni Hontiveros, at aniya ay magsasagawa ng RT-PCR testing at testing every two weeks sa players ng liga na inagapayan ng MDC official ball ng lga para sa monitoring.

Tatapusin muna ang Visayas Leg para sa double round robin elims at kukunin ang Top 2 teams, habang maglalaban ang apat na nalalabing teams at hawak ng 3 at 4 ang twice-to-beat advantage. Ang mananalo ay tatapat sa top 2 teams at ang magkakampeon ay ang makakakuha ng titulo sa Mindanao leg. Inaasahang sisimulan ang Mindanao leg sa 2nd week ng Mayo sa parehong format ng Visayas leg.

Mabibigyan ng playing time ang mga homegrown talents sa bawat koponan na inobligang maglaan ng 3 manlalaro mula mismo sa kanilang lungsod. “Yung tatlo from the regions, hindi puwedeng display lang, may playing time sila. ‘Di puwedeng walang homegrown sa loob ng court para maglaro. It’s their chance na mapapanood ng mga kababayan nila 'yung mga inidolo nila sa city nila,” wika ni league secretary-general coach Chelito Caro.

Nakahanda namanang munisipalidad ng Alcantara sa lahat ngkaligtasan ng liga pagdating sa kalusugan at peace and order sa 5th class municipality habang iisa lang ang aktibong kaso ng Covid-19 sa kanilang ospital. “We are a very small municipality with only 17,000 constituent and around 26 police officers ready and active, also together with our barangay (9). We are proud to say we are zero crime rate and very peaceful,” sabi ni Alcantara Mayor Fritz Lastimoso, na handa umano sila sakaling may magka-COVID saliga at ilalagay agad sa isolation center. “Our gym was already under rehabilitation on constructing a dugout and under classification of GAB. As soon na mag-start na ang games, we will cordoned the gymnasium,” dagdag ng local official at hindi muna papayagang makapanood ang fans upang mapanatili ang kaligtasan ng lahat.

National boxers, sasanayin sa Thailand para sa Olympic Q'fying

ni Gerard Peter - @Sports | February 17, 2021

Target ng Association of Boxing Alliances in the Philippines (ABAP) na makalipad patungong bansang Thailand sa katapusan ng Pebrero o unang linggo ng Marso upang doon ipagpatuloy ang isinasagawang paghahanda at pagsasanay para sa nalalapit na World Olympic qualifying tournament sa Hunyo sa Paris, France.

Inihayag ni women’s national head coach Nolito “Boy” Velasco na patuloy na nakikipag-usap ang pamunuan ng ABAP, higit na si secretary-general Ed Picson sa mga opisyales ng boxing federation ng Thailand upang mahanapan ang mga national pugs ng mapagsasanayan, dahil aminado ang mga ito na maraming mga makaka-sparring ang mga boksingero sa naturang lugar.

“Ang gustong mangyari nila sir (Ed at Ricky Vargas, ABAP President) ay as soon as possible para makahabol kami du'n bago magkatapusan ng February or 1st week of March,” pahayag ni Velasco sa PSC Hour sa Radyo Pilipinas 2 noong Biyernes. “’Yun talaga ang plano, kaya wala namang tigil silang kaka-contact sa mga official du'n para matanggap tayo para pagdating natin doon, dahil alam naman natin na maraming proseso bago pa tayo makapag-training sa kanila eh.”

Inilahad din ni Velasco na unang plano ng ABAP na dalhin ang koponan sa Europa at U.S, ngunit dahil sa patuloy na pagtaas sa bilang ng mga kaso ng Covid-19, kabilang din umano ang matagal na quarantine at protocols na maaaring tumagal ng halos 1 buwan.

