NCR, GCQ "with heightened restrictions" pa rin

ni Ronalyn Seminiano Reonico | July 29, 2021

Palalawigin ang pagsasailalim sa Metro Manila sa General Community Quarantine (GCQ) "with heightened restrictions" simula sa Agosto 1 hanggang 15 matapos aprubahan ni Pangulong Rodrigo Duterte ang rekomendasyon ng Inter-Agency Task Force on Emerging Infectious Diseases (IATF-EID).

Ayon kay Presidential Spokesperson Harry Roque, mananatili naman sa ilalim ng enhanced community quarantine (ECQ) classification ang Iloilo City at Iloilo province sa Region 6, at Cagayan de Oro City at Gingoog City sa Region 10 simula sa Agosto 1 hanggang Agosto 7.

Isasailalim naman sa modified enhanced community quarantine (MECQ) classification ang Ilocos Norte sa Region 1; Bataan sa Region 3; at Lapu-Lapu City at Mandaue City sa Region 7 simula sa August 1 hanggang August 15. Samantala, bukod sa Metro Manila, ipapatupad din ang GCQ "with heightened restrictions" sa mga sumusunod na lugar: Ilocos Sur sa Region 1; Cagayan sa Region 2; Bulacan sa Region 3; Laguna, Lucena City, Cavite at Rizal sa Region 4-A; Naga City sa Region 5; Antique, Aklan, Bacolod City at Capiz sa Region 6; Negros Oriental sa Region 7; Zamboanga del Sur sa Region 9; Misamis Oriental sa Region 10; Davao City, Davao del Norte, Davao de Oro at Davao Occidental sa Region 11; at Butuan City sa CARAGA.

Isasailalim naman sa GCQ sa kabuuan ng buwan ng Agosto ang mga sumusunod na lugar: Baguio City at Apayao sa Cordillera Administrative Region; City of Santiago, Isabela, Nueva Vizcaya at Quirino sa Region 2; Quezon at Batangas sa Region 4-A; Puerto Princesa sa Region 4-B; Guimaras at Negros Occidental sa Region 6; Zamboanga Sibugay, City of Zamboanga at Zamboanga del Norte sa Region 9; Davao Oriental at Davao del Sur sa Region 11; General Santos City, Sultan Kudarat, Sarangani, North Cotabato at South Cotabato sa Region 12; Agusan del Norte, Surigao del Norte, Agusan del Sur, Dinagat Islands at Surigao del Sur sa CARAGA at Cotabato City sa Bangsamoro Autonomous Region in Muslim Mindanao.

Samantala, ang iba pang mga lugar sa bansa ay isasailalim sa Modified GCQ sa kabuuan ng buwan ng Agosto.

Metro Manila, isinailalim sa GCQ “with heightened restrictions”

ni Ronalyn Seminiano Reonico | July 23, 2021

Inaprubahan na ni Pangulong Rodrigo Duterte ang rekomendasyon ng Inter-Agency Task Force (IATF) na isinailalim sa general community quarantine (GCQ) “with heightened restrictions” ang Metro Manila simula ngayong araw, July 23 hanggang sa July 31, ayon kay Presidential Spokesperson Harry Roque.

Isinailalim din sa GCQ “with heightened restrictions” ang mga probinsiyang: Ilocos Norte, Ilocos Sur, Davao De Oro, at Davao Del Norte.

Ang Davao Del Sur naman ay isinailalim sa GCQ mula sa modified ECQ classification, simula rin ngayong araw hanggang sa July 31, ayon kay Roque.

Samantala, isinama na rin ang Malaysia at Thailand sa ipinatutupad na travel ban dahil sa mataas na kaso ng COVID-19.

Saad pa ni Roque, “Inaprubahan po ng ating presidente na ang lahat po ng mga biyahero na galing sa Malaysia or Thailand or mayroong history of travel sa Malaysia o Thailand sa nakalipas na 14 days ay hindi po puwedeng papasukin ng Pilipinas. Ito po ay magsisimula nang 12:01 AM of July 25 hanggang 11:59 PM ng July 31.”

Bagong quarantine classifications sa iba't ibang lugar, aprub na kay P-Du30

ni Ronalyn Seminiano Reonico | June 29, 2021

Inaprubahan na ni Pangulong Rodrigo Duterte ang rekomendasyon ng Inter-Agency Task Force on emerging infectious diseases (IATF-EID) na quarantine classifications sa iba’t ibang bahagi ng bansa ngayong darating na buwan ng Hulyo.

Inirekomenda ng IATF na isailalim ang NCR Plus na binubuo ng Metro Manila, Bulacan, Cavite, Laguna at Rizal sa general community quarantine (GCQ) “with restrictions” hanggang sa July 15.

Ayon kay Presidential Spokesperson Harry Roque, inaprubahan na ni P-Duterte na ipatupad ang GCQ “with some restrictions” sa Metro Manila, Rizal, at Bulacan habang GCQ “with heightened restrictions” naman sa Laguna at Cavite.

Papairalin naman ang modified enhanced community quarantine (MECQ) sa Cagayan, Apayao, Bataan, Lucena City, Puerto Princesa, Naga City, Iloilo City, Iloilo, Negros Oriental, Zamboanga Del Sur, Zamboanga Del Norte, Cagayan De Oro City, Davao City, Davao Oriental, Davao Occidental, Davao De Oro, Davao Del Sur, Davao Del Norte, Butuan City, Dinagat Islands, at Surigao Del Sur.

Isasailalim din sa GCQ ang Baguio City, Ifugao, City of Santiago, Isabela, Nueva Vizcaya, Quirino, Batangas, Quezon, Guimaras, Aklan, Bacolod City, Negros Occidental, Antique, Capiz, Zamboanga Sibugay, City of Zamboanga, Iligan City, General Santos City, Sultan Kudarat, Sarangani, Cotabato, South Cotabato, Agusan del Norte, Surigao del Norte, Agusan del Sur, at Cotabato City.

Modified GCQ naman ang paiiralin sa iba pang bahagi ng bansa.