Binti ni McGregor, nabali, na-TKO ni Poirier

ni MC / Gerard Peter - @Sports | July 12, 2021

Tinalo ni American brawler Dustin Poirier si Conor McGregor via technical knockout sa kanilang trilogy fight na ginanap sa Las Vegas matapos mabali ang binti ng Irish fighter bago matapos ang opening round.

Opisyal na pinahinto ng doktor ang laban pagtapos ng first round matapos sumablay ang suntok ni McGregor at matumba patalikod kung saan naipit ang kanyang binti sa gilid ng octagon.

Agad naman dinaluhong ni Poirier ang walang kalabang-labang si McGregor, pinaulanan niya ito ng suntok at elbows hanggang ma-save si McGregor ng bell sa harap ng capacity crowd sa T-Mobile arena. “He fractured it on one of the checks at the beginning of the fight, then it broke on a punch, for sure,” wika ni Poirier sa post-fight interview ni Joe Rogan. “I pointed at him at the beginning of the fight, that's when I checked a kick, that's when it cracked.”

"This guy was saying he was going to murder me and kill me. I am going to leave here in a coffin," ani Poirier. "You don't talk to people like that. I hope this guy gets home safe to his beautiful family."

Ayon kay McGregor, may pangyayari talagang hindi mo inaasahan dahil hindi ito inexpect niyang magiging katapusan ng kanilang trilogy. Dahil sa pangyayari, inaasahang magkakaroon pa ng pang-apat na laban.

Sa kabilang banda, halatang hindi naging masaya o kontento sa laban si McGregor na ipinagdiinang ang desisyon ng kanilang laban ay doctor’s stoppage at hindi gaya ng inihatol na technical knockout. “I was boxing the bleeding head off him, kicking the bleeding leg off... this is not over,” wika naman ni McGregor kay Rogan. “If we have to take this outside for him, it's all outside, I don't give a bollocks!”

Ayon kay UFC President Dana White, nakatakdang operahan agad si McGregor ngayong umaga at nagpahatid ito ng malaking balita na tila hindi pa tapos ang naturang bakbakan sa oras na makabalik na muli sa magandang kalusugan si McGregor.

Misamis, naka-unang panalo; Iligan babawi sa Vismin Cup

ni Gerard Peter - @Sports | July 12, 2021

Nasungkit ng Misamis Oriental Brew Authoritea ang unang panalo nito kasunod ng come-from-behind victory laban sa wala pa ring panalong Iligan City Archangels, 69-64, sa pagpapatuloy ng aksyon sa elimination round ng Chooks-to-Go Pilipinas Vis-Min Super Cup Mindanao division, Linggo ng hapon sa Provincial Gymnasium sa Ipil, Zamboanga Sibugay.

Mula sa 42-52 na kalamangan ng Archangels sa pagsisimula ng huling period, nagsimulang magtulong-tulong ang mga manlalaro ng Brew Authoritea upang paunti-unting ibaba ang kalamangan, hanggang sa tuluyang maagaw ito sa 6:14 sa 55-54 mula sa dalawang isinalpak na freethrows ni Francis Munsayac.

Dito hindi na hinayaan pa ng Misamis Oriental na mawala pa ang pagkakataon na panatilihin ang kalamangan matapos ang 10-puntos na abante ng Archangels. Pumukol ng magkakasunod na puntos sina Jayson Ballesteros, Ivan Meca, Joseph Sedurifa, at Munsayac para agawin ang leading score. Inunti-unting mas iangat pa ng Brew Authoritea ang kalamangan mula kina Reil Cervantes, Mark Sarangay, Sedurifa at Paul Sanga upang tuluyang kunin ang unang panalo.

“Iligan is younger than us. Hindi tayo pwedeng makipagsabayan sa kanila. I hope my players didn't get insulted pero sabi ko you are veterans, you are experienced, but you are not young anymore,” pahayag ni MisOr head coach Vis Valencia.

Nanguna sa opensa ng MisOr si Sedurifa na may game-high 16 points habang sumegunda si Andrew Estrella sa 13 puntos. Nanguna para sa Archangel si Wilson Baltazar sa 15 puntos, gayundin sina Arben Dionson sa 12 pts at Joel Lee Yu sa 10 pts.

Sunod na haharapin ng Brew Authoritea ang JPS Zamboanga City sa Sabado ng 2:00 ng hapon, habang target ng Iligan na makabawi sa Miyerkoles laban sa ALZA-Alayon 2:00 p.m.

Obiena at Watanabe, Olympic flag bearers

ni Gerard Peter - @Sports | July 10, 2021

Magsisilbing flag bearer’s ng bansa sa 2020+1 Tokyo Olympics sina men’s pole vaulter Ernest “EJ” Obiena at 4-time SEA Games women’s judoka gold medalist Kiyomi Watanabe sa pinasimpleng opening parade kasama ang ilang piling official.

Inihayag ni Philippine Olympic Committee (POC) President Abraham “Bambol” Tolentino ang pagpili sa dalawa ayon sa “Flight Availability” patungong Tokyo, Japan.

Ang 24-anyos na Fil-Jap ay nasa mismong bansa, habang si Obiena ay patungo na sa Japan mula Rome, Italy sa Hulyo 22. “All 19 athletes are qualified to be flag bearers, but we based the selection on the flight availability, whoever is in Tokyo, and also the schedules of their games and practices,” pahayag ni Tolentino.

Nauna ng tinanggihan ni Olympic bound Caloy Yulo mula sa mensahe ni Gymnastics chief Cynthia Carrion ang naturang task dahil mauuna itong sasabak sa preliminary qualification kabilang ang paboritong Floor Exercise event. “Thank you President Bambol! Our athlete Kiyomi and this NSA is very much honored. This is the first time that Judo was made flagbearer. Very fitting that Judo now celebrates its FIRST PINAY Judo Olympian! Mabuhay po kayo!” pahayag ni Philippine Judo Federation (PJF) head David Carter Carter sa mensahe nito sa Bulgar Sports sa Viber messaging.

Sinabi rin ng 57-anyos na pinuno ng Integrated Cycling Federation of the Philippines (PhilCycling) na limitado ang mga dadalo at ang flag bearers at 6 na opisyales lang ang paparada para sa Pilipinas dahil sa COVID-19 protocols. Pipiliin naman sa 19 na national athletes ang magiging flag bearers sa closing ceremony matapos ang Hulyo 24-Agosto 8 na bakbakan.

Samantala, bukod sa matatanggap na financial reward ng gobyerno mula sa Republic Act 10699, sa magwawagi ng gold, silver at bronze medals sa Olympics na na may halagang P10-M, P5-M at P2-M, ayon sa pagkakasunod, maaari ring pantay na cash rewards ang igagantimpala ng MVP Sports Foundation (MVPSF).