Ikinuwento rin ng national coach na maganda ang nagiging resulta ng pagsasanay na ginagawa ng mga boksingero sa loob ng bubble camp training sa Inspire Sports Academy sa Calamba, Laguna kabilang sina 2021 Tokyo Olympics-bound Irish Magno, hopefuls 2019 AIBA world champion Nesthy Petecio at SEAG medalist Riza Pasuit, kasama ang mga sparring partners na sina dating AIBA world titlist at 5-time SEAG gold medalists Josie Gabuco, biennial meet medalist Aira Villegas at Claudine Veloso.

Laro ng Gilas Pilipinas sa FIBA Asia Cup, kanselado

ni Gerard Peter / VA - @Sports | February 13, 2021

Bunsod ng patuloy na pagtaas sa kaso ng coronavirus disease (COVID-19) sa mga bansa sa Middle East, opisyal nang kinansela ang nakatakdang Doha bubble para sa third window ng 2021 Fiba Asia Cup qualifiers.

Nauna na ring naglabas ng mensahe ang Saudi Basketball Federation sa kanilang social media account na nagsasabing ikakansela na ang mga larong may kinalaman sa Saudi Arabia, Qatar, Syria at Iran na nasa Group E, base umano sa inilabas na paumanhin ng Qatari Federation hinggil sa kanilang hosting. The SBP is saddened by the development especially because we know the kind of work that our Gilas Pilipinas Men’s pool has done in Calamba,” wika ni Panlilio sa kanyang statement. “The players and coaching staff have all sacrificed so much in this process as they’ve been apart from their families to represent the Philippines against South Korea and Indonesia. We are looking forward to seeing them perform because we know that a lot of Filipinos draw inspporation from them as well during these difficult times,” dagdag ni Panlilio na tumatayo ring PLDT Chief Revenue Officer at Smart President and Chief Executive Officer.

Nito ring nagdaang Martes ay kinumpirma ng FIBA Regional Office Asia sa Beirut, Lebanon na ipagpapaliban na ang laban sa pagitan ng Hong Kong at Guam sa Bahrain, Manama sa Pebrero 19 at 21 dahil naman sa paghihigpit sa pagpapapasok ng Bahrain sa kanilang bansa. “FIBA Regional Office Asia has confirmed that the FIBA Asia Cup 2021 Qualifiers games between Hong Kong and Guam scheduled to take place in Manama, Bahrain on February 19 and 21 have been postponed due to restrictions imposed by the Bahrain authorities,” ayon sa FIBA website.

Gayunpaman, itutuloy pa rin umano ang nakatakdang laban sa pagitan ng New Zealand at Australia sa Pebrero 20 sa Cairns, Australia. “The other Group C game between New Zealand and Australia will take place as scheduled on February 20 in Cairns Australia. The status of those games will be decided at a later stage.

Isa rin sa mga koponang nakatakda sanang magtungo ng Doha ang Gilas Pilipinas para maglaro sa huling yugto ng qualifiers sa Pebrero 18 - 23 na magtatalaga kung sinu-sino ang mga makakapasok sa continental tilt sa Agosto. Sa darating na Sabado na ang nakatakdang pag-alis ng Philippine men's basketball team ngunit hanggang noong isang araw habang sinusulat ang balitang ito ay wala pa silang natatanggap na komunikasyon mula sa FIBA kung tutuloy pa sila o hindi. Pero kahapon ay kinumpirma na ito ng Samahang Basketbol ng Pilipinas.

Inilahad na ang official statement mula sa FIBA hinggil sa estado ng nasabing 3rd window games. Ang kanselasyon sa Doha bubble ay nakaapekto sa tatlong grupo sa qualifiers. Ang mga ito ay ang Group A na kinabibilangan ng Gilas, Korea, Thailand at Indonesia; ang Group B, na binubuo ng China, Japan, Chinese Taipei at Malaysia at ang Group E na kinabibilangan ng Iran, Syria, Saudi Arabia, at ng host Qatar.

Nauna rito, nagsabi ng hindi makakalaro ang Chinese Taipei at Malaysia dahil pinag-iingatan nila ang kalusugan ng kanilang teams.