Duque, bayani sa paglaban sa COVID… 'Pinas, mas oks pa rin kumpara sa ibang bansa — P-DU30

ni Ronalyn Seminiano Reonico | May 4, 2021

Sa kabila ng patuloy na paglobo ng kaso ng COVID-19, para kay Pangulong Rodrigo Duterte ay “hero” ng Pilipinas si Department of Health (DOH) Secretary Francisco Duque III kaugnay ng pakikipaglaban ng bansa sa pandemya.

Sa taped public briefing, saad ni P-Duterte, “Compared with other countries, which is not the time to make comparisons, we’re doing good in the fight against COVID. And Secretary Duque is the hero there.”

Samantala, matatandaang marami ang kritiko at bumabatikos laban kay Duque hindi lamang dahil sa patuloy na pagtaas ng kaso ng COVID-19 sa bansa, kundi maging sa mga alegasyong anomalya sa Philippine Health Insurance Corporation (PhilHealth).

Pahayag naman ni Senator Panfilo Lacson sa kanyang tweet, “He said that the Philippines is doing good in the fight against COVID-19 and called his health secretary a ‘hero.’ What he really meant was ‘hilo.’”

COVID cases, tuloy sa paglobo… ‘Pinas, matutulad sa India — Duque

ni Ronalyn Seminiano Reonico | April 30, 2021

Posibleng matulad ang Pilipinas sa India na patuloy ang paglobo ng kaso ng COVID-19 araw-araw kung hindi susunod ang mga Pilipino sa mga ipinatutupad na health protocols at kung hindi mapaiigting ang pandemic response ng pamahalaan, ayon kay Department of Health (DOH) Secretary Francisco Duque III.

Saad ni Duque sa panayam ng ANC ‘Headstart’, “Kapag hindi tayo sumunod doon sa ating minimum public health standards [and] if we do not intensify our COVID-19 pandemic response, like what has happened in India and also in some other countries where the second or third waves are being experienced, that is a big possibility.”

Maaari rin umanong makakuha ng leksiyon o matuto ang mga Pilipino sa sitwasyon ng India at iba pang bansa.

Aniya pa, “This is a lesson we all have to learn from what’s happening in other countries, we cannot dig our heads into the sand and make it appear that we’re doing okay all the time. There’s always ways of doing things better. It’s very dynamic, every day you have to read, every day you have to watch out for what’s happening, what are the best practices, what are the practices that are worth avoiding or making sure we avoid such measures that don’t work.”

Ayon din kay Duque, kailangan ng pagkakaisa ng publiko at pamahalaan upang malabanan ang COVID-19 pandemic.

Saad pa ni Duque, “At the end of the day, we just have to work together and the whole world is in a crisis. Everybody is really reeling from this pandemic. But we must stand in solidarity with each other in this fight against the pandemic. The war against COVID is really on the shoulders of every person so it cannot just be the work of the national government, local government, private sector, etcetera.”

Samantala, ngayong araw ay nakapagtala ang bansa ng 8,748 karagdagang kaso ng COVID-19 at ang kabuuang bilang sa buong bansa ay umabot na sa 1,037,460 cases.

COVID-19 vaccines, babawiin sa probinsiya

ni Mary Gutierrez Almirañez | March 19, 2021

Magkakaroon ng redeployment ng COVID-19 vaccines mula sa mga probinsiya pabalik sa Metro Manila sapagkat tumigil na ang ilang local government units (LGUs) sa pagbabakuna matapos maubos ang mga bakunang nakalaan sa kanila, ayon sa pahayag ni Department of Health (DOH) Secretary Francisco Duque III ngayong umaga, Marso 19.

Aniya, “’Yung mga hindi pa nagagamit sa ibang regions, ipadala na, bawiin. Dalhin lahat sa Metro Manila, para ‘yung mga barangay health workers, 'yung mga healthcare workers doon sa quarantine and isolation facilities, mabigyan. Maghintay-hintay lang either today or tomorrow, magre-redeployment tayo.”

Paliwanag niya, babawiin ang mga ipinamahaging sobrang bakuna sa bawat probinsiya dahil mas kailangan ng Metro Manila ang proteksiyon kontra COVID-19 na silang episentro ng virus.

Tinatayang umabot na sa 640,984 ang kabuuang bilang ng naitalang kaso sa bansa at karamihan sa mga nadagdag na positibo ay na-detect sa NCR. Nananawagan na rin ang ilang alkalde para sa karagdagang suplay ng mga bakuna sa kanilang lungsod.

Ayon pa kay Quezon City Mayor Joy Belmonte, “Kung puwede sana kaming matulungan na makipag-ugnayan. Nawawala ‘yung momentum kasi payag na sila, eh. Happy na sila. Excited na nga silang magpabakuna pero wala naman tayong maibigay na bakuna. Baka naman nasasayang lang po ang ating efforts kung sobra na nating ikinakampanya ang vaccination program and yet, wala tayong maibigay sa kanila.”

Dagdag naman ni Marikina Mayor Macy Teodoro, “Hindi po puwedeng malalaking ospital lamang ang mabigyan ng bakuna kundi lahat ng medical frontliners... Mag-concentrate kung nasaan ‘yung epicenter ng Covid cases, sa ground zero dapat, para ma- contain natin 'yung spread.” Sumang-ayon naman dito si Dr. Guido David ng OCTA Research Team at aniya, dapat munang ilaan ang mga bakuna sa Metro Manila dahil hindi na biro ang sitwasyon sa bansa.

Giit niya, “Hindi na ‘to biro, hindi na ito parang ‘yung dati na ok lang tayo, chill lang tayo. Ngayon, medyo seryoso ‘yung nagiging problema natin. ‘Yun ‘yung reality. Hindi natin puwedeng i-sugarcoat ‘yan na sabihin natin na ok 'yung sitwasyon natin kasi hindi naman. Alam naman ‘yan pati ng mga doctors, alam naman ‘yan na talagang tumataas ‘yung bilang ng mga kaso sa mga ospital.” Sa ngayon ay ilang frontliners na ang nahawa sa virus at patuloy ang hawahan sa loob ng ospital dahil sa lumolobong kaso ng COVID-19 sa Metro Manila.

“Unfortunately nga ho, marami ho sa kanila, nagkakaroon na rin ho ng COVID,” saad pa ni Legal Officer at Makati City Spokesperson Atty. Arthur Camina.