Frontline workers, bagong lahi ng mga bayani – P-Duterte

ni Lolet Abania | August 30, 2021

Nagbigay ng parangal si Pangulong Rodrigo Duterte sa mga frontline workers sa gitna ng patuloy na pakikipaglaban ng mga ito kontra-COVID-19, na tinawag niyang modern day heroes kasabay ng kanyang mensahe para sa pagdiriwang ng National Heroes’ Day ngayong Lunes.

Ayon kay Pangulong Duterte, ang mga bagong lahi ng mga bayani ay mga health workers, uniformed personnel, government employees, at frontliners mula sa mga essential industries.

“For selflessly risking their lives to ensure the survival of our society, I can confidently say they have more than earned their rightful place in the pedestal of heroes,” ani P-Duterte.

“Let us consecrate this day not just as a memorial to their extraordinary heroism, but as enduring testament to our inherent capacity to rise above self-interest to fight for a cause far greater than our own,” dagdag niya.

Ngayong Lunes nang umaga, isinagawa ni Pangulong Duterte ang paggunita ng National Heroes’ Day sa Fort Bonifacio sa Taguig City.

Sa naturang ceremony, pinarangalan ng Punong Ehekutibo ang mga natatanging sakripisyong ginawa ng ating mga ninuno upang ipaglaban ang ating kalayaan at demokrasya.

“May we all learn from the valiant example of the past and present heroes and build on them to achieve a stronger future for all,” sabi pa ni P-Duterte.

Frontliners, ikinumpara ni Pangulong Duterte sa mga sundalo

ni Mary Gutierrez Almirañez | April 9, 2021

Nagbigay-pugay si Pangulong Rodrigo Duterte sa mga magigiting na Pilipinong nagbuwis ng buhay para sa bayan sa kanyang speech ngayong Araw ng Kagitingan, Abril 9.

Inihalintulad niya ang pakikipagdigma ng mga sundalo sa pakikipaglaban ng mga frontliners sa COVID-19 upang malagpasan ang lumalaganap na pandemya.

Aniya, “As we continue to overcome the COVID-19 pandemic, we take a moment to honor the fortitude displayed by our selfless and dedicated frontliners whose unrelenting commitment in this fight reflects the heroism of the warriors of Bataan that continues to inspire in us a greater sense of patriotism and solidarity during these trying times.”

Dagdag pa niya, “The valor of our forebears, which was exhibited during the defense of Bataan almost eight decades ago, has left an indelible mark in our history and shaped our indomitable spirit to rise after every fall.”

Sa ngayon ay isinasailalim pa rin sa enhanced community quarantine (ECQ) ang buong NCR at mga karatig nitong lalawigan dulot ng patuloy na pagtaas ng kaso ng COVID-19.

Batay pa sa huling tala ng Department of Health, umabot na sa 14,119 ang mga pumanaw dahil sa virus kabilang na ang mga frontliners.

“May this awareness resonate among us as we strive to become worthy heirs to the nation that they fought and bled for,” sabi pa ng Pangulo.

Giit naman ni Defense Secretary Delfin Lorenzana, “Sa kabila ng ating mga kinakaharap na pagsubok bilang isang bansa, walang pasubali ang kagitingan na ating nasasaksihan mula sa ating mga kababayan na katuwang natin sa paglaban sa kasalukuyang pandemya.”

Inaasahan na sa pagtatapos ng ECQ ay mapipigilan nito ang mabilis na hawahan, kung saan mahigit siyam na libong indibidwal ang nagpopositibo kada araw.

146 frontliners ng Phil. Orthopedic Center at 20 frontliners sa Antipolo, nagka-Covid

ni Mary Gutierrez Almirañez | April 6, 2021

Nagpositibo sa COVID-19 ang 146 na doktor, nurse at empleyado ng Philippine Orthopedic Center, ayon sa officer in-charge na si Dr. John Andrew Michael Pengson ngayong umaga, Abril 6.

Batay sa tala ng ospital, tinatayang 39 ang doktor na nagpositibo, habang 36 naman ang mga nurses, at 71 ang mga non-medical o non-nursing employees.

Ayon pa kay Dr. Pengson, karamihan sa mga nagpositibo ay mga asymptomatic o may mild symptoms ng COVID-19 kaya pansamantala nilang isinara ang Outpatient Department ng ospital, ngunit nananatili namang bukas ang kanilang emergency room.

Kaugnay nito, mahigit 20 medical frontliners din ang nagpositibo sa Rizal Provincial Hospital System Annex 2 sa Barangay Dalig, Antipolo City kaya isang linggong isasarado ang pasilidad ng COVID Emergency room at Non-COVID Emergency room ng nasabing ospital upang isagawa ang disinfection at mapaigting ang contact tracing sa naging close contact ng mga nagpositibo.

Nakuha umano ng mga nagpositibong frontliners ang virus mula sa ilang pasyente na hindi nagsasabi ng tunay nilang health conditions sa kadahilanang natatakot sila at iniisip na pangkaraniwang ubo, sipon at lagnat lamang ang kanilang nararamdaman.

Sa ngayon ay nag-abiso na ang lokal na pamahalaan sa mga pasyente na pumunta muna sa ibang ospital tulad ng Rizal Provincial Hospital System Annex 1, Annex 3 at Annex 4. Nananawagan din sila sa mga pasyente upang ideklara ang tamang health condition para hindi na kumalat ang virus.

Base sa huling tala ng Antipolo, umabot na sa 577 ang aktibong kaso ng COVID-19, kung saan 69 ang nagpositibo nitong Lunes. Sa kabuuang bilang ay 5,912 na ang naitala simula noong nakaraang taon, habang 5,198 ang gumaling at 137 ang pumanaw.